१ कोरीन्थुपा 6
6
मास्यीकावाक्याई घुङदु खाम्जु ग्याप्येगी कोरला
1खेक्याई घुङदु च्यीकगी श्येम्मामुला ॱङ्योक्टा रे झ्युङना, को़न्क्षोकगी मीक्याई डुङदु मेडोवा क्षो़ला ॱमीचीगीन ठीम्रादु खाम्जु ग्याप्तु डोयेला, खेक्याने सी़ ॱलोगोक झ्यीदी हो़तो? 2याङना को़न्क्षोकगी मीक्याई जीक्तेनगी ठीम चेगीलाक ॱनेरी, खेक्या ॱमेस्येलाले? धा खेक्या जीक्तेनगी ठीम चेगीन हीन्ना, हुरे ॱङ्योक्टा च्युङाक्याई ठीम चे ॱमीथुक्वाले? 3नाम्खे भाङछेनक्याई ठीम, होराङ चेयेलाक ॱनेरी, खेक्याला स्येये मेते? देरे हीन्ना दे मीछेला झ्युङगीन दो़नक्या घी क्षे लाक से? 4होझ्येरी देरे ॱङ्योक्टाक्या खीकी घुङदु हो़ना, होदेक्या घीझ्येरी क्षो़छोकगी ॱमीचीगीन मीक्याई डुङदु ठीम चेयेला खेक्या डोवा? 5खेक्याई ङोजा पाप्येगी क्षीदु ङा दे ॱनाहीन। खेक्याने मास्यीकावा पी़नक्या, नाङगी ॱङ्योक्टाक्याई ठीम चे थुक्कीन मी खेवा सुवाः मेतालाक से? 6हीना पी़न च्यीकगी च्यीकला ठीम्खाङदु ठीई धेनी होदेगोवाः मास्यीकावा मेन्गीनक्याई दोङदु!
7खेक्या च्यीकगी च्यीकला खाम्जु ग्याप्कीन, देराङ खेक्या फाम्गीन लाक। हुरे झ्यीये ले खेक्या घीझ्येरी ॱङ्याप्चो़ मीघुरये? घीझ्येरी गोकोर ताङदु ॱमीच्युक्ये? 8हीना देरे मेन्दा, खेक्याराङ राङगी पी़नक्याला ॱङ्याप्चो़ स्ये धेनी गोकोर ताङ झ्यीदालाक। 9याङना मेढाङाक्याला को़न्क्षोकगी ग्यासीगी थोप्ताङ ॱमेथोप्कीलाक ॱनेरी, खेक्या ॱमेस्येलाले? खेक्या गो ॱमाखोर घीझ्येरी ॱनाना दो़लोक चो़गीनक्या याङना ल्हाकुन्डाला क्षो़गीनक्या याङना लोक्येम्पाक्या याङना फोलोमोलो झ्यीगीनक्या याङना फोगी फोला चो़गीनक्या, 10याङना कुमा कुगीनक्या याङना ॱहाम्बा झ्यीगीनक्या याङना शीरी ग्युक्कीनक्या याङना ॱमेबेप ताङगीनक्या याङना ॱली़गीनक्याला, को़न्क्षोकगी ग्यासीगी थोप्ताङ ॱमेथोप्कीलाक। 11धेनी खेक्या नाङने रीङगा एम्मा देरे हो़तालाक। हीना चोवो येशु मास्यीकागी छेन धाङ होरी को़न्क्षोकगी थुक्ङीगी थोक्ने, खेक्या चाङमा धाङ धाम्पा धाङ ढाङपो जेपालाक।
लोक्येमगी कोरला ढो़
12खेक्या “ङी घी झ्यीना झ्यी क्षोक्वालाक।” ॱनेरी ॱनालाक हीना दो़न घीरी फेन ॱमेथोक्वालाक। “ङी घी झ्यीना झ्यी क्षोक्वालाक।” ॱनेरी, ङी ॱना थुक्कीलाक हीना ङा वाङ घीन्गीया होकदु छी़दी मेधे। 13खेक्या “फोवागी क्षीदु शामा धाङ शामागी क्षीदु फोवा लाक।” ॱनेरी ॱनालाक हीना को़न्क्षोकगी दे ॱङीगाराला मेताला जेगीलाक। धेनी ली़ नी, लोक्येमगी क्षीदु मेन्दा चोवोगी क्षीदु लाक धेनी चोवो नी, ली़गी क्षीदु लाक। 14धेनी को़न्क्षोकगी राङगी नी़थुगी गोने, चोवोला छीवाने कुसो़न्पो जेपालाक धेनी होराङलाः खोङगी सो़न्पो जेगीलाक।
15खीकी ली़ नी मास्यीकागी येन्लाकक्या हीन्गीनगो, खेक्याला स्येये मेते? धा ङा मास्यीकागी येन्लाकक्या खेरती, श्याङचोङगीनगी येन्लाक शोये? देरे फुक्की माझ्युङास्योक। 16श्याङचोङगीनमुला डेगीन मी नी, मी़मुला ली़ च्यीक झ्युङालाक ॱनेरी खेक्याला स्येये मेते? घीझ्येरी ॱनाना सुङरापला देरे ढीक हो़तालाक, “दे ॱङीउ नी ली़ च्यीक झ्युङगीलाक।#को़पा २:२४” 17हीना चोवोमुला डेगीन नी, खोङमुला थुक्ङीने च्यीक झ्युङालाक।
18लोक्येमने जेम्दी धो़क। मीगी झ्यीगीन धीक्पा श्येम्मा घीरी ली़गी फीला हुङालाक हीना लोक्येम झ्यीगीनगी राङगी ली़लाराङ धीक्पा झ्यीदालाक। 19खीकी नाङ श्युक्कीन धाङ को़न्क्षोकने खेक्याला थोप्था धाम्पे थुक्ङीगी क्षो़खाङ नी, खीकी ली़ हीन्गीनगो खेक्याला स्येये मेते? खेक्या खेरी राङगी मालाक। 20घीझ्येरी ॱनाना खेक्याला रीङ तेरती ङ्यो़ जेपालाक। होझ्येरी खीकी ली़गी थोक्ने, को़न्क्षोकला कुरती झ्यी।
Currently Selected:
१ कोरीन्थुपा 6: LOY
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
१ कोरीन्थुपा 6
6
मास्यीकावाक्याई घुङदु खाम्जु ग्याप्येगी कोरला
1खेक्याई घुङदु च्यीकगी श्येम्मामुला ॱङ्योक्टा रे झ्युङना, को़न्क्षोकगी मीक्याई डुङदु मेडोवा क्षो़ला ॱमीचीगीन ठीम्रादु खाम्जु ग्याप्तु डोयेला, खेक्याने सी़ ॱलोगोक झ्यीदी हो़तो? 2याङना को़न्क्षोकगी मीक्याई जीक्तेनगी ठीम चेगीलाक ॱनेरी, खेक्या ॱमेस्येलाले? धा खेक्या जीक्तेनगी ठीम चेगीन हीन्ना, हुरे ॱङ्योक्टा च्युङाक्याई ठीम चे ॱमीथुक्वाले? 3नाम्खे भाङछेनक्याई ठीम, होराङ चेयेलाक ॱनेरी, खेक्याला स्येये मेते? देरे हीन्ना दे मीछेला झ्युङगीन दो़नक्या घी क्षे लाक से? 4होझ्येरी देरे ॱङ्योक्टाक्या खीकी घुङदु हो़ना, होदेक्या घीझ्येरी क्षो़छोकगी ॱमीचीगीन मीक्याई डुङदु ठीम चेयेला खेक्या डोवा? 5खेक्याई ङोजा पाप्येगी क्षीदु ङा दे ॱनाहीन। खेक्याने मास्यीकावा पी़नक्या, नाङगी ॱङ्योक्टाक्याई ठीम चे थुक्कीन मी खेवा सुवाः मेतालाक से? 6हीना पी़न च्यीकगी च्यीकला ठीम्खाङदु ठीई धेनी होदेगोवाः मास्यीकावा मेन्गीनक्याई दोङदु!
7खेक्या च्यीकगी च्यीकला खाम्जु ग्याप्कीन, देराङ खेक्या फाम्गीन लाक। हुरे झ्यीये ले खेक्या घीझ्येरी ॱङ्याप्चो़ मीघुरये? घीझ्येरी गोकोर ताङदु ॱमीच्युक्ये? 8हीना देरे मेन्दा, खेक्याराङ राङगी पी़नक्याला ॱङ्याप्चो़ स्ये धेनी गोकोर ताङ झ्यीदालाक। 9याङना मेढाङाक्याला को़न्क्षोकगी ग्यासीगी थोप्ताङ ॱमेथोप्कीलाक ॱनेरी, खेक्या ॱमेस्येलाले? खेक्या गो ॱमाखोर घीझ्येरी ॱनाना दो़लोक चो़गीनक्या याङना ल्हाकुन्डाला क्षो़गीनक्या याङना लोक्येम्पाक्या याङना फोलोमोलो झ्यीगीनक्या याङना फोगी फोला चो़गीनक्या, 10याङना कुमा कुगीनक्या याङना ॱहाम्बा झ्यीगीनक्या याङना शीरी ग्युक्कीनक्या याङना ॱमेबेप ताङगीनक्या याङना ॱली़गीनक्याला, को़न्क्षोकगी ग्यासीगी थोप्ताङ ॱमेथोप्कीलाक। 11धेनी खेक्या नाङने रीङगा एम्मा देरे हो़तालाक। हीना चोवो येशु मास्यीकागी छेन धाङ होरी को़न्क्षोकगी थुक्ङीगी थोक्ने, खेक्या चाङमा धाङ धाम्पा धाङ ढाङपो जेपालाक।
लोक्येमगी कोरला ढो़
12खेक्या “ङी घी झ्यीना झ्यी क्षोक्वालाक।” ॱनेरी ॱनालाक हीना दो़न घीरी फेन ॱमेथोक्वालाक। “ङी घी झ्यीना झ्यी क्षोक्वालाक।” ॱनेरी, ङी ॱना थुक्कीलाक हीना ङा वाङ घीन्गीया होकदु छी़दी मेधे। 13खेक्या “फोवागी क्षीदु शामा धाङ शामागी क्षीदु फोवा लाक।” ॱनेरी ॱनालाक हीना को़न्क्षोकगी दे ॱङीगाराला मेताला जेगीलाक। धेनी ली़ नी, लोक्येमगी क्षीदु मेन्दा चोवोगी क्षीदु लाक धेनी चोवो नी, ली़गी क्षीदु लाक। 14धेनी को़न्क्षोकगी राङगी नी़थुगी गोने, चोवोला छीवाने कुसो़न्पो जेपालाक धेनी होराङलाः खोङगी सो़न्पो जेगीलाक।
15खीकी ली़ नी मास्यीकागी येन्लाकक्या हीन्गीनगो, खेक्याला स्येये मेते? धा ङा मास्यीकागी येन्लाकक्या खेरती, श्याङचोङगीनगी येन्लाक शोये? देरे फुक्की माझ्युङास्योक। 16श्याङचोङगीनमुला डेगीन मी नी, मी़मुला ली़ च्यीक झ्युङालाक ॱनेरी खेक्याला स्येये मेते? घीझ्येरी ॱनाना सुङरापला देरे ढीक हो़तालाक, “दे ॱङीउ नी ली़ च्यीक झ्युङगीलाक।#को़पा २:२४” 17हीना चोवोमुला डेगीन नी, खोङमुला थुक्ङीने च्यीक झ्युङालाक।
18लोक्येमने जेम्दी धो़क। मीगी झ्यीगीन धीक्पा श्येम्मा घीरी ली़गी फीला हुङालाक हीना लोक्येम झ्यीगीनगी राङगी ली़लाराङ धीक्पा झ्यीदालाक। 19खीकी नाङ श्युक्कीन धाङ को़न्क्षोकने खेक्याला थोप्था धाम्पे थुक्ङीगी क्षो़खाङ नी, खीकी ली़ हीन्गीनगो खेक्याला स्येये मेते? खेक्या खेरी राङगी मालाक। 20घीझ्येरी ॱनाना खेक्याला रीङ तेरती ङ्यो़ जेपालाक। होझ्येरी खीकी ली़गी थोक्ने, को़न्क्षोकला कुरती झ्यी।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society