Mabikiri 25
25
Pooli wɔ kiti ki a ta Ɔrɔmu masa sinaŋ ki tɛ ɲaan wɔ̀ tɛ
1Fɛsitusi sɔɔ ki kɛniŋ ki ŋununu, niŋ sunŋ byantɔnŋ ki, ntiŋ i po Sensare, ntiŋ i tunpa ta Yerusalɛmu. 2Niŋ mani nu, Kirinŋ tɛ sarakawɔrɔtɔnŋ kiri bɛɛ ri fa Yawutu kiri wɔ koŋ sinaŋ kiri bɛɛ ri i ta arì fa Pooli faninmwuŋ wulu ki ɲaanbi ntiŋ tɛ. 3Kí i Fɛsitusi rafɛ tu ntiŋ Pooli pwulu bo na Yerusalɛmu. Niŋ i faa kí lude-i, nwɔma arì i Pooli kilɛn saa faninmwuŋ.
4Nka, Fɛsitusi tu kí tɛ, tu Pooli a tu nkasu ki ru Sensare nmaŋ. Ntiŋ tu pyaanniŋ, afinŋ yɛrima ki ra a pwulu nmaŋ. 5Ntiŋ tu kí tɛ sɛbɛ tu : « Á á jɛntɔnŋ kiri bɛɛ ri bo ta míŋ fan. Pooli bijɛ wɔ̀ ma-i ábɛɛ wu, kí i ta niŋ ɲaanbi míŋ yɛri ki ɲaanfɛ. »
6Kɛnintiŋ Fɛsitusi fwuu sunŋ fulupɔni walima sunŋ byinŋ sun Yerusalɛmu nmaŋ kì. Niŋ kɔɔtɛ, ntiŋ i a pwulu ta Sensare. Ntiŋ pwulu ki sisarifuluntɔnŋ ki, ntiŋ i ta sɔɔ kiti kwuru fu ki ru, ntiŋ tu kí na Pooli wu. 7Kí na-i Pooli wu waarinŋ wɔ̀ ru, Yawutu wɔ̀ri po wuru Yerusalɛmu, nini i tu, kí i ntiŋ nakwunu, kí i puru sinaŋ sinaŋ mwɔɔnna ye ntiŋ wu, nka kí so ǹʼtɔri tenŋ sɛli maŋ ji-i kì.
8Niŋ ɲaan ki tɛ, Pooli i wulubi a yɛri ŋununu, ntiŋ tu : « Míŋ bijɛ tɔri tenŋ ma Yawutu kiri wɔ sariya ki ciiru walima Kirinfusinaŋ ki wu kì, ńʼfani wulu jɛ tenŋ bi Ɔrɔmu masa sinaŋ ki sun kì. »
9Miŋ tu Fɛsitusi yɛrima ki wuru ǹʼtɛ a i a yɛri bidi Yawutu kiri tɛ, niŋ na, ntiŋ i ǹʼbi tu : « Miŋ a nʼtu ŋi i ta Yerusalɛmu, nwɔma nʼwɔ kiti ki i ta kwuru míŋ ɲaanfɛ niŋ mani nu wa? »
10Pooli i ntiŋ wɔ wulu ki rupwulu tu : « Míŋ i juu Ɔrɔmu masa sinaŋ ki wɔ kitikwurumaŋ ki bɛɛ ru kɔ. Mɔ́ɔ́n kiti ki kakan-i ŋì i kwuru kwumaŋ. Míŋ bi tɔri ma Yawutu kiri wu kì, miŋ tu ábɛɛ yɛrima kiri niŋ ǹʼtɔ-i, á i ǹʼfɔɔ ɲaan wɔ̀ tɛ. 11A míŋ sɔŋ ji wuru-i, ŋí i ji bi jɛ ma-ni nwɔ̀ fa kilɛn kakan-i, míŋ wuru-ra ńʼkaan kilɛn ki sun kì. Nka miŋ tu kí i finŋ woo finŋ bi-a míŋ sun, sɛli niŋ dantenŋ nu kì, koŋ tɔri tenŋ a so míŋ wɔri-i kí tɛ kì. Míŋ i ǹʼtɛ ńʼwɔ kiti ki i ta kwuru Ɔrɔmu masa sinaŋ ki, Sensaari ɲaanfɛ. »
12Pooli niŋ bi-i waarinŋ wɔ̀ ru, Fɛsitusi i wulubi a tɔntɛ sɔɔtɔnŋ kiri tɛ, ntiŋ i Pooli wɔ wulu ki rupwulu tu : « Miŋ tu nʼwɔ kiti ki ta kwuru Ɔrɔmu masa sinaŋ ki ɲaanfɛ. Miŋ a ta ntiŋ ɲaanfɛ. »
Pooli wɔ wulu ki masa Agiripa ɲaanfɛ
13Jibi dama kɔɔtɛ, masa Agiripa fa Berenisi i na coolinŋ bo Fɛsitusi tɛ Sensare. 14Kí na-i sunŋ mwɔɔnna ma Sensare waarinŋ wɔ̀ ru, Fɛsitusi i Pooli bi ki ji masa ki wu, ntiŋ tu : « Felikisi tiri-i ntiŋ i shuru bɛɛ tu nkasu ki ru kwumaŋ. 15Míŋ ta-i Yerusalɛmu waarinŋ wɔ̀ ru, Kirinŋ tɛ sarakawɔrɔtɔnŋ kiri ŋununtiŋ kiri fa Yawutu kiri wɔ cɛɛnni kiri i ta ntiŋ wulu bi míŋ tɛ, tu míŋ kiti ki fɛɛn ntiŋ sun. 16Míŋ i ǹʼbi kí tɛ ńʼtu Ɔrɔmutɔnŋ kiri dali kí i kiti fɛɛn koŋ sun wulutiŋ fuuli ki sɔɔbali kitikwurutɔnŋ kiri ɲaanfɛ kì. Ŋí i ǹʼbi kí tɛ sɛbɛ ńʼtu wulutiŋ ki kakan ntiŋ i so awɔ wulu ki ji-i kitikwurutɔnŋ kiri wu.
17Niŋ ɲaan ki tɛ, niŋ koŋ kiri i na míŋ fan fɔ kwumaŋ. Yibɛɛ so-i kwumaŋ shuu, míŋ bɛni ji ǹʼnu kili kì. Niŋ sisarifuluntɔnŋ ki, míŋ ta-i kiti kwuru fu ki ru, ŋí i kiti kwururama ki tɔnpa waarinŋ wɔ̀ ru, míŋ tu kí na ntiŋ wu ńʼɲaanfɛ. 18Nka míŋ wuru ǹʼbi-a tu niŋ shuru ki a ji bijɛ finŋ woo finŋ ma, míŋ na-i ǹʼja tu kí ntiŋ kari-ra niŋ tɔri tenŋ bira kì. 19Kí wuru arìmaŋ na arì yɛri kiri wɔ ladaŋ ni bira, niŋ fa tu Yesu tɔ bɛɛ beeni, nka tu Pooli i ǹʼbi-ri tu niŋ ɲaninkulutɔnŋ i. 20Míŋ niŋ bi ki bishi ɲaanpoka ɲaantɔ-ri kì, niŋ ki ra, míŋ i Pooli lanɔri tu ntiŋ ji-a a tu ntiŋ i ta Yerusalɛmu, ntiŋ wɔ wulu ki i ta ɲaanpo niŋ mani nu. 21Nka Pooli tu afinŋ a tu nkasu ki ru kwumaŋ, tu afinŋ i ǹʼtɛ tu Ɔrɔmu masa sinaŋ ki yɛrima ki i awɔ wulu ki ɲaanpo. Míŋ ǹʼbi-i tu kí ntiŋ mari nmaŋ fɔ míŋ a ntiŋ bo ta yibɔɔ Masasinaŋ ki tɛ jibi wɔ̀. »
22Niŋ na, Agiripa tu Fɛsitusi tɛ tu : « Míŋ yɛri ki i ǹʼtɛ ŋí i niŋ shuru ki wɔ wulu kiri rama. » Fɛsitusi tu : « Siri, ábɛɛ ra yìrì rama. »
23Niŋ ɲaan ki tɛ, niŋ sisarifuluntɔnŋ ki, Agiripa i awɔ masajuulinŋ kiri bo a sun, ntiŋ fa Berenisi i na. Konaŋ ki i kí masa ŋununafu tan. Kí fa surudashi kiri ŋununtiŋ sinaŋ kiri fa kili ki ru koŋ sinaŋ kiri i na de arìmaŋ fan kiti kwuru fu ki ru. Fɛsitusi i cinŋ bo, tu kí na Pooli wu. 24Kí na-i Pooli wu waarinŋ wɔ̀ ru, Fɛsitusi tu : « Masa Agiripa, niŋ fa ábɛɛ finŋ woo finŋ i kwumaŋ, ábɛɛ ɲaniŋ i shuru wɔ̀ sun, Yawutu konanbi ki i ntiŋ cɛfan míŋ gbɛ kabi Yerusalɛmu fɔ kwumaŋ, kí bataa i fali-la tu ntiŋ ɲaninkulutɔnŋ fa tu kì. 25Nka míŋ kɔniŋ i pɔlimaŋ tɔri tenŋ ja ntiŋ na tu nwɔ̀ a ntiŋ kilɛn ŋuŋ po kì. Ntiŋ yɛri ki ǹʼceeli-i tu awɔ kiti ki ta yibɔɔ masa sinaŋ ki ɲaanfɛ, niŋ na, míŋ tu míŋ a na ntiŋ bo ta ntiŋ tɛ.
26Míŋ wulu fɔɔmaan tenŋ kila ŋí a nwɔ̀ sɛbɛ wɔri ta yibɔɔ masa sinaŋ ki tɛ ntiŋ bi ki sun kì. Niŋ ki ra, míŋ na-i ntiŋ wu ábɛɛ ɲaanfɛ, nwɔma masa Agiripa, ábɛɛ yɛrima kiri i ntiŋ nanɔri shɛɛli, niŋ ki ru, míŋ i so wulu kila-i, nwɔ̀ a sɛbɛ wɔri ta yibɔɔ masa sinaŋ ki tɛ. 27Míŋ gbɛ, ŋi i nkasudaŋ bo ta yibɔɔ masa sinaŋ ki tɛ kiti ŋuŋ fɔɔmaan sɛbɛmaan kila nwɔ̀ bi sun kì, niŋ shɔ kì. »
Currently Selected:
Mabikiri 25: JOB
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.
Mabikiri 25
25
Pooli wɔ kiti ki a ta Ɔrɔmu masa sinaŋ ki tɛ ɲaan wɔ̀ tɛ
1Fɛsitusi sɔɔ ki kɛniŋ ki ŋununu, niŋ sunŋ byantɔnŋ ki, ntiŋ i po Sensare, ntiŋ i tunpa ta Yerusalɛmu. 2Niŋ mani nu, Kirinŋ tɛ sarakawɔrɔtɔnŋ kiri bɛɛ ri fa Yawutu kiri wɔ koŋ sinaŋ kiri bɛɛ ri i ta arì fa Pooli faninmwuŋ wulu ki ɲaanbi ntiŋ tɛ. 3Kí i Fɛsitusi rafɛ tu ntiŋ Pooli pwulu bo na Yerusalɛmu. Niŋ i faa kí lude-i, nwɔma arì i Pooli kilɛn saa faninmwuŋ.
4Nka, Fɛsitusi tu kí tɛ, tu Pooli a tu nkasu ki ru Sensare nmaŋ. Ntiŋ tu pyaanniŋ, afinŋ yɛrima ki ra a pwulu nmaŋ. 5Ntiŋ tu kí tɛ sɛbɛ tu : « Á á jɛntɔnŋ kiri bɛɛ ri bo ta míŋ fan. Pooli bijɛ wɔ̀ ma-i ábɛɛ wu, kí i ta niŋ ɲaanbi míŋ yɛri ki ɲaanfɛ. »
6Kɛnintiŋ Fɛsitusi fwuu sunŋ fulupɔni walima sunŋ byinŋ sun Yerusalɛmu nmaŋ kì. Niŋ kɔɔtɛ, ntiŋ i a pwulu ta Sensare. Ntiŋ pwulu ki sisarifuluntɔnŋ ki, ntiŋ i ta sɔɔ kiti kwuru fu ki ru, ntiŋ tu kí na Pooli wu. 7Kí na-i Pooli wu waarinŋ wɔ̀ ru, Yawutu wɔ̀ri po wuru Yerusalɛmu, nini i tu, kí i ntiŋ nakwunu, kí i puru sinaŋ sinaŋ mwɔɔnna ye ntiŋ wu, nka kí so ǹʼtɔri tenŋ sɛli maŋ ji-i kì.
8Niŋ ɲaan ki tɛ, Pooli i wulubi a yɛri ŋununu, ntiŋ tu : « Míŋ bijɛ tɔri tenŋ ma Yawutu kiri wɔ sariya ki ciiru walima Kirinfusinaŋ ki wu kì, ńʼfani wulu jɛ tenŋ bi Ɔrɔmu masa sinaŋ ki sun kì. »
9Miŋ tu Fɛsitusi yɛrima ki wuru ǹʼtɛ a i a yɛri bidi Yawutu kiri tɛ, niŋ na, ntiŋ i ǹʼbi tu : « Miŋ a nʼtu ŋi i ta Yerusalɛmu, nwɔma nʼwɔ kiti ki i ta kwuru míŋ ɲaanfɛ niŋ mani nu wa? »
10Pooli i ntiŋ wɔ wulu ki rupwulu tu : « Míŋ i juu Ɔrɔmu masa sinaŋ ki wɔ kitikwurumaŋ ki bɛɛ ru kɔ. Mɔ́ɔ́n kiti ki kakan-i ŋì i kwuru kwumaŋ. Míŋ bi tɔri ma Yawutu kiri wu kì, miŋ tu ábɛɛ yɛrima kiri niŋ ǹʼtɔ-i, á i ǹʼfɔɔ ɲaan wɔ̀ tɛ. 11A míŋ sɔŋ ji wuru-i, ŋí i ji bi jɛ ma-ni nwɔ̀ fa kilɛn kakan-i, míŋ wuru-ra ńʼkaan kilɛn ki sun kì. Nka miŋ tu kí i finŋ woo finŋ bi-a míŋ sun, sɛli niŋ dantenŋ nu kì, koŋ tɔri tenŋ a so míŋ wɔri-i kí tɛ kì. Míŋ i ǹʼtɛ ńʼwɔ kiti ki i ta kwuru Ɔrɔmu masa sinaŋ ki, Sensaari ɲaanfɛ. »
12Pooli niŋ bi-i waarinŋ wɔ̀ ru, Fɛsitusi i wulubi a tɔntɛ sɔɔtɔnŋ kiri tɛ, ntiŋ i Pooli wɔ wulu ki rupwulu tu : « Miŋ tu nʼwɔ kiti ki ta kwuru Ɔrɔmu masa sinaŋ ki ɲaanfɛ. Miŋ a ta ntiŋ ɲaanfɛ. »
Pooli wɔ wulu ki masa Agiripa ɲaanfɛ
13Jibi dama kɔɔtɛ, masa Agiripa fa Berenisi i na coolinŋ bo Fɛsitusi tɛ Sensare. 14Kí na-i sunŋ mwɔɔnna ma Sensare waarinŋ wɔ̀ ru, Fɛsitusi i Pooli bi ki ji masa ki wu, ntiŋ tu : « Felikisi tiri-i ntiŋ i shuru bɛɛ tu nkasu ki ru kwumaŋ. 15Míŋ ta-i Yerusalɛmu waarinŋ wɔ̀ ru, Kirinŋ tɛ sarakawɔrɔtɔnŋ kiri ŋununtiŋ kiri fa Yawutu kiri wɔ cɛɛnni kiri i ta ntiŋ wulu bi míŋ tɛ, tu míŋ kiti ki fɛɛn ntiŋ sun. 16Míŋ i ǹʼbi kí tɛ ńʼtu Ɔrɔmutɔnŋ kiri dali kí i kiti fɛɛn koŋ sun wulutiŋ fuuli ki sɔɔbali kitikwurutɔnŋ kiri ɲaanfɛ kì. Ŋí i ǹʼbi kí tɛ sɛbɛ ńʼtu wulutiŋ ki kakan ntiŋ i so awɔ wulu ki ji-i kitikwurutɔnŋ kiri wu.
17Niŋ ɲaan ki tɛ, niŋ koŋ kiri i na míŋ fan fɔ kwumaŋ. Yibɛɛ so-i kwumaŋ shuu, míŋ bɛni ji ǹʼnu kili kì. Niŋ sisarifuluntɔnŋ ki, míŋ ta-i kiti kwuru fu ki ru, ŋí i kiti kwururama ki tɔnpa waarinŋ wɔ̀ ru, míŋ tu kí na ntiŋ wu ńʼɲaanfɛ. 18Nka míŋ wuru ǹʼbi-a tu niŋ shuru ki a ji bijɛ finŋ woo finŋ ma, míŋ na-i ǹʼja tu kí ntiŋ kari-ra niŋ tɔri tenŋ bira kì. 19Kí wuru arìmaŋ na arì yɛri kiri wɔ ladaŋ ni bira, niŋ fa tu Yesu tɔ bɛɛ beeni, nka tu Pooli i ǹʼbi-ri tu niŋ ɲaninkulutɔnŋ i. 20Míŋ niŋ bi ki bishi ɲaanpoka ɲaantɔ-ri kì, niŋ ki ra, míŋ i Pooli lanɔri tu ntiŋ ji-a a tu ntiŋ i ta Yerusalɛmu, ntiŋ wɔ wulu ki i ta ɲaanpo niŋ mani nu. 21Nka Pooli tu afinŋ a tu nkasu ki ru kwumaŋ, tu afinŋ i ǹʼtɛ tu Ɔrɔmu masa sinaŋ ki yɛrima ki i awɔ wulu ki ɲaanpo. Míŋ ǹʼbi-i tu kí ntiŋ mari nmaŋ fɔ míŋ a ntiŋ bo ta yibɔɔ Masasinaŋ ki tɛ jibi wɔ̀. »
22Niŋ na, Agiripa tu Fɛsitusi tɛ tu : « Míŋ yɛri ki i ǹʼtɛ ŋí i niŋ shuru ki wɔ wulu kiri rama. » Fɛsitusi tu : « Siri, ábɛɛ ra yìrì rama. »
23Niŋ ɲaan ki tɛ, niŋ sisarifuluntɔnŋ ki, Agiripa i awɔ masajuulinŋ kiri bo a sun, ntiŋ fa Berenisi i na. Konaŋ ki i kí masa ŋununafu tan. Kí fa surudashi kiri ŋununtiŋ sinaŋ kiri fa kili ki ru koŋ sinaŋ kiri i na de arìmaŋ fan kiti kwuru fu ki ru. Fɛsitusi i cinŋ bo, tu kí na Pooli wu. 24Kí na-i Pooli wu waarinŋ wɔ̀ ru, Fɛsitusi tu : « Masa Agiripa, niŋ fa ábɛɛ finŋ woo finŋ i kwumaŋ, ábɛɛ ɲaniŋ i shuru wɔ̀ sun, Yawutu konanbi ki i ntiŋ cɛfan míŋ gbɛ kabi Yerusalɛmu fɔ kwumaŋ, kí bataa i fali-la tu ntiŋ ɲaninkulutɔnŋ fa tu kì. 25Nka míŋ kɔniŋ i pɔlimaŋ tɔri tenŋ ja ntiŋ na tu nwɔ̀ a ntiŋ kilɛn ŋuŋ po kì. Ntiŋ yɛri ki ǹʼceeli-i tu awɔ kiti ki ta yibɔɔ masa sinaŋ ki ɲaanfɛ, niŋ na, míŋ tu míŋ a na ntiŋ bo ta ntiŋ tɛ.
26Míŋ wulu fɔɔmaan tenŋ kila ŋí a nwɔ̀ sɛbɛ wɔri ta yibɔɔ masa sinaŋ ki tɛ ntiŋ bi ki sun kì. Niŋ ki ra, míŋ na-i ntiŋ wu ábɛɛ ɲaanfɛ, nwɔma masa Agiripa, ábɛɛ yɛrima kiri i ntiŋ nanɔri shɛɛli, niŋ ki ru, míŋ i so wulu kila-i, nwɔ̀ a sɛbɛ wɔri ta yibɔɔ masa sinaŋ ki tɛ. 27Míŋ gbɛ, ŋi i nkasudaŋ bo ta yibɔɔ masa sinaŋ ki tɛ kiti ŋuŋ fɔɔmaan sɛbɛmaan kila nwɔ̀ bi sun kì, niŋ shɔ kì. »
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.