रोमापा 5
5
श्यीदे धाङ घाटो
1होझ्येरी धेपागी गोने होराङ ढाङपो चीचा झ्येरी, होराङ होरी चोवो येशु मास्यीकागी थोक्ने, को़न्क्षोकमुला दुम्पालाक। 2येशुगी होराङला धेपागी थोक्ने, धान्दा होराङ ॱनेती धेता थुक्जेगी नाङ ठीक्ती होवालाक। धेनी को़न्क्षोकगी शीजे नाङ च्यारयेगी रेवा श्याक्ती, होराङ घाटो झ्यीदालाक। 3देचो़ च्यीगा मेन्दा, होराङ होरी दुक्ङेलला घाटो झ्यीदालाक घीझ्येरी ॱनाना दुक्ङेलगी शो़पा 4धाङ शो़पागी चो़पा शाङपो धाङ चो़पा शाङपोगी रेवा केगीनगो, होरी स्येलालाक। 5धेनी रेवागी होराङला ॱलो फाम्दु ॱमीच्युक्वालाक घीझ्येरी ॱनाना होराङला ॱनाङना धाम्पे थुक्ङीगी गोने, को़न्क्षोकगी झाम्पा होरी सेम नाङला ॱलुक हो़तालाक।
6होराङ थापक्योवा हो़ती घाङलाराङ मास्यीका धीक्चेनक्याई क्षीदु, को़न्क्षोकगी दामा जेजा धी़ तीक-तीकगोला ढोङा जेपालाक। 7धेनी मी शाङपोगी क्षीदु ॱरोक ॱलो़ ताङगीनक्या हो़ना, मी ढाङपोगी क्षीदु ॱरोक ॱलो़ ताङगीनक्या को़म्पो हो़टु। 8हीना होराङक्या धीक्चेन हो़ती घाङलाराङ, मास्यीका होरी क्षीदु ढोङा जेपालाक। दी गोने को़न्क्षोकगी होरी क्षीदु राङगी झाम्पा तो़न जेपालाक। 9धा खोङगी कुठाकगी गोने होराङ ढाङपो चीचा झ्येरी, खोङगी थोक्ने होराङ को़न्क्षोकगी थुक्ठो़ने ॱयो़ल्ले माङा थारकीलाक। 10घीझ्येरी ॱनाना होराङ को़न्क्षोकगी डा हो़ती घाङला, खोङबागी से ढोङगीनगी थोक्ने, खोङबामुला होराङ दुमा जेहो़ना, धा दुमा जेसारती मास्यीकागी छेगी थोक्ने होराङ ॱयोल्ले माङा थारकीलाक। 11देचो़ च्यीगा मेन्दा होरी चोवो येशु मास्यीकागी थोक्ने, होराङ धान्दा को़न्क्षोकमुला दुमा जेदी, खोङगी थोक्ने होराङ को़न्क्षोकगी नाङ घाटो झ्यीदालाक।
आदामने छीवा धाङ मास्यीकाने छे
12होझ्येरी मी च्यीकगी थोक्ने, जीक्तेनदु धीक्पा झ्युवालाक धेनी धीक्पाने छीवा झ्युवालाक। धेनी मी घीरीगी धीक्पा झ्येजा झ्येरी, मी घीरीगी खाला छीवा झ्युवालाक। 13क्षो़ठीम ॱमानाङगीन एन्ला, जीक्तेनदु धीक्पा हो़तालाक हीना क्षो़ठीम मेगीन झ्येरी, धीक्पागी ची गोवाः मेश्यालाक। 14घीहीन्ना आदामने मोशेगी धी़ थुक्पे, मी घीरी छीवागी वाङ होकदु हो़तालाक। आदामगी को़न्क्षोकगी काला ॱमाचीवा धीक्पा झ्येजा च्योक्रे, धीक्पा माझ्येगीनक्याः छीवागी वाङ होकदु हो़तालाक।
आदाम नी, फेप्ये हीन्गीन मास्यीकागी पे च्यीक लाक। 15हीना आदामगी धीक्पा धाङ को़न्क्षोकगी ॱनाङज्यीन ॱङीउ मेडालालाक। घीझ्येरी ॱनाना मी च्यीकगी धीक्पागी झ्येरी मी माङा स्यी हो़ना, येशु मास्यीका च्यीकगी थुक्जेगी थोक्ने, को़न्क्षोकगी थुक्जे धाङ ॱनाङज्यीनगो देले ल्हाक मीक्याला थोप्पालाक। 16धेनी को़न्क्षोकगी ॱनाङज्यीनगो मी च्यीकगी धीक्पागी ढेबु च्योक्रे मालाक। घीझ्येरी ॱनाना मी च्यीकगी धीक्पा झ्येरी ठीम्चो़गो ॱनावालाक धेनी होराङला छेपा फोक्पालाक हीना होरी धीक्पा ॱमीच्यीकी माङा झ्येहो़नाः, को़न्क्षोकगी ॱनाङज्यीनगी होराङला खोङगी डुङदु ढाङपो चीवालाक। 17धा आदाम मी च्यीकगी धीक्पागी झ्येरी छीवागी वाङ झ्येहो़ना, येशु मास्यीका मी च्यीकगी थोक्ने, थुक्जे मेछो़ली थोप्था धाङ ढाङतेनगी ॱनाङज्यीन थोप्थाक्याई, देले ल्हाक छेसोकगी नाङ वाङ झ्यीगीलाक।
18होझ्येरी मी च्यीकगी धीक्पागी, मी घीरीला छेपा फोक्तु च्युक्पालाक धेनी देरेराङ झ्येरी, मी च्यीकगी ढाङतेनगी लेगागी मी घीरीला ढाङपो चीवालाक धेनी छेसोक ॱनाङालाक। 19घीझ्येरी ॱनाना मी च्यीकगी काला ॱमाचीगीन केनगी, मी माङा धीक्चेन झ्युजा च्योक्रे, मी च्यीकगी काला ङेन्गीनगी मी माङा ढाङपो चीगीलाक।
20धीक्पा फेरु च्युक्येगी क्षीदु क्षो़ठीम ॱनावालाक। हीना धीक्पा फेसारु, को़न्क्षोकगी थुक्जे ॱयोल्ले माङा फेवालाक। 21होझ्येरी छीवागी थोक्ने, धीक्पागी वाङ झ्यीगीन च्योक्रे, ढाङतेनगी थोक्ने होरी चोवो येशु मास्यीकागी थोक्ने, थामेपे छेसोक ॱनाङयेला थुक्जेगीयाः वाङ झ्यीदालाक।
Currently Selected:
रोमापा 5: LOY
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
रोमापा 5
5
श्यीदे धाङ घाटो
1होझ्येरी धेपागी गोने होराङ ढाङपो चीचा झ्येरी, होराङ होरी चोवो येशु मास्यीकागी थोक्ने, को़न्क्षोकमुला दुम्पालाक। 2येशुगी होराङला धेपागी थोक्ने, धान्दा होराङ ॱनेती धेता थुक्जेगी नाङ ठीक्ती होवालाक। धेनी को़न्क्षोकगी शीजे नाङ च्यारयेगी रेवा श्याक्ती, होराङ घाटो झ्यीदालाक। 3देचो़ च्यीगा मेन्दा, होराङ होरी दुक्ङेलला घाटो झ्यीदालाक घीझ्येरी ॱनाना दुक्ङेलगी शो़पा 4धाङ शो़पागी चो़पा शाङपो धाङ चो़पा शाङपोगी रेवा केगीनगो, होरी स्येलालाक। 5धेनी रेवागी होराङला ॱलो फाम्दु ॱमीच्युक्वालाक घीझ्येरी ॱनाना होराङला ॱनाङना धाम्पे थुक्ङीगी गोने, को़न्क्षोकगी झाम्पा होरी सेम नाङला ॱलुक हो़तालाक।
6होराङ थापक्योवा हो़ती घाङलाराङ मास्यीका धीक्चेनक्याई क्षीदु, को़न्क्षोकगी दामा जेजा धी़ तीक-तीकगोला ढोङा जेपालाक। 7धेनी मी शाङपोगी क्षीदु ॱरोक ॱलो़ ताङगीनक्या हो़ना, मी ढाङपोगी क्षीदु ॱरोक ॱलो़ ताङगीनक्या को़म्पो हो़टु। 8हीना होराङक्या धीक्चेन हो़ती घाङलाराङ, मास्यीका होरी क्षीदु ढोङा जेपालाक। दी गोने को़न्क्षोकगी होरी क्षीदु राङगी झाम्पा तो़न जेपालाक। 9धा खोङगी कुठाकगी गोने होराङ ढाङपो चीचा झ्येरी, खोङगी थोक्ने होराङ को़न्क्षोकगी थुक्ठो़ने ॱयो़ल्ले माङा थारकीलाक। 10घीझ्येरी ॱनाना होराङ को़न्क्षोकगी डा हो़ती घाङला, खोङबागी से ढोङगीनगी थोक्ने, खोङबामुला होराङ दुमा जेहो़ना, धा दुमा जेसारती मास्यीकागी छेगी थोक्ने होराङ ॱयोल्ले माङा थारकीलाक। 11देचो़ च्यीगा मेन्दा होरी चोवो येशु मास्यीकागी थोक्ने, होराङ धान्दा को़न्क्षोकमुला दुमा जेदी, खोङगी थोक्ने होराङ को़न्क्षोकगी नाङ घाटो झ्यीदालाक।
आदामने छीवा धाङ मास्यीकाने छे
12होझ्येरी मी च्यीकगी थोक्ने, जीक्तेनदु धीक्पा झ्युवालाक धेनी धीक्पाने छीवा झ्युवालाक। धेनी मी घीरीगी धीक्पा झ्येजा झ्येरी, मी घीरीगी खाला छीवा झ्युवालाक। 13क्षो़ठीम ॱमानाङगीन एन्ला, जीक्तेनदु धीक्पा हो़तालाक हीना क्षो़ठीम मेगीन झ्येरी, धीक्पागी ची गोवाः मेश्यालाक। 14घीहीन्ना आदामने मोशेगी धी़ थुक्पे, मी घीरी छीवागी वाङ होकदु हो़तालाक। आदामगी को़न्क्षोकगी काला ॱमाचीवा धीक्पा झ्येजा च्योक्रे, धीक्पा माझ्येगीनक्याः छीवागी वाङ होकदु हो़तालाक।
आदाम नी, फेप्ये हीन्गीन मास्यीकागी पे च्यीक लाक। 15हीना आदामगी धीक्पा धाङ को़न्क्षोकगी ॱनाङज्यीन ॱङीउ मेडालालाक। घीझ्येरी ॱनाना मी च्यीकगी धीक्पागी झ्येरी मी माङा स्यी हो़ना, येशु मास्यीका च्यीकगी थुक्जेगी थोक्ने, को़न्क्षोकगी थुक्जे धाङ ॱनाङज्यीनगो देले ल्हाक मीक्याला थोप्पालाक। 16धेनी को़न्क्षोकगी ॱनाङज्यीनगो मी च्यीकगी धीक्पागी ढेबु च्योक्रे मालाक। घीझ्येरी ॱनाना मी च्यीकगी धीक्पा झ्येरी ठीम्चो़गो ॱनावालाक धेनी होराङला छेपा फोक्पालाक हीना होरी धीक्पा ॱमीच्यीकी माङा झ्येहो़नाः, को़न्क्षोकगी ॱनाङज्यीनगी होराङला खोङगी डुङदु ढाङपो चीवालाक। 17धा आदाम मी च्यीकगी धीक्पागी झ्येरी छीवागी वाङ झ्येहो़ना, येशु मास्यीका मी च्यीकगी थोक्ने, थुक्जे मेछो़ली थोप्था धाङ ढाङतेनगी ॱनाङज्यीन थोप्थाक्याई, देले ल्हाक छेसोकगी नाङ वाङ झ्यीगीलाक।
18होझ्येरी मी च्यीकगी धीक्पागी, मी घीरीला छेपा फोक्तु च्युक्पालाक धेनी देरेराङ झ्येरी, मी च्यीकगी ढाङतेनगी लेगागी मी घीरीला ढाङपो चीवालाक धेनी छेसोक ॱनाङालाक। 19घीझ्येरी ॱनाना मी च्यीकगी काला ॱमाचीगीन केनगी, मी माङा धीक्चेन झ्युजा च्योक्रे, मी च्यीकगी काला ङेन्गीनगी मी माङा ढाङपो चीगीलाक।
20धीक्पा फेरु च्युक्येगी क्षीदु क्षो़ठीम ॱनावालाक। हीना धीक्पा फेसारु, को़न्क्षोकगी थुक्जे ॱयोल्ले माङा फेवालाक। 21होझ्येरी छीवागी थोक्ने, धीक्पागी वाङ झ्यीगीन च्योक्रे, ढाङतेनगी थोक्ने होरी चोवो येशु मास्यीकागी थोक्ने, थामेपे छेसोक ॱनाङयेला थुक्जेगीयाः वाङ झ्यीदालाक।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society