Galasitɔnŋ kiri 2
2
Pooli fa Yesu wɔ cindaŋ pyɛ kiri maŋ ŋununfu bi ki
(Mabikiri 15.1–29)
1Jiri bwununpyiiraŋ fwuudemaan kɔɔtɛ, míŋ fa Barinabasi i kila, yi i ta Yerusalɛmu. Tite i ta yi fan sɛbɛ. 2Míŋ ta ŋuŋ ki wuru, ŋí i Kirinŋ wɔ wulu bimaan rafaa ńʼtɛ. Míŋ wuru Kirinŋ wɔ Wulujii ki sunjo-a shiya tɔri kiri kanfɛ ɲaan wɔ̀ tɛ, míŋ i niŋ bataa ɲaanbi, bilinatɔnŋ kwuru kiri jɛntɔnŋ kiri tɛ arì cinŋ i, nwɔma míŋ baara wɔ̀ ma fwuude-i, niŋ fa míŋ i nwɔ̀ ma-a, niŋ fa ji ǹʼtawɔ ɔ kì. 3Tite, ninwɔ̀ wuru míŋ tirishi i, ntiŋ i ji Girɛki i, kí yɛri niŋ karaba tu niŋ sɔɔpeefɛ kì.
4Hali niŋ i ta fa yibɛɛ tindaŋ purubitɔnŋ kiri bɛɛ ri wuru ǹʼtɛ arì i niŋ ji faan i ntiŋ sun. Nini wɔ̀ri arì bo-i yibɛɛ sun, nwɔma arì i yibɔɔ jiyɛrɛtɛbi ki ɲaantɔ, yibɛɛ ninwɔ̀ kila-i Yesu Kirisa ra, arì i yi po san niŋ saa ki sun, yi i ji joŋ ni i. 5Yibɛɛ yi tu niŋ koŋ kiri wɔ ɲakilila ki ra waarinŋ tɔri dantenŋ nu kì, nwɔma Kirinŋ wɔ Wulujii sɛlɛsɛli ki i tu a ɲaan ki tɛ ábɛɛ tɛ.
6Hali nwɔ̀ri wuru shɛɛli-la koŋ sinaŋ ni i, sɛli ki ra, kí fa arɔɔ koŋ sinanbi ki sun, niŋ wuru bi sinaŋ i míŋ ɲaanna kì, sabu Kirinŋ koŋ san-a koŋ nu kì. Niŋ koŋ kiri finŋ tɔri tenŋ bo mɔ́ɔ́n Kirinŋ wɔ Wulujii bimaan ki sun kì. 7Kí yɛrima kiri ǹʼja-i tu Kirinŋ míŋ cin awɔ Wulujii ki sunjo shiya tɔri kiri tɛ, miŋ tu ŋì Pyɛɛri cin-i Yawutu kiri tɛ ɲaan wɔ̀ tɛ. 8Sabu Kirinŋ Pyɛɛri ji-i Yawutu kiri kanfɛ cindaŋ i ɲaan wɔ̀ tɛ, Kirinŋ míŋ yɛrima ki ji-i shiya tɔri kiri kanfɛ cindaŋ i mìŋ ɲaan tenŋ ki tɛ. 9Yakuba fa Pyɛɛri fa Yuhana, nini wɔ̀ri wuru bilinabi ki ru tumaŋ sinantiŋ kiri bɛɛ ri ru, nini yɛrima kiri i ǹʼtɔ tu Kirinŋ shɔɔrinŋ ma míŋ tɛ, ŋì i ka cinŋ ka biye míŋ gbɛsun. Niŋ ki ra, kí i arì gbɛ de míŋ fa Barinabasi gbɛta ciiru, kí i ǹʼji niŋ na tu yi fa arìbɛɛ ji baara mashi ri i. Kí i arì tu, tu yibɛɛ baara ki ma-ni shiya tɔri kiri kanfɛ, tu arì bɛɛ ra tu arɔɔ ki ma-a Yawutu kiri kanfɛ. 10Kí tu yi yi ɲakili tu bantenŋ tan gbɛwɔ kiri ra, Kirisa wɔ konanbi ki kanfɛ, míŋ i ji ńʼcunadi-ri niŋ ki ra kusɛbɛ kɔ.
Pooli jɛbi-i Pyɛɛri gbɛ Antiyɔsi kili ki ra
11Pyɛɛri namaan ki Antiyɔsi, míŋ i jɛbi ntiŋ gbɛ konaŋ ki bataa ɲaanna, sabu ntiŋ pɔlibi ma wuru-i. 12Yakuba koŋ bɛɛ ri bo ta wuru Antiyɔsi, nini so ki jɛŋ, Pyɛɛri wuru nufinŋ nu-a shiya tɔri kiri fan. Nka niŋ cindaŋ kiri na-i so nmaŋ waarinŋ wɔ̀ ru, ntiŋ i a kwuru san niŋ shiya tɔri kiri ra, sabu ntiŋ wuru kɛni-na Yawutu ri jɛŋ, nwɔ̀ri wuru ǹʼtɛ arì i sɔɔpeefɛmaanna ki ji faan i. 13Yawutu pyɛ kiri i ǹʼpa Pyɛɛri cɛfan awɔ konaŋ ni ɲaanna bi mamaanna ki ru, Barinabasi yɛrima ki i a tu niŋ ɲakilila ki ra.
14Nka míŋ na-i ǹʼja, ńʼtu kí tiri-ra sɛli sun, ŋì i kɛɲɛ Kirinŋ wɔ Wulujii ki wu kì, míŋ i ǹʼfɔɔ bi Pyɛɛri tɛ konaŋ ki bataa ɲaanna tu : « Minwɔ̀ i Yawutu sɛlɛsɛli ki i, miŋ tiri kɛɲɛ-i shiya tɔri kiri tirika ɲaan ki wu kwumaŋ, koŋ wuru miŋ tɔ-a Yawutu u kì, miŋ nʼpwulu-li ŋi i shiya tɔri kiri karaba-ri, tu kí tiri kɛɲɛ Yawutu ri tirika ɲaan wu dɔɔkunŋ? »
Yawutu kiri fa shiya tɔri kiri fɔn i arì mwu-a bilinabi ki baraka ra
15Yibɛɛ kɔniŋ ji po-i Yawutu ri, yibɛɛ ka shiya tɔri ru konaŋ bijɛmatɔnŋ kari bɛɛ ri i kì. 16Yibɛɛ ǹʼtɔ-a tu koŋ ji-a koŋ telimaan a Kirinŋ ɲaanfɛ sariya ki baraka ra kì, duu Yesu Kirisa wɔ bilinabi ki. Niŋ ki ra yibɛɛ i bili Yesu ra, nwɔma yi i so ji-i koŋ telimaan a niŋ bilinabi ki baraka ra, sariya ki a so nwɔ̀ ma-i kì. Sabu koŋ tɔri tenŋ so-a ji-i koŋ telimaan a Kirinŋ ɲaanfɛ sariya ki mabi ri ra kì.
17Ŋì i yibɛɛ tu niŋ telibi ki ceeli ki ra Yesu Kirisa wɔ bilinabi ki baraka ra, a yibɛɛ yɛrima kiri kila bijɛmatɔnŋ ni i, niŋ i ǹʼji-a tu Yesu Kirisa yibɛɛ kali niŋ bijɛ ki ra wa? Aayi dɛ! 18Nka mínki i ǹʼbi ńʼtu sariya ki finŋ i kì, mínki i ńʼpwulu ŋí i ǹʼbi tu finŋ shɔɔrinŋ i sɛbɛ, míŋ yɛrima ki ji-i sariya ki litɔnŋ ki i dɛ! 19Yesu kpinkpi-i suu ki sun waarinŋ wɔ̀ ru, míŋ fa ntiŋ beeni-i yimaŋ fan. Níŋ ɲaan ki tɛ, míŋ sariya ki fɛ kili kì, mɔ́ɔ́n ɲaninkulutɔnbi ki i ma-a Kirinŋ tɛ. 20Ábɛɛ i míŋ ja-a ɲaninkulutɔnbi wɔ̀ ru, á ǹʼtɔ tu mɔ́ɔ́n i kì, nka tu Kirisa wɔ ɲaninkulutɔnbi ki míŋ nu. Míŋ i niŋ ma-a Kirinŋ Danshuru ki ra bilinabi ki baraka ra. Mìntiŋ ki míŋ bidi-i a tɛ, ntiŋ i a yɛri wɔri beŋ ki tɛ míŋ bira. 21Míŋ a ńʼkaan Kirinŋ wɔ shɔɔrinŋ ki tɛ kì, sabu a telibi ki ji kila-a sariya ki gbɛmaanna ki ra, Kirisa beeni-i ǹʼgbansanŋ i.
Currently Selected:
Galasitɔnŋ kiri 2: JOB
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.
Galasitɔnŋ kiri 2
2
Pooli fa Yesu wɔ cindaŋ pyɛ kiri maŋ ŋununfu bi ki
(Mabikiri 15.1–29)
1Jiri bwununpyiiraŋ fwuudemaan kɔɔtɛ, míŋ fa Barinabasi i kila, yi i ta Yerusalɛmu. Tite i ta yi fan sɛbɛ. 2Míŋ ta ŋuŋ ki wuru, ŋí i Kirinŋ wɔ wulu bimaan rafaa ńʼtɛ. Míŋ wuru Kirinŋ wɔ Wulujii ki sunjo-a shiya tɔri kiri kanfɛ ɲaan wɔ̀ tɛ, míŋ i niŋ bataa ɲaanbi, bilinatɔnŋ kwuru kiri jɛntɔnŋ kiri tɛ arì cinŋ i, nwɔma míŋ baara wɔ̀ ma fwuude-i, niŋ fa míŋ i nwɔ̀ ma-a, niŋ fa ji ǹʼtawɔ ɔ kì. 3Tite, ninwɔ̀ wuru míŋ tirishi i, ntiŋ i ji Girɛki i, kí yɛri niŋ karaba tu niŋ sɔɔpeefɛ kì.
4Hali niŋ i ta fa yibɛɛ tindaŋ purubitɔnŋ kiri bɛɛ ri wuru ǹʼtɛ arì i niŋ ji faan i ntiŋ sun. Nini wɔ̀ri arì bo-i yibɛɛ sun, nwɔma arì i yibɔɔ jiyɛrɛtɛbi ki ɲaantɔ, yibɛɛ ninwɔ̀ kila-i Yesu Kirisa ra, arì i yi po san niŋ saa ki sun, yi i ji joŋ ni i. 5Yibɛɛ yi tu niŋ koŋ kiri wɔ ɲakilila ki ra waarinŋ tɔri dantenŋ nu kì, nwɔma Kirinŋ wɔ Wulujii sɛlɛsɛli ki i tu a ɲaan ki tɛ ábɛɛ tɛ.
6Hali nwɔ̀ri wuru shɛɛli-la koŋ sinaŋ ni i, sɛli ki ra, kí fa arɔɔ koŋ sinanbi ki sun, niŋ wuru bi sinaŋ i míŋ ɲaanna kì, sabu Kirinŋ koŋ san-a koŋ nu kì. Niŋ koŋ kiri finŋ tɔri tenŋ bo mɔ́ɔ́n Kirinŋ wɔ Wulujii bimaan ki sun kì. 7Kí yɛrima kiri ǹʼja-i tu Kirinŋ míŋ cin awɔ Wulujii ki sunjo shiya tɔri kiri tɛ, miŋ tu ŋì Pyɛɛri cin-i Yawutu kiri tɛ ɲaan wɔ̀ tɛ. 8Sabu Kirinŋ Pyɛɛri ji-i Yawutu kiri kanfɛ cindaŋ i ɲaan wɔ̀ tɛ, Kirinŋ míŋ yɛrima ki ji-i shiya tɔri kiri kanfɛ cindaŋ i mìŋ ɲaan tenŋ ki tɛ. 9Yakuba fa Pyɛɛri fa Yuhana, nini wɔ̀ri wuru bilinabi ki ru tumaŋ sinantiŋ kiri bɛɛ ri ru, nini yɛrima kiri i ǹʼtɔ tu Kirinŋ shɔɔrinŋ ma míŋ tɛ, ŋì i ka cinŋ ka biye míŋ gbɛsun. Niŋ ki ra, kí i arì gbɛ de míŋ fa Barinabasi gbɛta ciiru, kí i ǹʼji niŋ na tu yi fa arìbɛɛ ji baara mashi ri i. Kí i arì tu, tu yibɛɛ baara ki ma-ni shiya tɔri kiri kanfɛ, tu arì bɛɛ ra tu arɔɔ ki ma-a Yawutu kiri kanfɛ. 10Kí tu yi yi ɲakili tu bantenŋ tan gbɛwɔ kiri ra, Kirisa wɔ konanbi ki kanfɛ, míŋ i ji ńʼcunadi-ri niŋ ki ra kusɛbɛ kɔ.
Pooli jɛbi-i Pyɛɛri gbɛ Antiyɔsi kili ki ra
11Pyɛɛri namaan ki Antiyɔsi, míŋ i jɛbi ntiŋ gbɛ konaŋ ki bataa ɲaanna, sabu ntiŋ pɔlibi ma wuru-i. 12Yakuba koŋ bɛɛ ri bo ta wuru Antiyɔsi, nini so ki jɛŋ, Pyɛɛri wuru nufinŋ nu-a shiya tɔri kiri fan. Nka niŋ cindaŋ kiri na-i so nmaŋ waarinŋ wɔ̀ ru, ntiŋ i a kwuru san niŋ shiya tɔri kiri ra, sabu ntiŋ wuru kɛni-na Yawutu ri jɛŋ, nwɔ̀ri wuru ǹʼtɛ arì i sɔɔpeefɛmaanna ki ji faan i. 13Yawutu pyɛ kiri i ǹʼpa Pyɛɛri cɛfan awɔ konaŋ ni ɲaanna bi mamaanna ki ru, Barinabasi yɛrima ki i a tu niŋ ɲakilila ki ra.
14Nka míŋ na-i ǹʼja, ńʼtu kí tiri-ra sɛli sun, ŋì i kɛɲɛ Kirinŋ wɔ Wulujii ki wu kì, míŋ i ǹʼfɔɔ bi Pyɛɛri tɛ konaŋ ki bataa ɲaanna tu : « Minwɔ̀ i Yawutu sɛlɛsɛli ki i, miŋ tiri kɛɲɛ-i shiya tɔri kiri tirika ɲaan ki wu kwumaŋ, koŋ wuru miŋ tɔ-a Yawutu u kì, miŋ nʼpwulu-li ŋi i shiya tɔri kiri karaba-ri, tu kí tiri kɛɲɛ Yawutu ri tirika ɲaan wu dɔɔkunŋ? »
Yawutu kiri fa shiya tɔri kiri fɔn i arì mwu-a bilinabi ki baraka ra
15Yibɛɛ kɔniŋ ji po-i Yawutu ri, yibɛɛ ka shiya tɔri ru konaŋ bijɛmatɔnŋ kari bɛɛ ri i kì. 16Yibɛɛ ǹʼtɔ-a tu koŋ ji-a koŋ telimaan a Kirinŋ ɲaanfɛ sariya ki baraka ra kì, duu Yesu Kirisa wɔ bilinabi ki. Niŋ ki ra yibɛɛ i bili Yesu ra, nwɔma yi i so ji-i koŋ telimaan a niŋ bilinabi ki baraka ra, sariya ki a so nwɔ̀ ma-i kì. Sabu koŋ tɔri tenŋ so-a ji-i koŋ telimaan a Kirinŋ ɲaanfɛ sariya ki mabi ri ra kì.
17Ŋì i yibɛɛ tu niŋ telibi ki ceeli ki ra Yesu Kirisa wɔ bilinabi ki baraka ra, a yibɛɛ yɛrima kiri kila bijɛmatɔnŋ ni i, niŋ i ǹʼji-a tu Yesu Kirisa yibɛɛ kali niŋ bijɛ ki ra wa? Aayi dɛ! 18Nka mínki i ǹʼbi ńʼtu sariya ki finŋ i kì, mínki i ńʼpwulu ŋí i ǹʼbi tu finŋ shɔɔrinŋ i sɛbɛ, míŋ yɛrima ki ji-i sariya ki litɔnŋ ki i dɛ! 19Yesu kpinkpi-i suu ki sun waarinŋ wɔ̀ ru, míŋ fa ntiŋ beeni-i yimaŋ fan. Níŋ ɲaan ki tɛ, míŋ sariya ki fɛ kili kì, mɔ́ɔ́n ɲaninkulutɔnbi ki i ma-a Kirinŋ tɛ. 20Ábɛɛ i míŋ ja-a ɲaninkulutɔnbi wɔ̀ ru, á ǹʼtɔ tu mɔ́ɔ́n i kì, nka tu Kirisa wɔ ɲaninkulutɔnbi ki míŋ nu. Míŋ i niŋ ma-a Kirinŋ Danshuru ki ra bilinabi ki baraka ra. Mìntiŋ ki míŋ bidi-i a tɛ, ntiŋ i a yɛri wɔri beŋ ki tɛ míŋ bira. 21Míŋ a ńʼkaan Kirinŋ wɔ shɔɔrinŋ ki tɛ kì, sabu a telibi ki ji kila-a sariya ki gbɛmaanna ki ra, Kirisa beeni-i ǹʼgbansanŋ i.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.