Mabikiri 4
4
Pyɛɛri fa Yuhana i kitikwurutɔnŋ kiri ɲaanfɛ
1Ŋì i Pyɛɛri fa Yuhana tu wulu ki bi-a konaŋ ki tɛ, Kirinŋ tɛ sarakawɔrɔtɔnŋ bɛɛ ri fa Kirinfusinaŋ ki ɲaannasuutɔnŋ kiri ŋununtiŋ ki niŋ fa Sadusiyɛnŋ bɛɛ ri i arì kpari kí tɛ. 2Nini tɔnkwulu wuru-i, sabu Pyɛɛri fa Yuhana wuru Yesu ŋmɛnibi ki bi-a, kí i konaŋ ki kali-li tu mìŋ ɲaan tenŋ ki tɛ, tu konkwuu kiri ra na ŋmɛni. 3Niŋ ki ra, kí i cindaŋ kiri pa bo nkasu ru fɔ ǹʼsisarifuluntɔnŋ ki, sabu cii so wuru kɔ. 4Nka niŋ fa a fɔn na, koŋ wɔ̀ri cindaŋ kiri wɔ wulu ki rama wuru kɔ, nini mwɔɔnna i bilinabi ma Yesu ra. Nini i ǹʼbɛɛ bo bilinatɔnŋ kiri ŋuniŋ kpaa ki sun. Kí ru shuru kiri bomaan ki amaŋ sun, kí wuru-ra koŋ waa taanŋ (5.000) bishi po.
5Niŋ sisarifuluntɔnŋ ki, Yawutu ŋununtiŋ kiri fa cɛɛnni kiri fa sariya kalimɔɔ kiri i arìmaŋ nakɔli Yerusalɛmu. 6Kirinŋ tɛ sarakawɔrɔtɔnŋ kiri ŋununtiŋ sinaŋ ki, Anasi yɛrima ki wuru nmaŋ, niŋ fa ntiŋ tindaŋ kiri, nini wɔ̀ wuru Kayifu, fa Yuhana fa Alɛkisandiri, ŋì i ta bo ntiŋ tindaŋ tɔri ri sun. 7Kí i Pyɛɛri fa Yuhana po tu arì faninmwuŋ, kí i kí ranɔri tu : « Ábɛɛ koŋ ka kene sotinbi danwɔ wu? Nkɛnŋ niŋ so ki wɔri ábɛɛ tɛ? »
8Niŋ na, Pyɛɛri faamaan ki Ɲiniwɔlinŋ ki ra, niŋ i ǹʼbi kí tɛ tu : « Isirayɛli ŋununtiŋ fa ǹʼcɛɛnni ni, 9a ábɛɛ ji yibɛɛ ranɔri-ra mwurunku ka keneka ɲaan ki sun jiŋ, 10á bataa ǹʼtɔ, Isirayɛlitɔnŋ kiri bataa fani i ǹʼtɔ tu niŋ ma Yesu Kirisa Nansarɛtitɔnŋ ki baraka ra. Niŋ Yesu ki, ábɛɛ niŋ kpinkpi-i suu ki sun, nka Kirinŋ ntiŋ ŋmɛni po san-i konkwuu kiri kanfɛ. Ninki baraka ra, ka koŋ ka wɔ bɔlɔmabi ki kɔ-i, ntiŋ i ji ábɛɛ ɲaanfɛ kwumaŋ. 11Kirinŋ wɔ wulu ki ru, ǹʼyɔ bi-a Yesu sun tu :
‹ Ábɛɛ fu tantɔnŋ kiri á kaan-a kwɔ wɔ̀ tɛ,
Kirinŋ ninki ji-i awɔ fu ki nɔnkɔnŋ sun kwɔ shɔɔrinŋ ki i. ›#Shu kiri 118.22. »
12Pyɛɛri tu sɛbɛ : « Koŋ tɔri so-a koŋ mwu-i Yesu kɔɔtɛ kì. Sɛli ki ra, juniɲa bataa ciiru, Kirinŋ koŋ tɔri tenŋ po nwɔ̀ a so koŋ mwu-i Yesu ciniŋ kì. »
13Kitikwurutoŋ ki Pyɛɛri fa Yuhana ja-i wulu ki bi-a ŋununfurubi fa ɲakili sɔɔbi wu, niŋ i bo kí tɔnŋ sun, sabu kí ǹʼja wuru tu koŋ kalimaan ni wuru-i kì. Kí tu-i niŋ ɲaan ki tɛ fɔ kí ɲakili i na bo ǹʼtɛ tu kí fa Yesu wuru arìmaŋ fan. 14Niŋ fa kí ɲaniŋ i ji koŋ ki kenemaan ki ra kí kankantɛ. Niŋ na, wulu kila kí gbɛ kili kì. 15Kí ǹʼja-i ninkunŋ, kí tu kí Pyɛɛri fa Yuhana po san kitikwurumaŋ ki ru sun, kí i tu arìmaŋ nanɔri-ra. 16Kí i ǹʼbi arìmaŋ tɛ : « Yibɛɛ ra ka koŋ kari ji dɔɔkunŋ sa? Yerusalɛmu konaŋ ki bataa ǹʼtɔ-i tu ka kabakobi ka ma kíbɛɛ kiri gbɛ, yibɛɛ yɛrima kiri ra so niŋ sɔsɔ-i kì. 17Nka, nwɔma ka bi ka fa nakali ta jɛŋ kì, yi kí rukɛni, yi i ǹʼbi furu kí tɛ, tu kí fa wulubi koŋ tɔri tenŋ tɛ Yesu tɔ ka bi sun kili kì. »
18Niŋ kɔɔtɛ, kí i Pyɛɛri fa Yuhana pwulu de kitikwurumaŋ ki ru. Kí i ǹʼbi furu kí tɛ, tu kí fa wulubi walima koŋ kali Yesu tɔ ka bi sun kili kì.
19Pyɛɛri fa Yuhana i kí rupwulu : « Ayiwa ábɛɛ yɛrima kiri ǹʼshɛɛli. Ǹʼdanwɔ shɔ Kirinŋ ɲaanfɛ? Yi ábɛɛ wulu ki pa walima yi Kirinŋ wulu ki pa? Ábɛɛ yɛrima kiri niŋ sɛli san. 20Nwɔ̀ i yibɛɛ, yibɛɛ nwɔ̀ ja-i, yi i nwɔ̀ rama, yibɛɛ ra so tu-i niŋ bibali kì. »
21Kitikwurutoŋ ki i wulu furu bi kí tɛ, kí i kí pani. Kí cɔɔrika ɲaan kila Pyɛɛri fa Yuhana na konaŋ ki jɛŋ kɛmi ki gbɛɛra kì. Sɛli ki ra, kabakobi wɔ̀ ma wuru-i, konaŋ ki wuru Kirinŋ gbɛ-a niŋ mamaan ki bira. 22Koŋ wɔ̀ kene wuru-i, niŋ koŋ ki jijiritɔnŋ ki mwɔ wuru jiri yaafuuli wu.
Bilinatɔnŋ kiri wɔ Kirinŋ nafɛ bi ki
23Kí Pyɛɛri fa Yuhana bo-i, kí i tiri bilinatɔnŋ pyɛ kiri tɛ. Kirinŋ tɛ sarakawɔrɔtɔnŋ kiri ŋununtiŋ kiri fa cɛɛnni kiri wulu wɔ̀ri bi-i kí tɛ, kí i ta nini bataa bi nini tɛ. 24Bilinatɔnŋ kiri niŋ wulu kiri bataa rama-i waarinŋ wɔ̀ ru, kí i fu ǹʼsun, kí i Kirinŋ nafɛ tu : « Ŋuntiŋ, ábɛɛ wɔ̀ ki kirinpɔli ki fa pwɔkulinŋ ki fa wɛɛlufinju ki fa arì ciiru finŋ kiri bataa po-i, 25ábɛɛ kiri ǹʼbi-i áwɔ jonshuru, yibɛɛ tiŋ cɛɛnni Dawuda tɔnŋ na, Ɲiniwɔlinŋ ki wɔ so ki wu, tu :
‹ Shiya kiri arì kaan-a arì yɛri sun nfɛnŋ na?
Nfɛnŋ na, kí i lu gbansanŋ kɔli-li?
26Juniɲa ciiru masa kiri jɔrɔkɔ-i kari ki tɛ,
ŋununtiŋ kiri yɛrima ki i arìmaŋ nakɔli,
Ŋuntiŋ Kirinŋ fa a Ɲaannakonshimaan ki cɛfan. ›#Shu kiri 2.1.
27Sɛli ki ra, Ɛrɔdi fa Pɔnsi Pilati, fa Isirayɛli konanbi ki fa shiya tɔri kiri fu-i ǹʼsun, ka kili ka ciiru kwumaŋ, kí i jɔrɔkɔ ábɛɛ tɛ baara matɔnŋ wɔlinŋ ki Yesu cɛfan, ábɛɛ ninwɔ̀ ɲaannashi-i. 28Niŋ ɲaan ki tɛ, ábɛɛ bi wɔ̀ri gbɛbili wuru kɔ, kí nini po-i arì saa tɛ kaa. 29Niŋ fa Ŋuntiŋ, ábɛɛ yɛrima kiri kɔ́ɔ́ nubaabaa wulu kiri rama-i yibɛɛ tɛ dɔnsaŋ, niŋ na á tɔnnafurubi wɔri áwɔ jonshuru kiri tɛ, kí i áwɔ wulu ki bi mani bataa ru. 30Á áwɔ sotinbi ki ji, á i ncusun kiratɔnŋ kiri i kene, taanmashɛ ri fa kabakobi ri i ma yibɛɛ gbɛfɛ á tɛ baara matɔnŋ wɔlinŋ Yesu wɔ so ki wu. »
31Kí Kirinŋ nafɛ kɔ-i waarinŋ wɔ̀ ru, kí rakɔli wuru mani wɔ̀ ru, niŋ i sɛrɛsɛri. Kí bataa i faa Ɲiniwɔlinŋ ki ra, kí i Kirinŋ wɔ wulu ki bi-ri tɔnnafurubi wu.
Bilinatɔnŋ kiri gbɛfɛfinŋ kiri bo bi ki arìmaŋ sun
32Bilinatɔnŋ kiri bataa fu wuru-i, kí ɲakilila ki wuru tenŋ i, niŋ fa kí miiri ki i ji tenŋ i. Koŋ tɔri wuru ǹʼbi-a tu afinŋ gbɛfɛfinŋ kiri wuru a tenŋ wɔ kì. Nka kɔ́ɔ́ finŋ kiri bataa wuru kí furuba a. 33Cindaŋ kiri wuru Ŋuntiŋ Yesu ŋmɛni wulu ki bi-a sotinbi sinaŋ wu. Kirinŋ i baraka de bilinatɔnŋ kiri ru, ŋì i shɔɔrinŋ sinaŋ ma kí tɛ. 34Niŋ waarinŋ ki ru, yɛlinkɔni wuru kila-a kí kanfɛ kì. Ji ri fa fu ri wuru nwɔ̀ri gbɛ, nini wuru nini ju-a, kí i na-ni yìrì sa kiri wu. 35Kí i na ǹʼwɔri-ri cindaŋ kiri tɛ, nwɔma kí i ǹʼlu, ŋì i kɛɲɛ koŋ fɔn tenŋ tenŋ maku ki wu. 36Kí ru, koŋ bɛɛ tɔ wuru tu Yusufu. Lewi nupo wuru-i nwɔ̀ wuru po-a Sipirɛ. Cindaŋ kiri ninki tɔ ki ye wuru tu Barinabasi, niŋ kɔri ki i tu koŋ cunaditɔnŋ i. 37Ji bɛɛ wuru niŋ koŋ ki gbɛ, ntiŋ i ta awɔ ji ki ju, ntiŋ i na ǹʼwari ki wɔri cindaŋ kiri tɛ.
Currently Selected:
Mabikiri 4: JOB
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.
Mabikiri 4
4
Pyɛɛri fa Yuhana i kitikwurutɔnŋ kiri ɲaanfɛ
1Ŋì i Pyɛɛri fa Yuhana tu wulu ki bi-a konaŋ ki tɛ, Kirinŋ tɛ sarakawɔrɔtɔnŋ bɛɛ ri fa Kirinfusinaŋ ki ɲaannasuutɔnŋ kiri ŋununtiŋ ki niŋ fa Sadusiyɛnŋ bɛɛ ri i arì kpari kí tɛ. 2Nini tɔnkwulu wuru-i, sabu Pyɛɛri fa Yuhana wuru Yesu ŋmɛnibi ki bi-a, kí i konaŋ ki kali-li tu mìŋ ɲaan tenŋ ki tɛ, tu konkwuu kiri ra na ŋmɛni. 3Niŋ ki ra, kí i cindaŋ kiri pa bo nkasu ru fɔ ǹʼsisarifuluntɔnŋ ki, sabu cii so wuru kɔ. 4Nka niŋ fa a fɔn na, koŋ wɔ̀ri cindaŋ kiri wɔ wulu ki rama wuru kɔ, nini mwɔɔnna i bilinabi ma Yesu ra. Nini i ǹʼbɛɛ bo bilinatɔnŋ kiri ŋuniŋ kpaa ki sun. Kí ru shuru kiri bomaan ki amaŋ sun, kí wuru-ra koŋ waa taanŋ (5.000) bishi po.
5Niŋ sisarifuluntɔnŋ ki, Yawutu ŋununtiŋ kiri fa cɛɛnni kiri fa sariya kalimɔɔ kiri i arìmaŋ nakɔli Yerusalɛmu. 6Kirinŋ tɛ sarakawɔrɔtɔnŋ kiri ŋununtiŋ sinaŋ ki, Anasi yɛrima ki wuru nmaŋ, niŋ fa ntiŋ tindaŋ kiri, nini wɔ̀ wuru Kayifu, fa Yuhana fa Alɛkisandiri, ŋì i ta bo ntiŋ tindaŋ tɔri ri sun. 7Kí i Pyɛɛri fa Yuhana po tu arì faninmwuŋ, kí i kí ranɔri tu : « Ábɛɛ koŋ ka kene sotinbi danwɔ wu? Nkɛnŋ niŋ so ki wɔri ábɛɛ tɛ? »
8Niŋ na, Pyɛɛri faamaan ki Ɲiniwɔlinŋ ki ra, niŋ i ǹʼbi kí tɛ tu : « Isirayɛli ŋununtiŋ fa ǹʼcɛɛnni ni, 9a ábɛɛ ji yibɛɛ ranɔri-ra mwurunku ka keneka ɲaan ki sun jiŋ, 10á bataa ǹʼtɔ, Isirayɛlitɔnŋ kiri bataa fani i ǹʼtɔ tu niŋ ma Yesu Kirisa Nansarɛtitɔnŋ ki baraka ra. Niŋ Yesu ki, ábɛɛ niŋ kpinkpi-i suu ki sun, nka Kirinŋ ntiŋ ŋmɛni po san-i konkwuu kiri kanfɛ. Ninki baraka ra, ka koŋ ka wɔ bɔlɔmabi ki kɔ-i, ntiŋ i ji ábɛɛ ɲaanfɛ kwumaŋ. 11Kirinŋ wɔ wulu ki ru, ǹʼyɔ bi-a Yesu sun tu :
‹ Ábɛɛ fu tantɔnŋ kiri á kaan-a kwɔ wɔ̀ tɛ,
Kirinŋ ninki ji-i awɔ fu ki nɔnkɔnŋ sun kwɔ shɔɔrinŋ ki i. ›#Shu kiri 118.22. »
12Pyɛɛri tu sɛbɛ : « Koŋ tɔri so-a koŋ mwu-i Yesu kɔɔtɛ kì. Sɛli ki ra, juniɲa bataa ciiru, Kirinŋ koŋ tɔri tenŋ po nwɔ̀ a so koŋ mwu-i Yesu ciniŋ kì. »
13Kitikwurutoŋ ki Pyɛɛri fa Yuhana ja-i wulu ki bi-a ŋununfurubi fa ɲakili sɔɔbi wu, niŋ i bo kí tɔnŋ sun, sabu kí ǹʼja wuru tu koŋ kalimaan ni wuru-i kì. Kí tu-i niŋ ɲaan ki tɛ fɔ kí ɲakili i na bo ǹʼtɛ tu kí fa Yesu wuru arìmaŋ fan. 14Niŋ fa kí ɲaniŋ i ji koŋ ki kenemaan ki ra kí kankantɛ. Niŋ na, wulu kila kí gbɛ kili kì. 15Kí ǹʼja-i ninkunŋ, kí tu kí Pyɛɛri fa Yuhana po san kitikwurumaŋ ki ru sun, kí i tu arìmaŋ nanɔri-ra. 16Kí i ǹʼbi arìmaŋ tɛ : « Yibɛɛ ra ka koŋ kari ji dɔɔkunŋ sa? Yerusalɛmu konaŋ ki bataa ǹʼtɔ-i tu ka kabakobi ka ma kíbɛɛ kiri gbɛ, yibɛɛ yɛrima kiri ra so niŋ sɔsɔ-i kì. 17Nka, nwɔma ka bi ka fa nakali ta jɛŋ kì, yi kí rukɛni, yi i ǹʼbi furu kí tɛ, tu kí fa wulubi koŋ tɔri tenŋ tɛ Yesu tɔ ka bi sun kili kì. »
18Niŋ kɔɔtɛ, kí i Pyɛɛri fa Yuhana pwulu de kitikwurumaŋ ki ru. Kí i ǹʼbi furu kí tɛ, tu kí fa wulubi walima koŋ kali Yesu tɔ ka bi sun kili kì.
19Pyɛɛri fa Yuhana i kí rupwulu : « Ayiwa ábɛɛ yɛrima kiri ǹʼshɛɛli. Ǹʼdanwɔ shɔ Kirinŋ ɲaanfɛ? Yi ábɛɛ wulu ki pa walima yi Kirinŋ wulu ki pa? Ábɛɛ yɛrima kiri niŋ sɛli san. 20Nwɔ̀ i yibɛɛ, yibɛɛ nwɔ̀ ja-i, yi i nwɔ̀ rama, yibɛɛ ra so tu-i niŋ bibali kì. »
21Kitikwurutoŋ ki i wulu furu bi kí tɛ, kí i kí pani. Kí cɔɔrika ɲaan kila Pyɛɛri fa Yuhana na konaŋ ki jɛŋ kɛmi ki gbɛɛra kì. Sɛli ki ra, kabakobi wɔ̀ ma wuru-i, konaŋ ki wuru Kirinŋ gbɛ-a niŋ mamaan ki bira. 22Koŋ wɔ̀ kene wuru-i, niŋ koŋ ki jijiritɔnŋ ki mwɔ wuru jiri yaafuuli wu.
Bilinatɔnŋ kiri wɔ Kirinŋ nafɛ bi ki
23Kí Pyɛɛri fa Yuhana bo-i, kí i tiri bilinatɔnŋ pyɛ kiri tɛ. Kirinŋ tɛ sarakawɔrɔtɔnŋ kiri ŋununtiŋ kiri fa cɛɛnni kiri wulu wɔ̀ri bi-i kí tɛ, kí i ta nini bataa bi nini tɛ. 24Bilinatɔnŋ kiri niŋ wulu kiri bataa rama-i waarinŋ wɔ̀ ru, kí i fu ǹʼsun, kí i Kirinŋ nafɛ tu : « Ŋuntiŋ, ábɛɛ wɔ̀ ki kirinpɔli ki fa pwɔkulinŋ ki fa wɛɛlufinju ki fa arì ciiru finŋ kiri bataa po-i, 25ábɛɛ kiri ǹʼbi-i áwɔ jonshuru, yibɛɛ tiŋ cɛɛnni Dawuda tɔnŋ na, Ɲiniwɔlinŋ ki wɔ so ki wu, tu :
‹ Shiya kiri arì kaan-a arì yɛri sun nfɛnŋ na?
Nfɛnŋ na, kí i lu gbansanŋ kɔli-li?
26Juniɲa ciiru masa kiri jɔrɔkɔ-i kari ki tɛ,
ŋununtiŋ kiri yɛrima ki i arìmaŋ nakɔli,
Ŋuntiŋ Kirinŋ fa a Ɲaannakonshimaan ki cɛfan. ›#Shu kiri 2.1.
27Sɛli ki ra, Ɛrɔdi fa Pɔnsi Pilati, fa Isirayɛli konanbi ki fa shiya tɔri kiri fu-i ǹʼsun, ka kili ka ciiru kwumaŋ, kí i jɔrɔkɔ ábɛɛ tɛ baara matɔnŋ wɔlinŋ ki Yesu cɛfan, ábɛɛ ninwɔ̀ ɲaannashi-i. 28Niŋ ɲaan ki tɛ, ábɛɛ bi wɔ̀ri gbɛbili wuru kɔ, kí nini po-i arì saa tɛ kaa. 29Niŋ fa Ŋuntiŋ, ábɛɛ yɛrima kiri kɔ́ɔ́ nubaabaa wulu kiri rama-i yibɛɛ tɛ dɔnsaŋ, niŋ na á tɔnnafurubi wɔri áwɔ jonshuru kiri tɛ, kí i áwɔ wulu ki bi mani bataa ru. 30Á áwɔ sotinbi ki ji, á i ncusun kiratɔnŋ kiri i kene, taanmashɛ ri fa kabakobi ri i ma yibɛɛ gbɛfɛ á tɛ baara matɔnŋ wɔlinŋ Yesu wɔ so ki wu. »
31Kí Kirinŋ nafɛ kɔ-i waarinŋ wɔ̀ ru, kí rakɔli wuru mani wɔ̀ ru, niŋ i sɛrɛsɛri. Kí bataa i faa Ɲiniwɔlinŋ ki ra, kí i Kirinŋ wɔ wulu ki bi-ri tɔnnafurubi wu.
Bilinatɔnŋ kiri gbɛfɛfinŋ kiri bo bi ki arìmaŋ sun
32Bilinatɔnŋ kiri bataa fu wuru-i, kí ɲakilila ki wuru tenŋ i, niŋ fa kí miiri ki i ji tenŋ i. Koŋ tɔri wuru ǹʼbi-a tu afinŋ gbɛfɛfinŋ kiri wuru a tenŋ wɔ kì. Nka kɔ́ɔ́ finŋ kiri bataa wuru kí furuba a. 33Cindaŋ kiri wuru Ŋuntiŋ Yesu ŋmɛni wulu ki bi-a sotinbi sinaŋ wu. Kirinŋ i baraka de bilinatɔnŋ kiri ru, ŋì i shɔɔrinŋ sinaŋ ma kí tɛ. 34Niŋ waarinŋ ki ru, yɛlinkɔni wuru kila-a kí kanfɛ kì. Ji ri fa fu ri wuru nwɔ̀ri gbɛ, nini wuru nini ju-a, kí i na-ni yìrì sa kiri wu. 35Kí i na ǹʼwɔri-ri cindaŋ kiri tɛ, nwɔma kí i ǹʼlu, ŋì i kɛɲɛ koŋ fɔn tenŋ tenŋ maku ki wu. 36Kí ru, koŋ bɛɛ tɔ wuru tu Yusufu. Lewi nupo wuru-i nwɔ̀ wuru po-a Sipirɛ. Cindaŋ kiri ninki tɔ ki ye wuru tu Barinabasi, niŋ kɔri ki i tu koŋ cunaditɔnŋ i. 37Ji bɛɛ wuru niŋ koŋ ki gbɛ, ntiŋ i ta awɔ ji ki ju, ntiŋ i na ǹʼwari ki wɔri cindaŋ kiri tɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.