Timote sɛbɛdĩɛlãŋo Nelmuoyamma
Nelmuoyamma
Timote to waa Girɛkiyiɛŋo, aa u nyu‑i Yuifuciɛŋo. Nyuŋo naa hũu Yesu maama‑i. Timote‑i baa Pol ba kaaŋ da ba-naa Lisire (Pɔpuɔr. 16.1-3). Ku huoŋgu yaa nuɔ‑i Timoteŋ juɔ ce Pol namaacenceroŋo tuɔ wuɔra baa-yo nilɛiŋa-na. Huɔŋgu naŋgu juɔ hi, Pol wuɔ kar-o jĩna Efɛsi u duɔ kãyã Diiloŋ-dũŋ-baamba‑i ba suɔ tigiima (1.3). U nyɛgãaŋ sɛbɛbaa-ba hãi hã-yo a dii sirɛiŋa yuɔ ku maacemma-na.
Dĩɛlã-wuoŋo yaa daayo‑i. U gbuɔya-yuɔ wuɔ nuɔmba namba dii ta ba guɔl Diiloŋ-dũŋ-baamba gbeini‑i wuɔ miwaaŋ daayo bĩmbĩnni saa fa, wuɔ cadiile saa bi fa, aa niiwuoni nanni saa bi tiraa fa wuoma‑i. Pol yaŋ aa tagaaya pigãaŋ Timote‑i wuɔ Diiloŋ uŋ hielaa nimaŋ hiere ni faa (sap. 1 baa 4).
U bi tagaaya pigãaŋ-yo Diiloŋ-dũŋ-baambaŋ gbĩɛ ba ta ba cãrã Diiloŋo‑i dumaa, aa yaataamba‑i baa ba huoŋ-baambaŋ gbĩɛ ba waa dumaa (sap. 2–3).
Timoteŋ saaya u bel nuɔmba‑i dumaa Diiloŋ-dũŋgu-na a saanu baa ba sĩnni‑i, Pol waaŋ ku yaa‑i perieŋ aa dii nelma u tũnni-na (sap. 5–6).
Currently Selected:
Timote sɛbɛdĩɛlãŋo Nelmuoyamma: cme
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.