Filipitɔnŋ kiri 2
2
Kirisa wɔ sunjɛribi ki fa ǹʼwɔ gbɛbi ki
1Dɔnsaŋ, miŋ tu Kirisa i siratubi wɔri-ra, ǹʼwɔ bidintɛbi ki i cunadibi wɔri-ri, tenbi i kila-ri Ɲiniwɔlinŋ baraka ra, ábɛɛ i ámaŋ sunmakwulupa-ri, á i ámaŋ bidi-ri ámaŋ tɛ, 2á ńʼwɔ ciirudibi ki rafaa ńʼgbɛ, á i fu tenŋ sun, á i ámaŋ bidi ámaŋ tɛ, á i baara ki ma ámaŋ fan ciiru tenŋ fa ŋuŋ tenŋ na.
3Á fa bi dantenŋ ma manjan ɲakili walima yɛri ji ɲakili wu kì. Nka á á yɛri sunjɛri, á i koŋ bataa pari á yɛri wu. 4Á fa á yɛri nafan bantenŋ ceeli-li kì, nka koŋ fɔn tenŋ tenŋ a kaashi kiri nafan ki ceeli-li sɛbɛ. 5Ka ɲakilila ka wɔ̀ wuru Yesu Kirisa ciiru, niŋ bishi ki ji ábɛɛ bataa ciiru.
6Ntiŋ ɲaan ki fa Kirinŋ ɲaan ki wuru tenŋ i,
nka ntiŋ niŋ ji bi sinaŋ i,
ntiŋ i ǹʼbi tu a ra a yɛri pyi Kirinŋ wu kì.
7Ntiŋ niŋ bataa tu-i nmaŋ,
ntiŋ i a yɛri ji miŋ tu joŋ,
ntiŋ i ji konanmini i.
Konanmini i ntiŋ ji.
8Ntiŋ i a sunjɛri, ntiŋ i Kirinŋ wulu pa,
fɔ ntiŋ i a tu ntiŋ i beeni,
hali kpinkpisuu sun beŋ ki fɔn na.
9Niŋ ki ra, Kirinŋ i ntiŋ fɛshi,
ŋì i ntiŋ sɔɔ finŋ kiri bataa ŋununu,
ŋì i tɔ wɔri ntiŋ tɛ, tɔ wɔ̀ gbɛ-i tɔ kiri bataa wu.
10Ŋì i niŋ ma-i, nwɔma tu Yesu tɔ ki dɔri mani woo mani nu,
finŋ woo finŋ i kirinpɔli ki ra,
niŋ fa pwɔkulinŋ ki sun,
ŋì i ta bo pwɔkulinŋ ki fɛ finŋ kiri sun,
nini bataa i arì kwushiri, yìrì i ǹʼgbɛ.
11Niŋ fa tu nɛninɛŋ ki bataa i a tu ǹʼna,
tu Yesu Kirisa Ŋuntiŋ ki i,
nɔɔri i bili Tiŋ Kirinŋ tɔ ki sun.
Bilinatɔnŋ kiri sarinŋ ki bi ki juniɲa ka ru
12Niŋ ki ra, míŋ tindaŋ byii ri, á Kirinŋ wɔ wulu ki pa tu, miŋ tu ábɛɛ ǹʼma-i waarinŋ bataa ru ɲaan wɔ̀ tɛ. Ŋì i míŋ tu ábɛɛ kanfɛ, ábɛɛ ǹʼwulu pa-i ɲaan wɔ̀ tɛ, dɔnsaŋ míŋ maŋ narimaan ki i tu ábɛɛ ra, á ji ǹʼwulupatiiri i, ŋì i fwuu niŋ sun. Á á mwu bi ki baara ki ma Kirinŋ jɛŋ kɛmi fa sɛrɛsɛri wu. 13Sabu Kirinŋ yɛrima ki i faan ki wɔri-ra ábɛɛ tɛ, á i so á tu-i, niŋ fa á i so kila, á i ǹʼdintɛ bi ki ma-ni.
14Á fa áwɔ bi dantenŋ ma ŋununu wulu fa sɔsɔɔlinŋ wu kì, 15nwɔma á i ji koŋ fɔɔmaan pɔlibali li i, Kirinŋ daŋ pɔlibali li ka juniɲa ka ru koŋ kɛrimaan tɔɔnnufuru kiri kanfɛ. Á ncusun á sarinŋ ki i cu kí kanfɛ, miŋ tu lanpaŋ sarinŋ. 16Wulujii wɔ̀ i ɲaninkulutɔnbi ki wɔri-ra, á ta niŋ sunjo kí tɛ, a niŋ ma, ábɛɛ kiri ra na ji míŋ ŋununfɛshi sababu Yesu Kirisa na shikaŋ ki ru, á i ǹʼji tu mɔ́ɔ́n baara ki fa ńʼwɔ yɛlinŋ ki ji ǹʼtawɔ ɔ kì.
17Hali míŋ cunŋ ki ji-a kɔnkɔli, niŋ i sɔɔ ábɔɔ bilinabi baara ki i nafaa Kirinŋ ɲaanfɛ, míŋ a ńʼciirudi niŋ na, ŋí i ńʼyoori ábɛɛ bataa fan. 18Mìŋ ɲaan tenŋ ki tɛ, ábɛɛ yɛrima kiri á ciirudi, á i á yoori míŋ fan.
Timote fa Epaforoditusi cin bi ki
(Tesalonikitɔnŋ kiri (1) 3.1–11)
19Míŋ i ǹʼceeli-la Ŋuntiŋ Yesu baraka ra, ńʼtu pyaanniŋ míŋ a Timote bo ta ábɛɛ tɛ nmaŋ, ntiŋ i ta á shɛɛli, ntiŋ i na á ɲaan ki bi míŋ tɛ, nwɔma míŋ ɲakili ki i so sɔɔ. 20Míŋ fa mìntiŋ tenŋ pe ɲakilila ki i tenŋ i, yi i yi miiri-ri ábɛɛ bi ki ra.
21Koŋ pyɛ kiri bataa i arì miiri-ra arì yɛri bira, Kirisa bi ki kí san-a arì ɲaanna kì. 22Ábɛɛ yɛrima kiri i ǹʼtɔ-a, tu Timote ǹʼji tu koŋ a so a gbɛ faa-a afinŋ nu, ntiŋ i ye míŋ tɛ Wulujii ki sunjo baara ki ra, miŋ tu daŋ i ye-a a tiŋ tɛ ɲaan wɔ̀ tɛ. 23A míŋ ńʼwɔ bi kiri ɲaantɔ waarinŋ wɔ̀ ru, míŋ a ntiŋ bo ta ábɛɛ tɛ shuu. 24Míŋ bili-i ǹʼna Ŋuntiŋ ki baraka ra, tu ŋì a cin kì, ńʼtu míŋ yɛri ki a ta po ábɛɛ tɛ nmaŋ.
25Niŋ jɛŋ, míŋ ǹʼja-i ńʼtu míŋ kakan ŋí i yi tindaŋ Epaforoditusi bo pwulu ábɛɛ tɛ nmaŋ. Niŋ i míŋ bilinatɔnshi fa ńʼbaara mashi i, míŋ fa nwɔ̀ i kari ki tan-a yimaŋ fan, finŋ wɔ̀ri bi wuru míŋ na, ábɛɛ mìntiŋ ki bo na wuru nini wu. 26Ntiŋ kɔrɔtɔmaan i ábɛɛ bataa ja ki ra a gbɛ, ntiŋ ciirufɔnimaan i ji-i tu ábɛɛ afinŋ kira wulu ki rama-ni. 27Sɛli ki ra, ntiŋ kira wuru-i a sɔbɛ ra, fɔ ntiŋ i myɛ beŋ tɛ, nka Kirinŋ ntiŋ sunmakwulupa-i, ntiŋ bantenŋ i kì, ŋì i míŋ yɛri ki sunmakwulupa-i, nwɔma ǹʼbɛɛ fa na bo mɔ́ɔ́n tɔnfɔɔ ki sun kì.
28Míŋ yɛri ki kɔrɔtɔmaan yɛ, ntiŋ bo tiri ki ra ábɛɛ tɛ, nwɔma ábɛɛ ciiru i di ntiŋ jamaan ki ra, ǹʼbɛɛ i san mɔ́ɔ́n tɔnfɔɔ ki ra. 29Niŋ ki ra, Ŋuntiŋ ki bira, á ntiŋ ŋununafu ciirudibi wu. Ábɛɛ kakan-i á i niŋ koŋ bishi kiri gbɛ-ri, 30sabu ntiŋ wuru juu-ra beeni Kirisa tɛ baara ki bira kɔ. Ntiŋ a tu-i, ntiŋ i a ɲini ki wɔri, ntiŋ i baara ma míŋ tɛ ábɛɛ ta ru.
Currently Selected:
Filipitɔnŋ kiri 2: JOB
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.
Filipitɔnŋ kiri 2
2
Kirisa wɔ sunjɛribi ki fa ǹʼwɔ gbɛbi ki
1Dɔnsaŋ, miŋ tu Kirisa i siratubi wɔri-ra, ǹʼwɔ bidintɛbi ki i cunadibi wɔri-ri, tenbi i kila-ri Ɲiniwɔlinŋ baraka ra, ábɛɛ i ámaŋ sunmakwulupa-ri, á i ámaŋ bidi-ri ámaŋ tɛ, 2á ńʼwɔ ciirudibi ki rafaa ńʼgbɛ, á i fu tenŋ sun, á i ámaŋ bidi ámaŋ tɛ, á i baara ki ma ámaŋ fan ciiru tenŋ fa ŋuŋ tenŋ na.
3Á fa bi dantenŋ ma manjan ɲakili walima yɛri ji ɲakili wu kì. Nka á á yɛri sunjɛri, á i koŋ bataa pari á yɛri wu. 4Á fa á yɛri nafan bantenŋ ceeli-li kì, nka koŋ fɔn tenŋ tenŋ a kaashi kiri nafan ki ceeli-li sɛbɛ. 5Ka ɲakilila ka wɔ̀ wuru Yesu Kirisa ciiru, niŋ bishi ki ji ábɛɛ bataa ciiru.
6Ntiŋ ɲaan ki fa Kirinŋ ɲaan ki wuru tenŋ i,
nka ntiŋ niŋ ji bi sinaŋ i,
ntiŋ i ǹʼbi tu a ra a yɛri pyi Kirinŋ wu kì.
7Ntiŋ niŋ bataa tu-i nmaŋ,
ntiŋ i a yɛri ji miŋ tu joŋ,
ntiŋ i ji konanmini i.
Konanmini i ntiŋ ji.
8Ntiŋ i a sunjɛri, ntiŋ i Kirinŋ wulu pa,
fɔ ntiŋ i a tu ntiŋ i beeni,
hali kpinkpisuu sun beŋ ki fɔn na.
9Niŋ ki ra, Kirinŋ i ntiŋ fɛshi,
ŋì i ntiŋ sɔɔ finŋ kiri bataa ŋununu,
ŋì i tɔ wɔri ntiŋ tɛ, tɔ wɔ̀ gbɛ-i tɔ kiri bataa wu.
10Ŋì i niŋ ma-i, nwɔma tu Yesu tɔ ki dɔri mani woo mani nu,
finŋ woo finŋ i kirinpɔli ki ra,
niŋ fa pwɔkulinŋ ki sun,
ŋì i ta bo pwɔkulinŋ ki fɛ finŋ kiri sun,
nini bataa i arì kwushiri, yìrì i ǹʼgbɛ.
11Niŋ fa tu nɛninɛŋ ki bataa i a tu ǹʼna,
tu Yesu Kirisa Ŋuntiŋ ki i,
nɔɔri i bili Tiŋ Kirinŋ tɔ ki sun.
Bilinatɔnŋ kiri sarinŋ ki bi ki juniɲa ka ru
12Niŋ ki ra, míŋ tindaŋ byii ri, á Kirinŋ wɔ wulu ki pa tu, miŋ tu ábɛɛ ǹʼma-i waarinŋ bataa ru ɲaan wɔ̀ tɛ. Ŋì i míŋ tu ábɛɛ kanfɛ, ábɛɛ ǹʼwulu pa-i ɲaan wɔ̀ tɛ, dɔnsaŋ míŋ maŋ narimaan ki i tu ábɛɛ ra, á ji ǹʼwulupatiiri i, ŋì i fwuu niŋ sun. Á á mwu bi ki baara ki ma Kirinŋ jɛŋ kɛmi fa sɛrɛsɛri wu. 13Sabu Kirinŋ yɛrima ki i faan ki wɔri-ra ábɛɛ tɛ, á i so á tu-i, niŋ fa á i so kila, á i ǹʼdintɛ bi ki ma-ni.
14Á fa áwɔ bi dantenŋ ma ŋununu wulu fa sɔsɔɔlinŋ wu kì, 15nwɔma á i ji koŋ fɔɔmaan pɔlibali li i, Kirinŋ daŋ pɔlibali li ka juniɲa ka ru koŋ kɛrimaan tɔɔnnufuru kiri kanfɛ. Á ncusun á sarinŋ ki i cu kí kanfɛ, miŋ tu lanpaŋ sarinŋ. 16Wulujii wɔ̀ i ɲaninkulutɔnbi ki wɔri-ra, á ta niŋ sunjo kí tɛ, a niŋ ma, ábɛɛ kiri ra na ji míŋ ŋununfɛshi sababu Yesu Kirisa na shikaŋ ki ru, á i ǹʼji tu mɔ́ɔ́n baara ki fa ńʼwɔ yɛlinŋ ki ji ǹʼtawɔ ɔ kì.
17Hali míŋ cunŋ ki ji-a kɔnkɔli, niŋ i sɔɔ ábɔɔ bilinabi baara ki i nafaa Kirinŋ ɲaanfɛ, míŋ a ńʼciirudi niŋ na, ŋí i ńʼyoori ábɛɛ bataa fan. 18Mìŋ ɲaan tenŋ ki tɛ, ábɛɛ yɛrima kiri á ciirudi, á i á yoori míŋ fan.
Timote fa Epaforoditusi cin bi ki
(Tesalonikitɔnŋ kiri (1) 3.1–11)
19Míŋ i ǹʼceeli-la Ŋuntiŋ Yesu baraka ra, ńʼtu pyaanniŋ míŋ a Timote bo ta ábɛɛ tɛ nmaŋ, ntiŋ i ta á shɛɛli, ntiŋ i na á ɲaan ki bi míŋ tɛ, nwɔma míŋ ɲakili ki i so sɔɔ. 20Míŋ fa mìntiŋ tenŋ pe ɲakilila ki i tenŋ i, yi i yi miiri-ri ábɛɛ bi ki ra.
21Koŋ pyɛ kiri bataa i arì miiri-ra arì yɛri bira, Kirisa bi ki kí san-a arì ɲaanna kì. 22Ábɛɛ yɛrima kiri i ǹʼtɔ-a, tu Timote ǹʼji tu koŋ a so a gbɛ faa-a afinŋ nu, ntiŋ i ye míŋ tɛ Wulujii ki sunjo baara ki ra, miŋ tu daŋ i ye-a a tiŋ tɛ ɲaan wɔ̀ tɛ. 23A míŋ ńʼwɔ bi kiri ɲaantɔ waarinŋ wɔ̀ ru, míŋ a ntiŋ bo ta ábɛɛ tɛ shuu. 24Míŋ bili-i ǹʼna Ŋuntiŋ ki baraka ra, tu ŋì a cin kì, ńʼtu míŋ yɛri ki a ta po ábɛɛ tɛ nmaŋ.
25Niŋ jɛŋ, míŋ ǹʼja-i ńʼtu míŋ kakan ŋí i yi tindaŋ Epaforoditusi bo pwulu ábɛɛ tɛ nmaŋ. Niŋ i míŋ bilinatɔnshi fa ńʼbaara mashi i, míŋ fa nwɔ̀ i kari ki tan-a yimaŋ fan, finŋ wɔ̀ri bi wuru míŋ na, ábɛɛ mìntiŋ ki bo na wuru nini wu. 26Ntiŋ kɔrɔtɔmaan i ábɛɛ bataa ja ki ra a gbɛ, ntiŋ ciirufɔnimaan i ji-i tu ábɛɛ afinŋ kira wulu ki rama-ni. 27Sɛli ki ra, ntiŋ kira wuru-i a sɔbɛ ra, fɔ ntiŋ i myɛ beŋ tɛ, nka Kirinŋ ntiŋ sunmakwulupa-i, ntiŋ bantenŋ i kì, ŋì i míŋ yɛri ki sunmakwulupa-i, nwɔma ǹʼbɛɛ fa na bo mɔ́ɔ́n tɔnfɔɔ ki sun kì.
28Míŋ yɛri ki kɔrɔtɔmaan yɛ, ntiŋ bo tiri ki ra ábɛɛ tɛ, nwɔma ábɛɛ ciiru i di ntiŋ jamaan ki ra, ǹʼbɛɛ i san mɔ́ɔ́n tɔnfɔɔ ki ra. 29Niŋ ki ra, Ŋuntiŋ ki bira, á ntiŋ ŋununafu ciirudibi wu. Ábɛɛ kakan-i á i niŋ koŋ bishi kiri gbɛ-ri, 30sabu ntiŋ wuru juu-ra beeni Kirisa tɛ baara ki bira kɔ. Ntiŋ a tu-i, ntiŋ i a ɲini ki wɔri, ntiŋ i baara ma míŋ tɛ ábɛɛ ta ru.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.