१ कोरीन्थुपा 14
14
ॱङो़न स्येये धाङ केरीकगी ॱनाङज्यीनक्या
1खेक्याई ॱमीक्युगो झाम्पा हुङघो़ धेनी धाम्पे थुक्ङीगी ॱनाङज्यीनक्याई दो़पा क्षे श्योक, ॱमीक्सेदु ॱङो़न स्येयेगी ॱनाङज्यीनला दो़पा झ्यी। 2घीझ्येरी ॱनाना केरीक श्येम्मागी थोक्ने लाब ताङगीनक्या मीमुला मेन्दा, को़न्क्षोकमुला ताङालाक। खी़ घी ॱनागीनगो सी़याः ॱहामेघोरालाक हीना खो धाम्पे थुक्ङीगी थोक्ने साङवागी लाबक्या स्येदालाक। 3हीना याङ ॱङो़न स्येगीनक्या मीक्याला यारके ताङये धाङ सेमस्युक तेरये धाङ सेम्सो पारयेला, खुङक्यामुला लाब ताङालाक। 4केरीक श्येम्मा स्येगीनगी राङला यारके ताङालाक हीना ॱङो़न स्येगीनगी क्षो़छोकला यारके ताङालाक।
5खेक्या घीरी केरीक श्येम्मागी थोक्ने, लाब ताङगीनगो ङा दो़दीहो़क हीना देले ल्हाक ॱङो़न स्येगीनगो दो़दीहो़क। क्षो़छोक यारके ताङयेगी क्षीदु केरीक श्येम्मा स्येगीनगी दो़न सी़या ॱमेटोना, केरीक श्येम्माला स्येगीन ने, ॱङो़न स्येगीनगो खाक्क्षे लाक। 6धा पी़नक्याओ, खीकीचारु ङा केरीक श्येम्माला लाब ताङी होरी, धेनी खेक्याई खोक्दु को़न्क्षोकगी कागी साङवागो ॱङो़न्ये याङना स्येयो़न याङना ॱङो़नस्ये याङना ॱलापच्या घीया खेरती मेयोङना, ङाने खेक्याला घी फेन्थोक्कीलाक से?
7ॱलीङबु याङना पीवाङक्या च्योक्रे, ॱरोक मेगीन रोल्याङक्याई ढागो सावो ॱमेतो़न्ना, दाङ घारे तो़न्गीनगो घाङगी झ्येरी ॱहाघोरये? 8याङ दुङगी केक सावो ॱमेतो़न्ना, ॱमाक टाप्येगी क्षीदु सु डाढीक झ्युङगीले? 9देरेराङ खेक्याला झ्युङालाक। खेक्याई च्येमोगी ॱहाघो ॱमीथुक्कीन छीकक्या स्येना, खीकी घी ॱनेजो ॱनेरी सी़ ॱहाघोरये? खेक्या नी ॱलुङला लाब ताङगीन च्योक्रे लाक। 10जीक्तेनदु केरीक ढामेढा माङा हो़तालाक हीना दो़न मेगीन, केरीक च्यीया मेतालाक। 11मी श्येम्मागी लाब ताङगीनगो ङी ॱहामेघोना, होदे लाब ताङगीनगी क्षीदु ङा क्षीग्या च्योक्रे लाक धेनी लाब ताङगीनगो, ङी क्षीदु क्षीग्या च्योक्रे लाक। 12देरेराङ झ्येरी खेक्या धाम्पे थुक्ङीगी ॱनाङज्यीनक्या थोप्येगी क्षीदु दो़पा क्षे झ्युङगीन झ्येरी, खेक्याः क्षो़छोक यारके ताङयेगी ॱनाङज्यीनक्या चायेला ची़न्डी़ झ्यी।
13होझ्येरी केरीक श्येम्माला लाब ताङगीनक्याई, होदेगी दो़न्दाक टोयेगी नी़पा थोप्येला ॱमो़लाम ग्याप्घो़। 14घीझ्येरी ॱनाना ङा केरीक श्येम्मागी थोक्ने ॱमो़लाम श्यी़वाराङ, ङी सेम्ङीगी ॱमो़लाम श्यी़लालाक हीना ङी रीक्पागी ॱहामेघोरालाक। 15धा ॱहाना ङा घी झ्यीये? ङा सेम्ङीगी थोक्ने, ॱमो़लाम श्युयेहीन धेनी रीक्पागीयाः ॱमो़लाम श्युयेहीन। धेनी ङा सेम्ङीगी थोक्ने तो़लु ताङयेहीन धेनी ङी रीक्पागीयाः तो़लु ताङयेहीन। 16देरे मेन्ना, ख्यी़ सेम्ङीने को़न्क्षोकला तो़टा ताङाराङ, ॱहामेघोगीन फीदी मीगी ख्यी़ काटीन्क्षे श्यी़गीन ॱमो़लाम स्याम्ने, ख्यी़ श्यी़गीनगो घीया ॱहामेघोरकीन झ्येरी घाङगी झ्येरी “आमेन” ॱनाये? 17ख्यी़ काटीन्क्षेगो घायेरे श्यी़ हो़टु, हीना मी श्येम्माक्याला दी यारके घीया ॱमेताङालाक।
18खेक्या घीरीने ल्हाक ङा केरीक श्येम्माला लाब ताङगीन झ्येरी, ङा को़न्क्षोकला काटीन्क्षे श्यी़हो़क। 19हीना क्षो़छोकगी नाङदु ङा केरीक श्येम्मागी थोक्ने छीक ठी च्यीक तो़न्दी लाब ताङयेने, ङारी रीक्पागी थोक्ने छीक ॱङा तो़न्दी श्येम्माला ॱलापच्या तेरयेला, ङा लाब ताङङी दो़दीक।
20पी़नक्याओ, साम्लो ताङदाङला टुवा च्योक्रे माझ्युङ। ङेन्पे क्षीदु टुवा च्योक्रे झ्युङ हीना साम्लो ताङदाङला मी क्षे च्योक्रे झ्युङ। 21धाम्पे सुङरापला देरे ढीक हो़तालाक,
“केक घोढोवा ग्याप्कीन मीक्याने धेनी क्षीग्यागी खाने,
ङा दे मीक्यामुला#१४:२१ दे मीक्या ॱनाना ईस्राएलगी मी ॱनालाक लाब ताङयेहीन,
हीना देक्याई ङी लाबला मेङेन्गीलाक, सुरी चोवोगी सुङालाक।”#यस्याया २८:११,१२
22होझ्येरी केरीक श्येम्माक्या धेपा झ्यीगीनक्याई क्षीदु मेन्दा, धेपा मीझ्यीगीनक्याई क्षीदु ताक च्यीक लाक। हीना ॱङो़नस्येगो धेपा मीझ्यीगीनक्याई क्षीदु मेन्दा, धेपा झ्यीगीनक्याई क्षीदु लाक। 23धा क्षो़छोक नाङदु घीरी जोम्दी घीरीगी केरीक श्येम्माला लाब ताङना धेनी फीदी मीक्या याङना धेपा मीझ्यीगीनक्या होदुरु हुङना, खुङक्याई खेक्या ॱङ्यो़दुक ॱनेरी ॱनागी माले? 24हीना घीरी ॱङो़न स्येदी धेती घाङला, धेपा मीझ्यीगीन याङना फीदी मीक्या होदुरु हुङना, खीकी लाबक्या घोरती खुङक्याला खोरी धीक्पाक्या सावो झ्युङगीलाक धेनी खुङक्याला ठीम्चो़ फोक्कीलाक। 25धेनी खुङक्याई सेम नाङगी साङवाक्या ॱङो़न्गीलाक। होझ्येरी खुङक्या क्षाक क्षारी, को़न्क्षोकला ॱङीङकुर श्युगीलाक धेनी “ॱङोन्ने को़न्क्षोक खीकी खोक्दु श्युक्दुक।” ॱनेरी सेटाक झ्यीगीलाक।
क्षो़छोकगी ढीक्लाम
26पी़नक्याओ, धा ॱहाना घी ॱनाये? खेक्यामुला जोमाराङ, खेक्या रे-रेला घुर ॱलु याङना ॱलापच्या याङना साङवा ॱङो़न्ये याङना केरीक श्येम्मा स्येये याङना दो़न्दाक टोये हो़तालाक। दे घीरी क्षो़छोक यारके ताङयेगी क्षीदु झ्यीघो़। 27धा केरीक श्येम्माला लाब ताङगीन रे हो़ना, मी ॱङी याङना माङाले सुम च्यीगागी रेमो ग्याप्ती ताङघो़ धेनी मी च्यीकगी होदेगी दो़न्दाक टोघो़। 28हीना दो़न्दाक टोगीन मी मेना, होदे लाब ताङगीनगो क्षो़छोकगी नाङदु खाबा धेघो़। धेनी खो खोराङ धाङ को़न्क्षोकमुला च्यीगा लाब ताङघो़। 29ॱङो़नस्येखेन ॱङी याङना सुमगी ॱङो़न स्येघो़ धेनी मी माप्चीक्याई, खुङक्याई स्येगीनगोला घामोमा ताक्चा झ्यीघो़। 30हीना होदुरु धेगीनक्याने च्यीकला ॱङो़न थोप्ना, धाङपो ॱङो़न स्येगीनगो खाबा धेघो़। 31घीझ्येरी ॱनाना घीरीगी ज्याङये धाङ घीरीला सेमस्युक थोप्येगी क्षीदु, खेक्या घीरीगी रेमो ग्याप्ती ॱङो़नस्ये स्येघो़। 32ॱङो़नस्येखेनक्याई सेम्ङी नी, ॱङो़नस्येखेनक्याईराङ वाङ होकदु हुङालाक। 33घीझ्येरी ॱनाना को़न्क्षोक नी, गो ठुक्तु च्युक्कीन को़न्क्षोक मेन्दा श्यीदेगी को़न्क्षोक लाक।
धाम्पे मीक्याई क्षो़छोक घीरीगी डोताङला तेन्दी, 34क्षो़छोक नाङदु केमीक्या खाबा धेघो़। खुङक्या लाब ताङ ॱमेक्षोक्वालाक हीना क्षो़ठीमगी सुङगीन च्योक्रे, खुङक्या राङगी ख्योवागी वाङ होकदु धेघो़।#को़पा २:१८;३:१६ 35खुङक्याला लाब रे ढीङी दो़ना, राङगी खीमदु राङगी ख्योवाला ढीघो़। घीझ्येरी ॱनाना क्षो़छोकदु लाब ताङयेगो भोमोक्याई क्षीदु ङोजा च्यीक लाक।
36याङ को़न्क्षोकगी का खेक्याने झ्युवाले? याङना खीकीचारु च्यीगा होवाले? 37खेक्याने राङला ॱङो़नस्येखेन याङना थुक्ङीगी ॱनाङज्यीन हो़गीन साम्गीनगी़, ङी ढीक्टा लाब देक्या चोवोगी का लाक ॱनेरी, खी़ खेलेन झ्यीघो़। 38हीना देला यामे ताङगीन मीगोलाः, यामे ताङा जेगीलाक।
39होझ्येरी पी़नक्याओ, ॱङो़न स्येयेला दो़पा क्षे झ्यी धेनी केरीक श्येम्मागी थोक्ने, लाब ताङगीनक्याला ॱमाकाक। 40हीना घीरी घामोमा झ्येरी, ढीक्लामगी थोक्ने झ्युङघो़।
Currently Selected:
१ कोरीन्थुपा 14: LOY
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
१ कोरीन्थुपा 14
14
ॱङो़न स्येये धाङ केरीकगी ॱनाङज्यीनक्या
1खेक्याई ॱमीक्युगो झाम्पा हुङघो़ धेनी धाम्पे थुक्ङीगी ॱनाङज्यीनक्याई दो़पा क्षे श्योक, ॱमीक्सेदु ॱङो़न स्येयेगी ॱनाङज्यीनला दो़पा झ्यी। 2घीझ्येरी ॱनाना केरीक श्येम्मागी थोक्ने लाब ताङगीनक्या मीमुला मेन्दा, को़न्क्षोकमुला ताङालाक। खी़ घी ॱनागीनगो सी़याः ॱहामेघोरालाक हीना खो धाम्पे थुक्ङीगी थोक्ने साङवागी लाबक्या स्येदालाक। 3हीना याङ ॱङो़न स्येगीनक्या मीक्याला यारके ताङये धाङ सेमस्युक तेरये धाङ सेम्सो पारयेला, खुङक्यामुला लाब ताङालाक। 4केरीक श्येम्मा स्येगीनगी राङला यारके ताङालाक हीना ॱङो़न स्येगीनगी क्षो़छोकला यारके ताङालाक।
5खेक्या घीरी केरीक श्येम्मागी थोक्ने, लाब ताङगीनगो ङा दो़दीहो़क हीना देले ल्हाक ॱङो़न स्येगीनगो दो़दीहो़क। क्षो़छोक यारके ताङयेगी क्षीदु केरीक श्येम्मा स्येगीनगी दो़न सी़या ॱमेटोना, केरीक श्येम्माला स्येगीन ने, ॱङो़न स्येगीनगो खाक्क्षे लाक। 6धा पी़नक्याओ, खीकीचारु ङा केरीक श्येम्माला लाब ताङी होरी, धेनी खेक्याई खोक्दु को़न्क्षोकगी कागी साङवागो ॱङो़न्ये याङना स्येयो़न याङना ॱङो़नस्ये याङना ॱलापच्या घीया खेरती मेयोङना, ङाने खेक्याला घी फेन्थोक्कीलाक से?
7ॱलीङबु याङना पीवाङक्या च्योक्रे, ॱरोक मेगीन रोल्याङक्याई ढागो सावो ॱमेतो़न्ना, दाङ घारे तो़न्गीनगो घाङगी झ्येरी ॱहाघोरये? 8याङ दुङगी केक सावो ॱमेतो़न्ना, ॱमाक टाप्येगी क्षीदु सु डाढीक झ्युङगीले? 9देरेराङ खेक्याला झ्युङालाक। खेक्याई च्येमोगी ॱहाघो ॱमीथुक्कीन छीकक्या स्येना, खीकी घी ॱनेजो ॱनेरी सी़ ॱहाघोरये? खेक्या नी ॱलुङला लाब ताङगीन च्योक्रे लाक। 10जीक्तेनदु केरीक ढामेढा माङा हो़तालाक हीना दो़न मेगीन, केरीक च्यीया मेतालाक। 11मी श्येम्मागी लाब ताङगीनगो ङी ॱहामेघोना, होदे लाब ताङगीनगी क्षीदु ङा क्षीग्या च्योक्रे लाक धेनी लाब ताङगीनगो, ङी क्षीदु क्षीग्या च्योक्रे लाक। 12देरेराङ झ्येरी खेक्या धाम्पे थुक्ङीगी ॱनाङज्यीनक्या थोप्येगी क्षीदु दो़पा क्षे झ्युङगीन झ्येरी, खेक्याः क्षो़छोक यारके ताङयेगी ॱनाङज्यीनक्या चायेला ची़न्डी़ झ्यी।
13होझ्येरी केरीक श्येम्माला लाब ताङगीनक्याई, होदेगी दो़न्दाक टोयेगी नी़पा थोप्येला ॱमो़लाम ग्याप्घो़। 14घीझ्येरी ॱनाना ङा केरीक श्येम्मागी थोक्ने ॱमो़लाम श्यी़वाराङ, ङी सेम्ङीगी ॱमो़लाम श्यी़लालाक हीना ङी रीक्पागी ॱहामेघोरालाक। 15धा ॱहाना ङा घी झ्यीये? ङा सेम्ङीगी थोक्ने, ॱमो़लाम श्युयेहीन धेनी रीक्पागीयाः ॱमो़लाम श्युयेहीन। धेनी ङा सेम्ङीगी थोक्ने तो़लु ताङयेहीन धेनी ङी रीक्पागीयाः तो़लु ताङयेहीन। 16देरे मेन्ना, ख्यी़ सेम्ङीने को़न्क्षोकला तो़टा ताङाराङ, ॱहामेघोगीन फीदी मीगी ख्यी़ काटीन्क्षे श्यी़गीन ॱमो़लाम स्याम्ने, ख्यी़ श्यी़गीनगो घीया ॱहामेघोरकीन झ्येरी घाङगी झ्येरी “आमेन” ॱनाये? 17ख्यी़ काटीन्क्षेगो घायेरे श्यी़ हो़टु, हीना मी श्येम्माक्याला दी यारके घीया ॱमेताङालाक।
18खेक्या घीरीने ल्हाक ङा केरीक श्येम्माला लाब ताङगीन झ्येरी, ङा को़न्क्षोकला काटीन्क्षे श्यी़हो़क। 19हीना क्षो़छोकगी नाङदु ङा केरीक श्येम्मागी थोक्ने छीक ठी च्यीक तो़न्दी लाब ताङयेने, ङारी रीक्पागी थोक्ने छीक ॱङा तो़न्दी श्येम्माला ॱलापच्या तेरयेला, ङा लाब ताङङी दो़दीक।
20पी़नक्याओ, साम्लो ताङदाङला टुवा च्योक्रे माझ्युङ। ङेन्पे क्षीदु टुवा च्योक्रे झ्युङ हीना साम्लो ताङदाङला मी क्षे च्योक्रे झ्युङ। 21धाम्पे सुङरापला देरे ढीक हो़तालाक,
“केक घोढोवा ग्याप्कीन मीक्याने धेनी क्षीग्यागी खाने,
ङा दे मीक्यामुला#१४:२१ दे मीक्या ॱनाना ईस्राएलगी मी ॱनालाक लाब ताङयेहीन,
हीना देक्याई ङी लाबला मेङेन्गीलाक, सुरी चोवोगी सुङालाक।”#यस्याया २८:११,१२
22होझ्येरी केरीक श्येम्माक्या धेपा झ्यीगीनक्याई क्षीदु मेन्दा, धेपा मीझ्यीगीनक्याई क्षीदु ताक च्यीक लाक। हीना ॱङो़नस्येगो धेपा मीझ्यीगीनक्याई क्षीदु मेन्दा, धेपा झ्यीगीनक्याई क्षीदु लाक। 23धा क्षो़छोक नाङदु घीरी जोम्दी घीरीगी केरीक श्येम्माला लाब ताङना धेनी फीदी मीक्या याङना धेपा मीझ्यीगीनक्या होदुरु हुङना, खुङक्याई खेक्या ॱङ्यो़दुक ॱनेरी ॱनागी माले? 24हीना घीरी ॱङो़न स्येदी धेती घाङला, धेपा मीझ्यीगीन याङना फीदी मीक्या होदुरु हुङना, खीकी लाबक्या घोरती खुङक्याला खोरी धीक्पाक्या सावो झ्युङगीलाक धेनी खुङक्याला ठीम्चो़ फोक्कीलाक। 25धेनी खुङक्याई सेम नाङगी साङवाक्या ॱङो़न्गीलाक। होझ्येरी खुङक्या क्षाक क्षारी, को़न्क्षोकला ॱङीङकुर श्युगीलाक धेनी “ॱङोन्ने को़न्क्षोक खीकी खोक्दु श्युक्दुक।” ॱनेरी सेटाक झ्यीगीलाक।
क्षो़छोकगी ढीक्लाम
26पी़नक्याओ, धा ॱहाना घी ॱनाये? खेक्यामुला जोमाराङ, खेक्या रे-रेला घुर ॱलु याङना ॱलापच्या याङना साङवा ॱङो़न्ये याङना केरीक श्येम्मा स्येये याङना दो़न्दाक टोये हो़तालाक। दे घीरी क्षो़छोक यारके ताङयेगी क्षीदु झ्यीघो़। 27धा केरीक श्येम्माला लाब ताङगीन रे हो़ना, मी ॱङी याङना माङाले सुम च्यीगागी रेमो ग्याप्ती ताङघो़ धेनी मी च्यीकगी होदेगी दो़न्दाक टोघो़। 28हीना दो़न्दाक टोगीन मी मेना, होदे लाब ताङगीनगो क्षो़छोकगी नाङदु खाबा धेघो़। धेनी खो खोराङ धाङ को़न्क्षोकमुला च्यीगा लाब ताङघो़। 29ॱङो़नस्येखेन ॱङी याङना सुमगी ॱङो़न स्येघो़ धेनी मी माप्चीक्याई, खुङक्याई स्येगीनगोला घामोमा ताक्चा झ्यीघो़। 30हीना होदुरु धेगीनक्याने च्यीकला ॱङो़न थोप्ना, धाङपो ॱङो़न स्येगीनगो खाबा धेघो़। 31घीझ्येरी ॱनाना घीरीगी ज्याङये धाङ घीरीला सेमस्युक थोप्येगी क्षीदु, खेक्या घीरीगी रेमो ग्याप्ती ॱङो़नस्ये स्येघो़। 32ॱङो़नस्येखेनक्याई सेम्ङी नी, ॱङो़नस्येखेनक्याईराङ वाङ होकदु हुङालाक। 33घीझ्येरी ॱनाना को़न्क्षोक नी, गो ठुक्तु च्युक्कीन को़न्क्षोक मेन्दा श्यीदेगी को़न्क्षोक लाक।
धाम्पे मीक्याई क्षो़छोक घीरीगी डोताङला तेन्दी, 34क्षो़छोक नाङदु केमीक्या खाबा धेघो़। खुङक्या लाब ताङ ॱमेक्षोक्वालाक हीना क्षो़ठीमगी सुङगीन च्योक्रे, खुङक्या राङगी ख्योवागी वाङ होकदु धेघो़।#को़पा २:१८;३:१६ 35खुङक्याला लाब रे ढीङी दो़ना, राङगी खीमदु राङगी ख्योवाला ढीघो़। घीझ्येरी ॱनाना क्षो़छोकदु लाब ताङयेगो भोमोक्याई क्षीदु ङोजा च्यीक लाक।
36याङ को़न्क्षोकगी का खेक्याने झ्युवाले? याङना खीकीचारु च्यीगा होवाले? 37खेक्याने राङला ॱङो़नस्येखेन याङना थुक्ङीगी ॱनाङज्यीन हो़गीन साम्गीनगी़, ङी ढीक्टा लाब देक्या चोवोगी का लाक ॱनेरी, खी़ खेलेन झ्यीघो़। 38हीना देला यामे ताङगीन मीगोलाः, यामे ताङा जेगीलाक।
39होझ्येरी पी़नक्याओ, ॱङो़न स्येयेला दो़पा क्षे झ्यी धेनी केरीक श्येम्मागी थोक्ने, लाब ताङगीनक्याला ॱमाकाक। 40हीना घीरी घामोमा झ्येरी, ढीक्लामगी थोक्ने झ्युङघो़।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society