Nar 28
28
1An kenos miuh kamar, netiakarhinatin mama ten mur ka netigen Melita.
2An nerem pusupus ka netakarol tehwaga le nolkeikeian kam kamar resolan kama ierem kamahm nian min, mero in ka netakahilikam marir petum kamar, mero in ka to nihin rakamep mene nerapan.
3Mero Paul neterhwafugen nahwin nik mahmatukpen le nekam, an tagalua ker neterier to nakapanan neteretik nelimin mamakil.
4An nerem puspuus netakaihm nar atipun ramakil le nelimin, netakani to ilar min, Nuparhien ieremim uk ierem rahmo til, ierem kenos miuh le tehe, mero Tehwaga matu remespasan remiuh.
5An neterautinita nar atipun le nekam, meserouan netetan lan.
6Mero ilar netakameitanin mama terasis wa terepam hwaihwai am memis; mero ilar kameitanin nuhu mesaihman nar pusupus kenol lan, an netakarhwalelin mun mani mama in Wuhgin.
7An iwaket iken nemapten taha ieremera le ten mur ka, netigen Pablias, ierem ramir kamar, an mamaihm ut kamar le niel le nian kisil.
8An remi Pablias neterakamel makamis le nakapanan mene le naian in nita, an Paul neterua imwa ton an neterahwak mehlau nelimin lan mol ut in.
9An nar uk netakol, an nevin mun nerem kamaros nemisan le ten mur ka netakarua, an kenol ut ilar.
10An ilar netakamasiai kamar le nesiaian asul min, an loanian iemarier netakaihlau le niko naremnar iemarolkeikei.
11An mouk kisil neterua muan, an iemaisua le niko te Aleksandria ierem ramemarik le ten mur ka to nian in nerapan, ierem nimtatin tahan Muilmuil mil.
12An Netiakaruat Sairakius, mamairik iken nian kisil.
13An iemasipe iken maiplelau maruat Rejiam; an nian karena neterua muan an tokolau neterail, an nian ierem rol kiu netiakaruat Piutioli.
14An iemaihm piemar min iken, an kamaikeikei kam kamar mama tiakairik nian katilum mekiu kamar min ilar. An rol mok lan netiakarua Rom.
15An piemar min kamairou kamar, netakasipe iken marua marol telpen in kamar mairoatis Apii Foram mene Nimwa kamapulat lan Kisil; an Paul neterahm ilar netereni vivi Wuhgin mos netighean.
16An iemarua Rom, an kenuata le Paul moma teramarik pusen ilau soldier ierem ramahmahm in.
17An nian kisil neterua muan, an neteraunin afugen neremera le Ju min. An ilar netakarhwafugen, an netereni to ilar, Piak min, io iemesolan tehwaga tat le neremim wa le tehwaga te riputar min, mero kamelis io Jerusalem kofen io le nelimi nerem Rom.
18An ilar keneihrapukita tonio marolkeikei mama takarisin io mero in ka noukari nar tiakemis lan rika lak.
19Mero Ju min netakameinhiau, an io iemakeikei maunpen in Sisar; mero resolan moma iamos nar ker tiakatat neremim tahak lan.
20An to nar uk iemakeikei kam kamiar moma tenakaihm io mameikar, mero in ka to natigetean te Israel kamelis io le us uk.
21An ilar netakani ton, Kamar iemesarosan nawowa resipe le Judia lam, an resolan moma ker le pietar min rava mausito in wa rameni nar retat ker lam.
22Mero iakarolkeikei mama tiakairou tonik neta nekim rakahmo; mero in ka le netikunan uk kamar iakarhinatin mama kametat in le ten min.
23An netakanita nian ton, an netakarua le nimwa ramarik lan ilar nahuto, an neterametikun ilar mamausito in niko te Wuhgin, mameni hmahma Iesu to ilar le nowa asul te Moses mene le profeta min lakapnipin memroatis lehnaiu.
24An nevin netakani nuparhienan le nar kameni, mero nevin netakani neiwean lan.
25An ilar kamesarolan nekin ilar karena to ilar min, netakamaruan, mero Paul ramaupan meni nakaran karena, moma, Nanumun Ausim rameni parhien le Aiseia profeta to ripumiar min.
26Mameni,
Uan to neremim uk mameni,
Le nerouan tenepairou mesarhinatinan,
An le nahman tenepaihm mesaihman.
27Mero in ka neki nerem uk reknelapa,
An kairou repukam le nepagtelegen ilar,
An kamaipulatin nemrin ilar,
Mama tesaihman le nemrin ilar,
Mesairouan le nepagtelegen ilar,
Mesarhinatinan le nekin ilar mesalelegan.
An io tiesolutan ilar.
28-29Mero in ka pas kamiar nakarhinatin mama nemihwan uk te Wuhgin kehnalipen to nerem Jentail; an ilar tepairou.
30An neteramarik le nu puken kiu le nimwa ramos nemrin tahan, an neterir petum nerem kamarua ton.
31Neteramausito in niko te Wuhgin mametikun nar le Ieremera Iesu Kristo le netighean, an kamesenhiauan in.
Currently Selected:
Nar 28: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
Nar 28
28
1An kenos miuh kamar, netiakarhinatin mama ten mur ka netigen Melita.
2An nerem pusupus ka netakarol tehwaga le nolkeikeian kam kamar resolan kama ierem kamahm nian min, mero in ka netakahilikam marir petum kamar, mero in ka to nihin rakamep mene nerapan.
3Mero Paul neterhwafugen nahwin nik mahmatukpen le nekam, an tagalua ker neterier to nakapanan neteretik nelimin mamakil.
4An nerem puspuus netakaihm nar atipun ramakil le nelimin, netakani to ilar min, Nuparhien ieremim uk ierem rahmo til, ierem kenos miuh le tehe, mero Tehwaga matu remespasan remiuh.
5An neterautinita nar atipun le nekam, meserouan netetan lan.
6Mero ilar netakameitanin mama terasis wa terepam hwaihwai am memis; mero ilar kameitanin nuhu mesaihman nar pusupus kenol lan, an netakarhwalelin mun mani mama in Wuhgin.
7An iwaket iken nemapten taha ieremera le ten mur ka, netigen Pablias, ierem ramir kamar, an mamaihm ut kamar le niel le nian kisil.
8An remi Pablias neterakamel makamis le nakapanan mene le naian in nita, an Paul neterua imwa ton an neterahwak mehlau nelimin lan mol ut in.
9An nar uk netakol, an nevin mun nerem kamaros nemisan le ten mur ka netakarua, an kenol ut ilar.
10An ilar netakamasiai kamar le nesiaian asul min, an loanian iemarier netakaihlau le niko naremnar iemarolkeikei.
11An mouk kisil neterua muan, an iemaisua le niko te Aleksandria ierem ramemarik le ten mur ka to nian in nerapan, ierem nimtatin tahan Muilmuil mil.
12An Netiakaruat Sairakius, mamairik iken nian kisil.
13An iemasipe iken maiplelau maruat Rejiam; an nian karena neterua muan an tokolau neterail, an nian ierem rol kiu netiakaruat Piutioli.
14An iemaihm piemar min iken, an kamaikeikei kam kamar mama tiakairik nian katilum mekiu kamar min ilar. An rol mok lan netiakarua Rom.
15An piemar min kamairou kamar, netakasipe iken marua marol telpen in kamar mairoatis Apii Foram mene Nimwa kamapulat lan Kisil; an Paul neterahm ilar netereni vivi Wuhgin mos netighean.
16An iemarua Rom, an kenuata le Paul moma teramarik pusen ilau soldier ierem ramahmahm in.
17An nian kisil neterua muan, an neteraunin afugen neremera le Ju min. An ilar netakarhwafugen, an netereni to ilar, Piak min, io iemesolan tehwaga tat le neremim wa le tehwaga te riputar min, mero kamelis io Jerusalem kofen io le nelimi nerem Rom.
18An ilar keneihrapukita tonio marolkeikei mama takarisin io mero in ka noukari nar tiakemis lan rika lak.
19Mero Ju min netakameinhiau, an io iemakeikei maunpen in Sisar; mero resolan moma iamos nar ker tiakatat neremim tahak lan.
20An to nar uk iemakeikei kam kamiar moma tenakaihm io mameikar, mero in ka to natigetean te Israel kamelis io le us uk.
21An ilar netakani ton, Kamar iemesarosan nawowa resipe le Judia lam, an resolan moma ker le pietar min rava mausito in wa rameni nar retat ker lam.
22Mero iakarolkeikei mama tiakairou tonik neta nekim rakahmo; mero in ka le netikunan uk kamar iakarhinatin mama kametat in le ten min.
23An netakanita nian ton, an netakarua le nimwa ramarik lan ilar nahuto, an neterametikun ilar mamausito in niko te Wuhgin, mameni hmahma Iesu to ilar le nowa asul te Moses mene le profeta min lakapnipin memroatis lehnaiu.
24An nevin netakani nuparhienan le nar kameni, mero nevin netakani neiwean lan.
25An ilar kamesarolan nekin ilar karena to ilar min, netakamaruan, mero Paul ramaupan meni nakaran karena, moma, Nanumun Ausim rameni parhien le Aiseia profeta to ripumiar min.
26Mameni,
Uan to neremim uk mameni,
Le nerouan tenepairou mesarhinatinan,
An le nahman tenepaihm mesaihman.
27Mero in ka neki nerem uk reknelapa,
An kairou repukam le nepagtelegen ilar,
An kamaipulatin nemrin ilar,
Mama tesaihman le nemrin ilar,
Mesairouan le nepagtelegen ilar,
Mesarhinatinan le nekin ilar mesalelegan.
An io tiesolutan ilar.
28-29Mero in ka pas kamiar nakarhinatin mama nemihwan uk te Wuhgin kehnalipen to nerem Jentail; an ilar tepairou.
30An neteramarik le nu puken kiu le nimwa ramos nemrin tahan, an neterir petum nerem kamarua ton.
31Neteramausito in niko te Wuhgin mametikun nar le Ieremera Iesu Kristo le netighean, an kamesenhiauan in.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.