Marcos 3
3
Nai Jesus kura ema ida iha loron Sabadu
(Mateus 12:9-14; Lucas 6:6-11)
1Iha loron Sabadu ida, Jesus fila fali ba iha uma kreda. Iha uma kreda laran, Nia haree ema ida, nia liman sorin mate tiha. 2Iha mos ema balu buka hela dalan atu foo sala ba Jesus. Sira sempre haree tutuir Nia, hodi buka hatene se Nia atu kura ema iha loron Sabadu, ka lae.
3Nunee Jesus bolu ema nebee liman sorin mate nee, dehan, “O mai hamriik iha nee.”
4Nia husu ba ema sira hotu, dehan, “Tuir ita nia lei relijiaun nian, ita bele halo saida iha loron Sabadu? Ita bele halo buat diak, ka buat aat? Ita bele ajuda ema, ka oho ema?” Maibee sira hotu nonook deit.
5I Jesus nia laran susar teb-tebes, tanba sira interese liu ba sira nia lei deit, i la hanoin ema nebee liman sorin mate nee. Depois Nia fihir sira hotu ho hirus. I Nia hatete ba ema nee, dehan, “Lolo o nia liman mai!” Ema nee foo nia liman baa, i derepenti deit nia liman nee mos diak kedas.
6Liu tiha nee, ema Farizeu sira sai hosi uma kreda laran. Depois sira baa kombina ho ema hosi partidu Erodes sira, atu buka dalan hodi oho Jesus.
Nai Jesus kura ema barak iha tasi ibun
7-8Iha loron ida, Jesus ho Nia eskolanti sira baa fali iha tasi ibun Galileia. Ema barak rona ona buat nebee mak Nia halo. Tanba nee, sira hotu mai hosi aldeia-aldeia hodi tuir Nia. Sira mai hosi provinsia Galileia, Judeia, ho Idumeia. Balu mai hosi sidade Jerusalem, Sidon, ho Tiru. I mos hosi mota Jordaun nia sorin. 9Tanba ema barak tebes, Jesus haruka Nia eskolanti sira baa buka bero ida, atu Nia bele sae iha bero hodi hanorin, para ema la bele sena malu ho Nia.
10Tanba uluk Nia kura ema barak nia moras, nee mak agora ema moras hotu hadau malu atu kona Nia.#Marcos 4:1; Lucas 5:1-3 11Iha fatin nee mos, iha ema sira nebee espiritu aat tama iha sira nia laran. Momentu sira haree Jesus, sira monu iha Nia oin. I sira hakilar, dehan, “O Nai Maromak nia Oan duni!”
12Maibee Nia bandu makaas sira, dehan, “Imi keta foo hatene ba ema kona ba see mak Hau.”
Nai Jesus hili Nia eskolanti nain sanulu resin rua
(Mateus 10:1-4; Lucas 6:12-16)
13Depois Jesus sae ba iha foho leten ida. Nia bolu ema nebee monu ba Nia laran. I sira mai ba Nia. 14Nunee Nia hili ema nain sanulu resin rua. I Nia dehan ba sira, “Hau hili ona imi atu imi tuir Hau. Hau sei haruka imi baa foo sai Nai Maromak nia Novidade Diak ba ema hotu. 15I Hau sei foo kbiit ba imi, para imi bele duni sai espiritu aat hosi ema nia laran.”
16-19Ema nain sanulu resin rua nee, sira nia naran mak nee:
Simão (nebee Jesus foo tan naran Pedro),
Tiago,
João (Tiago nia alin. Sira nain rua, Zebedeu nia oan. Jesus tau sira nia naran ‘Boanerjes’, nee katak ‘hanesan rai tarutu’.)#3:16-19a: Lian Gregu dehan, ‘rai tarutu nia oan’, nee katak, ‘maneira hanesan rai tarutu’. Matenek nain Biblia nian balu, hanoin dehan, Tiago ho João sira nia lian makaas hanesan rai tarutu, ou sira gosta koalia ho hirus hanesan rai tarutu.
André,
Filipe,
Bartolomeu,
Mateus,
Tomé,
Tiago (Alfeu nia oan),
Tadeu,
Simão (nia tuir partidu Zelote),#3:16-19b: Partidu Zelote nee buka dalan para ema Judeu sira sai hosi estadu Roma hodi ukun aan. Partidu nee mos naran ‘Patriota’.
ho Judas Iscariotes (nia mak traidor, i faan Jesus).
Mestri relijiaun sira foo sala ba Nai Jesus, dehan, diabu mak foo forsa ba Nia hodi duni sai espiritu aat
(Mateus 12:22-32; Lucas 11:14-23; 12:10)
20Nee liu tiha, Jesus ho Nia eskolanti sira tuun fila fali hosi foho mai, i sira tama ba uma laran. Ema barak mak mai hobur Nia, too Jesus mos la iha tempu atu haan. 21Haree nunee, ema dehan, “Haree took Jesus! Nia hanesan ema la normal tiha ona.” Nia familia sira rona ema konta nunee. Nee duni, sira mai atu lori tiha Nia.
22Iha tempu nee, mestri relijiaun balu mai hosi sidade Jerusalém. Sira dehan ba ema sira iha nebaa nunee, “Rona mai! Imi la bele tuir Jesus nee. Tanba diabu, nebee ema bolu Belzebu, tama ona iha Nia laran. Belzebu nee mak foo forsa ba Jesus para duni sai espiritu aat sira.”#Mateus 9:34; 10:25
23Jesus rona nunee, Nia bolu sira hotu mai, dehan, “Nee la tama iha kakutak! Oinsaa diabu bele duni fali nia aan rasik? La bele! 24Se iha reinu ida, ninia povu sira funu malu, reinu nee la bele dura. 25I se iha familia ida haan malu, familia nee la iha futuru. 26Nunee mos diabu, bainhira nia kontra nia aan rasik, nia rahun.
27Bainhira ema atu mai naok sasaan iha ema forti ida nia uma, ema nee tenki kesi metin tiha ema forti nee lai. Depois foin bele foti nia sasaan.#3:27:Nunee Jesus hatete dehan, Nia mak forsa liu diabu, ida nebee sira bolu ‘Belzebu’.
28Tanba nee, Hau dehan kedas ba imi: Nai Maromak sempre prontu atu hamoos ema nia sala. Se ema koalia aat ema seluk, Nai Maromak bele hamoos nia sala. 29Maibee bainhira ema koalia aat Espiritu Santu, Nai Maromak la hamoos tan nia sala nee ona, too tinan ba tinan.”#Lucas 12:10
30Jesus hatete nunee, tanba ema balu dehan, “Ema nee, espiritu aat tama ona iha Nia laran.”
Ema nebee halo tuir Maromak nia harakak, sira mak Jesus nia familia loloos
(Mateus 12:46-50; Lucas 8:19-21)
31Nee liu tiha, Jesus nia inan ho alin sira mai iha uma nee, atu hasoru Nia. Too iha uma, sira hamriik deit iha liur, i haruka bolu Jesus atu sai mai. 32Momentu nee, Jesus tuur koalia hela ho ema barak. Iha ema balu foo hatene ba Jesus, dehan, “Nai, Ita nia inan ho alin sira hein hela iha liur. Sira hakarak atu hasoru Ita Boot.”
33Maibee Jesus husu fali, “See mak Hau nia inan no alin sira loloos?”
34Depois Jesus haree ba ema lubuk boot tuur haleu Nia. I Nia hatete nunee, “Imi sira nee hotu mak Hau nia inan no maun-alin loloos. 35Tanba see mak halo tuir Nai Maromak nia hakarak, sira mak Hau nia inan, Hau nia maun-alin no Hau nia feton loloos.”
Currently Selected:
Marcos 3: BTDT
Highlight
Copy
Compare
Share
Want to have your highlights saved across all your devices? Sign up or sign in
Wycliffe Timor-Leste. © 2002-2025 Wycliffe Bible Translators Inc
Marcos 3
3
Nai Jesus kura ema ida iha loron Sabadu
(Mateus 12:9-14; Lucas 6:6-11)
1Iha loron Sabadu ida, Jesus fila fali ba iha uma kreda. Iha uma kreda laran, Nia haree ema ida, nia liman sorin mate tiha. 2Iha mos ema balu buka hela dalan atu foo sala ba Jesus. Sira sempre haree tutuir Nia, hodi buka hatene se Nia atu kura ema iha loron Sabadu, ka lae.
3Nunee Jesus bolu ema nebee liman sorin mate nee, dehan, “O mai hamriik iha nee.”
4Nia husu ba ema sira hotu, dehan, “Tuir ita nia lei relijiaun nian, ita bele halo saida iha loron Sabadu? Ita bele halo buat diak, ka buat aat? Ita bele ajuda ema, ka oho ema?” Maibee sira hotu nonook deit.
5I Jesus nia laran susar teb-tebes, tanba sira interese liu ba sira nia lei deit, i la hanoin ema nebee liman sorin mate nee. Depois Nia fihir sira hotu ho hirus. I Nia hatete ba ema nee, dehan, “Lolo o nia liman mai!” Ema nee foo nia liman baa, i derepenti deit nia liman nee mos diak kedas.
6Liu tiha nee, ema Farizeu sira sai hosi uma kreda laran. Depois sira baa kombina ho ema hosi partidu Erodes sira, atu buka dalan hodi oho Jesus.
Nai Jesus kura ema barak iha tasi ibun
7-8Iha loron ida, Jesus ho Nia eskolanti sira baa fali iha tasi ibun Galileia. Ema barak rona ona buat nebee mak Nia halo. Tanba nee, sira hotu mai hosi aldeia-aldeia hodi tuir Nia. Sira mai hosi provinsia Galileia, Judeia, ho Idumeia. Balu mai hosi sidade Jerusalem, Sidon, ho Tiru. I mos hosi mota Jordaun nia sorin. 9Tanba ema barak tebes, Jesus haruka Nia eskolanti sira baa buka bero ida, atu Nia bele sae iha bero hodi hanorin, para ema la bele sena malu ho Nia.
10Tanba uluk Nia kura ema barak nia moras, nee mak agora ema moras hotu hadau malu atu kona Nia.#Marcos 4:1; Lucas 5:1-3 11Iha fatin nee mos, iha ema sira nebee espiritu aat tama iha sira nia laran. Momentu sira haree Jesus, sira monu iha Nia oin. I sira hakilar, dehan, “O Nai Maromak nia Oan duni!”
12Maibee Nia bandu makaas sira, dehan, “Imi keta foo hatene ba ema kona ba see mak Hau.”
Nai Jesus hili Nia eskolanti nain sanulu resin rua
(Mateus 10:1-4; Lucas 6:12-16)
13Depois Jesus sae ba iha foho leten ida. Nia bolu ema nebee monu ba Nia laran. I sira mai ba Nia. 14Nunee Nia hili ema nain sanulu resin rua. I Nia dehan ba sira, “Hau hili ona imi atu imi tuir Hau. Hau sei haruka imi baa foo sai Nai Maromak nia Novidade Diak ba ema hotu. 15I Hau sei foo kbiit ba imi, para imi bele duni sai espiritu aat hosi ema nia laran.”
16-19Ema nain sanulu resin rua nee, sira nia naran mak nee:
Simão (nebee Jesus foo tan naran Pedro),
Tiago,
João (Tiago nia alin. Sira nain rua, Zebedeu nia oan. Jesus tau sira nia naran ‘Boanerjes’, nee katak ‘hanesan rai tarutu’.)#3:16-19a: Lian Gregu dehan, ‘rai tarutu nia oan’, nee katak, ‘maneira hanesan rai tarutu’. Matenek nain Biblia nian balu, hanoin dehan, Tiago ho João sira nia lian makaas hanesan rai tarutu, ou sira gosta koalia ho hirus hanesan rai tarutu.
André,
Filipe,
Bartolomeu,
Mateus,
Tomé,
Tiago (Alfeu nia oan),
Tadeu,
Simão (nia tuir partidu Zelote),#3:16-19b: Partidu Zelote nee buka dalan para ema Judeu sira sai hosi estadu Roma hodi ukun aan. Partidu nee mos naran ‘Patriota’.
ho Judas Iscariotes (nia mak traidor, i faan Jesus).
Mestri relijiaun sira foo sala ba Nai Jesus, dehan, diabu mak foo forsa ba Nia hodi duni sai espiritu aat
(Mateus 12:22-32; Lucas 11:14-23; 12:10)
20Nee liu tiha, Jesus ho Nia eskolanti sira tuun fila fali hosi foho mai, i sira tama ba uma laran. Ema barak mak mai hobur Nia, too Jesus mos la iha tempu atu haan. 21Haree nunee, ema dehan, “Haree took Jesus! Nia hanesan ema la normal tiha ona.” Nia familia sira rona ema konta nunee. Nee duni, sira mai atu lori tiha Nia.
22Iha tempu nee, mestri relijiaun balu mai hosi sidade Jerusalém. Sira dehan ba ema sira iha nebaa nunee, “Rona mai! Imi la bele tuir Jesus nee. Tanba diabu, nebee ema bolu Belzebu, tama ona iha Nia laran. Belzebu nee mak foo forsa ba Jesus para duni sai espiritu aat sira.”#Mateus 9:34; 10:25
23Jesus rona nunee, Nia bolu sira hotu mai, dehan, “Nee la tama iha kakutak! Oinsaa diabu bele duni fali nia aan rasik? La bele! 24Se iha reinu ida, ninia povu sira funu malu, reinu nee la bele dura. 25I se iha familia ida haan malu, familia nee la iha futuru. 26Nunee mos diabu, bainhira nia kontra nia aan rasik, nia rahun.
27Bainhira ema atu mai naok sasaan iha ema forti ida nia uma, ema nee tenki kesi metin tiha ema forti nee lai. Depois foin bele foti nia sasaan.#3:27:Nunee Jesus hatete dehan, Nia mak forsa liu diabu, ida nebee sira bolu ‘Belzebu’.
28Tanba nee, Hau dehan kedas ba imi: Nai Maromak sempre prontu atu hamoos ema nia sala. Se ema koalia aat ema seluk, Nai Maromak bele hamoos nia sala. 29Maibee bainhira ema koalia aat Espiritu Santu, Nai Maromak la hamoos tan nia sala nee ona, too tinan ba tinan.”#Lucas 12:10
30Jesus hatete nunee, tanba ema balu dehan, “Ema nee, espiritu aat tama ona iha Nia laran.”
Ema nebee halo tuir Maromak nia harakak, sira mak Jesus nia familia loloos
(Mateus 12:46-50; Lucas 8:19-21)
31Nee liu tiha, Jesus nia inan ho alin sira mai iha uma nee, atu hasoru Nia. Too iha uma, sira hamriik deit iha liur, i haruka bolu Jesus atu sai mai. 32Momentu nee, Jesus tuur koalia hela ho ema barak. Iha ema balu foo hatene ba Jesus, dehan, “Nai, Ita nia inan ho alin sira hein hela iha liur. Sira hakarak atu hasoru Ita Boot.”
33Maibee Jesus husu fali, “See mak Hau nia inan no alin sira loloos?”
34Depois Jesus haree ba ema lubuk boot tuur haleu Nia. I Nia hatete nunee, “Imi sira nee hotu mak Hau nia inan no maun-alin loloos. 35Tanba see mak halo tuir Nai Maromak nia hakarak, sira mak Hau nia inan, Hau nia maun-alin no Hau nia feton loloos.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Wycliffe Timor-Leste. © 2002-2025 Wycliffe Bible Translators Inc