2 Tawarika 23
23
1Sine a nta'u ko'opitu, i Yoyada mesiahako ka moweweu tepo'asaa saru luwuno petewawa sorodadu asa etu, onaemo: i Asaria anano i Yerohami, i Isumaila anano i Yohanani, i Asaria anano i Obedi, i Ma'aseya anano i Adaya, ka i Elisapati anano i Sikiri. 2Domesompoo wita Yehuda ka pumpu ira to Lewi inso a luwuno kota i Yehuda saru luwuno petewawa pepe'etuado to Isaraeli. Luwudo me'aiwa i Yerusale. 3#2Sam. 7:12Ka i'amba luwuno bawaa atuu mpoweweu pedandia saru mokole i raha-Do Ue Ala. Motae i Yoyada ndi ondae, ”Ndiomo ana ntamado mokole! Onaemo anu ta moparenta, kana anu Dopauomo i Ue mongkona luwuno anano i Daudi! 4Ndiomo anu asalakono imeweweuo: asa ntia otolu inso ndi omiu anu umariomo anggaano a oleo Saba, moiko sando mpesomba maupo to Lewi, asalakono gagi puu mpodagai pewowa. 5Asa ntia otolu mbo'u asalakono mekongko a langkanaedo mokole, ka asa ntia otolu mbo'u a Mpewowa Langkai Totono, ka luwuno palili asalakono mpepumpu a kintalano raha-Do i Ue. 6Maupo isema nahi moiko mewinsokio raha-Do i Ue, sangkadio sando mpesomba ka to Lewi anu mpo'angga. Ondae moiko dompewinso hangano ondae mempori, sine luwuno palili asalakono mentondao atora-Do i Ue. 7To Lewi asalakono lumimbuo mokole inso a luwuno siuno, singge mia saru parewa mpetea a ngkaeno. Maupo isema anu mewinsokio raha atuu, asalakono pinepate. Sompo dopeluarako ke mewinso si mpo'inee ira mokole asa-asado.” 8To Lewi ka luwuno Yehuda meweweuo mengkena kana anu iparentaako ira sando mpesomba Yoyada. Singge mia umala ira miano anu umari mpo'angga a oleo Saba, meronga saru luwuno mia anu mompu'u mo'angga a oleo atuu, hangano sando mpesomba Yoyada nahi pokomalua ira anu mpebawaa atuu. 9Ka i'amba sando mpesomba Yoyada moweeako ira petewawa sorodadu asa etu atuu kansai, kanta langkai ka kodei anuno mokole Daudi anu kongko i raha-Do Ue Ala. 10Inaa ira luwuno palili, singge mia saru pando a ngkaeno, inso i apano koana hawe i apano manggali raha atuu, lumimbuo meda pontunua pesomba ka raha atuu dumagai ira mokole. 11Umarino atuu i Yoyada ka luwuno anano wawao ana ntamado mokole atuu meluarako. Dompokonaakono songko mokole ka meweeakono songka-Do Ue Ala ndi onae. Dompotoroo gagi mokole ka me'urapio, umarino atuu mpebooli, ”Tuwu iramo mokole!”
12Mansano rumongeo i Atalia palili memaroa mpelulu ka mentotowoo mokole, lumakoomo tepohaweako ira palili atuu a laro raha-Do i Ue. 13Ikitao mokole mentade umpeda karuno langkanaeno a nsala mewinso, kontongaado anu langkai potorono saru luwuno puu pompuuri napiri kongko umpeda ndi mokole. Luwuno palili i wita atuu memawongko ka dompopuuri napiri, kontongaano luwuno puu mpenani saru luwuno parewa mpenanido, wawao penani po'unde-unde, i Atalia berio sangkano ka ipotae, ”Domerontuomo pabawaku, domerontuomo pabawaku!” 14Sine sando mpesomba Yoyada tumena ira mpeluarako luwuno petewawado sorodadu asa etu, onaemo luwuno mia anu gagi petewawado sorodadu, ipotaeako ira, ”Imewawaomo meluarako inso a baresi! Isema anu me'alaako ndi onae asalakono pinepateako ponai!” Hangano sando mpesomba atuu umariomo mepau hieno, ”Si mpepateo i raha-Do i Ue!” 15Ka do'amba merakoo beine atuu. I tempo atuu onae hawe a nsala mewinso a langkanaeno mokole a mpewowa langkai Ngara, pinepateomo i tu'ai.
16Ka i'amba i Yoyada moweweu pedandia i'olodo luwuno palili saru onae ka mokole, nine ondae megagi bawaa-Do i Ue. 17Umarino atuu mpewinso iramo luwuno palili a raha Baala, ka do'amba mpobangkuo; domempehao luwuno meda pontunuano pesomba ka luwuno tinaha pinesombaino ka mepateo i Matani, sando mpesomba Baala i arono luwuno meda pontunua pesomba atuu. 18Ka i'amba i Yoyada meweengakono dagaiano raha-Do i Ue a luwuno sando mpesomba ka to Lewi, anu umarimo itia-tiao i Daudi a laro bawaano dompo'angga i laro raha-Do i Ue, onaemo ka dompopesombaako pesomba tinunu ndi Ondae i Ue, kana teburi a laro wunta Taurano i Musa saru memawongko ka saru penani montonda pontisono i Daudi. 19Inaa ira mbo'u puu mpodagai pewowa a luwuno pewowa langkai raha-Do i Ue, kai maupo a hapamo koa kasi pewinso mia anu mokoburu. 20Umarino atuu i'oluako ira luwuno petewawa sorodadu asa etu, luwuno mia memota'u, luwuno topoparenta palili ka luwuno palili, ka i'amba winawa mokole metii inso i raha-Do i Ue; mpewinso ira a langkanaedo mokole telalo a mpewowa langkai i Wawono, ka i'amba pinontoro mokole a ngkadera poparentaa. 21Memawongko iramo luwuno palili ka rodoomo kota atuu, umarino mate i Atalia pinepateako ponai.
Currently Selected:
2 Tawarika 23: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
2 Tawarika 23
23
1Sine a nta'u ko'opitu, i Yoyada mesiahako ka moweweu tepo'asaa saru luwuno petewawa sorodadu asa etu, onaemo: i Asaria anano i Yerohami, i Isumaila anano i Yohanani, i Asaria anano i Obedi, i Ma'aseya anano i Adaya, ka i Elisapati anano i Sikiri. 2Domesompoo wita Yehuda ka pumpu ira to Lewi inso a luwuno kota i Yehuda saru luwuno petewawa pepe'etuado to Isaraeli. Luwudo me'aiwa i Yerusale. 3#2Sam. 7:12Ka i'amba luwuno bawaa atuu mpoweweu pedandia saru mokole i raha-Do Ue Ala. Motae i Yoyada ndi ondae, ”Ndiomo ana ntamado mokole! Onaemo anu ta moparenta, kana anu Dopauomo i Ue mongkona luwuno anano i Daudi! 4Ndiomo anu asalakono imeweweuo: asa ntia otolu inso ndi omiu anu umariomo anggaano a oleo Saba, moiko sando mpesomba maupo to Lewi, asalakono gagi puu mpodagai pewowa. 5Asa ntia otolu mbo'u asalakono mekongko a langkanaedo mokole, ka asa ntia otolu mbo'u a Mpewowa Langkai Totono, ka luwuno palili asalakono mpepumpu a kintalano raha-Do i Ue. 6Maupo isema nahi moiko mewinsokio raha-Do i Ue, sangkadio sando mpesomba ka to Lewi anu mpo'angga. Ondae moiko dompewinso hangano ondae mempori, sine luwuno palili asalakono mentondao atora-Do i Ue. 7To Lewi asalakono lumimbuo mokole inso a luwuno siuno, singge mia saru parewa mpetea a ngkaeno. Maupo isema anu mewinsokio raha atuu, asalakono pinepate. Sompo dopeluarako ke mewinso si mpo'inee ira mokole asa-asado.” 8To Lewi ka luwuno Yehuda meweweuo mengkena kana anu iparentaako ira sando mpesomba Yoyada. Singge mia umala ira miano anu umari mpo'angga a oleo Saba, meronga saru luwuno mia anu mompu'u mo'angga a oleo atuu, hangano sando mpesomba Yoyada nahi pokomalua ira anu mpebawaa atuu. 9Ka i'amba sando mpesomba Yoyada moweeako ira petewawa sorodadu asa etu atuu kansai, kanta langkai ka kodei anuno mokole Daudi anu kongko i raha-Do Ue Ala. 10Inaa ira luwuno palili, singge mia saru pando a ngkaeno, inso i apano koana hawe i apano manggali raha atuu, lumimbuo meda pontunua pesomba ka raha atuu dumagai ira mokole. 11Umarino atuu i Yoyada ka luwuno anano wawao ana ntamado mokole atuu meluarako. Dompokonaakono songko mokole ka meweeakono songka-Do Ue Ala ndi onae. Dompotoroo gagi mokole ka me'urapio, umarino atuu mpebooli, ”Tuwu iramo mokole!”
12Mansano rumongeo i Atalia palili memaroa mpelulu ka mentotowoo mokole, lumakoomo tepohaweako ira palili atuu a laro raha-Do i Ue. 13Ikitao mokole mentade umpeda karuno langkanaeno a nsala mewinso, kontongaado anu langkai potorono saru luwuno puu pompuuri napiri kongko umpeda ndi mokole. Luwuno palili i wita atuu memawongko ka dompopuuri napiri, kontongaano luwuno puu mpenani saru luwuno parewa mpenanido, wawao penani po'unde-unde, i Atalia berio sangkano ka ipotae, ”Domerontuomo pabawaku, domerontuomo pabawaku!” 14Sine sando mpesomba Yoyada tumena ira mpeluarako luwuno petewawado sorodadu asa etu, onaemo luwuno mia anu gagi petewawado sorodadu, ipotaeako ira, ”Imewawaomo meluarako inso a baresi! Isema anu me'alaako ndi onae asalakono pinepateako ponai!” Hangano sando mpesomba atuu umariomo mepau hieno, ”Si mpepateo i raha-Do i Ue!” 15Ka do'amba merakoo beine atuu. I tempo atuu onae hawe a nsala mewinso a langkanaeno mokole a mpewowa langkai Ngara, pinepateomo i tu'ai.
16Ka i'amba i Yoyada moweweu pedandia i'olodo luwuno palili saru onae ka mokole, nine ondae megagi bawaa-Do i Ue. 17Umarino atuu mpewinso iramo luwuno palili a raha Baala, ka do'amba mpobangkuo; domempehao luwuno meda pontunuano pesomba ka luwuno tinaha pinesombaino ka mepateo i Matani, sando mpesomba Baala i arono luwuno meda pontunua pesomba atuu. 18Ka i'amba i Yoyada meweengakono dagaiano raha-Do i Ue a luwuno sando mpesomba ka to Lewi, anu umarimo itia-tiao i Daudi a laro bawaano dompo'angga i laro raha-Do i Ue, onaemo ka dompopesombaako pesomba tinunu ndi Ondae i Ue, kana teburi a laro wunta Taurano i Musa saru memawongko ka saru penani montonda pontisono i Daudi. 19Inaa ira mbo'u puu mpodagai pewowa a luwuno pewowa langkai raha-Do i Ue, kai maupo a hapamo koa kasi pewinso mia anu mokoburu. 20Umarino atuu i'oluako ira luwuno petewawa sorodadu asa etu, luwuno mia memota'u, luwuno topoparenta palili ka luwuno palili, ka i'amba winawa mokole metii inso i raha-Do i Ue; mpewinso ira a langkanaedo mokole telalo a mpewowa langkai i Wawono, ka i'amba pinontoro mokole a ngkadera poparentaa. 21Memawongko iramo luwuno palili ka rodoomo kota atuu, umarino mate i Atalia pinepateako ponai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021