जेपा 19
19
पाउलु एफीसु ग्याजारु
1आपोल्लोस कोरीन्थुरु हो़ती घाङला, पाउलु एशीयागी घुङने झ्युरी एफीसु ग्याजाला ॱलेप्पालाक। होदुरु खी़ धेपा-झ्यीगीन रीङगा थुक्पालाक। 2खी़ खुङक्याला ढीवालाक, “खेक्याई चोवोला धेपा झ्येरी, धाम्पे थुक्ङी जोरजी?”
खुङक्याई ॱनेवालाक, “माजोरजुङ, हेक्याई धाम्पे थुक्ङी हो़तालाक ॱनेरी ॱहाघो माङ्युङ।”
3धेनी पाउलुगी ढीवालाक, “देरे हीन्ना खेक्याला घारे ठी़सो़ थोप्जो?”
खुङक्याई ॱनेवालाक, “योहान्नागी ॱनाङना ठी़सो़ थोप्जुङ।”
4पाउलुगी ॱनेवालाक, “योहान्नागी ठी़सो़ दे, धीक्पाने ग्यो़पा झ्यीयेगी छीला लाक। योहान्ना खोरीराङ मीक्याला खोने स्याम्ला हुङगीनगोला धेपा झ्यी ॱनेरी सुवालाक, होदेगो येशु लाक।”
5दे ङेन्दी, होदे मीक्याई चोवो येशुगी छेनला ठी़सो़ लेन्बालाक। 6धेनी पाउलुगी खोरी लाक्पा खुङक्या खाला श्याक्पालाक धेनी धाम्पे थुक्ङी खुङक्या खाला फेप्पालाक। धेनी खुङक्याई ॱमेस्येगीन केक्या ग्याप धेनी ॱङो़नस्ये स्ये झ्येवालाक। 7खुङक्या मी च्युक ॱङी हो़तालाक।
8दावा सुम थुक्पे पाउलु याहुदापाक्याई छोक्खाङला सोरी, ॱङीङक्षे झ्येरी मीक्याला क्षो़ स्येपालाक। खी़ मीक्याला को़न्क्षोकगी ग्याखापगी कोरला चो़लीङ झ्येरी, खुङक्याला धेपाला खेरती हुङये थापस्यी झ्येवालाक। 9हीना मी रीङगागी सेम ॱरा झ्येरी, चोवोला धेपा माझ्येवालाक। धेनी मी घीरीगी दोङला खुङक्याई को़न्क्षोकगी लाम्गागी कोरला ॱमेटा पाप्पालाक। होझ्येरी पाउलु खुङक्याई छोक्खाङ भोरती, धेपा झ्यीगीन मीक्याला खोराङमुला ठीक्पालाक। धेनी ङीमा च्योई खो तुरेन्नोस ॱनागीन छोक्पारु, मीक्यामुला थुक्ती चो़लीङ झ्येवालाक। 10देरे झ्येरी लो ॱङी जोक्पालाक धेनी एशीयादु हो़गीन, याहुदापा धाङ याहुदापा मेन्गीन मीरीकगी मीक्यागीयाः चोवोगी का ङेन्बालाक।
11को़न्क्षोकगी पाउलुगी क्षाकने ॱमीच्यीकी ॱहाङसागीन लेगाक्या जेपालाक। 12पाउलुगी ली़ला जुजा ॱनाप्छी धाङ रेक्या खेरती नेपाक्या खाला श्याक्नाः, होदेक्या ढाक्ती डोवालाक धेनी ॱनो़पाक्या थो़न्दी डोवालाक।
13धेनी साजा-साजाक्याला ढु ग्याप्ती, ॱनो़पा तो़न्दी डुगीन याहुदापा रीङगागीयाः चोवो येशुगी छेनने ॱनो़पाक्या तो़न्ये थापस्यी झ्येवालाक। खुङक्याई ॱनो़पाक्याला, “पाउलुगी सुङगीन येशुगी छेनने ङा ख्यो़ला थो़न्दी सोङ ॱनेरी का तेराहीन।” ॱनेरी ॱनालाक। 14सीकेवा ॱनागीन याहुदापा चो क्षो़पो़नगी भीजा धी़नक्याई देरे झ्यीदालाक। 15हीना श्याक्मो च्यीक खुङक्याई देरे लेगा झ्यीदी घाङला, ॱनो़पा च्यीकगी खुङक्याला ॱनेवालाक, “येशुला ङा ङो स्येलीहो़क। पाउलुलाः ङो स्येलीहो़क हीना खेक्यागो सुले?” 16देरे ॱनेरी होदे ॱनो़पा झ्युजा मी, खुङक्या खाला क्षोम्दी ग्यावालाक धेनी खुङक्याला श्युरती खुङक्या ॱमाराङी झ्युरी, शु घाङ ॱमा झ्युरी होदेने डो़री सोवालाक।
17दे लाब दे एफीसुरु हो़गीन याहुदापा धाङ याहुदापा मेन्गीन मीरीकगी मीक्याई ॱहाघोरपालाक धेनी खुङक्या जीक्पालाक। धेनी खुङक्याई चोवो येशुगी छेनला ॱमीच्यीकी घुस्याप झ्येवालाक। 18धेनी धेपा-झ्यीगीन मी ॱमीच्यीकी माङा होरी, खोराङक्याई एम्मा झ्येजा लेगा ङेन्पाक्याई कोरला घीरीगी दोङला स्येपालाक। 19ॱमीक्ठुल झ्यीगीनक्याई खोरी धेपक्या खेरती होरी, मी घीरीगी दोङदु मेला ॱराक्पालाक। होदे ॱराक्रा धेपक्याई घोङ ताना, ॱङुगी टाङगा ठी ॱङा थो़न्दालाक। 20देरे झ्येरी चोवोगी का टाम्दी सोरी धेनी ॱमीच्यीकी वाङक्षे झ्युवालाक।
एफीसुरु ठुक स्योरकीन
21होदे स्याम्ने पाउलुगी माकेडोनीया धाङ आकाईया ग्याजाने झ्युरी, येरुसालेमला डोये ढो़ झ्येवालाक। खी़ ॱनेवालाक, “येरुसालेमला सोरी ङा रोम ग्याजारुवा डोघोगुलाक।” 22धेनी खी़ खोरी लेरोक तीमोथेउ धाङ एरास्तुला, माकेडोनीया स्योकला झावालाक हीना खोराङगो एशीयारु राङ धेपालाक।
23होदे धी़चो़ला चोवोगी लामगी कोरला, एफीसुरु ॱमीच्यीकी ठुक स्योरपालाक। 24ॱङु शोगीन देमेतीरीहु ॱनागीन मी च्यीक, आरतीमी ल्हामोगी ॱङुगी ल्हाखाङ च्युङजेक्या शो़वालाक। दे लेगा झ्येरी खो धाङ खी़ लेरोकक्याई ॱमीच्यीकी आले घा चालालाक। 25धा देमेतीरीहुगी खोरी लेरोकक्या धाङ खुङक्या च्योक्रे लेगा झ्यीगीन, श्येम्मा घीरीला रुप्ती ॱनेवालाक, “रोवाक्याओ, खेक्याला क्षा हो़तालाक, दे छोङने होराङला आले घा हुङालाक। 26हीना दे पाउलुगी घी ॱनागीनगो, खेक्याई थोङालाक धेनी घोर हो़तालाक। मीगी शो़सा ल्हागो ल्हाराङ मालाक ॱनेरी ॱनी। खी़ दुरु एफीसु धाङ एशीयारु धेगीन मी माङक्षेला, खोरी लाब ॱलाप्ती गोवा कोरसादुक। 27देरे झ्येरी होरी लेगा च्यीगा मालाक हीना घीरीगी चीगीन ल्हामो आरतीमीगी ल्हाखाङगीयाः, ॱमेटा झ्युङयेगी ङेन्का हो़तालाक। धेनी एशीया धाङ जाम्बुलीङ घीरीदु चीरी होवा, आरतीमी ॱनागीन ल्हामोगी क्षाक्क्षो़ सी़या झ्यीगीमालाक।”
28दे ङेन्दी होदुरु हो़गीन मीक्या ॱमीच्यीकी खोङडो लारी केक ग्याप्पालाक, “एफीसुपागी आरतीमी ल्हामो वाङ क्षेस्योक लाक!” 29धेनी लाम्साङ होदे ग्याजा नाङ घीरीदु ॱमीच्यीकी फेरा झ्युवालाक। मीक्या छाङगा ग्याप्ती होवालाक धेनी माकेडोनीयाने होवा पाउलुगी रोवा गायु धाङ आरीस्तारकुला, शीम्दी ग्याजागी तेमोखाङदु ठीक्पालाक। 30पाउलु छाङगागी दोङला डोङी दो़पालाक हीना धेपा-झ्यीगीन पी़नक्याई खोला काक्पालाक। 31एशीया श्युङगी मी खाक्क्षे रीङगा, पाउलुगी रोवा लाक धेनी खुङक्याई खोला होदे तेमोखाङ नाङदु माडो ॱनेरी श्योवा पुवालाक।
32होदुरु मीमाङक्याने रीङगा लाब च्यीक, रीङगा लाब श्येम्मा तारी फेरा ग्याप्ती, मी घीरी गो थोम्दी धे हो़तालाक। होदुरु हो़गीन मी माङक्षेला घीझ्येरी जोमाले ॱनेरीयाः क्षा मेतालाक। 33याहुदापाक्याई आलेक्जेन्डार ॱनागीन मीला दोङदु झावालाक। धेनी मीक्याई होदुरु झ्युजा लाब ॱनो़ ॱनेरी फेरा ग्याप्पालाक। धेनी खी़ लाक्पागी जुक्ते झ्येरी घीरीला तीङचोई शो़री, खुङक्याई छोकने लाब ताङये झ्येवालाक। 34हीना खो याहुदापा हीन्गीनगो होदे मीक्याई ॱहाघोरती, होदे मी घीरी छुची ॱङी थुक्पे, “एफीसुगी ल्हामो आरतीमी वाङ क्षेस्योक लाक!” ॱनेरी ॱमीच्यीकी फेरा ग्याप्पालाक।
35धेनी स्याम्ला होदे ग्याजागी पो़न्पो च्यीकगी, मीमाङक्याला खाबा शो़री ॱनेवालाक, “एफीसुगी मीक्याओ, दे एफीसुगी ग्याजा दे आरतीमी ल्हामोगी ल्हाखाङ धाङ ॱनामने भाप्पा, खोङबागी कु देगी ग्याजा लाक ॱनेरी सुला क्षा मेतालाक से? 36सी़या दे मालाक ॱना थुक्कीमालाक। होझ्येरी खेराङक्या खाबा धो़क धेनी कुक्पी लेगा घीन्दा माझ्यी। 37घीझ्येरी ॱनाना खेराङक्याई शीम्दी ठीक्ती होवा दे मीक्याई होरी, ल्हाखाङदु कुमु ॱमाकुदुक धेनी होरी ल्हामोगी ॱमेटा ॱमापाप्दुक। 38धा देमेतीरीहु धाङ खी़ लेरोकक्याला ठीम श्युघोये हो़ना, ठीम चेजा हो़तालाक धेनी होदुरु ठीम्पो़नक्या हो़तालाक। धेनी खुङक्याई ठीम होदुरु कास्योक। 39हीना खेराङक्याला दे लाबक्याने श्येम्मा लाबगी छीला श्युये हो़ना, होराङ मीमाङक्याई छोक्दी़दु श्याक थुक्कीलाक। 40धीरीङगी दे दो़न मेगीन फेरा ग्याप्ती, होराङला लेगा आ झ्येजो ॱनेरी, रोमापा पो़न्पोगी छेपा का थुक्कीलाक घीझ्येरी ॱनाना दी कोरला लेन तेरये लाब घा घीन्दा मेतालाक।” 41देचो़ ॱनेसारती, खी़ होदुरु हो़गीन मीक्याला ॱलोक्ती झावालाक।
Currently Selected:
जेपा 19: LOY
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
जेपा 19
19
पाउलु एफीसु ग्याजारु
1आपोल्लोस कोरीन्थुरु हो़ती घाङला, पाउलु एशीयागी घुङने झ्युरी एफीसु ग्याजाला ॱलेप्पालाक। होदुरु खी़ धेपा-झ्यीगीन रीङगा थुक्पालाक। 2खी़ खुङक्याला ढीवालाक, “खेक्याई चोवोला धेपा झ्येरी, धाम्पे थुक्ङी जोरजी?”
खुङक्याई ॱनेवालाक, “माजोरजुङ, हेक्याई धाम्पे थुक्ङी हो़तालाक ॱनेरी ॱहाघो माङ्युङ।”
3धेनी पाउलुगी ढीवालाक, “देरे हीन्ना खेक्याला घारे ठी़सो़ थोप्जो?”
खुङक्याई ॱनेवालाक, “योहान्नागी ॱनाङना ठी़सो़ थोप्जुङ।”
4पाउलुगी ॱनेवालाक, “योहान्नागी ठी़सो़ दे, धीक्पाने ग्यो़पा झ्यीयेगी छीला लाक। योहान्ना खोरीराङ मीक्याला खोने स्याम्ला हुङगीनगोला धेपा झ्यी ॱनेरी सुवालाक, होदेगो येशु लाक।”
5दे ङेन्दी, होदे मीक्याई चोवो येशुगी छेनला ठी़सो़ लेन्बालाक। 6धेनी पाउलुगी खोरी लाक्पा खुङक्या खाला श्याक्पालाक धेनी धाम्पे थुक्ङी खुङक्या खाला फेप्पालाक। धेनी खुङक्याई ॱमेस्येगीन केक्या ग्याप धेनी ॱङो़नस्ये स्ये झ्येवालाक। 7खुङक्या मी च्युक ॱङी हो़तालाक।
8दावा सुम थुक्पे पाउलु याहुदापाक्याई छोक्खाङला सोरी, ॱङीङक्षे झ्येरी मीक्याला क्षो़ स्येपालाक। खी़ मीक्याला को़न्क्षोकगी ग्याखापगी कोरला चो़लीङ झ्येरी, खुङक्याला धेपाला खेरती हुङये थापस्यी झ्येवालाक। 9हीना मी रीङगागी सेम ॱरा झ्येरी, चोवोला धेपा माझ्येवालाक। धेनी मी घीरीगी दोङला खुङक्याई को़न्क्षोकगी लाम्गागी कोरला ॱमेटा पाप्पालाक। होझ्येरी पाउलु खुङक्याई छोक्खाङ भोरती, धेपा झ्यीगीन मीक्याला खोराङमुला ठीक्पालाक। धेनी ङीमा च्योई खो तुरेन्नोस ॱनागीन छोक्पारु, मीक्यामुला थुक्ती चो़लीङ झ्येवालाक। 10देरे झ्येरी लो ॱङी जोक्पालाक धेनी एशीयादु हो़गीन, याहुदापा धाङ याहुदापा मेन्गीन मीरीकगी मीक्यागीयाः चोवोगी का ङेन्बालाक।
11को़न्क्षोकगी पाउलुगी क्षाकने ॱमीच्यीकी ॱहाङसागीन लेगाक्या जेपालाक। 12पाउलुगी ली़ला जुजा ॱनाप्छी धाङ रेक्या खेरती नेपाक्या खाला श्याक्नाः, होदेक्या ढाक्ती डोवालाक धेनी ॱनो़पाक्या थो़न्दी डोवालाक।
13धेनी साजा-साजाक्याला ढु ग्याप्ती, ॱनो़पा तो़न्दी डुगीन याहुदापा रीङगागीयाः चोवो येशुगी छेनने ॱनो़पाक्या तो़न्ये थापस्यी झ्येवालाक। खुङक्याई ॱनो़पाक्याला, “पाउलुगी सुङगीन येशुगी छेनने ङा ख्यो़ला थो़न्दी सोङ ॱनेरी का तेराहीन।” ॱनेरी ॱनालाक। 14सीकेवा ॱनागीन याहुदापा चो क्षो़पो़नगी भीजा धी़नक्याई देरे झ्यीदालाक। 15हीना श्याक्मो च्यीक खुङक्याई देरे लेगा झ्यीदी घाङला, ॱनो़पा च्यीकगी खुङक्याला ॱनेवालाक, “येशुला ङा ङो स्येलीहो़क। पाउलुलाः ङो स्येलीहो़क हीना खेक्यागो सुले?” 16देरे ॱनेरी होदे ॱनो़पा झ्युजा मी, खुङक्या खाला क्षोम्दी ग्यावालाक धेनी खुङक्याला श्युरती खुङक्या ॱमाराङी झ्युरी, शु घाङ ॱमा झ्युरी होदेने डो़री सोवालाक।
17दे लाब दे एफीसुरु हो़गीन याहुदापा धाङ याहुदापा मेन्गीन मीरीकगी मीक्याई ॱहाघोरपालाक धेनी खुङक्या जीक्पालाक। धेनी खुङक्याई चोवो येशुगी छेनला ॱमीच्यीकी घुस्याप झ्येवालाक। 18धेनी धेपा-झ्यीगीन मी ॱमीच्यीकी माङा होरी, खोराङक्याई एम्मा झ्येजा लेगा ङेन्पाक्याई कोरला घीरीगी दोङला स्येपालाक। 19ॱमीक्ठुल झ्यीगीनक्याई खोरी धेपक्या खेरती होरी, मी घीरीगी दोङदु मेला ॱराक्पालाक। होदे ॱराक्रा धेपक्याई घोङ ताना, ॱङुगी टाङगा ठी ॱङा थो़न्दालाक। 20देरे झ्येरी चोवोगी का टाम्दी सोरी धेनी ॱमीच्यीकी वाङक्षे झ्युवालाक।
एफीसुरु ठुक स्योरकीन
21होदे स्याम्ने पाउलुगी माकेडोनीया धाङ आकाईया ग्याजाने झ्युरी, येरुसालेमला डोये ढो़ झ्येवालाक। खी़ ॱनेवालाक, “येरुसालेमला सोरी ङा रोम ग्याजारुवा डोघोगुलाक।” 22धेनी खी़ खोरी लेरोक तीमोथेउ धाङ एरास्तुला, माकेडोनीया स्योकला झावालाक हीना खोराङगो एशीयारु राङ धेपालाक।
23होदे धी़चो़ला चोवोगी लामगी कोरला, एफीसुरु ॱमीच्यीकी ठुक स्योरपालाक। 24ॱङु शोगीन देमेतीरीहु ॱनागीन मी च्यीक, आरतीमी ल्हामोगी ॱङुगी ल्हाखाङ च्युङजेक्या शो़वालाक। दे लेगा झ्येरी खो धाङ खी़ लेरोकक्याई ॱमीच्यीकी आले घा चालालाक। 25धा देमेतीरीहुगी खोरी लेरोकक्या धाङ खुङक्या च्योक्रे लेगा झ्यीगीन, श्येम्मा घीरीला रुप्ती ॱनेवालाक, “रोवाक्याओ, खेक्याला क्षा हो़तालाक, दे छोङने होराङला आले घा हुङालाक। 26हीना दे पाउलुगी घी ॱनागीनगो, खेक्याई थोङालाक धेनी घोर हो़तालाक। मीगी शो़सा ल्हागो ल्हाराङ मालाक ॱनेरी ॱनी। खी़ दुरु एफीसु धाङ एशीयारु धेगीन मी माङक्षेला, खोरी लाब ॱलाप्ती गोवा कोरसादुक। 27देरे झ्येरी होरी लेगा च्यीगा मालाक हीना घीरीगी चीगीन ल्हामो आरतीमीगी ल्हाखाङगीयाः, ॱमेटा झ्युङयेगी ङेन्का हो़तालाक। धेनी एशीया धाङ जाम्बुलीङ घीरीदु चीरी होवा, आरतीमी ॱनागीन ल्हामोगी क्षाक्क्षो़ सी़या झ्यीगीमालाक।”
28दे ङेन्दी होदुरु हो़गीन मीक्या ॱमीच्यीकी खोङडो लारी केक ग्याप्पालाक, “एफीसुपागी आरतीमी ल्हामो वाङ क्षेस्योक लाक!” 29धेनी लाम्साङ होदे ग्याजा नाङ घीरीदु ॱमीच्यीकी फेरा झ्युवालाक। मीक्या छाङगा ग्याप्ती होवालाक धेनी माकेडोनीयाने होवा पाउलुगी रोवा गायु धाङ आरीस्तारकुला, शीम्दी ग्याजागी तेमोखाङदु ठीक्पालाक। 30पाउलु छाङगागी दोङला डोङी दो़पालाक हीना धेपा-झ्यीगीन पी़नक्याई खोला काक्पालाक। 31एशीया श्युङगी मी खाक्क्षे रीङगा, पाउलुगी रोवा लाक धेनी खुङक्याई खोला होदे तेमोखाङ नाङदु माडो ॱनेरी श्योवा पुवालाक।
32होदुरु मीमाङक्याने रीङगा लाब च्यीक, रीङगा लाब श्येम्मा तारी फेरा ग्याप्ती, मी घीरी गो थोम्दी धे हो़तालाक। होदुरु हो़गीन मी माङक्षेला घीझ्येरी जोमाले ॱनेरीयाः क्षा मेतालाक। 33याहुदापाक्याई आलेक्जेन्डार ॱनागीन मीला दोङदु झावालाक। धेनी मीक्याई होदुरु झ्युजा लाब ॱनो़ ॱनेरी फेरा ग्याप्पालाक। धेनी खी़ लाक्पागी जुक्ते झ्येरी घीरीला तीङचोई शो़री, खुङक्याई छोकने लाब ताङये झ्येवालाक। 34हीना खो याहुदापा हीन्गीनगो होदे मीक्याई ॱहाघोरती, होदे मी घीरी छुची ॱङी थुक्पे, “एफीसुगी ल्हामो आरतीमी वाङ क्षेस्योक लाक!” ॱनेरी ॱमीच्यीकी फेरा ग्याप्पालाक।
35धेनी स्याम्ला होदे ग्याजागी पो़न्पो च्यीकगी, मीमाङक्याला खाबा शो़री ॱनेवालाक, “एफीसुगी मीक्याओ, दे एफीसुगी ग्याजा दे आरतीमी ल्हामोगी ल्हाखाङ धाङ ॱनामने भाप्पा, खोङबागी कु देगी ग्याजा लाक ॱनेरी सुला क्षा मेतालाक से? 36सी़या दे मालाक ॱना थुक्कीमालाक। होझ्येरी खेराङक्या खाबा धो़क धेनी कुक्पी लेगा घीन्दा माझ्यी। 37घीझ्येरी ॱनाना खेराङक्याई शीम्दी ठीक्ती होवा दे मीक्याई होरी, ल्हाखाङदु कुमु ॱमाकुदुक धेनी होरी ल्हामोगी ॱमेटा ॱमापाप्दुक। 38धा देमेतीरीहु धाङ खी़ लेरोकक्याला ठीम श्युघोये हो़ना, ठीम चेजा हो़तालाक धेनी होदुरु ठीम्पो़नक्या हो़तालाक। धेनी खुङक्याई ठीम होदुरु कास्योक। 39हीना खेराङक्याला दे लाबक्याने श्येम्मा लाबगी छीला श्युये हो़ना, होराङ मीमाङक्याई छोक्दी़दु श्याक थुक्कीलाक। 40धीरीङगी दे दो़न मेगीन फेरा ग्याप्ती, होराङला लेगा आ झ्येजो ॱनेरी, रोमापा पो़न्पोगी छेपा का थुक्कीलाक घीझ्येरी ॱनाना दी कोरला लेन तेरये लाब घा घीन्दा मेतालाक।” 41देचो़ ॱनेसारती, खी़ होदुरु हो़गीन मीक्याला ॱलोक्ती झावालाक।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society