Tesaloniketaamba sɛbɛhãalĩŋo Nelmuoyamma
Nelmuoyamma
Tesaloniketaamba saa naa da tuoleŋ-muntĩɛnammu baa Yesu-Kirsa jommaŋ-kũŋgu‑i. Ba hɔlma-na, banamba naa cira wuɔ *Kirsa juɔ tĩ, banamba yagar maacencelle wuɔ miwaaŋo tĩɛ tĩ aa nuɔmba namba'i bir yiɛra baa ba yuŋ-maama‑i. Polŋ daa-ma dumaaŋo-na, u nyɛgɛ̃ŋ sɛbɛ daayo‑i duɔ kaala nelma yaaŋga‑i baa-ba. U jaalaa Diiloŋo yaa igɛ̃na ba maama-na aa cãrã-yuɔ wuɔ u kãyã-bɛi ba ta ba wuɔ u hũmelle‑i fafamma (sap. 1).
Ku huoŋgu-na, u suɔ dii u nuŋgu‑i Yesu jommaŋ-kũŋgu-na, wuɔ «Nelbabalaŋo» yaa saaya u jo igɛ̃na. U ka jo ji ce u fɛrɛ wuɔ u yaa Diiloŋo‑i, a tãal nuɔmba bigãaŋ Diiloŋo‑i.
Polŋ suyaa mafamma‑i dumaaŋo-na, u doŋ tuɔ dii nelma Diiloŋ-dũŋ-baamba tũnni-na, wuɔ mulĩɛŋ da ma fiɛ'a ma ka ko-ba, ba nyaar Diiloŋ-hũmelle-na (sap. 2). U bi taaraaya-kuɔ Tesaloniketaamba wulaa wuɔ ba ta ba cãrã Diiloŋo‑i ba hã fuɔ fɛrɛ‑i, aa yentaamba ta ba ce maacemma ba taara ba nuŋ-juuru‑i yinni maŋ joŋ fuɔ temma‑i, aa ba baa bi yaŋ ãnfafamma cemma‑i (sap. 3).
Currently Selected:
Tesaloniketaamba sɛbɛhãalĩŋo Nelmuoyamma: cme
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.