Pilipi 3
3
1Ei ika voa uakeina, na ovaki airavaki e, Amua ai kopaili’ine. Ei voa moawku kikirinaiai na lai kukunu?-?a‐awkanakea, a uku noro eiai ei voa iawka voa keina.
2Oroko, namealia a’a ane, momoa‐eialia a’a ane, noro eivirine.
3Uku enei momoa‐eia a’a miki keina, enei ane avaea avioia enei Eloi avioina, Keriso Iesu ai enei kopaili’ina, pirimaroakoa eria enei mi’ina kape enu iki opara eiai.
4Uku uakeina nai eiai uku kape enu iki opara pirimaroakoai. A’a laikora’ane u uku mi’ina kape enu iki opara pirimaroakoai, nai awku uku mi’ina kapoi:
5Na kinia pani neko mere ai lare 8 nai momoa‐i’iakei’?-?inave, Benanimi inu kiri a’a nai Isaraela kaki a’a kei’inave; Heberu a’a Heberu a’e mai ane kiniakei’inave, Vupu unu kaupu a’a nai Parisea a’a kei’inave;
6Uku iviri, Ekalesia anu mani a’a nai kei’inave; uku opara anana i Vupu mere anena nai namea eria a’a kei’inave.
7Awku uriria nai umu?-?elau’unave uku pai’ikavai, kurua awku nai lari‐elauane euna Keriso eiai.
8Uku na Amua Keriso Iesu ipa‐ulauai nai laikorana awku e uriria kape keina. U eiai awku uriria nai paue?-?kiane euna, nai laikorana ane oro a’au keina, uku Keriso nai miane‐iai,
9U kiripai paikiakeina nai aui’iakeia’ane‐iai, na opara anana Vupu mere nai mi’inavaia, a opara anana pirimaroakoa mere Keriso ai la’ana nai miane‐iai, opara anana i pirimaroakoa mere Eloi mere anena.
10Keriso ipaliai, una imua mere la’ava anu iva ane, nai umuli’ina, Una kukunu aua‐emiai, imuai ane orau U imunave, nai umuli’ina;
11Nai araea’araea li’ina nai awku imua mere la’ane‐iai.
12Nai a‐kurunakea a’epeaka anu kavani nai miane euna, a’epeaka anu eiei ai nai paiane euna ane. Paku i nai kouakoua a’epeaka’amakina, ipia‐mimakina ane kurua kavani a’akiai, kurua kavani eiai Keriso a’aki’iane euna.
13Ovaki airavaki e, nai a‐laikoranakea ei kavani nai a’akiane euna. A ei awku monou nai li’ina, eni awku uriria aikamakina, awku oro i oiokamakina na paku ai,
14Nai kouakoua a’epeaka’ana kavani inu eiei ai, Eloi inu pani muku laea nai miane‐iai Keriso Iesu ai.
15Ei uku eiai enei eni pirimaroakoa a’a ei lai eivi?-?rinamaki, a noro lai e miane, lai parea Eloi nakuakana.
16A iou ai enei paiane euna, kurua kapea ai enei enanamaki.
17Ovaki airavaki e, noro ipi’imi’ine, a’a e noro inamu‐eine, oro are rokoamakina aipo orau enei nakuane euna.
18Uku a’a aila keina orau nai nakiane euna, eai viki?-?rimakina nai nakina, oro Keriso onu iri keoa anu mani a’a keina.
19Oava omo orai uakeina, nemo omo eloi ua‐rokona, omo avioia omo makiri ai uakeina, pani va’au unu awku oro umuli’ina.
20A enei pani muku unu a’a keina; Iawka pani muku mere aneai enei aioiaka‐pokoimakina, Amua Iesu Keriso:
21U ane ene pomoa kape U ae’epuakana anea’anea ene kape Una kape evao’evao mikiriane, i iva U mi’ina awku uriria awkoni‐ekavai.
Currently Selected:
Pilipi 3: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
Pilipi 3
3
1Ei ika voa uakeina, na ovaki airavaki e, Amua ai kopaili’ine. Ei voa moawku kikirinaiai na lai kukunu?-?a‐awkanakea, a uku noro eiai ei voa iawka voa keina.
2Oroko, namealia a’a ane, momoa‐eialia a’a ane, noro eivirine.
3Uku enei momoa‐eia a’a miki keina, enei ane avaea avioia enei Eloi avioina, Keriso Iesu ai enei kopaili’ina, pirimaroakoa eria enei mi’ina kape enu iki opara eiai.
4Uku uakeina nai eiai uku kape enu iki opara pirimaroakoai. A’a laikora’ane u uku mi’ina kape enu iki opara pirimaroakoai, nai awku uku mi’ina kapoi:
5Na kinia pani neko mere ai lare 8 nai momoa‐i’iakei’?-?inave, Benanimi inu kiri a’a nai Isaraela kaki a’a kei’inave; Heberu a’a Heberu a’e mai ane kiniakei’inave, Vupu unu kaupu a’a nai Parisea a’a kei’inave;
6Uku iviri, Ekalesia anu mani a’a nai kei’inave; uku opara anana i Vupu mere anena nai namea eria a’a kei’inave.
7Awku uriria nai umu?-?elau’unave uku pai’ikavai, kurua awku nai lari‐elauane euna Keriso eiai.
8Uku na Amua Keriso Iesu ipa‐ulauai nai laikorana awku e uriria kape keina. U eiai awku uriria nai paue?-?kiane euna, nai laikorana ane oro a’au keina, uku Keriso nai miane‐iai,
9U kiripai paikiakeina nai aui’iakeia’ane‐iai, na opara anana Vupu mere nai mi’inavaia, a opara anana pirimaroakoa mere Keriso ai la’ana nai miane‐iai, opara anana i pirimaroakoa mere Eloi mere anena.
10Keriso ipaliai, una imua mere la’ava anu iva ane, nai umuli’ina, Una kukunu aua‐emiai, imuai ane orau U imunave, nai umuli’ina;
11Nai araea’araea li’ina nai awku imua mere la’ane‐iai.
12Nai a‐kurunakea a’epeaka anu kavani nai miane euna, a’epeaka anu eiei ai nai paiane euna ane. Paku i nai kouakoua a’epeaka’amakina, ipia‐mimakina ane kurua kavani a’akiai, kurua kavani eiai Keriso a’aki’iane euna.
13Ovaki airavaki e, nai a‐laikoranakea ei kavani nai a’akiane euna. A ei awku monou nai li’ina, eni awku uriria aikamakina, awku oro i oiokamakina na paku ai,
14Nai kouakoua a’epeaka’ana kavani inu eiei ai, Eloi inu pani muku laea nai miane‐iai Keriso Iesu ai.
15Ei uku eiai enei eni pirimaroakoa a’a ei lai eivi?-?rinamaki, a noro lai e miane, lai parea Eloi nakuakana.
16A iou ai enei paiane euna, kurua kapea ai enei enanamaki.
17Ovaki airavaki e, noro ipi’imi’ine, a’a e noro inamu‐eine, oro are rokoamakina aipo orau enei nakuane euna.
18Uku a’a aila keina orau nai nakiane euna, eai viki?-?rimakina nai nakina, oro Keriso onu iri keoa anu mani a’a keina.
19Oava omo orai uakeina, nemo omo eloi ua‐rokona, omo avioia omo makiri ai uakeina, pani va’au unu awku oro umuli’ina.
20A enei pani muku unu a’a keina; Iawka pani muku mere aneai enei aioiaka‐pokoimakina, Amua Iesu Keriso:
21U ane ene pomoa kape U ae’epuakana anea’anea ene kape Una kape evao’evao mikiriane, i iva U mi’ina awku uriria awkoni‐ekavai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.