Nar 16
16
1An neterua mun Derbe mene Listra. An ahm ru, iahwak ker iken netigen Timothi, neri beraimwa Ju min ierem rameni nuparhienan, mero remin ierem Krik.
2Ierem uk nausitoan in ravit le pian ilar min Listra mene Aikonia.
3Paul neterolkeikei moma ieremim uk tereroupen, an neteros in masigipen mero in ka Ju min kamairik iken min ka; mero in ka ilar min karhinatin mama remin ierem Krik.
4An netakaruan le nauanu min mamarofen kam ilar nowa apostelo min mene elder min Jerusalem kamani, mama takol.
5An nahwak min kenol asanen ilar le nuparhienan, an netakol nahuto le nian min.
6An netakaruan marier le ten Frijia mene Kalatia, mero in ka netakanhiau ilar le Nanumun Ausim moma tesanian nakaran Esia.
7An netakarua iwaket to nar Misia, an netakama takaruan Bithinia, mero Nanimun te Iesu ramesuatean le ilar.
8An netakaipikalin le ten Misia maitite marua Troas.
9An nar pa neterua to Paul lapin, ierem Masedonia ker ramail mamakeikei kam in mameni, Ua Masedonia masitu le kamar.
10An neterahm nar pa, an ihwe am kamar iemaitkoigen nuenan Masedonia, mero in ka nekimar ramakahmo moma Wuhgin ramaunin kamar moma tiakaiusito in nakaran ut to ilar.
11An iemarier Troas maman etuatu to Samothrese, an lauk in iemarua Neapolis;
12An iemasipe iken marua Filipai, nauanu Masedonia, ierem nauanu aremera le ten ka, nauanu Rom ker. An iemairik le nauanu ka nian nevin.
13An le nian ausim iemarier le nukulu le nikali nu, iken nekimar ramakahmo moma iken kamohwak iken, an netiakaiwata mameikar kam neberavin kamerhwafugen.
14An beravin ker, netigen Lidia, ierem ramaurai in napen loulou ierem le nauanu Thaiataira, ierem ramagnin Wuhgin, netererou; Ierem Ieremera rametita nekin moma tereteleg in nar min Paul rameni.
15An kamaui in mene neremim petum le nimwa tahan, an neteramakeikei meni, Takama nekimiar rakahmo moma io iakaparhien le Ieremera, arua le nimwa tahak mamairik; an neteramakeikei kam kamar.
16An kamar netiakaruan iken kamohwak iken, an beresuas ker nanumun te hninatinan nar ramarik lan neterail tosig le kamar, ierem ramhwalh nauta asul kam neremera tahan le neniesesan le nar.
17In neteramerouerou Paul mene kamar, neteramasak mameni, Neremim uk ilar nolatkokun nar te Wuhgin iles aken, nerem takaiusito in suatu te nemihwan to kamiar.
18An ramamol nar uk le nian min ribor. Mero Paul nekin neterahma, neterhwin mameni to nanumun, Tiakani tonik le netige Iesu Kristo moma tenekier lan. An neterier le aur ka.
19Mero neremera tahan netakaihm mama nar kamaitigeta lan to nosan nauta tenilar reknier, netakarhiapatin Paul mene Sailas marukakin ilau maruan imaim to neremera.
20An netakarir ilau to neremera mamani, Wus mil uk, Ju mil, kamiaol mita nauanu tetar,
21An kamuatikun tehwaga resmatuan to katar moma takaros wa takarol, mero in ka katar nerem Rom.
22An nahuto netakailil auker to ilau, an neremera netakahipu ita napen tenilau mamani mama takho ilau le nik.
23An kamaiutin tiknar le ilau maiuker apsupus, netakaihlau ilau le nimwa iakis, mamani to neremera le nimwa iakis mama teramahm ut ilau.
24An in neteros nowa ka, neterehlau ilau le nowa nimwa ierem imwa aken, an neterhwatin nelikin ilau riakis le nik.
25An lapin lalukan Paul mene Sailas netakamuohwak mamuani nabuk kam Wuhgin, an nerem le nimwa iakis netakamaiteleg in ilau.
26An ihwe am mig asul neteravan, an neliki nimwa iakis neterkiukiu, an ihwe am tapin min kenatita, an nar kamelis ilar in rikneris petum.
27An ieremera le nimwa iakis neterait le napulan, neterahm tapin min le nimwa iakis kenatita petum, an neterevi nau apahm neterama terho atu, mero in ka nekin rakahmo moma nerem le nimwa iakis kenaikam petum.
28Mero Paul neterasak le nakarapahman mameni, Tenesoletetan lam, mero in ka kamar muka uk.
29An netererhapuk to nisia, an mivuk pen imwa, an neteramasiouh mampen le nemri Paul mene Sailas.
30An neterir iatou ilau mameni, Ieremera mil, neta tiakakeikei mol moma tiakos nemihwan?
31An ilau netukuani, Ani nuparhienan le Ieremera Iesu, an tapos miuh ik mene neremim le nimwa taham.
32An netakamuani ton nakaran te Wuhgin mene to neremim petum le nimwa tahan.
33An neterir ilau le aur ka lapin mouhiapel nemakam tenilau, an ihwe am netakaui in mene neremim min petum tahan.
34An neterir ilau met muan le nimwa tahan, mofen nauganan kam ilau, an neteragienipus ilar neremim min le nimwa tahan, mero in ka rekneni nuparhienan le Wuhgin.
35An neterhakak neremera netakahilipen nolatkokun nar mamani, Uata le ierem mil un.
36An ieremera le nimwa iakis neterameni nakaran uk to Paul moma, Neremera kenahilipa mama tukuata le kamilau, mero in ka iaier mamiavan le nemelinuan.
37Mero Paul netereni to ilar, Ilar kamahro kamlau ierem Rom mil le nemri neremim mesarhwapraian nar kamahro kamlau ton, meihlau kamlau le nimwa iakis. An towek takahiliatou maniwan kamlau? Kapa, mero pas ilar atu karua marir iatou kamlau.
38An nolatkokun nar netakaiusito in nakaran min uk to neremera.
39An netakairou mama ilau ierem Rom mil, an netakamarigen, an netakarua mamaikeikei kam ilau, an netakarir iatou ilau mameihrapuk to ilau mama tikiaier le nauanu.
40An netikiaier le nimwa iakis miava le nimwa taha Lidia, an netukuahm pian ilar min mamuakar vi kam ilar, an miaier.
Currently Selected:
Nar 16: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
Nar 16
16
1An neterua mun Derbe mene Listra. An ahm ru, iahwak ker iken netigen Timothi, neri beraimwa Ju min ierem rameni nuparhienan, mero remin ierem Krik.
2Ierem uk nausitoan in ravit le pian ilar min Listra mene Aikonia.
3Paul neterolkeikei moma ieremim uk tereroupen, an neteros in masigipen mero in ka Ju min kamairik iken min ka; mero in ka ilar min karhinatin mama remin ierem Krik.
4An netakaruan le nauanu min mamarofen kam ilar nowa apostelo min mene elder min Jerusalem kamani, mama takol.
5An nahwak min kenol asanen ilar le nuparhienan, an netakol nahuto le nian min.
6An netakaruan marier le ten Frijia mene Kalatia, mero in ka netakanhiau ilar le Nanumun Ausim moma tesanian nakaran Esia.
7An netakarua iwaket to nar Misia, an netakama takaruan Bithinia, mero Nanimun te Iesu ramesuatean le ilar.
8An netakaipikalin le ten Misia maitite marua Troas.
9An nar pa neterua to Paul lapin, ierem Masedonia ker ramail mamakeikei kam in mameni, Ua Masedonia masitu le kamar.
10An neterahm nar pa, an ihwe am kamar iemaitkoigen nuenan Masedonia, mero in ka nekimar ramakahmo moma Wuhgin ramaunin kamar moma tiakaiusito in nakaran ut to ilar.
11An iemarier Troas maman etuatu to Samothrese, an lauk in iemarua Neapolis;
12An iemasipe iken marua Filipai, nauanu Masedonia, ierem nauanu aremera le ten ka, nauanu Rom ker. An iemairik le nauanu ka nian nevin.
13An le nian ausim iemarier le nukulu le nikali nu, iken nekimar ramakahmo moma iken kamohwak iken, an netiakaiwata mameikar kam neberavin kamerhwafugen.
14An beravin ker, netigen Lidia, ierem ramaurai in napen loulou ierem le nauanu Thaiataira, ierem ramagnin Wuhgin, netererou; Ierem Ieremera rametita nekin moma tereteleg in nar min Paul rameni.
15An kamaui in mene neremim petum le nimwa tahan, an neteramakeikei meni, Takama nekimiar rakahmo moma io iakaparhien le Ieremera, arua le nimwa tahak mamairik; an neteramakeikei kam kamar.
16An kamar netiakaruan iken kamohwak iken, an beresuas ker nanumun te hninatinan nar ramarik lan neterail tosig le kamar, ierem ramhwalh nauta asul kam neremera tahan le neniesesan le nar.
17In neteramerouerou Paul mene kamar, neteramasak mameni, Neremim uk ilar nolatkokun nar te Wuhgin iles aken, nerem takaiusito in suatu te nemihwan to kamiar.
18An ramamol nar uk le nian min ribor. Mero Paul nekin neterahma, neterhwin mameni to nanumun, Tiakani tonik le netige Iesu Kristo moma tenekier lan. An neterier le aur ka.
19Mero neremera tahan netakaihm mama nar kamaitigeta lan to nosan nauta tenilar reknier, netakarhiapatin Paul mene Sailas marukakin ilau maruan imaim to neremera.
20An netakarir ilau to neremera mamani, Wus mil uk, Ju mil, kamiaol mita nauanu tetar,
21An kamuatikun tehwaga resmatuan to katar moma takaros wa takarol, mero in ka katar nerem Rom.
22An nahuto netakailil auker to ilau, an neremera netakahipu ita napen tenilau mamani mama takho ilau le nik.
23An kamaiutin tiknar le ilau maiuker apsupus, netakaihlau ilau le nimwa iakis, mamani to neremera le nimwa iakis mama teramahm ut ilau.
24An in neteros nowa ka, neterehlau ilau le nowa nimwa ierem imwa aken, an neterhwatin nelikin ilau riakis le nik.
25An lapin lalukan Paul mene Sailas netakamuohwak mamuani nabuk kam Wuhgin, an nerem le nimwa iakis netakamaiteleg in ilau.
26An ihwe am mig asul neteravan, an neliki nimwa iakis neterkiukiu, an ihwe am tapin min kenatita, an nar kamelis ilar in rikneris petum.
27An ieremera le nimwa iakis neterait le napulan, neterahm tapin min le nimwa iakis kenatita petum, an neterevi nau apahm neterama terho atu, mero in ka nekin rakahmo moma nerem le nimwa iakis kenaikam petum.
28Mero Paul neterasak le nakarapahman mameni, Tenesoletetan lam, mero in ka kamar muka uk.
29An netererhapuk to nisia, an mivuk pen imwa, an neteramasiouh mampen le nemri Paul mene Sailas.
30An neterir iatou ilau mameni, Ieremera mil, neta tiakakeikei mol moma tiakos nemihwan?
31An ilau netukuani, Ani nuparhienan le Ieremera Iesu, an tapos miuh ik mene neremim le nimwa taham.
32An netakamuani ton nakaran te Wuhgin mene to neremim petum le nimwa tahan.
33An neterir ilau le aur ka lapin mouhiapel nemakam tenilau, an ihwe am netakaui in mene neremim min petum tahan.
34An neterir ilau met muan le nimwa tahan, mofen nauganan kam ilau, an neteragienipus ilar neremim min le nimwa tahan, mero in ka rekneni nuparhienan le Wuhgin.
35An neterhakak neremera netakahilipen nolatkokun nar mamani, Uata le ierem mil un.
36An ieremera le nimwa iakis neterameni nakaran uk to Paul moma, Neremera kenahilipa mama tukuata le kamilau, mero in ka iaier mamiavan le nemelinuan.
37Mero Paul netereni to ilar, Ilar kamahro kamlau ierem Rom mil le nemri neremim mesarhwapraian nar kamahro kamlau ton, meihlau kamlau le nimwa iakis. An towek takahiliatou maniwan kamlau? Kapa, mero pas ilar atu karua marir iatou kamlau.
38An nolatkokun nar netakaiusito in nakaran min uk to neremera.
39An netakairou mama ilau ierem Rom mil, an netakamarigen, an netakarua mamaikeikei kam ilau, an netakarir iatou ilau mameihrapuk to ilau mama tikiaier le nauanu.
40An netikiaier le nimwa iakis miava le nimwa taha Lidia, an netukuahm pian ilar min mamuakar vi kam ilar, an miaier.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.