Ɔrɔmutɔnŋ kiri 14
14
Bilinatɔnŋ kiri kakan-i kí i arìmaŋ wɔ bi kwun
(Korɛntitɔnŋ kiri (1) 4.3–5; 8.1–13; 10.23–33)
1Ńʼtindaŋ ni, ábɛɛ ru nwɔ̀ri faan kuru-i bilinabi ki ru, á ji nini tɛ, á fa kí ɲakilila kiri sɔsɔka jitan-ni kì. 2Ŋì a so ji-i, tu miŋ bɛɛ wɔ bilinabi ki ncusun-a, miŋ so nufinŋ ki bataa nu-i, nka nwɔ̀ faan kuru-i bilinabi ki ru, niŋ i nankɔ ru finŋ ni bantenŋ nu-ni. 3Konwɔtiŋ i nufinŋ ki bataa nu-a, niŋ fa a kaashi ki rufyɛ tu nfɛnŋ na ntiŋ a kaan-na nufinŋ kiri bɛɛ ri tɛ kì. Minwɔ̀ i nʼkaan-na nufinŋ kiri bɛɛ ri tɛ, miŋ dumiŋ fa kiti ki fɛɛn nʼkaashi ki sun, tu ntiŋ nufinŋ bataa nu-a kì, sabu Kirinŋ ji-i ntiŋ tɛ sɛbɛ. 4Miŋ nkɛnŋ, fɔ ŋi i kiti ki fɛɛn-ni koŋ tɔri tɛ baara matɔnŋ sun? Ntiŋ tu woo, ntiŋ fɛɛn woo, niŋ i mɔɔn saa sun kì, niŋ i ntiŋ ŋuntiŋ ki wɔ bi i. Ntiŋ a tu tu, sabu so i Ŋuntiŋ ki gbɛ, ŋì i niŋ faan ki wɔri ntiŋ tɛ.
5Miŋ bɛɛ ɲakilila, jibi ki bɛɛ gbɛ-i ǹʼbɛɛ wu, ǹʼtɔri tu jibi san jibi ru kì, koŋ fɔn tu awɔ ɲakilila wu, nka sii ǹʼna fa ji ǹʼnu ntiŋ ciiru kì. 6Nwɔ̀tiŋ i jibi kiri san-a arìmaŋ nu, nintiŋ i niŋ ma-a Ŋuntiŋ ki bira, konwɔtiŋ i nufinŋ bataa nu-a, nintiŋ i niŋ ma-ni Ŋuntiŋ ki bira, sabu ntiŋ i baraka bi-a Kirinŋ tɛ. Konwɔtiŋ nufinŋ kiri bɛɛ ri nu-a kì, nintiŋ i niŋ ma-a Ŋuntiŋ ki bira, sabu nintiŋ yɛrima ki i baraka bi-a Kirinŋ tɛ.
7Yibɛɛ tɔri tenŋ yɔɔ ɲaninkulutɔnbi ki ma-a yi yɛri ki tɛ kì, yi dantenŋ dumiŋ beeni-a yi yɛri ki tɛ kì. 8A yibɛɛ ji yɔɔ ɲaninkulutɔnbi ki ma-a, yibɛɛ ǹʼma-a Ŋuntiŋ ki tɛ, a yi ji beeni-a, yi i beeni-ni Ŋuntiŋ ki tɛ. Niŋ ki ra, yibɛɛ ɲaninkulutɔnŋ i woo, yi beeni woo, yibɛɛ i Ŋuntiŋ ki wɔ ri. 9Kirisa beeni-i, ntiŋ i ŋmɛni po san konkwuu kiri kanfɛ, nwɔma ntiŋ i ji konkwuu kiri fa ɲaninkulutɔnŋ kiri Ŋuntiŋ ki i. 10Dɔnsaŋ, miŋ nkɛnŋ? Nfɛnŋ na, miŋ kiti ki fɛɛn-ni nʼtindaŋ ki sun? Walima, nfɛnŋ na miŋ nʼtindaŋ ki rufyɛ-ri? Yi fɔn a ta tu Kirinŋ wɔ kitikwurumaŋ ki ɲaanfɛ, ŋì i yɔɔ kiti kiri kwuru. 11Sabu ǹʼsɛbɛ-i tu :
« Sɛli ki ra, míŋ ɲaninkulutɔnŋ yɛ, Ŋuntiŋ ki tu ninkunŋ.
Kankwuu kiri bataa ra arì kwushiri míŋ fɛ,
nɛninɛŋ kiri bataa i ǹʼbi tu míŋ Kirinŋ i. »
12Niŋ ɲaan ki tɛ, koŋ bataa tenŋ tenŋ i awɔ bi kiri ɲaanbi Kirinŋ ɲaanfɛ. 13Niŋ ki ra, yi kiti ki fɛɛn ki tɔnbo yimaŋ sun.
Nka, á fa bi tɔri ma, nwɔ̀ a ji ábɛɛ tindaŋ ki bɛɛ kanŋ nakwuru kwɔ ɔ, walima ntiŋ i fɛɛn kwɔ ɔ kì. 14Míŋ bili-i ǹʼna, tu Ŋuntiŋ Yesu wɔ tenbi ki baraka ra, ńʼtu finŋ nɔɔmaan nmaŋ a yɛri gbɛ kì, nka konwɔtiŋ i ǹʼbi-a tu ǹʼnɔɔ, ǹʼnɔɔmaan yɛ nintiŋ gbɛ. 15Miŋ i finŋ wɔ̀ nu-a, a ninki ji-a ji sababu, ŋì i miŋ tindaŋ ki tɔnfɔɔ, niŋ i ǹʼji-a tu miŋ nʼwɔ bi ki ma-a bidintɛbi wu kì. Kirisa beeni-i, niŋ tindaŋ ki wɔ̀ bira, fa ncusun nʼwɔ nufinŋ numaan i ji sababu, niŋ i haliki kì. 16Finŋ wɔ̀ shɔ-i miŋ gbɛ, fa ncusun niŋ i ji miŋ tɔ jɛ bi ŋuŋ i kì. 17Kirinŋ wɔ Masabi ki bi ki nufinŋ bi fa mwunufinŋ bi i kì, nka telibi fa tɔnsunfili fa ciirudibi bi yɛ, Ɲiniwɔlinŋ ki i nini wɔ̀ri wɔri-ra. 18Konwɔtiŋ i baara ki ma-a Kirisa tɛ niŋ ɲakilila ki wu, nintiŋ bidi-i Kirinŋ tɛ, konaŋ kiri i ji-a ntiŋ tɔ shɔɔrinŋ bi sɛbɛ.
19Niŋ ki ra, yi ɲaanfɛfili ceeli yimaŋ faninmwuŋ, niŋ fa yi i ǹʼceeli, yi i ta jɛŋ bilinabi ki ru. 20Fa ncusun ŋi i Kirinŋ wɔ baara ki li nʼwɔ nufinŋ bi wu kì. Sɛli ki ra, nufinŋ bataa fɔɔ-ɔ, nka nufinŋ wɔ̀ numaan i ji-a sababu, miŋ tindaŋ ki i fɛɛn, niŋ nu ki shɔ kì. 21Nwɔ̀ shɔ-i, fa shɛn taa kì, fa dunfɛnŋ mwunu kì, finŋ woo finŋ a so miŋ tindaŋ ki kanŋ nakwuru-i, ntiŋ i fɛɛn, niŋ finŋ kiri bataa tu nmaŋ. 22Bilinabi wɔ̀ i miŋ gbɛ ka mani ka bi sun, niŋ tu nʼfa Kirinŋ faninmwuŋ. Konwɔtiŋ i nufinŋ ki ji-a finŋ shɔɔrinŋ i, ntiŋ i ǹʼnu, ntiŋ sii sii a ciiru kì, nintiŋ i koŋ fɛrɛmaan a. 23Nka, a miŋ ji sii sii-ra finŋ ki bɛɛ nu bira, a miŋ niŋ nu, Kirinŋ a kiti ki fɛɛn miŋ sun, sabu miŋ yɛrima ki bili ǹʼna kì. A miŋ bili bi woo bi ra kì, a miŋ niŋ ma, miŋ i bijɛ ma-a.
Currently Selected:
Ɔrɔmutɔnŋ kiri 14: JOB
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.
Ɔrɔmutɔnŋ kiri 14
14
Bilinatɔnŋ kiri kakan-i kí i arìmaŋ wɔ bi kwun
(Korɛntitɔnŋ kiri (1) 4.3–5; 8.1–13; 10.23–33)
1Ńʼtindaŋ ni, ábɛɛ ru nwɔ̀ri faan kuru-i bilinabi ki ru, á ji nini tɛ, á fa kí ɲakilila kiri sɔsɔka jitan-ni kì. 2Ŋì a so ji-i, tu miŋ bɛɛ wɔ bilinabi ki ncusun-a, miŋ so nufinŋ ki bataa nu-i, nka nwɔ̀ faan kuru-i bilinabi ki ru, niŋ i nankɔ ru finŋ ni bantenŋ nu-ni. 3Konwɔtiŋ i nufinŋ ki bataa nu-a, niŋ fa a kaashi ki rufyɛ tu nfɛnŋ na ntiŋ a kaan-na nufinŋ kiri bɛɛ ri tɛ kì. Minwɔ̀ i nʼkaan-na nufinŋ kiri bɛɛ ri tɛ, miŋ dumiŋ fa kiti ki fɛɛn nʼkaashi ki sun, tu ntiŋ nufinŋ bataa nu-a kì, sabu Kirinŋ ji-i ntiŋ tɛ sɛbɛ. 4Miŋ nkɛnŋ, fɔ ŋi i kiti ki fɛɛn-ni koŋ tɔri tɛ baara matɔnŋ sun? Ntiŋ tu woo, ntiŋ fɛɛn woo, niŋ i mɔɔn saa sun kì, niŋ i ntiŋ ŋuntiŋ ki wɔ bi i. Ntiŋ a tu tu, sabu so i Ŋuntiŋ ki gbɛ, ŋì i niŋ faan ki wɔri ntiŋ tɛ.
5Miŋ bɛɛ ɲakilila, jibi ki bɛɛ gbɛ-i ǹʼbɛɛ wu, ǹʼtɔri tu jibi san jibi ru kì, koŋ fɔn tu awɔ ɲakilila wu, nka sii ǹʼna fa ji ǹʼnu ntiŋ ciiru kì. 6Nwɔ̀tiŋ i jibi kiri san-a arìmaŋ nu, nintiŋ i niŋ ma-a Ŋuntiŋ ki bira, konwɔtiŋ i nufinŋ bataa nu-a, nintiŋ i niŋ ma-ni Ŋuntiŋ ki bira, sabu ntiŋ i baraka bi-a Kirinŋ tɛ. Konwɔtiŋ nufinŋ kiri bɛɛ ri nu-a kì, nintiŋ i niŋ ma-a Ŋuntiŋ ki bira, sabu nintiŋ yɛrima ki i baraka bi-a Kirinŋ tɛ.
7Yibɛɛ tɔri tenŋ yɔɔ ɲaninkulutɔnbi ki ma-a yi yɛri ki tɛ kì, yi dantenŋ dumiŋ beeni-a yi yɛri ki tɛ kì. 8A yibɛɛ ji yɔɔ ɲaninkulutɔnbi ki ma-a, yibɛɛ ǹʼma-a Ŋuntiŋ ki tɛ, a yi ji beeni-a, yi i beeni-ni Ŋuntiŋ ki tɛ. Niŋ ki ra, yibɛɛ ɲaninkulutɔnŋ i woo, yi beeni woo, yibɛɛ i Ŋuntiŋ ki wɔ ri. 9Kirisa beeni-i, ntiŋ i ŋmɛni po san konkwuu kiri kanfɛ, nwɔma ntiŋ i ji konkwuu kiri fa ɲaninkulutɔnŋ kiri Ŋuntiŋ ki i. 10Dɔnsaŋ, miŋ nkɛnŋ? Nfɛnŋ na, miŋ kiti ki fɛɛn-ni nʼtindaŋ ki sun? Walima, nfɛnŋ na miŋ nʼtindaŋ ki rufyɛ-ri? Yi fɔn a ta tu Kirinŋ wɔ kitikwurumaŋ ki ɲaanfɛ, ŋì i yɔɔ kiti kiri kwuru. 11Sabu ǹʼsɛbɛ-i tu :
« Sɛli ki ra, míŋ ɲaninkulutɔnŋ yɛ, Ŋuntiŋ ki tu ninkunŋ.
Kankwuu kiri bataa ra arì kwushiri míŋ fɛ,
nɛninɛŋ kiri bataa i ǹʼbi tu míŋ Kirinŋ i. »
12Niŋ ɲaan ki tɛ, koŋ bataa tenŋ tenŋ i awɔ bi kiri ɲaanbi Kirinŋ ɲaanfɛ. 13Niŋ ki ra, yi kiti ki fɛɛn ki tɔnbo yimaŋ sun.
Nka, á fa bi tɔri ma, nwɔ̀ a ji ábɛɛ tindaŋ ki bɛɛ kanŋ nakwuru kwɔ ɔ, walima ntiŋ i fɛɛn kwɔ ɔ kì. 14Míŋ bili-i ǹʼna, tu Ŋuntiŋ Yesu wɔ tenbi ki baraka ra, ńʼtu finŋ nɔɔmaan nmaŋ a yɛri gbɛ kì, nka konwɔtiŋ i ǹʼbi-a tu ǹʼnɔɔ, ǹʼnɔɔmaan yɛ nintiŋ gbɛ. 15Miŋ i finŋ wɔ̀ nu-a, a ninki ji-a ji sababu, ŋì i miŋ tindaŋ ki tɔnfɔɔ, niŋ i ǹʼji-a tu miŋ nʼwɔ bi ki ma-a bidintɛbi wu kì. Kirisa beeni-i, niŋ tindaŋ ki wɔ̀ bira, fa ncusun nʼwɔ nufinŋ numaan i ji sababu, niŋ i haliki kì. 16Finŋ wɔ̀ shɔ-i miŋ gbɛ, fa ncusun niŋ i ji miŋ tɔ jɛ bi ŋuŋ i kì. 17Kirinŋ wɔ Masabi ki bi ki nufinŋ bi fa mwunufinŋ bi i kì, nka telibi fa tɔnsunfili fa ciirudibi bi yɛ, Ɲiniwɔlinŋ ki i nini wɔ̀ri wɔri-ra. 18Konwɔtiŋ i baara ki ma-a Kirisa tɛ niŋ ɲakilila ki wu, nintiŋ bidi-i Kirinŋ tɛ, konaŋ kiri i ji-a ntiŋ tɔ shɔɔrinŋ bi sɛbɛ.
19Niŋ ki ra, yi ɲaanfɛfili ceeli yimaŋ faninmwuŋ, niŋ fa yi i ǹʼceeli, yi i ta jɛŋ bilinabi ki ru. 20Fa ncusun ŋi i Kirinŋ wɔ baara ki li nʼwɔ nufinŋ bi wu kì. Sɛli ki ra, nufinŋ bataa fɔɔ-ɔ, nka nufinŋ wɔ̀ numaan i ji-a sababu, miŋ tindaŋ ki i fɛɛn, niŋ nu ki shɔ kì. 21Nwɔ̀ shɔ-i, fa shɛn taa kì, fa dunfɛnŋ mwunu kì, finŋ woo finŋ a so miŋ tindaŋ ki kanŋ nakwuru-i, ntiŋ i fɛɛn, niŋ finŋ kiri bataa tu nmaŋ. 22Bilinabi wɔ̀ i miŋ gbɛ ka mani ka bi sun, niŋ tu nʼfa Kirinŋ faninmwuŋ. Konwɔtiŋ i nufinŋ ki ji-a finŋ shɔɔrinŋ i, ntiŋ i ǹʼnu, ntiŋ sii sii a ciiru kì, nintiŋ i koŋ fɛrɛmaan a. 23Nka, a miŋ ji sii sii-ra finŋ ki bɛɛ nu bira, a miŋ niŋ nu, Kirinŋ a kiti ki fɛɛn miŋ sun, sabu miŋ yɛrima ki bili ǹʼna kì. A miŋ bili bi woo bi ra kì, a miŋ niŋ ma, miŋ i bijɛ ma-a.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.