प्रेरितन के काम 15
15
येरूसलेम में एक सभा
1कछु लोग यहुदिया पिरदेस ते अन्ताकिया में आयकें भरोसौ करबे बारे भईयन कूं परमेस्वर के वचन की सिछा देबे लगे कै, “तुमारौ मूसा की व्यबस्था के अनुसार खतना नांय हैबैगौ तब तक तुमारौ उद्धार नांय है सकत।” 2पौलुस और बरनबास बिनकी जा बात ते सहमत नांय हते, जा बजैह ते बिनके बीच में बाद-बिबाद पैदा है गयौ। जा बात के समाधान काजै पौलुस और बरनबास और वाके कछू संगीन कूं भेजे भये चेलान और कलिसिया के अगुवन जौरे येरूसलेम भेजबे कौ निस्चय करौ गयौ। 3अन्ताकिया की कलिसिया नें बिनें बिदा करौ। बे फिनीके और सामरिया ते हैकें, गैर यहुदियन कूं पापन ते मन फिरायबे कौ सुभ समाचार सुनाबत भये गये। जा समाचार ने सब भरोसौ करबे बारे भईयन कूं बड़ौ खुस करौ। 4और जब पौलुस और बरनबास येरूसलेम में पौंहचे तौ भरोसौ करबे बारे और भेजे भये चेला और कलिसिया के अगुवे बिनते बड़े आनन्द के संग मिले और बिनें बतायौ कै, बिनके संग परमेस्वर कैसे कैसे काम करै।
5पर फरीसी के दल के कछू भरोसौ करबे बारे खड़े भये और बोले कै, “गैर यहुदिन कूं खतना करायबे और मूसा की व्यबस्था मानबे की आग्या देनी चहिऐं।”
6तब जा बात पै बिचार करबे काजै कलिसिया के अगुवे और भेजे भये चेला इकठ्ठे भये। 7#प्रेरि 10:1–43जा बात पै भौत बिचार करबे के बाद पतरस खड़ौ भयौ और बिनते बोलौ, “हे भईयाओ, तुम जानतौ कै, भौत समै पैहले तुम में ते मोय परमेस्वर ने गैर यहुदी लोगन कूं वचन सुनांयबे काजै चुनों हतो कै, लोग सुभ समाचार सुनें और भरोसौ करै। 8#प्रेरि 10:44; 2:4और हमारे मन कूं जांचबे बारे परमेस्वर ने हमारेई समान उन्नेंऊ पबित्र आतमा कौ वरदान दैकै, उनके सम्बन्ध में अपनों समरथन दिखायौ। 9परमेस्वर ने भरोसे के द्वारा बिनके मन कूं पबित्र करकें हमारे और उनके बीच में कोई भेद भाव नांय करौ। 10जामारै भरोसौ करबे बारे गैर यहुदिन के कन्धा पै ऐसौ जूआ लाध दयो, जाय हम और हमारे पुरखा नांय उठाय सकते। तुम लोग परमेस्वर कूं झमेला में चौं डारतो? 11पर हमारौ तौ जेई भरोसौऐ कै पिरभू ईसू की किरपा के द्वारा जैसे हमारौ उद्धार भयौए, बैसेई हमें भरोसौ है कै उनकौऊ उद्धार होगौ।”
12जा बात पै सभा के सबरे लोग चुप हैकै बरनबास और पौलुस की बात सुनबे लगे। बे बिन बड़े चिन्न और अचरज के कामन के बारे में बताय रये हते, जो परमेस्वर नें बिनके द्वारा गैर यहुदियन के बीच में कराये हते।
याकूब कौ पिरचार
13जब बे बोल चुके, तब याकूब कैहबे लगौ, “हे भईयाओ, मेरी सुनों। 14सिमौन नें हमें बताई हती कै, परमेस्वर अपने नाम काजै गैर यहुदियन में ते कछू लोगन कूं चुनकें उनते सबते पैहले अपनों पिरेम पिरगट करौ हतो। 15परमेस्वर की ओर ते बात बतायबे बारेन नेंऊ इन बातन कौ समरथन करकै लिखौ है,
16“ ‘मैं जाके बाद फिर आऊंगो।
और खुद दाऊद के गिरे भये घर कूं
फिर उठाऊंगौ
और टूटे भये खन्डरन कूं दुबारा बनांऊंगौ
और बिन्नें समारूंगो।
17ताके बे जो बचे भये लोग और गैर यहुदी
सब लोग अब
मेरे कहलाये जातै,
बे पिरभू कूं ढ़ूढ़बे में लगे रहे।’
18‘इन बातन्नें बुई पिरभू कैहतै, जौ युग-युग ते इन बातन कूं पिरगट करतौ रहौऐ।’
19“जामारै मेरौ बिचार जि है कै, गैर यहुदियन मेंते जो परमेस्वर की ओर फिर रयेऐं, उन्नें सतानों नांय चहिऐं। 20पर उनके काजै हमें जि लिखकै भेजनी चहिऐं कै, बे मूरतीन के आगे चढ़ाई भई चीज नांय खानी चहिऐं, और व्यभिचार नांय करनों चहिऐं और गले घोंटके मारे भये पसुन कौ मांस नांय खानों चहिऐं और न खून खानों चहिऐं। 21चौंकि पुराने समै तेई नगर नगर में मूसा की व्यबस्था कौ पिरचार करबे बारे हते। और आराम के दिनन में व्यबस्था की किताब हमारे सब पिराथना घरन में पढ़कै सुनाई जात हती।”
पिरभू पै भरोसौ करबे बारे गैर यहुदिन काजै चिठ्ठी
22भेजे भये चेलान और कलिसिया के अगुवन नें सब भरोसौ करबे बारेन के संग जि निस्चय करौ कै, उनयी में ते कछू लोगन कूं चुनकें पौलुस और बरनबास के संग अन्ताकिया भेजौ जाय। उन्नें बरसब्बा कैहबे बारे यहूदा और सीलास कूं चुनों, बे सब भरोसौ करबे बारे भईयन में पिरमुख हते। 23बिन्नें बिनके हात में जि चिठ्ठी लिखकै भेजी कै,
अन्ताकिया, सीरीया और किलकिया में रैहबे बारे, उन सबरे गैर यहुदी भईयन कै काजै, तुमारे भरोसे में भईयन, अगुबो और भेजे भये चेलान की ओर ते नमस्कार।
24“हमनें सुनीऐ के हमारे य्हांके लोगन हमनें जिन लोगन कूं कोई अधिकार नांय दियौ हतो, बिन्नें अपनी बातन ते तुम लोगन में घबराहट पैदा कर दयीऐ। और तुमारे मन कूं उलझन में डर दयौए। 25जामारै हम सब ने एक मन हैकें जि निस्चय करौए कै अपने प्यारे पौलुस और बरनबास के संग चुनकै कछु लोगन कूं तुमारे जौरे भेजे। 26जे बेई लोग हैं जिन्ने हमारे पिरभू ईसू मसीह कौ सुभ समाचार सुनांयबे काजै अपनी जान जोखिम में डार दयी हती। 27हम यहूदा और सीलास कूं तुमारे जौरे भेज रये हैं। बे तुमें इन सबरी बातन कूं बतामिंगे। 28पबित्र आतमा कूं और हमैंऊ जि ठीक लगौ के जो बात सही और जरूरीये इन बातन कूं छोड़कै तुम पै कोई बोझ नांय डारौ जाबे। 29मूरतीन के आगे चढ़ाई भई चीज नांय खानी चहिऐं, और व्यभिचार नांय करनों चहिऐं और गले घोंटके मारे भये पसुन कौ मांस नांय खानों चहिऐं और न खून खानों चहिऐं। तुम अपने आपकूं इन बातनते बचायकै रखौगे तौ तुमारौ कल्यान होगो।”
30बे मांते बिदा हैके अन्ताकिया पौहचे। मांपै उन सब भरोसौ करबे बारे भईयन कूं इकठ्ठौ करकें जि चिठ्ठी दयी। 31बे सब चिठ्ठी में लिखी भयी बातन कूं पढ़कै भौत खुस भये। 32यहूदा और सीलास जो खुदई परमेस्वर की ओर ते बात बतायबे बारे हते, भौत देर तक भरोसौ करबे बारे भईयन कूं परमेस्वर के वचन की सिछा दैकें, बिनें हिम्मत दयी और उनैं भरोसे में मजबूत करौ। 33कछू दिना और मापै रुकबे के बाद भरोसौ करबे बारे भईयन ने उनकूं सान्ती के संग बिदा करौ, और उन लोगन के जौरे बापिस लौटे जिन्ने उने भेजौ हतो। 34पर सीलास कूं मापै रैहबौ अच्छौ लगौ। #15:34 कछू हात ते लिखी भयी किताबन में जि आयत नांय लिखी गयी। 35पौलुस और बरनबास अन्ताकिया में ही रैह गये और दूसरे भौत ते लोगन के संग पिरभू के वचन की सिछा देत भये सुभ समाचार कौ पिरचार करते रहे।
पौलुस और बरनबास कौ अलग हैबौ
36कछु दिनन के बाद पौलुस ने बरनबास ते कही, “आऔ, हम उन नगर में फिरते चलें ज्हां हमनें पिरभू के वचन कौ पिरचार करो, और भरोसौ करबे बारे भईयन के बीच में जायके उनते मुलाकात करें कै, बे कैसे हैं।” 37बरनबास तौ चाहतौ के बू यूहन्ना कूंअऊं जौ मरकुस कहौ जाबतौ बाय अपने संग लै जाबै। 38#प्रेरि 13:13पर पौलुस कौ जि बिचार हतो कै, “जब हम पंफूलिया में हते तब उनते अलग है गयौ और पिरभू के काम में मेरौ हात नांय बटायौ।” जा बजैह ते जाय संग लै जायबौ ठीक नांय। 39जा बात ते इन दोनोंन में आपस में मत-भेद है गयौ। बे अलग अलग है गये और बरनबास मरकुस कूं अपने संग लैके जहाज में बैठकै साइप्रस कूं चल गयौ।
40पौलुस ने सीलास कूं चुन लियौ और भरोसौ करबे बारे भईयन नें बिनें पिरभू के अनुग्रह में सौंप दियौ और बे मांते चले गये। 41बे सीरीया और किलकिया में घूमत भये कलिसिया कूं धीरज बंधायौ और भरोसे में मजबूत करतौ रहौ।
Currently Selected:
प्रेरितन के काम 15: BRAJ
Highlight
Copy
Compare
Share
Want to have your highlights saved across all your devices? Sign up or sign in
NonCommercial-NoDerivatives 4.0 International (CC BY-NC-ND 4.0)
प्रेरितन के काम 15
15
येरूसलेम में एक सभा
1कछु लोग यहुदिया पिरदेस ते अन्ताकिया में आयकें भरोसौ करबे बारे भईयन कूं परमेस्वर के वचन की सिछा देबे लगे कै, “तुमारौ मूसा की व्यबस्था के अनुसार खतना नांय हैबैगौ तब तक तुमारौ उद्धार नांय है सकत।” 2पौलुस और बरनबास बिनकी जा बात ते सहमत नांय हते, जा बजैह ते बिनके बीच में बाद-बिबाद पैदा है गयौ। जा बात के समाधान काजै पौलुस और बरनबास और वाके कछू संगीन कूं भेजे भये चेलान और कलिसिया के अगुवन जौरे येरूसलेम भेजबे कौ निस्चय करौ गयौ। 3अन्ताकिया की कलिसिया नें बिनें बिदा करौ। बे फिनीके और सामरिया ते हैकें, गैर यहुदियन कूं पापन ते मन फिरायबे कौ सुभ समाचार सुनाबत भये गये। जा समाचार ने सब भरोसौ करबे बारे भईयन कूं बड़ौ खुस करौ। 4और जब पौलुस और बरनबास येरूसलेम में पौंहचे तौ भरोसौ करबे बारे और भेजे भये चेला और कलिसिया के अगुवे बिनते बड़े आनन्द के संग मिले और बिनें बतायौ कै, बिनके संग परमेस्वर कैसे कैसे काम करै।
5पर फरीसी के दल के कछू भरोसौ करबे बारे खड़े भये और बोले कै, “गैर यहुदिन कूं खतना करायबे और मूसा की व्यबस्था मानबे की आग्या देनी चहिऐं।”
6तब जा बात पै बिचार करबे काजै कलिसिया के अगुवे और भेजे भये चेला इकठ्ठे भये। 7#प्रेरि 10:1–43जा बात पै भौत बिचार करबे के बाद पतरस खड़ौ भयौ और बिनते बोलौ, “हे भईयाओ, तुम जानतौ कै, भौत समै पैहले तुम में ते मोय परमेस्वर ने गैर यहुदी लोगन कूं वचन सुनांयबे काजै चुनों हतो कै, लोग सुभ समाचार सुनें और भरोसौ करै। 8#प्रेरि 10:44; 2:4और हमारे मन कूं जांचबे बारे परमेस्वर ने हमारेई समान उन्नेंऊ पबित्र आतमा कौ वरदान दैकै, उनके सम्बन्ध में अपनों समरथन दिखायौ। 9परमेस्वर ने भरोसे के द्वारा बिनके मन कूं पबित्र करकें हमारे और उनके बीच में कोई भेद भाव नांय करौ। 10जामारै भरोसौ करबे बारे गैर यहुदिन के कन्धा पै ऐसौ जूआ लाध दयो, जाय हम और हमारे पुरखा नांय उठाय सकते। तुम लोग परमेस्वर कूं झमेला में चौं डारतो? 11पर हमारौ तौ जेई भरोसौऐ कै पिरभू ईसू की किरपा के द्वारा जैसे हमारौ उद्धार भयौए, बैसेई हमें भरोसौ है कै उनकौऊ उद्धार होगौ।”
12जा बात पै सभा के सबरे लोग चुप हैकै बरनबास और पौलुस की बात सुनबे लगे। बे बिन बड़े चिन्न और अचरज के कामन के बारे में बताय रये हते, जो परमेस्वर नें बिनके द्वारा गैर यहुदियन के बीच में कराये हते।
याकूब कौ पिरचार
13जब बे बोल चुके, तब याकूब कैहबे लगौ, “हे भईयाओ, मेरी सुनों। 14सिमौन नें हमें बताई हती कै, परमेस्वर अपने नाम काजै गैर यहुदियन में ते कछू लोगन कूं चुनकें उनते सबते पैहले अपनों पिरेम पिरगट करौ हतो। 15परमेस्वर की ओर ते बात बतायबे बारेन नेंऊ इन बातन कौ समरथन करकै लिखौ है,
16“ ‘मैं जाके बाद फिर आऊंगो।
और खुद दाऊद के गिरे भये घर कूं
फिर उठाऊंगौ
और टूटे भये खन्डरन कूं दुबारा बनांऊंगौ
और बिन्नें समारूंगो।
17ताके बे जो बचे भये लोग और गैर यहुदी
सब लोग अब
मेरे कहलाये जातै,
बे पिरभू कूं ढ़ूढ़बे में लगे रहे।’
18‘इन बातन्नें बुई पिरभू कैहतै, जौ युग-युग ते इन बातन कूं पिरगट करतौ रहौऐ।’
19“जामारै मेरौ बिचार जि है कै, गैर यहुदियन मेंते जो परमेस्वर की ओर फिर रयेऐं, उन्नें सतानों नांय चहिऐं। 20पर उनके काजै हमें जि लिखकै भेजनी चहिऐं कै, बे मूरतीन के आगे चढ़ाई भई चीज नांय खानी चहिऐं, और व्यभिचार नांय करनों चहिऐं और गले घोंटके मारे भये पसुन कौ मांस नांय खानों चहिऐं और न खून खानों चहिऐं। 21चौंकि पुराने समै तेई नगर नगर में मूसा की व्यबस्था कौ पिरचार करबे बारे हते। और आराम के दिनन में व्यबस्था की किताब हमारे सब पिराथना घरन में पढ़कै सुनाई जात हती।”
पिरभू पै भरोसौ करबे बारे गैर यहुदिन काजै चिठ्ठी
22भेजे भये चेलान और कलिसिया के अगुवन नें सब भरोसौ करबे बारेन के संग जि निस्चय करौ कै, उनयी में ते कछू लोगन कूं चुनकें पौलुस और बरनबास के संग अन्ताकिया भेजौ जाय। उन्नें बरसब्बा कैहबे बारे यहूदा और सीलास कूं चुनों, बे सब भरोसौ करबे बारे भईयन में पिरमुख हते। 23बिन्नें बिनके हात में जि चिठ्ठी लिखकै भेजी कै,
अन्ताकिया, सीरीया और किलकिया में रैहबे बारे, उन सबरे गैर यहुदी भईयन कै काजै, तुमारे भरोसे में भईयन, अगुबो और भेजे भये चेलान की ओर ते नमस्कार।
24“हमनें सुनीऐ के हमारे य्हांके लोगन हमनें जिन लोगन कूं कोई अधिकार नांय दियौ हतो, बिन्नें अपनी बातन ते तुम लोगन में घबराहट पैदा कर दयीऐ। और तुमारे मन कूं उलझन में डर दयौए। 25जामारै हम सब ने एक मन हैकें जि निस्चय करौए कै अपने प्यारे पौलुस और बरनबास के संग चुनकै कछु लोगन कूं तुमारे जौरे भेजे। 26जे बेई लोग हैं जिन्ने हमारे पिरभू ईसू मसीह कौ सुभ समाचार सुनांयबे काजै अपनी जान जोखिम में डार दयी हती। 27हम यहूदा और सीलास कूं तुमारे जौरे भेज रये हैं। बे तुमें इन सबरी बातन कूं बतामिंगे। 28पबित्र आतमा कूं और हमैंऊ जि ठीक लगौ के जो बात सही और जरूरीये इन बातन कूं छोड़कै तुम पै कोई बोझ नांय डारौ जाबे। 29मूरतीन के आगे चढ़ाई भई चीज नांय खानी चहिऐं, और व्यभिचार नांय करनों चहिऐं और गले घोंटके मारे भये पसुन कौ मांस नांय खानों चहिऐं और न खून खानों चहिऐं। तुम अपने आपकूं इन बातनते बचायकै रखौगे तौ तुमारौ कल्यान होगो।”
30बे मांते बिदा हैके अन्ताकिया पौहचे। मांपै उन सब भरोसौ करबे बारे भईयन कूं इकठ्ठौ करकें जि चिठ्ठी दयी। 31बे सब चिठ्ठी में लिखी भयी बातन कूं पढ़कै भौत खुस भये। 32यहूदा और सीलास जो खुदई परमेस्वर की ओर ते बात बतायबे बारे हते, भौत देर तक भरोसौ करबे बारे भईयन कूं परमेस्वर के वचन की सिछा दैकें, बिनें हिम्मत दयी और उनैं भरोसे में मजबूत करौ। 33कछू दिना और मापै रुकबे के बाद भरोसौ करबे बारे भईयन ने उनकूं सान्ती के संग बिदा करौ, और उन लोगन के जौरे बापिस लौटे जिन्ने उने भेजौ हतो। 34पर सीलास कूं मापै रैहबौ अच्छौ लगौ। #15:34 कछू हात ते लिखी भयी किताबन में जि आयत नांय लिखी गयी। 35पौलुस और बरनबास अन्ताकिया में ही रैह गये और दूसरे भौत ते लोगन के संग पिरभू के वचन की सिछा देत भये सुभ समाचार कौ पिरचार करते रहे।
पौलुस और बरनबास कौ अलग हैबौ
36कछु दिनन के बाद पौलुस ने बरनबास ते कही, “आऔ, हम उन नगर में फिरते चलें ज्हां हमनें पिरभू के वचन कौ पिरचार करो, और भरोसौ करबे बारे भईयन के बीच में जायके उनते मुलाकात करें कै, बे कैसे हैं।” 37बरनबास तौ चाहतौ के बू यूहन्ना कूंअऊं जौ मरकुस कहौ जाबतौ बाय अपने संग लै जाबै। 38#प्रेरि 13:13पर पौलुस कौ जि बिचार हतो कै, “जब हम पंफूलिया में हते तब उनते अलग है गयौ और पिरभू के काम में मेरौ हात नांय बटायौ।” जा बजैह ते जाय संग लै जायबौ ठीक नांय। 39जा बात ते इन दोनोंन में आपस में मत-भेद है गयौ। बे अलग अलग है गये और बरनबास मरकुस कूं अपने संग लैके जहाज में बैठकै साइप्रस कूं चल गयौ।
40पौलुस ने सीलास कूं चुन लियौ और भरोसौ करबे बारे भईयन नें बिनें पिरभू के अनुग्रह में सौंप दियौ और बे मांते चले गये। 41बे सीरीया और किलकिया में घूमत भये कलिसिया कूं धीरज बंधायौ और भरोसे में मजबूत करतौ रहौ।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
NonCommercial-NoDerivatives 4.0 International (CC BY-NC-ND 4.0)