Galatia 3
3
1Avu’avu Galatia a’a e, kono lai evera ana ivave?-?naka’ane euna, noro ane noro paku ai Iesu Keriso ipawkiakeia’ane euna, noro awkono avao ai iri keoa upa mere U avakei’inave ane?
2Ei voa e voa vevenaiai nai umuli’ina, Noro Avaea ama‐mi’e uku Vupu unu voa noro kamaiali’inave, voa mo, noro Iva voa viriaka’ane, noro ama‐pirimaroakoa’e?
3Noro avu’avu a’a ana? I Avaea noro pinai pirimaroakoanave, i kape enu opara mere ana noro anana‐naia?-?keiakana?
4Kukunu aila noro miane euna uku eria eiai ana? kukunu eria keia’ane euane kapoi.
5U ane U Avaea nakuna, noro awkono avao ai iva veia li’ina ane, U orau ama‐li’i uku noro Vupu kamaia‐li’ina, mo, uku ana Iva voa noro pirimaroakona:
6Orau Aberahamo Eloi pirimaroakoanave, una pirimaroakoa opara anana orau akoakei’inave u eiai?
7Noro ipali’ine pirimaroakoa‐mia a’a Aberahamo onu kiri a’a miki keina.
8Iaa revareva eni ipalimakei’inave i pirimaroakoa Eloi lai unuku a’a namea anu mua mere ururuakana, eni pani ai Iva voa U Aberahamo erau voa kurunave, Ni laru ai kaki a’a uriria kopai‐ekavakeiakana.
9Orau enei inamu‐oina pirimaroakoa‐mia a’a Aberahamo kiripai kopai‐ekavakeina.
10Oro uriria awku Vupu unu kamaia pirimaroakona oro laeiakeina, uku ei voa kikiriakeina, A’a kavakava laoiakeina Vupu uriria anu ipawkia voa u kamaialiape liane.
11Ei voa awku ipawkiakeina, a’a uku u Vupu e kamaiali’ina u anana a’a peo Eloi inu paku ai, uku i pirimaroakoa opara anana a’a rokoakana.
12Vupu pirimaroakoa mere aneapea: Vupu erau voa ipawkina, A’a ei Vupu kamaia‐ekana i oro u rokoakana.
13Vupu unu iara mere Keriso inaea‐alauane euna, U laoiakei’inave enei eiai: uku ei voa kikiriakeina, A’a kavakava iri upa mere eoka?-?vakeina u laoiakeina.
14Ene ururua namea anu mua mere inaea‐liakeia’ane euna, uku Aberahamo onu kopai lai unuku a’a ai anea’ane‐iai i Iesu Keriso mere: uku i pirimaroakoa mere maura‐voa Avaea enei miane‐iai.
15Ovaki airavaki e, Aipo voa eire a’a anu opara eiai. A’a kuruei voa kuruane, kurua kuruei voa evere’eakeia’ane euane, a’a kapeo kuruei voa anu voa pauena, voa mo ane akona.
16Kuruei voa kurueakei’inave Aberahamo eiai, una kiri a’a eiai ane. Eloi kuru?-?akape, kiri e e a’a eiai, a’a aila orau eiai; a U kurunave uku a’a monou eiai, Ni kiri a’a ane, ei a’a U Keriso keina.
17Nai erau voa kuruna, Kuruei voa Eloi evere’eaka Vupu unu anea pani paku ai aumeia 430, kurua kuruei voa Vupu paueai liapea.
18Ei omoro‐aua Vupu unu kamaia mere anea’ane, u kuruei voa mere aneape. A ei omoro‐aua Eloi Aberahamo awkuane euna Una kuruei voa evere’eai.
19Uku oiana Vupu awkuakei’inave? Vupu ipawkiakei’inave uku namea ipekiai, anea’anea kurua kiri a’a anea’ane, U ane Eloi kuruei voa evere’eaka; ei kuruei voa anu aua aua i vimu a’a, aivara avaea ane, evere’eiakei’inave.
20A’a monou e rokoane u vimu a’a peo. A Eloi Monou uarokona.
21Vupu Eloi inu maura voa inaka‐ama‐li’i? Ai. Vupu awkuakeiaka livilia rokoa awkuai li’inave, opara anana Vupu mere aneaka kapoi.
22Iaa Revareva ipawkiane euna a’a uriria namea anu piria a’a keina, uku maura voa anu kopai ekuakeia’ane‐iai, oro ane oro Iesu Keriso pirimaroakona.
23Pirimaroakoa anu anea pani paku ai, enei Isaraela a’a Vupu anu piria a’a kei’inave, Vupu unu ipawkia voa avikiakei’inave enei evere’aiakeia’ane‐iai pirimaroakoa eiai maura pani ipawkiakeiai.
24Orau Vupu ene omoro a’a kei’inave Keriso ai aravai, uku i pirimaroakoa mere enei anana‐aiakeia’ane‐iai.
25A pirimaroakoa anea’ane euna, eai omoro a’a arau ai enei keiapea.
26Uku nomo pirimaroakoa Keriso Iesu laru ai noro uriria Eloi inu ukua mere keina.
27Uku noro uriria Keriso laru ai bapatiso‐nakavakeia’?-?ane euna, Noro Keriso luki‐awmiane euna.
28Isaraela a’a peo, Heleni a’a peo, piria a’a peo, ururua a’a peo, vaki peo, ururua a’a peo, vaki peo, a’e peo, ua‐rokona: uku noro uriria monou keina Keriso Iesu laru ai.
29Noro Keriso onu a’a keia’ane, noro Aberahamo onu kiri a’a ane, uku kurua maura‐voa eiai noro airavaki ukua ane.
Currently Selected:
Galatia 3: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
Galatia 3
3
1Avu’avu Galatia a’a e, kono lai evera ana ivave?-?naka’ane euna, noro ane noro paku ai Iesu Keriso ipawkiakeia’ane euna, noro awkono avao ai iri keoa upa mere U avakei’inave ane?
2Ei voa e voa vevenaiai nai umuli’ina, Noro Avaea ama‐mi’e uku Vupu unu voa noro kamaiali’inave, voa mo, noro Iva voa viriaka’ane, noro ama‐pirimaroakoa’e?
3Noro avu’avu a’a ana? I Avaea noro pinai pirimaroakoanave, i kape enu opara mere ana noro anana‐naia?-?keiakana?
4Kukunu aila noro miane euna uku eria eiai ana? kukunu eria keia’ane euane kapoi.
5U ane U Avaea nakuna, noro awkono avao ai iva veia li’ina ane, U orau ama‐li’i uku noro Vupu kamaia‐li’ina, mo, uku ana Iva voa noro pirimaroakona:
6Orau Aberahamo Eloi pirimaroakoanave, una pirimaroakoa opara anana orau akoakei’inave u eiai?
7Noro ipali’ine pirimaroakoa‐mia a’a Aberahamo onu kiri a’a miki keina.
8Iaa revareva eni ipalimakei’inave i pirimaroakoa Eloi lai unuku a’a namea anu mua mere ururuakana, eni pani ai Iva voa U Aberahamo erau voa kurunave, Ni laru ai kaki a’a uriria kopai‐ekavakeiakana.
9Orau enei inamu‐oina pirimaroakoa‐mia a’a Aberahamo kiripai kopai‐ekavakeina.
10Oro uriria awku Vupu unu kamaia pirimaroakona oro laeiakeina, uku ei voa kikiriakeina, A’a kavakava laoiakeina Vupu uriria anu ipawkia voa u kamaialiape liane.
11Ei voa awku ipawkiakeina, a’a uku u Vupu e kamaiali’ina u anana a’a peo Eloi inu paku ai, uku i pirimaroakoa opara anana a’a rokoakana.
12Vupu pirimaroakoa mere aneapea: Vupu erau voa ipawkina, A’a ei Vupu kamaia‐ekana i oro u rokoakana.
13Vupu unu iara mere Keriso inaea‐alauane euna, U laoiakei’inave enei eiai: uku ei voa kikiriakeina, A’a kavakava iri upa mere eoka?-?vakeina u laoiakeina.
14Ene ururua namea anu mua mere inaea‐liakeia’ane euna, uku Aberahamo onu kopai lai unuku a’a ai anea’ane‐iai i Iesu Keriso mere: uku i pirimaroakoa mere maura‐voa Avaea enei miane‐iai.
15Ovaki airavaki e, Aipo voa eire a’a anu opara eiai. A’a kuruei voa kuruane, kurua kuruei voa evere’eakeia’ane euane, a’a kapeo kuruei voa anu voa pauena, voa mo ane akona.
16Kuruei voa kurueakei’inave Aberahamo eiai, una kiri a’a eiai ane. Eloi kuru?-?akape, kiri e e a’a eiai, a’a aila orau eiai; a U kurunave uku a’a monou eiai, Ni kiri a’a ane, ei a’a U Keriso keina.
17Nai erau voa kuruna, Kuruei voa Eloi evere’eaka Vupu unu anea pani paku ai aumeia 430, kurua kuruei voa Vupu paueai liapea.
18Ei omoro‐aua Vupu unu kamaia mere anea’ane, u kuruei voa mere aneape. A ei omoro‐aua Eloi Aberahamo awkuane euna Una kuruei voa evere’eai.
19Uku oiana Vupu awkuakei’inave? Vupu ipawkiakei’inave uku namea ipekiai, anea’anea kurua kiri a’a anea’ane, U ane Eloi kuruei voa evere’eaka; ei kuruei voa anu aua aua i vimu a’a, aivara avaea ane, evere’eiakei’inave.
20A’a monou e rokoane u vimu a’a peo. A Eloi Monou uarokona.
21Vupu Eloi inu maura voa inaka‐ama‐li’i? Ai. Vupu awkuakeiaka livilia rokoa awkuai li’inave, opara anana Vupu mere aneaka kapoi.
22Iaa Revareva ipawkiane euna a’a uriria namea anu piria a’a keina, uku maura voa anu kopai ekuakeia’ane‐iai, oro ane oro Iesu Keriso pirimaroakona.
23Pirimaroakoa anu anea pani paku ai, enei Isaraela a’a Vupu anu piria a’a kei’inave, Vupu unu ipawkia voa avikiakei’inave enei evere’aiakeia’ane‐iai pirimaroakoa eiai maura pani ipawkiakeiai.
24Orau Vupu ene omoro a’a kei’inave Keriso ai aravai, uku i pirimaroakoa mere enei anana‐aiakeia’ane‐iai.
25A pirimaroakoa anea’ane euna, eai omoro a’a arau ai enei keiapea.
26Uku nomo pirimaroakoa Keriso Iesu laru ai noro uriria Eloi inu ukua mere keina.
27Uku noro uriria Keriso laru ai bapatiso‐nakavakeia’?-?ane euna, Noro Keriso luki‐awmiane euna.
28Isaraela a’a peo, Heleni a’a peo, piria a’a peo, ururua a’a peo, vaki peo, ururua a’a peo, vaki peo, a’e peo, ua‐rokona: uku noro uriria monou keina Keriso Iesu laru ai.
29Noro Keriso onu a’a keia’ane, noro Aberahamo onu kiri a’a ane, uku kurua maura‐voa eiai noro airavaki ukua ane.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.