रोमापा 10
10
1पी़नक्याओ, ङी सेमगी दो़पा धाङ ईस्राएल्पाक्याई क्षीदु, ङी को़न्क्षोकला ॱमो़लाम पुगीनगो नी, खुङक्याला थारपा थोबास्योक ॱनेरी लाक। 2घीझ्येरी ॱनाना खुङक्या को़न्क्षोकला ॱमीच्यीकी सेमस्युक क्षे दुक हीना दे स्येयो़नला तेन्दी मीदुक ॱनेरी, ङा धेन्पाङ झ्यीदाहीन। 3खुङक्याई को़न्क्षोकने झ्युङगीन ढाङतेनगो ॱमास्येवा, खोराङक्या राङगी थापस्यीने को़न्क्षोकमुला ढाङपो झ्युङयेला चावालाक। धेनी खुङक्याई राङला को़न्क्षोकगी ढाङतेनगी होकला ॱमापुवालाक। 4घीझ्येरी ॱनाना धेपा झ्यीगीन घीरी को़न्क्षोकगी डुङदु ढाङपो चीयेगी क्षीला, मास्यीकागी क्षो़ठीमगी दो़न्दाकगो डुपा जेपालाक।
थारपा नी घीरीगी क्षीदु लाक
5धा क्षो़ठीमने झ्युङगीन ढाङतेनगी कोरला, मोशेगी देरे ढीक हो़तालाक, “क्षो़ठीमगी का घीरी चीगीन मीगो, होदे थोक्नेराङ सो़न्पो धेगीलाक।”#लेवी १८:५ 6हीना धेपाने झ्युङगीन ढाङतेनगी देरे सुङालाक, “राङगी सेम नाङदु ‘नाम्खे श्यीङखामदु सु डोगीले?’ ॱनेरी ॱमाना।#काठीम ३०:१२ (दे नी मास्यीकाला माला ठीक्ती, हुङयेगी क्षीला लाक।) 7याङना राङगी सेम नाङदु ‘सातीङ#१०:७ सातीङ ॱनो़पा धाङ धी़कक्या श्याक्सा सागी खोक-खोक्दु हो़गीन दोङ-दोङ क्षेगो लाक ॱनेरी याहुदापाक्याई चीलालाक। होकला सु डोगीले?’ ॱनेरी ॱमाना।”#काठीम ३०:१३ (दे नी मास्यीकाला छीवाने याला ठीक्ती हुङयेगी क्षीदु लाक।) 8हीना दी घी ॱनाले? “का नी ख्यी़ डामदु दुक, ख्यी़ खा धाङ सेम नाङला श्युक दुक।”#काठीम ३०:१४ होदे नी हीकी सेटाक झ्यीगीन धेपागी कागो लाक। 9खेक्याई राङगी खागी “येशु नी चोवो लाक” ॱनेरी ॱनाना धेनी को़न्क्षोकगी खोङला छीवाने ॱलार सो़न्पो जेपालाक ॱनेरी, धेपा झ्यीना खेक्याला थारपा थोप्कीलाक। 10घीझ्येरी ॱनाना खेक्याई सेमने धेपा झ्येरी ढाङपो चीलालाक। धेनी खाने खेलेन्दी थारपा थोबालाक। 11सुङरापला देरे ढीक हो़तालाक, “खोङला धेपा झ्यीगीन सुलाः ङोछारु ॱमीच्युक्कीलाक।”#यस्याया २८:१६ 12घीझ्येरी ॱनाना याहुदापा धाङ याहुदापा मेन्गीनक्याई नाङ ॱयेवा मेतालाक। घीरीगी चोवो नी, च्यीक राङ लाक धेनी खोङगी छेन भो़गीन घीरीला झ्यीलाप मेछो़ली ॱनाङालाक। 13घीझ्येरी ॱनाना “चोवोगी छेन भो़गीन घीरीला थारपा थोप्कीलाक।”#योएल २:३२ सुरी सुङरापगी सुङालाक।
14धा ॱहाना खोङला धेपा माझ्येगीनक्याई, खोङला घाङगी झ्येरी भो़गुलाक से? धेनी खोङगी कोरला घोर माङ्युङगीनक्याई, घाङगी झ्येरी खोङला धेपा झ्यीगुलाक से? धेनी का सेटाक झ्यीगीन मेताला, घाङगी झ्येरी खुङक्याई ङेन्गुलाक से? 15धेनी का सेटाक झ्यीगीनक्याला माझावाला, घाङगी झ्येरी का स्येगुलाक से? सुङरापला देरे ढीक हो़तालाक, “ताम्शाङ सेटाक झ्यीगीनक्याई काङबा घीन्गी जेवाले!”#यस्याया ५२:७
16हीना खुङ घीरीगी ताम्शाङगो खेमालेन्बालाक। घीझ्येरी ॱनाना ॱङो़नस्येखेन यस्यायागी सुङालाक, “चोवो ला, हेक्याने घोरका ताम्शाङगोला, सी़ धेपा झ्येदुक से?”#यस्याया ५३:१ 17होझ्येरी धेपा नी घोरकीनने हुङालाक धेनी घी घोरकीनगो मास्यीकागी काने झ्युङालाक। 18हीना ङा ढीलाहीन, खुङक्याई माघोरपालाक से? ॱङोन्नेराङ घोर हो़तालाक। घीझ्येरी ॱनाना
“खुङक्याई केक साश्यी हो़लेरु ख्याप्दुक,
धेनी खुङक्याई का जाम्लीङगी था थुक्पे ख्याप्दुक।”#सुङगुर १९:४
19ङा धाब्ले ढीलाहीन, ईस्राएल्पाक्याई ॱहामाघोरपालाक से? धाङपो मोशेगी को़न्क्षोकगी थोक्ने सुङालाक
“मीरीक मेन्गीन#१०:१९ याहुदापा मेन्गीन च्यीकला ङा,
खेक्याला ठादोक लाङदु च्युक्येहीन।
मीरीक ॱलेन्दा च्यीकगी थोक्ने ङा,
खेक्याला श्येताङ लाङदु च्युक्येहीन।”#काठीम ३२:२१
20धेनी यस्यायागी ॱलोगोक क्षे शो़री, को़न्क्षोकगी थोक्ने सुङालाक,
“ङाला ॱमेचागीनक्याई ङाला ॱङेपालाक,
ङाला माश्युगीनक्याला, ङी ङाराङला ॱङो़न्पालाक।”#यस्याया ६५:१
21हीना ईस्राएलगी कोरला खोङगी देरे सुङालाक,
“काला मेङेन्गीन धाङ ङोलोक झ्यीगीन मीक्याई क्षीदु,
ङी ङाराङगी लाक्पा ङीन्घाङ क्याङवी।”#यस्याया ६५:२
Currently Selected:
रोमापा 10: LOY
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
रोमापा 10
10
1पी़नक्याओ, ङी सेमगी दो़पा धाङ ईस्राएल्पाक्याई क्षीदु, ङी को़न्क्षोकला ॱमो़लाम पुगीनगो नी, खुङक्याला थारपा थोबास्योक ॱनेरी लाक। 2घीझ्येरी ॱनाना खुङक्या को़न्क्षोकला ॱमीच्यीकी सेमस्युक क्षे दुक हीना दे स्येयो़नला तेन्दी मीदुक ॱनेरी, ङा धेन्पाङ झ्यीदाहीन। 3खुङक्याई को़न्क्षोकने झ्युङगीन ढाङतेनगो ॱमास्येवा, खोराङक्या राङगी थापस्यीने को़न्क्षोकमुला ढाङपो झ्युङयेला चावालाक। धेनी खुङक्याई राङला को़न्क्षोकगी ढाङतेनगी होकला ॱमापुवालाक। 4घीझ्येरी ॱनाना धेपा झ्यीगीन घीरी को़न्क्षोकगी डुङदु ढाङपो चीयेगी क्षीला, मास्यीकागी क्षो़ठीमगी दो़न्दाकगो डुपा जेपालाक।
थारपा नी घीरीगी क्षीदु लाक
5धा क्षो़ठीमने झ्युङगीन ढाङतेनगी कोरला, मोशेगी देरे ढीक हो़तालाक, “क्षो़ठीमगी का घीरी चीगीन मीगो, होदे थोक्नेराङ सो़न्पो धेगीलाक।”#लेवी १८:५ 6हीना धेपाने झ्युङगीन ढाङतेनगी देरे सुङालाक, “राङगी सेम नाङदु ‘नाम्खे श्यीङखामदु सु डोगीले?’ ॱनेरी ॱमाना।#काठीम ३०:१२ (दे नी मास्यीकाला माला ठीक्ती, हुङयेगी क्षीला लाक।) 7याङना राङगी सेम नाङदु ‘सातीङ#१०:७ सातीङ ॱनो़पा धाङ धी़कक्या श्याक्सा सागी खोक-खोक्दु हो़गीन दोङ-दोङ क्षेगो लाक ॱनेरी याहुदापाक्याई चीलालाक। होकला सु डोगीले?’ ॱनेरी ॱमाना।”#काठीम ३०:१३ (दे नी मास्यीकाला छीवाने याला ठीक्ती हुङयेगी क्षीदु लाक।) 8हीना दी घी ॱनाले? “का नी ख्यी़ डामदु दुक, ख्यी़ खा धाङ सेम नाङला श्युक दुक।”#काठीम ३०:१४ होदे नी हीकी सेटाक झ्यीगीन धेपागी कागो लाक। 9खेक्याई राङगी खागी “येशु नी चोवो लाक” ॱनेरी ॱनाना धेनी को़न्क्षोकगी खोङला छीवाने ॱलार सो़न्पो जेपालाक ॱनेरी, धेपा झ्यीना खेक्याला थारपा थोप्कीलाक। 10घीझ्येरी ॱनाना खेक्याई सेमने धेपा झ्येरी ढाङपो चीलालाक। धेनी खाने खेलेन्दी थारपा थोबालाक। 11सुङरापला देरे ढीक हो़तालाक, “खोङला धेपा झ्यीगीन सुलाः ङोछारु ॱमीच्युक्कीलाक।”#यस्याया २८:१६ 12घीझ्येरी ॱनाना याहुदापा धाङ याहुदापा मेन्गीनक्याई नाङ ॱयेवा मेतालाक। घीरीगी चोवो नी, च्यीक राङ लाक धेनी खोङगी छेन भो़गीन घीरीला झ्यीलाप मेछो़ली ॱनाङालाक। 13घीझ्येरी ॱनाना “चोवोगी छेन भो़गीन घीरीला थारपा थोप्कीलाक।”#योएल २:३२ सुरी सुङरापगी सुङालाक।
14धा ॱहाना खोङला धेपा माझ्येगीनक्याई, खोङला घाङगी झ्येरी भो़गुलाक से? धेनी खोङगी कोरला घोर माङ्युङगीनक्याई, घाङगी झ्येरी खोङला धेपा झ्यीगुलाक से? धेनी का सेटाक झ्यीगीन मेताला, घाङगी झ्येरी खुङक्याई ङेन्गुलाक से? 15धेनी का सेटाक झ्यीगीनक्याला माझावाला, घाङगी झ्येरी का स्येगुलाक से? सुङरापला देरे ढीक हो़तालाक, “ताम्शाङ सेटाक झ्यीगीनक्याई काङबा घीन्गी जेवाले!”#यस्याया ५२:७
16हीना खुङ घीरीगी ताम्शाङगो खेमालेन्बालाक। घीझ्येरी ॱनाना ॱङो़नस्येखेन यस्यायागी सुङालाक, “चोवो ला, हेक्याने घोरका ताम्शाङगोला, सी़ धेपा झ्येदुक से?”#यस्याया ५३:१ 17होझ्येरी धेपा नी घोरकीनने हुङालाक धेनी घी घोरकीनगो मास्यीकागी काने झ्युङालाक। 18हीना ङा ढीलाहीन, खुङक्याई माघोरपालाक से? ॱङोन्नेराङ घोर हो़तालाक। घीझ्येरी ॱनाना
“खुङक्याई केक साश्यी हो़लेरु ख्याप्दुक,
धेनी खुङक्याई का जाम्लीङगी था थुक्पे ख्याप्दुक।”#सुङगुर १९:४
19ङा धाब्ले ढीलाहीन, ईस्राएल्पाक्याई ॱहामाघोरपालाक से? धाङपो मोशेगी को़न्क्षोकगी थोक्ने सुङालाक
“मीरीक मेन्गीन#१०:१९ याहुदापा मेन्गीन च्यीकला ङा,
खेक्याला ठादोक लाङदु च्युक्येहीन।
मीरीक ॱलेन्दा च्यीकगी थोक्ने ङा,
खेक्याला श्येताङ लाङदु च्युक्येहीन।”#काठीम ३२:२१
20धेनी यस्यायागी ॱलोगोक क्षे शो़री, को़न्क्षोकगी थोक्ने सुङालाक,
“ङाला ॱमेचागीनक्याई ङाला ॱङेपालाक,
ङाला माश्युगीनक्याला, ङी ङाराङला ॱङो़न्पालाक।”#यस्याया ६५:१
21हीना ईस्राएलगी कोरला खोङगी देरे सुङालाक,
“काला मेङेन्गीन धाङ ङोलोक झ्यीगीन मीक्याई क्षीदु,
ङी ङाराङगी लाक्पा ङीन्घाङ क्याङवी।”#यस्याया ६५:२
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society