Ɔrɔmutɔnŋ kiri 10
10
1Ńʼtindaŋ ni, nwɔ̀ i míŋ tɔnnabi ki i, niŋ fa míŋ i nwɔ̀ rafɛ-a Kirinŋ gbɛ, niŋ i kaa tu, Isirayɛli a a mwu. 2Sɛli ki ra, míŋ a so ǹʼbi-i ńʼtu kí cɛrukɔlimaan i Kirinŋ bi ki ra, nka Kirinŋ bi ki ɲaantɔka sɔbɛ kí gbɛ kì. 3Kirinŋ konanmini shɛɛli-la koŋ telimaan a ɲaan wɔ̀ tɛ, kí niŋ ɲaantɔ kì. Kí i ǹʼtɛ arì i ji koŋ telimaan ni i arì yɛrima kiri wɔ ɲaan tɛ. Niŋ ɲaan ki tɛ, Kirinŋ i koŋ shɛɛli-la koŋ telimaan a saa wɔ̀ fan, kí i arì kaan niŋ saa ki tɛ. 4Sariya ki i rakɔ-a Kirisa wu, nwɔma konwɔtiŋ bili ntiŋ na, Kirinŋ i nintiŋ shɛɛli koŋ telimaan a.
Konwɔtiŋ bili Ŋuntiŋ ki ra, nintiŋ a a mwu
5 Musa nwɔ̀ sɛbɛ-i sariya ki wɔ telibi ki kilaka ɲaan ki sun, niŋ i kaa tu : « Konwɔtiŋ i sariya ki wɔ saa ki bataa tiri-ra, nintiŋ a ɲaninkulutɔnbi kila niŋ sababu ra. » 6Telibi wɔ̀ i kila-a bilinabi ki baraka ra, nwɔ̀ i bi-a niŋ bi sun, niŋ i kaa tu : « Minki ki fa ǹʼbi nʼciiru tu : ‹ Nkɛnŋ a tunpa kirinpɔli ki ra › kì. (Niŋ kɔri ki i ji tu, ntiŋ i Kirisa shi jɛri.) 7Walima tu : ‹ Nkɛnŋ a na jɛri pwɔkulinŋ ki fɛ? › (Niŋ kɔri i tu, ntiŋ i Kirisa ŋmɛni po san konkwuu kiri ru.) » 8Niŋ wulu ki i nwɔ̀ bi-a, niŋ i kaa :
« Kirinŋ wɔ wulu ki i miŋ kankantɛ,
ŋì i miŋ tɔnŋ na, ŋì i ji miŋ ciiru. »#Sariya kiri 9.4; 30.12–14.
Niŋ wulu ki i bilinabi wulu ki i, yibɛɛ i ninwɔ̀ sunjo-a. 9A miŋ ǹʼbi nʼtɔnŋ ki ra tu, Yesu Ŋuntiŋ ki i, ŋi i bili ǹʼna nʼciiru ki ru tu Kirinŋ ntiŋ ŋmɛni po san konkwuu kiri kanfɛ, miŋ a nʼmwu. 10Sabu, a konwɔtiŋ bilinabi ki ma a ciiru ki bataa wu, ŋi i ji-a koŋ telimaan a Kirinŋ ɲaanfɛ, ŋi i ǹʼpo nʼtɔnŋ ki ra, ninki i miŋ mwu-a.
11Sabu Kirinŋ wɔ wulu sɛbɛ kiri i ǹʼbi-a tu :
« Koŋ finŋ woo finŋ bili Ŋuntiŋ ki ra, nintiŋ a ɲaankwun kì. »#Esayi 28.16.
12 Yawutu bo shiya tɔri sun, koŋ san koŋ nu kì, Ŋuntiŋ tenŋ pe i kí bataa ŋununu, ninwɔ̀ i shɔɔrinŋ mwɔɔnna ma-a a tɔ dɔritɔnŋ kiri bataa tɛ. 13Sabu ǹʼsɛbɛ-i tu : « Koŋ finŋ woo finŋ Ŋuntiŋ ki tɔ ki dɔri, nintiŋ a mwu. »
14Kí a so ǹʼtɔ ki dɔri-i dɔɔkunŋ, a kí ji bili ǹʼna kì? Kí a so bili-i ǹʼna dɔɔkunŋ, a kí ǹʼwulu lama kì? Kí a ǹʼwulu lama dɔɔkunŋ, a koŋ ǹʼsunjo kí tɛ kì? 15Koŋ a so ǹʼsunjo-i dɔɔkunŋ, a ntiŋ cin kì. Miŋ tu ǹʼsɛbɛ-i Kirinŋ wɔ wulu ki ru tu : « Nwɔ̀ri i na-a Kirinŋ wɔ Wulujii ki wu, nini naka ki shɔ-i. » 16Niŋ fa a fɔn na, koŋ bataa a ji Kirinŋ wɔ Wulujii ki tɛ kì. Niŋ ki ra, cintɔnŋ Esayi i ǹʼbi tu : « Ŋuntiŋ ki, nkɛnŋ bili yibɔɔ wulu bimaan kiri ra a tɛ? »#Esayi 53.1; Yuhana 12.38. 17Niŋ ɲaan ki tɛ, wulu lamamaan ki i na-a bilinabi ki wu, nwɔ̀ i rama-a niŋ i po-a Kirisa wulu ki ru.
18Ŋi i ǹʼbi tu Isirayɛlitɔnŋ kiri niŋ Wulujii ki rama kì wa? Kí ǹʼnama-i dɛ! Sabu ǹʼsɛbɛ-i tu :
« Niŋ Wulujii bitɔnŋ kiri wulu ki rama-i pwɔkulinŋ ki mani ki bataa ru,
kí wulu ki i so juniɲa nɔnkɔnŋ pyiiraŋ ki fɔn tɛ. »
19Niŋ na, míŋ tu Isirayɛlitɔnŋ kiri niŋ tɔ-ri kì wa? Kí ǹʼtɔ wuru dɛ! Sabu Musa ǹʼjɔnɔ ki bi wuru kí tɛ tu :
« Shiya wɔ̀ finŋ tɔri i kì,
míŋ a na ncusun ábɛɛ ɲaniŋ i po niŋ tɛ,
míŋ a ncusun ábɛɛ tɔnŋ i kwulu shiya ɲakili bali bira. »
20Esayi i ta jɛŋ ntiŋ i a tɔɔn, ntiŋ i ǹʼbi tu Kirinŋ ǹʼbi tu :
« Koŋ wɔ̀ri wuru míŋ ceeli-la kì, nini míŋ ja-i,
nwɔ̀ri wuru míŋ bi ranɔri-ra kì, míŋ ńʼyɛri ji-i nini wu. »
21Nka Isirayɛlitɔnŋ kiri bi sun, ntiŋ tu Kirinŋ ǹʼbi tu :
« Míŋ ńʼgbɛ ki cu-i sunŋ ki bataa,
shiya kulubali li fa shiya kaanmaan ni tɛ. »
Currently Selected:
Ɔrɔmutɔnŋ kiri 10: JOB
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.
Ɔrɔmutɔnŋ kiri 10
10
1Ńʼtindaŋ ni, nwɔ̀ i míŋ tɔnnabi ki i, niŋ fa míŋ i nwɔ̀ rafɛ-a Kirinŋ gbɛ, niŋ i kaa tu, Isirayɛli a a mwu. 2Sɛli ki ra, míŋ a so ǹʼbi-i ńʼtu kí cɛrukɔlimaan i Kirinŋ bi ki ra, nka Kirinŋ bi ki ɲaantɔka sɔbɛ kí gbɛ kì. 3Kirinŋ konanmini shɛɛli-la koŋ telimaan a ɲaan wɔ̀ tɛ, kí niŋ ɲaantɔ kì. Kí i ǹʼtɛ arì i ji koŋ telimaan ni i arì yɛrima kiri wɔ ɲaan tɛ. Niŋ ɲaan ki tɛ, Kirinŋ i koŋ shɛɛli-la koŋ telimaan a saa wɔ̀ fan, kí i arì kaan niŋ saa ki tɛ. 4Sariya ki i rakɔ-a Kirisa wu, nwɔma konwɔtiŋ bili ntiŋ na, Kirinŋ i nintiŋ shɛɛli koŋ telimaan a.
Konwɔtiŋ bili Ŋuntiŋ ki ra, nintiŋ a a mwu
5 Musa nwɔ̀ sɛbɛ-i sariya ki wɔ telibi ki kilaka ɲaan ki sun, niŋ i kaa tu : « Konwɔtiŋ i sariya ki wɔ saa ki bataa tiri-ra, nintiŋ a ɲaninkulutɔnbi kila niŋ sababu ra. » 6Telibi wɔ̀ i kila-a bilinabi ki baraka ra, nwɔ̀ i bi-a niŋ bi sun, niŋ i kaa tu : « Minki ki fa ǹʼbi nʼciiru tu : ‹ Nkɛnŋ a tunpa kirinpɔli ki ra › kì. (Niŋ kɔri ki i ji tu, ntiŋ i Kirisa shi jɛri.) 7Walima tu : ‹ Nkɛnŋ a na jɛri pwɔkulinŋ ki fɛ? › (Niŋ kɔri i tu, ntiŋ i Kirisa ŋmɛni po san konkwuu kiri ru.) » 8Niŋ wulu ki i nwɔ̀ bi-a, niŋ i kaa :
« Kirinŋ wɔ wulu ki i miŋ kankantɛ,
ŋì i miŋ tɔnŋ na, ŋì i ji miŋ ciiru. »#Sariya kiri 9.4; 30.12–14.
Niŋ wulu ki i bilinabi wulu ki i, yibɛɛ i ninwɔ̀ sunjo-a. 9A miŋ ǹʼbi nʼtɔnŋ ki ra tu, Yesu Ŋuntiŋ ki i, ŋi i bili ǹʼna nʼciiru ki ru tu Kirinŋ ntiŋ ŋmɛni po san konkwuu kiri kanfɛ, miŋ a nʼmwu. 10Sabu, a konwɔtiŋ bilinabi ki ma a ciiru ki bataa wu, ŋi i ji-a koŋ telimaan a Kirinŋ ɲaanfɛ, ŋi i ǹʼpo nʼtɔnŋ ki ra, ninki i miŋ mwu-a.
11Sabu Kirinŋ wɔ wulu sɛbɛ kiri i ǹʼbi-a tu :
« Koŋ finŋ woo finŋ bili Ŋuntiŋ ki ra, nintiŋ a ɲaankwun kì. »#Esayi 28.16.
12 Yawutu bo shiya tɔri sun, koŋ san koŋ nu kì, Ŋuntiŋ tenŋ pe i kí bataa ŋununu, ninwɔ̀ i shɔɔrinŋ mwɔɔnna ma-a a tɔ dɔritɔnŋ kiri bataa tɛ. 13Sabu ǹʼsɛbɛ-i tu : « Koŋ finŋ woo finŋ Ŋuntiŋ ki tɔ ki dɔri, nintiŋ a mwu. »
14Kí a so ǹʼtɔ ki dɔri-i dɔɔkunŋ, a kí ji bili ǹʼna kì? Kí a so bili-i ǹʼna dɔɔkunŋ, a kí ǹʼwulu lama kì? Kí a ǹʼwulu lama dɔɔkunŋ, a koŋ ǹʼsunjo kí tɛ kì? 15Koŋ a so ǹʼsunjo-i dɔɔkunŋ, a ntiŋ cin kì. Miŋ tu ǹʼsɛbɛ-i Kirinŋ wɔ wulu ki ru tu : « Nwɔ̀ri i na-a Kirinŋ wɔ Wulujii ki wu, nini naka ki shɔ-i. » 16Niŋ fa a fɔn na, koŋ bataa a ji Kirinŋ wɔ Wulujii ki tɛ kì. Niŋ ki ra, cintɔnŋ Esayi i ǹʼbi tu : « Ŋuntiŋ ki, nkɛnŋ bili yibɔɔ wulu bimaan kiri ra a tɛ? »#Esayi 53.1; Yuhana 12.38. 17Niŋ ɲaan ki tɛ, wulu lamamaan ki i na-a bilinabi ki wu, nwɔ̀ i rama-a niŋ i po-a Kirisa wulu ki ru.
18Ŋi i ǹʼbi tu Isirayɛlitɔnŋ kiri niŋ Wulujii ki rama kì wa? Kí ǹʼnama-i dɛ! Sabu ǹʼsɛbɛ-i tu :
« Niŋ Wulujii bitɔnŋ kiri wulu ki rama-i pwɔkulinŋ ki mani ki bataa ru,
kí wulu ki i so juniɲa nɔnkɔnŋ pyiiraŋ ki fɔn tɛ. »
19Niŋ na, míŋ tu Isirayɛlitɔnŋ kiri niŋ tɔ-ri kì wa? Kí ǹʼtɔ wuru dɛ! Sabu Musa ǹʼjɔnɔ ki bi wuru kí tɛ tu :
« Shiya wɔ̀ finŋ tɔri i kì,
míŋ a na ncusun ábɛɛ ɲaniŋ i po niŋ tɛ,
míŋ a ncusun ábɛɛ tɔnŋ i kwulu shiya ɲakili bali bira. »
20Esayi i ta jɛŋ ntiŋ i a tɔɔn, ntiŋ i ǹʼbi tu Kirinŋ ǹʼbi tu :
« Koŋ wɔ̀ri wuru míŋ ceeli-la kì, nini míŋ ja-i,
nwɔ̀ri wuru míŋ bi ranɔri-ra kì, míŋ ńʼyɛri ji-i nini wu. »
21Nka Isirayɛlitɔnŋ kiri bi sun, ntiŋ tu Kirinŋ ǹʼbi tu :
« Míŋ ńʼgbɛ ki cu-i sunŋ ki bataa,
shiya kulubali li fa shiya kaanmaan ni tɛ. »
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.