2 Tawarika 3
3
I Salomo wanguo raha-Do i Ue
3:1-14
(1Mok. 6:1-38)
1I Salomo mompu'u wanguo raha-Do i Ue i Yerusale i Torukuno Moria, po'ianga-Do i Ue mepopokita ndi Daudi, amano, a mpo'ianga anu pinakosino i Daudi, onaemo a mpo'ianga ponsesaano i Orinani, to Yebusi. 2Onae mompu'u wanguo raha atuu ia wula anu ko'orua ta'u ko'opaa poparentaano. 3Ndiomo songkano anu pinakosino i Salomo ka iwinangu raha-Do Ue Ala: ondauno nomo pulu hiku, montonda songkano hiku anu tehine ka molueno rua pulu hiku. 4Bolongko i arono bolongko langkai raha atuu, ondauno rua pulu hiku, menunu saru maluano raha atuu ka mantandeno asa etu ka rua pulu hiku. I larono bolongko atuu inapiiako wulaa mpena. 5Bolongko langkai atuu inapiiako keu sanobari anu me'apiiako wulaa motu'a. Ka i'amba monaakono ramba-ramba keu kuruma ka enano rante i wawono. 6Bolongko atuu inapiiako mbo'u podedeno watu paramata anu masuli ka wulaano inso i Parawaimi. 7Luwuno sobono bolongko atuu, montoweano i wawono, luwuno rereno ka pewowano inapiiakono wulaa ka inggorio kerubi a luwuno rereno.
8 #
Pel. 26:33-34
Ka i'amba moweweu bolongko tedoa mempori, ondauno rua pulu hiku, menunu saru maluano raha atuu ka maluano rua pulu hiku mbo'u. Ka i'amba umapiiakono wulaa motu'a anu mobeano nomo etu talenta. 9Luwuno pasono mobeano lima pulu sikala wulaa. Luwuno mbo'u bolongko i wawono i'apiiakono wulaa. 10#Pel. 25:18-20Iweweuo orua kerubi pina'o i bolongko tedoa mempori ka i'apiiakono wulaa. 11Panino orua kerubi atuu luwuno rua pulu hiku ondauno. Panino kerubi anu asa olima hiku ondauno ka dumanggio rereno bolongko, sekono panino anu asa mbali mbo'u olima hiku mbo'u ondauno ka dumanggio panino kerubi anu susua. 12Kanatuu koa mbo'u panino kerubi anu susua olima hiku ondauno ka dumanggio rereno bolongko, sekono panino anu asa mbali mbo'u olima hiku ondauno ka tepodanggi saru panino kerubi anu amba-ambano. 13Gagi panino orua kerubi atuu mepadindi rua pulu hiku ondauno, sekono orua kerubi atuu mentade i wawono karuno ka me'aro a bolongko langkai. 14#Pel. 26:31Ka i'amba moweweu sawu pelingono inso a bana wungo motu'a, wungo mongura, motaha motu'a ka lena alusu, ka i'amba sumulaakono gambara kerubi.
Parewano Raha Mempori
3:15–5:1
(1Mok. 7:15-51)
15I arono raha atuu iweweuo orua keu mentade anu ondauno tolu pulu ka olima hiku saru ulu-uluno i untuno, sompo ulu-uluno olima hiku ondauno. 16Ka i'amba weweuo enano rante anu ipokonao gagi enu-enu i untuno luwuno karuno atuu, ka iweweuo asa etu wua delima anu ipokonao a enano rante atuu. 17Luwuno karuno atuu ipontadeo i arono Raha Mempori, anu asa i koana ka anu susuano i manggali; karuno i koana ineeakono Yakini ka karuno i manggali Boasi.
Currently Selected:
2 Tawarika 3: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
2 Tawarika 3
3
I Salomo wanguo raha-Do i Ue
3:1-14
(1Mok. 6:1-38)
1I Salomo mompu'u wanguo raha-Do i Ue i Yerusale i Torukuno Moria, po'ianga-Do i Ue mepopokita ndi Daudi, amano, a mpo'ianga anu pinakosino i Daudi, onaemo a mpo'ianga ponsesaano i Orinani, to Yebusi. 2Onae mompu'u wanguo raha atuu ia wula anu ko'orua ta'u ko'opaa poparentaano. 3Ndiomo songkano anu pinakosino i Salomo ka iwinangu raha-Do Ue Ala: ondauno nomo pulu hiku, montonda songkano hiku anu tehine ka molueno rua pulu hiku. 4Bolongko i arono bolongko langkai raha atuu, ondauno rua pulu hiku, menunu saru maluano raha atuu ka mantandeno asa etu ka rua pulu hiku. I larono bolongko atuu inapiiako wulaa mpena. 5Bolongko langkai atuu inapiiako keu sanobari anu me'apiiako wulaa motu'a. Ka i'amba monaakono ramba-ramba keu kuruma ka enano rante i wawono. 6Bolongko atuu inapiiako mbo'u podedeno watu paramata anu masuli ka wulaano inso i Parawaimi. 7Luwuno sobono bolongko atuu, montoweano i wawono, luwuno rereno ka pewowano inapiiakono wulaa ka inggorio kerubi a luwuno rereno.
8 #
Pel. 26:33-34
Ka i'amba moweweu bolongko tedoa mempori, ondauno rua pulu hiku, menunu saru maluano raha atuu ka maluano rua pulu hiku mbo'u. Ka i'amba umapiiakono wulaa motu'a anu mobeano nomo etu talenta. 9Luwuno pasono mobeano lima pulu sikala wulaa. Luwuno mbo'u bolongko i wawono i'apiiakono wulaa. 10#Pel. 25:18-20Iweweuo orua kerubi pina'o i bolongko tedoa mempori ka i'apiiakono wulaa. 11Panino orua kerubi atuu luwuno rua pulu hiku ondauno. Panino kerubi anu asa olima hiku ondauno ka dumanggio rereno bolongko, sekono panino anu asa mbali mbo'u olima hiku mbo'u ondauno ka dumanggio panino kerubi anu susua. 12Kanatuu koa mbo'u panino kerubi anu susua olima hiku ondauno ka dumanggio rereno bolongko, sekono panino anu asa mbali mbo'u olima hiku ondauno ka tepodanggi saru panino kerubi anu amba-ambano. 13Gagi panino orua kerubi atuu mepadindi rua pulu hiku ondauno, sekono orua kerubi atuu mentade i wawono karuno ka me'aro a bolongko langkai. 14#Pel. 26:31Ka i'amba moweweu sawu pelingono inso a bana wungo motu'a, wungo mongura, motaha motu'a ka lena alusu, ka i'amba sumulaakono gambara kerubi.
Parewano Raha Mempori
3:15–5:1
(1Mok. 7:15-51)
15I arono raha atuu iweweuo orua keu mentade anu ondauno tolu pulu ka olima hiku saru ulu-uluno i untuno, sompo ulu-uluno olima hiku ondauno. 16Ka i'amba weweuo enano rante anu ipokonao gagi enu-enu i untuno luwuno karuno atuu, ka iweweuo asa etu wua delima anu ipokonao a enano rante atuu. 17Luwuno karuno atuu ipontadeo i arono Raha Mempori, anu asa i koana ka anu susuano i manggali; karuno i koana ineeakono Yakini ka karuno i manggali Boasi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021