Nar 18
18
1Oatisig le nar min uk neterier Athens muan Korinth.
2An neterahm Ju ker netigen Akuila, ierem imwan ka Pontas, repsipen am uk Itali, ilau nuain Prisila, mero in ka Klaudias reknameni moma Ju min takarier era Rom; an neterua to ilau.
3An mero in ka ramol work karena ihlel min neteramarik ihlel min, an netakahmalol work, mero in ka ihlel kahmatil napen to nimwa to nauraian.
4An neteramakar le nimwa ahwak le nian ausim min, mamakeikei kam Ju min mene nerem Krik.
5Mero Sailas mene Timothi netukuatite miasipen Masedonia miava, an Paul kamavan hatuk nekin le nakaran, neteramausito in to Ju min moma Iesu in Kristo.
6An ilar netakamarailail lan mameikar tat, an neterusus nar rakava lan mameni to ilar, Nitamiar ramarik le temiar kapa; kehnapel io; towe mene tiapuan to nerem Jentail.
7An neterier iken, neteruan le nimwa te ieremim ker netigen Taitas Jastas, ierem ramohwak kam Wuhgin, ierem nimwa tahan iwaket to nimwa ahwak.
8An Krispas ieremera le nimwa ahwak netereni nuparhienan le Ieremera, ilar neremim petum le nimwa tahan, an nerem Korinth rapus netakairou netakani nuparhienan lan, an kamaui ilar.
9An Ieremera netereni to Paul lapin le nar pa, Asaginan, mero akar mesikeakenan,
10Mero in ka io iakamarik lam, an resolan moma ieremim ker terepeilail lam moma terol netetan lam, mero in ka iaknos asul neremim le nauanuk.
11An neteramarik iken nu ker mene mouk katilum makarena mametikun nakaran te Wuhgin le nekin ilar.
12Mero nian Kalio reremera le Akaia Ju min netakarailail le Paul le nekin ilar karena, netakarir in maruan le nar kamowata lan te nuhwapraian,
13Mamani mama, Ieremim uk ramakeikei kam neremim moma takaihwak kam Wuhgin mamaikou nowa asul.
14An Paul rama teroag mero kalio neterameni to Ju min, Takama tehwaga tat ker wa tehwaga ouloul aken ker, kamiar Ju min, rematu moma tiakateleg in kamiar.
15Mero takama nehrapukan to nakaran mene netig min mene nowa temiar, wamiar tenepaihm; io iesolkeikeian moma tiakhwaprai nar min uk.
16An neterhaliatou ilar le nar kamowata lan te nuhwapraian.
17An ilar min netakarhiapatin Sosthenes ieremera le nimwa ahwak mamahro in le nemri nar kamowata lan te nuhwapraian; an Kalio remeseniapkisan nar min uk ker.
18An Paul neterarik tahman le nian nevin mun, an neterauietuin pian ilar min, neterasua muan Siria, ihlel Prisila mene Akuila; an neterakis nowanun Kenkrea, mero in ka reknamenita nar ker to Wuhgin.
19An netakaruat Efesas, an neterapas ilar iken; mero in neteruan le nimwa ahwak mamakar kam Ju min.
20An ilar netakaihrapuk ton mama terarik tahman mun, mero remeseghanin.
21Mero neterauietuin ilar mameni, Tiaplelegpa mun to kamiar takama Wuhgin rolkeikei, an neterasua atou Efesas.
22An neteruat Sesaria, an neteret muan makarakar kam nahwak min neteratite muan Antiok.
23An neterarikarik tahman iken mier mun, neteruan mier le ten Kaletia mene Frijia le neli nauanu mamol asanen nahwak min.
24An Ju ker netigen Apolos, ierem neraman ka Aleksandria, ierem ramalbakau le nakaran, neterua Efesas, ierem resanen le mawowa.
25Ieremim uk kametikun le suatu te Ieremera, an mero in ka ratiwan le nanumun netereni mametikun etautu nar le Iesu, hminatin am nebaptisoan taha Jon.
26An netererwowun mamakar asanen le nimwa ahwak; an Prisila mene Akuila netukuarou in, an netikiair in mamuatikun etuatu aken ena in le suatu taha Wuhgin.
27An neterolkeikei moma tereukafugen pen Akaia, an pian ilar min netakarehganin, marai nawowa to nahwak min mama takarir in. An neterua neterasitu asul le nerem kamani nuparhienan lan le nevitan.
28Mero in ka le nesanenan asul ramerai ita nakaran te Ju min le nemri neremim, mametikun le nawowa moma Iesu in Kristo.
Currently Selected:
Nar 18: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
Nar 18
18
1Oatisig le nar min uk neterier Athens muan Korinth.
2An neterahm Ju ker netigen Akuila, ierem imwan ka Pontas, repsipen am uk Itali, ilau nuain Prisila, mero in ka Klaudias reknameni moma Ju min takarier era Rom; an neterua to ilau.
3An mero in ka ramol work karena ihlel min neteramarik ihlel min, an netakahmalol work, mero in ka ihlel kahmatil napen to nimwa to nauraian.
4An neteramakar le nimwa ahwak le nian ausim min, mamakeikei kam Ju min mene nerem Krik.
5Mero Sailas mene Timothi netukuatite miasipen Masedonia miava, an Paul kamavan hatuk nekin le nakaran, neteramausito in to Ju min moma Iesu in Kristo.
6An ilar netakamarailail lan mameikar tat, an neterusus nar rakava lan mameni to ilar, Nitamiar ramarik le temiar kapa; kehnapel io; towe mene tiapuan to nerem Jentail.
7An neterier iken, neteruan le nimwa te ieremim ker netigen Taitas Jastas, ierem ramohwak kam Wuhgin, ierem nimwa tahan iwaket to nimwa ahwak.
8An Krispas ieremera le nimwa ahwak netereni nuparhienan le Ieremera, ilar neremim petum le nimwa tahan, an nerem Korinth rapus netakairou netakani nuparhienan lan, an kamaui ilar.
9An Ieremera netereni to Paul lapin le nar pa, Asaginan, mero akar mesikeakenan,
10Mero in ka io iakamarik lam, an resolan moma ieremim ker terepeilail lam moma terol netetan lam, mero in ka iaknos asul neremim le nauanuk.
11An neteramarik iken nu ker mene mouk katilum makarena mametikun nakaran te Wuhgin le nekin ilar.
12Mero nian Kalio reremera le Akaia Ju min netakarailail le Paul le nekin ilar karena, netakarir in maruan le nar kamowata lan te nuhwapraian,
13Mamani mama, Ieremim uk ramakeikei kam neremim moma takaihwak kam Wuhgin mamaikou nowa asul.
14An Paul rama teroag mero kalio neterameni to Ju min, Takama tehwaga tat ker wa tehwaga ouloul aken ker, kamiar Ju min, rematu moma tiakateleg in kamiar.
15Mero takama nehrapukan to nakaran mene netig min mene nowa temiar, wamiar tenepaihm; io iesolkeikeian moma tiakhwaprai nar min uk.
16An neterhaliatou ilar le nar kamowata lan te nuhwapraian.
17An ilar min netakarhiapatin Sosthenes ieremera le nimwa ahwak mamahro in le nemri nar kamowata lan te nuhwapraian; an Kalio remeseniapkisan nar min uk ker.
18An Paul neterarik tahman le nian nevin mun, an neterauietuin pian ilar min, neterasua muan Siria, ihlel Prisila mene Akuila; an neterakis nowanun Kenkrea, mero in ka reknamenita nar ker to Wuhgin.
19An netakaruat Efesas, an neterapas ilar iken; mero in neteruan le nimwa ahwak mamakar kam Ju min.
20An ilar netakaihrapuk ton mama terarik tahman mun, mero remeseghanin.
21Mero neterauietuin ilar mameni, Tiaplelegpa mun to kamiar takama Wuhgin rolkeikei, an neterasua atou Efesas.
22An neteruat Sesaria, an neteret muan makarakar kam nahwak min neteratite muan Antiok.
23An neterarikarik tahman iken mier mun, neteruan mier le ten Kaletia mene Frijia le neli nauanu mamol asanen nahwak min.
24An Ju ker netigen Apolos, ierem neraman ka Aleksandria, ierem ramalbakau le nakaran, neterua Efesas, ierem resanen le mawowa.
25Ieremim uk kametikun le suatu te Ieremera, an mero in ka ratiwan le nanumun netereni mametikun etautu nar le Iesu, hminatin am nebaptisoan taha Jon.
26An netererwowun mamakar asanen le nimwa ahwak; an Prisila mene Akuila netukuarou in, an netikiair in mamuatikun etuatu aken ena in le suatu taha Wuhgin.
27An neterolkeikei moma tereukafugen pen Akaia, an pian ilar min netakarehganin, marai nawowa to nahwak min mama takarir in. An neterua neterasitu asul le nerem kamani nuparhienan lan le nevitan.
28Mero in ka le nesanenan asul ramerai ita nakaran te Ju min le nemri neremim, mametikun le nawowa moma Iesu in Kristo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.