Kɔlɔsitɔnŋ kiri 1
1
Coolinŋ ki
(Efɛsitɔnŋ kiri 1.15–19; Filipitɔnŋ kiri 1.3–6; Tesalonikitɔnŋ kiri (1) 1.2–4)
1Míŋ Pooli wɔ̀ i Yesu Kirisa wɔ cindaŋ i, ŋì i kɛɲɛ Kirinŋ dintɛ bi ki wu, míŋ fa yi tindaŋ Timote i ábɛɛ co-a, 2ábɛɛ wɔ̀ri i Kirinŋ wɔ konanbi ki i, Kɔlɔsi kili ki ru, á i ji yibɛɛ tindaŋ dariwulutiŋ ni i, Kirisa wɔ tenbi ki ru.
Yi Tiŋ Kirinŋ awɔ shɔɔrinŋ ki fa awɔ ɲaanfɛfili ki wɔri á tɛ.
Pooli wɔ coolinŋ ki Kirinŋ tɛ Kɔlɔsitɔnŋ kiri bira
3A yibɛɛ ji Kirinŋ nafɛ-a, ninwɔ̀ i yibɛɛ Ŋuntiŋ Yesu Kirisa Tiŋ ki i, yibɛɛ i coolinŋ wɔri-ra ǹʼtɛ waarinŋ bataa ru ábɛɛ bira, 4sabu ábɛɛ bili-i Yesu Kirisa ra ɲaan wɔ̀ tɛ, niŋ fa ábɛɛ Kirinŋ wɔ wɔlinŋ kiri bidi-i á tɛ ɲaan wɔ̀ tɛ, yibɛɛ niŋ bataa rama-i. 5Ábɛɛ i niŋ ma-a, sabu gbɛbilimaŋ i ábɛɛ gbɛ Kirinŋ wɔ ki ru. Ábɛɛ niŋ gbɛbilimaŋ ki tɔ-i sɛli ki sunjomaan ki baraka ra, ninwɔ̀ i Wulujii ki i.
6Niŋ Wulujii ki so-i ábɛɛ tɛ, miŋ tu ǹʼso-i juniɲa bataa tɛ ɲaan wɔ̀ tɛ, ŋì i tiri-ri jɛŋ. Ǹʼyɔ mìŋ ɲaan tenŋ ki tɛ ábɛɛ faninmwuŋ, kabi ábɛɛ Kirinŋ wɔ shɔɔrinŋ wulu ki rama-i, á i ǹʼsɛli ki tɔ.
7Epafirasi, ninwɔ̀ i yibɛɛ baara mashi i, nwɔ̀ bidi-i yibɛɛ tɛ haali, ninki ábɛɛ kini-i niŋ bi kiri ra. Bilinakoŋ yɛ Kirisa tɛ baara ki ru ábɛɛ kanfɛ. 8Ɲiniwɔlinŋ ki bidintɛbi wɔ̀ wɔri-i ábɛɛ tɛ, mìntiŋ ki niŋ ɲaanbi-i yibɛɛ tɛ.
Pooli wɔ Kirinŋ nafɛ ki Kɔlɔsitɔnŋ kiri tɛ
9Niŋ ki ra, kabi yibɛɛ ábɛɛ mabi kiri wulu ki rama-i, yibɛɛ i Kirinŋ nafɛ-a ábɛɛ tɛ waarinŋ bataa ru, nwɔma ábɛɛ i so ǹʼdintɛ bi ki bataa tɔ-i, ŋì i ɲakilitinbi fa bitɔbi sɔbɛ wɔri á tɛ, ŋì i po Ɲiniwɔlinŋ ki gbɛ. 10A niŋ ma, ábɛɛ tiri kɛɲɛ Ŋuntiŋ ki dintɛ bi ki wu, á mabi kiri i di ǹʼtɛ sɛbɛ, ábɛɛ ra so Kirinŋ dintɛ bi ki ma-i, á i mabi shɔɔrinŋ kwuru ki bataa ma, á i ta jɛŋ Kirinŋ tɔbi sɛlɛsɛli ki ra.
11Kirinŋ faan wɔri á tɛ waarinŋ bataa ru, ŋì i po a yɛri ki wɔ sotinbi nɔɔritiŋ ki ru, nwɔma ábɛɛ i ta jɛŋ bilinabi ki ru, á i so bi bataa kwun-i á ru. 12Á baraka bi Tiŋ Kirinŋ tɛ, á i á yoori, sabu ŋì finŋ wɔ̀ri ramɔni bo-i awɔ wɔlinŋ kiri jɛŋ awɔ masabi sarintiŋ ki ru, ŋì ncusun-i ábɛɛ i lu kila niŋ nu. 13Ŋì yibɛɛ mwu san-i mancinŋ ki wɔ faan ki ru, ŋì i yi de a dintɛ Danshuru ki wɔ masabi ki ru. 14Ninki ji-i yibɛɛ ŋunsan ki i, yɔɔ bijɛ kiri i tu yi tɛ.
15Kirisa i Kirinŋ jabali ki miniŋ#1.15 Kwumaŋ, Jɔtɔnŋ kiri ǹʼbi-a tu ntiŋ ji a tiŋ ki fuulinŋ i, nka niŋ fa myɛɛn fuulinŋ ki wulu tenŋ bi-a kì.#1.15 Kwumaŋ, miniŋ ki i bi-a, sabu Kirisa fa Kirinŋ po-i. ki i,
mìntiŋ gbɛ-i finŋ pomaan kiri bataa wu,
16sabu, kirinpɔli la finŋ kiri fa
pwɔkulinŋ sun finŋ kiri bataa po-i mìntiŋ ki sababu ra.
Finŋ wɔ̀ri i ja-a niŋ fa finŋ wɔ̀ri ja-a kì,
masabi kiri fa ŋununtinbi kiri,
ŋì i ta bo faantiŋ kiri fa sotiŋ kiri sun,
mìntiŋ sɔɔ-ɔ, yìrì bataa i ramɔni,
niŋ fa yìrì i ji ramɔni mìntiŋ ki tɛ.
17Mìntiŋ i finŋ bataa jɛŋ,
finŋ bataa i ji da amaŋ na mìntiŋ sababu ra.
18Kirisa ra bilinatɔnŋ kiri i ntiŋ firi ki i,
mìntiŋ ki i ji niŋ firi ki ŋuniŋ ki i.
Finŋ kiri bataa tɔnpa-i mìntiŋ ki wu.
Mìntiŋ jɔnɔ ŋmɛni po san-i konkwuu kiri ru,
nwɔma ntiŋ i ji finŋ bataa ŋununtiŋ i.
19Sabu, ǹʼji-i Kirinŋ dintɛ bi,
ŋì i a ɲaan ki bataa rafaa mìntiŋ nu.
20Kirinŋ fu de-i a fa juniɲa bataa faninmwuŋ
mìntiŋ ki sababu ra.
Finŋ wɔ̀ri i pwɔkulinŋ ki sun, niŋ fa nwɔ̀ri i kirinpɔli ki ra, ŋì i ɲaanfɛfili wɔri nini tɛ,
mìntiŋ ki cunŋ ki baraka ra,
ninwɔ̀ kɔnkɔli-i kpinkpisuu ki sun.
21Á ǹʼtɔ tu ábɛɛ yɛrima kiri maŋ nari-ri Kirinŋ na sun, ábɛɛ wuru Kirinŋ ɲa ni i, áwɔ ɲakilila jɛ kiri fa áwɔ bi kulinŋ kiri bira. 22Nka dɔnsaŋ, ábɛɛ fa Kirinŋ faninmwuŋ ki ramɔni-i a Danshuru ki wɔ konanminibi firi ki beŋ ki baraka ra, nwɔma ábɛɛ wu fɔɔmaan fa á pɔlibali i na afinŋ tɛ.
23Nka niŋ fa a fɔn na, á á cɛrukɔli tu bilinabi ki ru. Ábɛɛ gbɛbilimaŋ wɔ̀ kila-i Wulujii ramamaan ki bira, á fa ncusun finŋ dantenŋ i á ɲakili ki ɲaanmi san niŋ sun kì. Ábɛɛ niŋ Wulujii ki rama-i, ŋì i ji sunjo juniɲa nu konaŋ bataa tɛ, míŋ Pooli i ji ǹʼnu baara matɔnŋ i.
Pooli wɔ cinŋ ki bilinatɔnŋ kwuru kiri kanfɛ
(Efɛsitɔnŋ kiri 3.1–13; Korɛntitɔnŋ kiri (1) 2.7–13)
24Dɔnsaŋ, míŋ i ńʼyoori-ra ńʼwɔ cɔɔri kilamaan ki ra ábɛɛ bira, sabu nwɔ̀ cin wuru Kirisa wɔ cɔɔri ki ra, míŋ i niŋ nafaa-ra ńʼfiri ki wu, Kirisa firi ki tɛ, ninwɔ̀ i bilinatɔnŋ kwuru kiri i#1.24 bilinatɔnŋ kwuru kiri : Ka mani ka i so-a bi-i tu Egilisi.. 25Kirinŋ niŋ bilinatɔnŋ kwuru ki ru baara ki biye-i míŋ gbɛsun, tu míŋ niŋ baara ki ma ábɛɛ tɛ, ŋí i Kirinŋ wɔ wulu ki sunjoka shɔ á tɛ. 26Niŋ gonto ki wɔ̀ radumaan wuru-i waaci mwɔɔnna nu konaŋ kiri sun, ŋì i a yɛri ji-a dɔɔ Kirinŋ wɔ wɔlinŋ kiri wu. 27Nafan sinaŋ wɔ̀ fa gbɛbi wɔ̀ i niŋ gonto ki ru, shiya kiri bataa kɛlintɛ, Kirinŋ i ji ǹʼtɛ niŋ i tɔ, niŋ i kaa : a Kirisa ji ábɛɛ fan, gbɛbilimaŋ i ábɛɛ ra, á i ji-a de Kirinŋ wɔ nɔɔri ki ru.
28Yibɛɛ i niŋ Kirisa ki bi ki sunjo-a, yi i konaŋ kiri bataa racin-ni, yi i kí kali-li ɲakilitinbi ki bataa wu, nwɔma konaŋ ki bataa tenŋ tenŋ i so ji-i koŋ nafaamaan ni i, Kirinŋ ɲaanfɛ Kirisa sababu ra. 29Niŋ ki ra, míŋ baara ki ma-a, ŋí i kari ki tan-ni Kirisa wɔ sotinbi ki wu, ninwɔ̀ i baara ki ma-a míŋ ciiru.
Currently Selected:
Kɔlɔsitɔnŋ kiri 1: JOB
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.
Kɔlɔsitɔnŋ kiri 1
1
Coolinŋ ki
(Efɛsitɔnŋ kiri 1.15–19; Filipitɔnŋ kiri 1.3–6; Tesalonikitɔnŋ kiri (1) 1.2–4)
1Míŋ Pooli wɔ̀ i Yesu Kirisa wɔ cindaŋ i, ŋì i kɛɲɛ Kirinŋ dintɛ bi ki wu, míŋ fa yi tindaŋ Timote i ábɛɛ co-a, 2ábɛɛ wɔ̀ri i Kirinŋ wɔ konanbi ki i, Kɔlɔsi kili ki ru, á i ji yibɛɛ tindaŋ dariwulutiŋ ni i, Kirisa wɔ tenbi ki ru.
Yi Tiŋ Kirinŋ awɔ shɔɔrinŋ ki fa awɔ ɲaanfɛfili ki wɔri á tɛ.
Pooli wɔ coolinŋ ki Kirinŋ tɛ Kɔlɔsitɔnŋ kiri bira
3A yibɛɛ ji Kirinŋ nafɛ-a, ninwɔ̀ i yibɛɛ Ŋuntiŋ Yesu Kirisa Tiŋ ki i, yibɛɛ i coolinŋ wɔri-ra ǹʼtɛ waarinŋ bataa ru ábɛɛ bira, 4sabu ábɛɛ bili-i Yesu Kirisa ra ɲaan wɔ̀ tɛ, niŋ fa ábɛɛ Kirinŋ wɔ wɔlinŋ kiri bidi-i á tɛ ɲaan wɔ̀ tɛ, yibɛɛ niŋ bataa rama-i. 5Ábɛɛ i niŋ ma-a, sabu gbɛbilimaŋ i ábɛɛ gbɛ Kirinŋ wɔ ki ru. Ábɛɛ niŋ gbɛbilimaŋ ki tɔ-i sɛli ki sunjomaan ki baraka ra, ninwɔ̀ i Wulujii ki i.
6Niŋ Wulujii ki so-i ábɛɛ tɛ, miŋ tu ǹʼso-i juniɲa bataa tɛ ɲaan wɔ̀ tɛ, ŋì i tiri-ri jɛŋ. Ǹʼyɔ mìŋ ɲaan tenŋ ki tɛ ábɛɛ faninmwuŋ, kabi ábɛɛ Kirinŋ wɔ shɔɔrinŋ wulu ki rama-i, á i ǹʼsɛli ki tɔ.
7Epafirasi, ninwɔ̀ i yibɛɛ baara mashi i, nwɔ̀ bidi-i yibɛɛ tɛ haali, ninki ábɛɛ kini-i niŋ bi kiri ra. Bilinakoŋ yɛ Kirisa tɛ baara ki ru ábɛɛ kanfɛ. 8Ɲiniwɔlinŋ ki bidintɛbi wɔ̀ wɔri-i ábɛɛ tɛ, mìntiŋ ki niŋ ɲaanbi-i yibɛɛ tɛ.
Pooli wɔ Kirinŋ nafɛ ki Kɔlɔsitɔnŋ kiri tɛ
9Niŋ ki ra, kabi yibɛɛ ábɛɛ mabi kiri wulu ki rama-i, yibɛɛ i Kirinŋ nafɛ-a ábɛɛ tɛ waarinŋ bataa ru, nwɔma ábɛɛ i so ǹʼdintɛ bi ki bataa tɔ-i, ŋì i ɲakilitinbi fa bitɔbi sɔbɛ wɔri á tɛ, ŋì i po Ɲiniwɔlinŋ ki gbɛ. 10A niŋ ma, ábɛɛ tiri kɛɲɛ Ŋuntiŋ ki dintɛ bi ki wu, á mabi kiri i di ǹʼtɛ sɛbɛ, ábɛɛ ra so Kirinŋ dintɛ bi ki ma-i, á i mabi shɔɔrinŋ kwuru ki bataa ma, á i ta jɛŋ Kirinŋ tɔbi sɛlɛsɛli ki ra.
11Kirinŋ faan wɔri á tɛ waarinŋ bataa ru, ŋì i po a yɛri ki wɔ sotinbi nɔɔritiŋ ki ru, nwɔma ábɛɛ i ta jɛŋ bilinabi ki ru, á i so bi bataa kwun-i á ru. 12Á baraka bi Tiŋ Kirinŋ tɛ, á i á yoori, sabu ŋì finŋ wɔ̀ri ramɔni bo-i awɔ wɔlinŋ kiri jɛŋ awɔ masabi sarintiŋ ki ru, ŋì ncusun-i ábɛɛ i lu kila niŋ nu. 13Ŋì yibɛɛ mwu san-i mancinŋ ki wɔ faan ki ru, ŋì i yi de a dintɛ Danshuru ki wɔ masabi ki ru. 14Ninki ji-i yibɛɛ ŋunsan ki i, yɔɔ bijɛ kiri i tu yi tɛ.
15Kirisa i Kirinŋ jabali ki miniŋ#1.15 Kwumaŋ, Jɔtɔnŋ kiri ǹʼbi-a tu ntiŋ ji a tiŋ ki fuulinŋ i, nka niŋ fa myɛɛn fuulinŋ ki wulu tenŋ bi-a kì.#1.15 Kwumaŋ, miniŋ ki i bi-a, sabu Kirisa fa Kirinŋ po-i. ki i,
mìntiŋ gbɛ-i finŋ pomaan kiri bataa wu,
16sabu, kirinpɔli la finŋ kiri fa
pwɔkulinŋ sun finŋ kiri bataa po-i mìntiŋ ki sababu ra.
Finŋ wɔ̀ri i ja-a niŋ fa finŋ wɔ̀ri ja-a kì,
masabi kiri fa ŋununtinbi kiri,
ŋì i ta bo faantiŋ kiri fa sotiŋ kiri sun,
mìntiŋ sɔɔ-ɔ, yìrì bataa i ramɔni,
niŋ fa yìrì i ji ramɔni mìntiŋ ki tɛ.
17Mìntiŋ i finŋ bataa jɛŋ,
finŋ bataa i ji da amaŋ na mìntiŋ sababu ra.
18Kirisa ra bilinatɔnŋ kiri i ntiŋ firi ki i,
mìntiŋ ki i ji niŋ firi ki ŋuniŋ ki i.
Finŋ kiri bataa tɔnpa-i mìntiŋ ki wu.
Mìntiŋ jɔnɔ ŋmɛni po san-i konkwuu kiri ru,
nwɔma ntiŋ i ji finŋ bataa ŋununtiŋ i.
19Sabu, ǹʼji-i Kirinŋ dintɛ bi,
ŋì i a ɲaan ki bataa rafaa mìntiŋ nu.
20Kirinŋ fu de-i a fa juniɲa bataa faninmwuŋ
mìntiŋ ki sababu ra.
Finŋ wɔ̀ri i pwɔkulinŋ ki sun, niŋ fa nwɔ̀ri i kirinpɔli ki ra, ŋì i ɲaanfɛfili wɔri nini tɛ,
mìntiŋ ki cunŋ ki baraka ra,
ninwɔ̀ kɔnkɔli-i kpinkpisuu ki sun.
21Á ǹʼtɔ tu ábɛɛ yɛrima kiri maŋ nari-ri Kirinŋ na sun, ábɛɛ wuru Kirinŋ ɲa ni i, áwɔ ɲakilila jɛ kiri fa áwɔ bi kulinŋ kiri bira. 22Nka dɔnsaŋ, ábɛɛ fa Kirinŋ faninmwuŋ ki ramɔni-i a Danshuru ki wɔ konanminibi firi ki beŋ ki baraka ra, nwɔma ábɛɛ wu fɔɔmaan fa á pɔlibali i na afinŋ tɛ.
23Nka niŋ fa a fɔn na, á á cɛrukɔli tu bilinabi ki ru. Ábɛɛ gbɛbilimaŋ wɔ̀ kila-i Wulujii ramamaan ki bira, á fa ncusun finŋ dantenŋ i á ɲakili ki ɲaanmi san niŋ sun kì. Ábɛɛ niŋ Wulujii ki rama-i, ŋì i ji sunjo juniɲa nu konaŋ bataa tɛ, míŋ Pooli i ji ǹʼnu baara matɔnŋ i.
Pooli wɔ cinŋ ki bilinatɔnŋ kwuru kiri kanfɛ
(Efɛsitɔnŋ kiri 3.1–13; Korɛntitɔnŋ kiri (1) 2.7–13)
24Dɔnsaŋ, míŋ i ńʼyoori-ra ńʼwɔ cɔɔri kilamaan ki ra ábɛɛ bira, sabu nwɔ̀ cin wuru Kirisa wɔ cɔɔri ki ra, míŋ i niŋ nafaa-ra ńʼfiri ki wu, Kirisa firi ki tɛ, ninwɔ̀ i bilinatɔnŋ kwuru kiri i#1.24 bilinatɔnŋ kwuru kiri : Ka mani ka i so-a bi-i tu Egilisi.. 25Kirinŋ niŋ bilinatɔnŋ kwuru ki ru baara ki biye-i míŋ gbɛsun, tu míŋ niŋ baara ki ma ábɛɛ tɛ, ŋí i Kirinŋ wɔ wulu ki sunjoka shɔ á tɛ. 26Niŋ gonto ki wɔ̀ radumaan wuru-i waaci mwɔɔnna nu konaŋ kiri sun, ŋì i a yɛri ji-a dɔɔ Kirinŋ wɔ wɔlinŋ kiri wu. 27Nafan sinaŋ wɔ̀ fa gbɛbi wɔ̀ i niŋ gonto ki ru, shiya kiri bataa kɛlintɛ, Kirinŋ i ji ǹʼtɛ niŋ i tɔ, niŋ i kaa : a Kirisa ji ábɛɛ fan, gbɛbilimaŋ i ábɛɛ ra, á i ji-a de Kirinŋ wɔ nɔɔri ki ru.
28Yibɛɛ i niŋ Kirisa ki bi ki sunjo-a, yi i konaŋ kiri bataa racin-ni, yi i kí kali-li ɲakilitinbi ki bataa wu, nwɔma konaŋ ki bataa tenŋ tenŋ i so ji-i koŋ nafaamaan ni i, Kirinŋ ɲaanfɛ Kirisa sababu ra. 29Niŋ ki ra, míŋ baara ki ma-a, ŋí i kari ki tan-ni Kirisa wɔ sotinbi ki wu, ninwɔ̀ i baara ki ma-a míŋ ciiru.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.