2 Tawarika 16
16
Pedandiano i Asa saru i Arami ka poko'ariano
16:1-14
(1Mok. 15:16-24)
1A nta'u kotolu pulu ka onoo poparentaano i Asa, lumakoomo i Baesa, mokole i Isaraeli umewaio Yehuda. Ipokomorosoo Rama tumangkoroo mia meluarako ka mewinso a wita pinabawaino i Asa, mokole Yehuda. 2Ka i'amba i Asa lumuarakono wulaa ka salaka inso a mponaapa i raha-Do i Ue ka ponaapa i rahano mokole ka i'oliwio ndi Benihada, mokole Arami anu mo'ia i Damasi saru pe'oliwi, 3”Hinao pedandia olono ongkue ka omue, kana olono amaku ka amamu. Kitaomo, ku'oliwio wulaa ka salaka ndi omue. Baliomo pedandiamu saru i Baesa, mokole i Isaraeli, kai ponsuka inso ndi ongkue.” 4I Benihada rumongeo po'emano mokole Asa. Itena ira tadulakono sumapoio luwuno kota i Isaraeli. Domenangio Iyoni, Dani, Abeli-Maimi ka luwuno kota ponaapa kaanga i Napatali. 5Rumongeo mongkona atuu, i Baesa menaa-naa mokorosoo Rama; ipenaa-naakono hapa anu wineweuno atuu. 6Sine i mokole Asa tumena ira luwu to Yehuda asalakono ka domentandeo watu ka keu anu pinakeno i Baesa mokorosoo Rama atuu. Saru watu ka keu atuu ipokorosoo Geba ka Misipa.
7I tempo atuu haweomo i Hanani, puu mpongkita, ndi Asa, mokole Yehuda ka ipotae ndi onae, ”Omue momperorohi ndi mokole Arami ka nahi upomperorohi ndi Ondae Ue Alamu, hangano kanatuu sorodaduno mokole Arami ira mpepotola inso a ngkaemu. 8Kombake sorodadudo to Etiopia ka Libia mehadio ira saru kareta ka sorodadu mpengara hadio ntu'u? Sine hangano omue momperorohi ndi Ondae i Ue, Dopeweengako ira a ngkaemu. 9Menteeano, mata-Do i Ue mensiroio asa wawontolino moweeako ira roso-Do ndi ondae anu moleo aroano ndi Ondae. Mongkona anu andio salaomo pelelumu, onaemo pu'uno mompu'u ka kandio-andio omue mo'ia mpiha a laro mpeteaa.” 10I Asa tekuda a puu mpongkita atuu. Iwinsoo a laro torungku, hangano onae tedoa tekuda ndi onae a mpinauno atuu. I tempo atuu i Asa bobarasaio mbo'u ba'opia mia inso a mpalili.
11Menteeano teweweuno i Asa inso a pompu'uano hawe pokotompaano teburi a laro wuntado mokole Yehuda ka Isaraeli. 12A nta'u kotolu pulu ka osio poparentaano, i Asa mahaki a ngkaruno ka mahakino tekense mahaki. Sine tempono imahaki nahi ungke Ira i Ue, tendeano a nsando. 13Ka i'amba i Asa mohawe penaa-naaano meronga uempu'uno. Onae mate ia ta'u kopato pulu ka asa poparentaano. 14Onae kinaburu a ngkaburuno anu kinekeomo i kota Daudi. Onae dompomboleo a wawo pepombolea anu bukeako rampa-rampa ka mperupa-rupa rampa mana mo'ahi anu sinalo montonda atora monsalo rampa-rampa. Ka do'amba mpolangao api anu langkai ntu'u pompelangkaido ndi onae.
Currently Selected:
2 Tawarika 16: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
2 Tawarika 16
16
Pedandiano i Asa saru i Arami ka poko'ariano
16:1-14
(1Mok. 15:16-24)
1A nta'u kotolu pulu ka onoo poparentaano i Asa, lumakoomo i Baesa, mokole i Isaraeli umewaio Yehuda. Ipokomorosoo Rama tumangkoroo mia meluarako ka mewinso a wita pinabawaino i Asa, mokole Yehuda. 2Ka i'amba i Asa lumuarakono wulaa ka salaka inso a mponaapa i raha-Do i Ue ka ponaapa i rahano mokole ka i'oliwio ndi Benihada, mokole Arami anu mo'ia i Damasi saru pe'oliwi, 3”Hinao pedandia olono ongkue ka omue, kana olono amaku ka amamu. Kitaomo, ku'oliwio wulaa ka salaka ndi omue. Baliomo pedandiamu saru i Baesa, mokole i Isaraeli, kai ponsuka inso ndi ongkue.” 4I Benihada rumongeo po'emano mokole Asa. Itena ira tadulakono sumapoio luwuno kota i Isaraeli. Domenangio Iyoni, Dani, Abeli-Maimi ka luwuno kota ponaapa kaanga i Napatali. 5Rumongeo mongkona atuu, i Baesa menaa-naa mokorosoo Rama; ipenaa-naakono hapa anu wineweuno atuu. 6Sine i mokole Asa tumena ira luwu to Yehuda asalakono ka domentandeo watu ka keu anu pinakeno i Baesa mokorosoo Rama atuu. Saru watu ka keu atuu ipokorosoo Geba ka Misipa.
7I tempo atuu haweomo i Hanani, puu mpongkita, ndi Asa, mokole Yehuda ka ipotae ndi onae, ”Omue momperorohi ndi mokole Arami ka nahi upomperorohi ndi Ondae Ue Alamu, hangano kanatuu sorodaduno mokole Arami ira mpepotola inso a ngkaemu. 8Kombake sorodadudo to Etiopia ka Libia mehadio ira saru kareta ka sorodadu mpengara hadio ntu'u? Sine hangano omue momperorohi ndi Ondae i Ue, Dopeweengako ira a ngkaemu. 9Menteeano, mata-Do i Ue mensiroio asa wawontolino moweeako ira roso-Do ndi ondae anu moleo aroano ndi Ondae. Mongkona anu andio salaomo pelelumu, onaemo pu'uno mompu'u ka kandio-andio omue mo'ia mpiha a laro mpeteaa.” 10I Asa tekuda a puu mpongkita atuu. Iwinsoo a laro torungku, hangano onae tedoa tekuda ndi onae a mpinauno atuu. I tempo atuu i Asa bobarasaio mbo'u ba'opia mia inso a mpalili.
11Menteeano teweweuno i Asa inso a pompu'uano hawe pokotompaano teburi a laro wuntado mokole Yehuda ka Isaraeli. 12A nta'u kotolu pulu ka osio poparentaano, i Asa mahaki a ngkaruno ka mahakino tekense mahaki. Sine tempono imahaki nahi ungke Ira i Ue, tendeano a nsando. 13Ka i'amba i Asa mohawe penaa-naaano meronga uempu'uno. Onae mate ia ta'u kopato pulu ka asa poparentaano. 14Onae kinaburu a ngkaburuno anu kinekeomo i kota Daudi. Onae dompomboleo a wawo pepombolea anu bukeako rampa-rampa ka mperupa-rupa rampa mana mo'ahi anu sinalo montonda atora monsalo rampa-rampa. Ka do'amba mpolangao api anu langkai ntu'u pompelangkaido ndi onae.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021