Efɛsitɔnŋ kiri 2
2
Ŋi i po san beŋ ki ru, ŋi i de ɲaninkulutɔnbi ki ru
(Kɔlɔsitɔnŋ kiri 2.12–13; 3.1–3; Tite 3.3–8)
1Ábɛɛ beenimaan ni wuru-i Kirinŋ ɲaanfɛ sun, sabu ábɛɛ wuru telibalibi ri fa bijɛ ri ma-a. 2Ábɛɛ wuru niŋ bi kiri ma-a miŋ tu ka juniɲa nu tɔnŋ kiri i ǹʼma-a ɲaan wɔ̀ tɛ, ŋì i kɛɲɛ ɲinijɛ kiri ŋununtiŋ sinaŋ ki dintɛ bi ki wu, ninwɔ̀ i baara ki ma-a kpeeri ciiru, nwɔ̀ri arì kaan-a Kirinŋ tɛ. 3Yibɛɛ bataa wuru miŋ tu kíbɛɛ sun. Yibɛɛ wuru yi firi ki dintɛ bi jɛ kiri ma-a, yi i yi yɛri ciiru ɲakilila bi kiri ma-ni. Yibɛɛ ɲaan ki fa koŋ pyɛ kiri bataa wɔ wuru tenŋ i, niŋ ki ra, Kirinŋ wɔ tɔnkwulu ki kakan wuru-i ŋì i so yibɛɛ bataa sun sɛbɛ.
4Nka Kirinŋ wɔ bidintɛbi sinaŋ ki baraka ra, ǹʼyɔ sunmakwulupatɔnŋ sinaŋ i. 5Niŋ ki ra, yibɛɛ wɔ̀ri beeni wuru Kirinŋ ɲaanfɛ yɔɔ bijɛ kiri bira, ŋì yibɛɛ ŋmɛni-i Kirisa fan. Ábɛɛ á mwu-i Kirinŋ wɔ shɔɔrinŋ ki baraka ra. 6Yibɛɛ fa Kirisa wɔ tenbi ki baraka ra, Kirinŋ yibɛɛ fa ntiŋ ŋmɛni-i yimaŋ fan, ŋì i yi sɔɔ yimaŋ fan kirinpɔlila mani narimaŋ kiri ru. 7Kirinŋ niŋ shɔɔrinŋ ki ma-i yibɛɛ tɛ Yesu Kirisa bira, nwɔma konaŋ kiri i awɔ shɔɔrinŋ ki tɔ waaci naanna kiri ru, niŋ shɔɔrinŋ ki wɔ̀ gbɛ-i, ŋì i mwɔ. 8Ábɛɛ á mwu-i Kirinŋ wɔ shɔɔrinŋ ki baraka ra áwɔ bilinabi ki bira, niŋ po ábɛɛ yɛrima kiri ru kì, nka Kirinŋ wɔ kafinŋ yɛ. 9Ábɔɔ mabi tɔri dantenŋ niŋ ma ábɛɛ tɛ kì, nwɔma koŋ tɔri tenŋ fa a yɛri gbɛ kì. 10Yibɛɛ i finŋ woo finŋ i, ǹʼbataa i po-a Kirinŋ gbɛ. Yesu Kirisa baraka ra, Kirinŋ yibɔɔ ɲaninkulutɔnbi ki faa-a mabi shɔɔrinŋ ni na, ŋì nini wɔ̀ri gbɛbili-i kabi fɔlɔfɔlɔ, nwɔma yi i na yìrì ma.
Bilinatɔnŋ kiri bataa i koŋ tenŋ i
(Iburu kiri 10.19–22)
11Ábɛɛ wuru ɲaan wɔ̀ tɛ fɔlɔfɔlɔ, á á ɲakilila bo niŋ tɛ. Ábɛɛ wuru dɔri-ra tu shiya tɔri ri, nwɔ̀ri Yawutu ri i kì. Ŋì i kɛɲɛ konanmini wɔ gbɛɛra baara mamaan wu firi ki ru, ábɛɛ wuru dɔri-ra tu sɔɔpeefɛbali li sɔɔpeefɛmaan kiri gbɛ. 12Niŋ waaci ki ru, ábɛɛ maŋ nari wuru Kirisa ra, lu wuru ábɛɛ gbɛ Isirayɛlidaŋ kiri kanfɛ kì, Kirinŋ a tɔnŋ wɔri wuru shɔɔrinŋ wɔ̀ri bira, ábɔɔ lu wuru nini nu kì. Ábɛɛ wuru ninkunŋ nmaŋ juniɲa ki ru, Kirinŋ bali li, gbɛbilimaŋ wuru nwɔ̀ri ra kì.
13Nka ábɛɛ wɔ̀ri maŋ nari wuru Kirinŋ na, ábɛɛ myɛ ǹʼtɛ dɔɔ Yesu Kirisa cunŋ ki kɔnkɔlimaan ki bira.
14Yibɔɔ ɲaanfɛfili ki i kila-a mìntiŋ na. Ntiŋ i ji Yawutu kiri fa shiya tɔri kiri ji tenŋ i. Ɲabi kwɔ wɔ̀ wuru yibɛɛ san-a yimaŋ na, ntiŋ a firi ki wɔri-i, ntiŋ i niŋ gwu po san nmaŋ. 15Ntiŋ beŋ ki i sariya ki wɔ cinŋ bimaan kiri fa ǹʼwɔ bi gbɛbilimaan kiri baraka kɔ. Shiya fuuli kari i dɛbɛ ji shiya ŋunaŋ tenŋ i, fu i de kí faninmwuŋ. 16Ntiŋ beŋ ki kpinkpisuu ki sun, niŋ i fu de kí fa Kirinŋ faninmwuŋ, kí i ji firi tenŋ i, tɛɛ ki i kɔ san kí faninmwuŋ.
17Niŋ ɲaan ki tɛ, ntiŋ na-i ɲaanfɛfili wulu ki sunjo ábɛɛ mani narimaŋ nu tɔnŋ kiri tɛ, ntiŋ i ǹʼsunjo kpeeri tɛ, nwɔ̀ri myɛ-ɛ. 18Sabu Kirisa bira, yibɛɛ bataa tenŋ tenŋ a so so-i yi Tiŋ Kirinŋ tɛ, Ɲiniwɔlinŋ tenŋ baraka ra.
19Niŋ ki ra, ábɛɛ jɛ ri fa kɛniŋ tɔri ru tiiri kili kì, nka ábɛɛ fa Kirinŋ wɔ konanbi wɔlinŋ ki ji-i, miŋ tu kɛniŋ tenŋ daŋ ni, Kirinŋ wɔ kanindaŋ ni. 20Ábɛɛ ji-i miŋ tu fu sinaŋ, nwɔ̀ cɛ sɔɔ-ɔ Yesu wɔ cindaŋ kiri fa Kirinŋ wɔ cintɔnŋ kiri sun, Yesu Kirisa yɛrima ki i niŋ fu ki kwɔ jɔnɔ ki i.
21Fu ki pyɛ ki bataa i amaŋ pa-a mìntiŋ na, ŋì i tan jɔrɔkɔ ji Kirinŋ gbɛ fu wɔlinŋ i, nwɔ̀ tan-i Ŋuntiŋ ki tɛ. 22Ŋuntiŋ ki bira, ábɛɛ fa koŋ pyɛ kiri bataa de-i ámaŋ nu, á i ji fu wɔlinŋ i, Kirinŋ i nwɔ̀ ru Ɲiniwɔlinŋ ki bira.
Currently Selected:
Efɛsitɔnŋ kiri 2: JOB
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.
Efɛsitɔnŋ kiri 2
2
Ŋi i po san beŋ ki ru, ŋi i de ɲaninkulutɔnbi ki ru
(Kɔlɔsitɔnŋ kiri 2.12–13; 3.1–3; Tite 3.3–8)
1Ábɛɛ beenimaan ni wuru-i Kirinŋ ɲaanfɛ sun, sabu ábɛɛ wuru telibalibi ri fa bijɛ ri ma-a. 2Ábɛɛ wuru niŋ bi kiri ma-a miŋ tu ka juniɲa nu tɔnŋ kiri i ǹʼma-a ɲaan wɔ̀ tɛ, ŋì i kɛɲɛ ɲinijɛ kiri ŋununtiŋ sinaŋ ki dintɛ bi ki wu, ninwɔ̀ i baara ki ma-a kpeeri ciiru, nwɔ̀ri arì kaan-a Kirinŋ tɛ. 3Yibɛɛ bataa wuru miŋ tu kíbɛɛ sun. Yibɛɛ wuru yi firi ki dintɛ bi jɛ kiri ma-a, yi i yi yɛri ciiru ɲakilila bi kiri ma-ni. Yibɛɛ ɲaan ki fa koŋ pyɛ kiri bataa wɔ wuru tenŋ i, niŋ ki ra, Kirinŋ wɔ tɔnkwulu ki kakan wuru-i ŋì i so yibɛɛ bataa sun sɛbɛ.
4Nka Kirinŋ wɔ bidintɛbi sinaŋ ki baraka ra, ǹʼyɔ sunmakwulupatɔnŋ sinaŋ i. 5Niŋ ki ra, yibɛɛ wɔ̀ri beeni wuru Kirinŋ ɲaanfɛ yɔɔ bijɛ kiri bira, ŋì yibɛɛ ŋmɛni-i Kirisa fan. Ábɛɛ á mwu-i Kirinŋ wɔ shɔɔrinŋ ki baraka ra. 6Yibɛɛ fa Kirisa wɔ tenbi ki baraka ra, Kirinŋ yibɛɛ fa ntiŋ ŋmɛni-i yimaŋ fan, ŋì i yi sɔɔ yimaŋ fan kirinpɔlila mani narimaŋ kiri ru. 7Kirinŋ niŋ shɔɔrinŋ ki ma-i yibɛɛ tɛ Yesu Kirisa bira, nwɔma konaŋ kiri i awɔ shɔɔrinŋ ki tɔ waaci naanna kiri ru, niŋ shɔɔrinŋ ki wɔ̀ gbɛ-i, ŋì i mwɔ. 8Ábɛɛ á mwu-i Kirinŋ wɔ shɔɔrinŋ ki baraka ra áwɔ bilinabi ki bira, niŋ po ábɛɛ yɛrima kiri ru kì, nka Kirinŋ wɔ kafinŋ yɛ. 9Ábɔɔ mabi tɔri dantenŋ niŋ ma ábɛɛ tɛ kì, nwɔma koŋ tɔri tenŋ fa a yɛri gbɛ kì. 10Yibɛɛ i finŋ woo finŋ i, ǹʼbataa i po-a Kirinŋ gbɛ. Yesu Kirisa baraka ra, Kirinŋ yibɔɔ ɲaninkulutɔnbi ki faa-a mabi shɔɔrinŋ ni na, ŋì nini wɔ̀ri gbɛbili-i kabi fɔlɔfɔlɔ, nwɔma yi i na yìrì ma.
Bilinatɔnŋ kiri bataa i koŋ tenŋ i
(Iburu kiri 10.19–22)
11Ábɛɛ wuru ɲaan wɔ̀ tɛ fɔlɔfɔlɔ, á á ɲakilila bo niŋ tɛ. Ábɛɛ wuru dɔri-ra tu shiya tɔri ri, nwɔ̀ri Yawutu ri i kì. Ŋì i kɛɲɛ konanmini wɔ gbɛɛra baara mamaan wu firi ki ru, ábɛɛ wuru dɔri-ra tu sɔɔpeefɛbali li sɔɔpeefɛmaan kiri gbɛ. 12Niŋ waaci ki ru, ábɛɛ maŋ nari wuru Kirisa ra, lu wuru ábɛɛ gbɛ Isirayɛlidaŋ kiri kanfɛ kì, Kirinŋ a tɔnŋ wɔri wuru shɔɔrinŋ wɔ̀ri bira, ábɔɔ lu wuru nini nu kì. Ábɛɛ wuru ninkunŋ nmaŋ juniɲa ki ru, Kirinŋ bali li, gbɛbilimaŋ wuru nwɔ̀ri ra kì.
13Nka ábɛɛ wɔ̀ri maŋ nari wuru Kirinŋ na, ábɛɛ myɛ ǹʼtɛ dɔɔ Yesu Kirisa cunŋ ki kɔnkɔlimaan ki bira.
14Yibɔɔ ɲaanfɛfili ki i kila-a mìntiŋ na. Ntiŋ i ji Yawutu kiri fa shiya tɔri kiri ji tenŋ i. Ɲabi kwɔ wɔ̀ wuru yibɛɛ san-a yimaŋ na, ntiŋ a firi ki wɔri-i, ntiŋ i niŋ gwu po san nmaŋ. 15Ntiŋ beŋ ki i sariya ki wɔ cinŋ bimaan kiri fa ǹʼwɔ bi gbɛbilimaan kiri baraka kɔ. Shiya fuuli kari i dɛbɛ ji shiya ŋunaŋ tenŋ i, fu i de kí faninmwuŋ. 16Ntiŋ beŋ ki kpinkpisuu ki sun, niŋ i fu de kí fa Kirinŋ faninmwuŋ, kí i ji firi tenŋ i, tɛɛ ki i kɔ san kí faninmwuŋ.
17Niŋ ɲaan ki tɛ, ntiŋ na-i ɲaanfɛfili wulu ki sunjo ábɛɛ mani narimaŋ nu tɔnŋ kiri tɛ, ntiŋ i ǹʼsunjo kpeeri tɛ, nwɔ̀ri myɛ-ɛ. 18Sabu Kirisa bira, yibɛɛ bataa tenŋ tenŋ a so so-i yi Tiŋ Kirinŋ tɛ, Ɲiniwɔlinŋ tenŋ baraka ra.
19Niŋ ki ra, ábɛɛ jɛ ri fa kɛniŋ tɔri ru tiiri kili kì, nka ábɛɛ fa Kirinŋ wɔ konanbi wɔlinŋ ki ji-i, miŋ tu kɛniŋ tenŋ daŋ ni, Kirinŋ wɔ kanindaŋ ni. 20Ábɛɛ ji-i miŋ tu fu sinaŋ, nwɔ̀ cɛ sɔɔ-ɔ Yesu wɔ cindaŋ kiri fa Kirinŋ wɔ cintɔnŋ kiri sun, Yesu Kirisa yɛrima ki i niŋ fu ki kwɔ jɔnɔ ki i.
21Fu ki pyɛ ki bataa i amaŋ pa-a mìntiŋ na, ŋì i tan jɔrɔkɔ ji Kirinŋ gbɛ fu wɔlinŋ i, nwɔ̀ tan-i Ŋuntiŋ ki tɛ. 22Ŋuntiŋ ki bira, ábɛɛ fa koŋ pyɛ kiri bataa de-i ámaŋ nu, á i ji fu wɔlinŋ i, Kirinŋ i nwɔ̀ ru Ɲiniwɔlinŋ ki bira.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.