Vaefesu 6
6
Vabari no vana
1Vana, purukiranyi vabari venyu ngo zviri kuda kwa Mambo, ngokuti izvi zvakanaka. 2Reremeja Baba wako na mayi wako, uwu uri mupango wokutanga uno chigondiso, 3kuti zvinake kwouri, zve, kuti upone mukuvo wakareba mu nyika. 4Imwimwi majibaba, musatsenekesa vana venyu; asi muvarere mukupangira no mukupanga kwa Mambo.
Varanda no majimambo
5Varanda, purukiranyi avo vari majimambo enyu ngo kwenyama, ngokutya na ngo kuhuta ngo mwoyo wakarurama, kudari inga munoitira Kristu, 6musikashandi ngo kuvoneka ngo majiso, kudari ngo vanodakajisa vandhu; asi kudari ngo varanda va Kristu, mwechiita kuda kwa Mwari kwo mumwoyo, 7mwechishanda ngokuda kudari inga munoitira Mambo, kusiri ku vandhu. 8Mwechiziva kuti pikija ichinyi chakanaka chaanoyita mundhu, unozochiashirazve kuna Mambo, pikija ari muranda nokuti wakasununguka. 9Nemwivo majimambo, itanyi zvakadaro kwavari, murege kuvatyisijira; mwechiziva kuti Mambo wavo no wenyuzve uri mu gore, kwaari akuna mutsananguro ku vandhu.
Kurwa no zvakashata
10Pakugumisira, itanyi vakagwinya kuna Mambo, no kugwinya kwo simba rake. 11Simiranyi ndhumbi jese jo kurwa ndijo ja Mwari kuti mukone kuyima kurwa no mazano aDhiabhorosi. 12Ngokuti atirwi no nyama no ngazi, asi tinojipana no umambo, no vano simba, naavo vanotonga nyika yo chidima chino, no mweya yakashata yo mundau jo mu gore. 13Ndizvo toranyi ndhumbi jese jokurwa ja Mwari, kuti mukone kurwisa ngo zuva rakashata no kugara mwakayima apo mwapeja zvese. 14Ndizvo imanyi, mwakasimira gwinyiso muzviunu zvenyu, mwadira chihlangu cho paditi, chiri kururama, 15mwakasimira mutshoka jenyu kunasirihwa kwo vhangeri ro kunyarara; 16panyezuru po izvi zvese toranyi chihlangu cho kugonda, cho munozokona kujima ndicho miseve yese yo muriro yo uwo wakashata. 17Toranyizve chigqoko cho ruponeso, no shoti yo Mweya riri izwi ra Mwari. 18Ngo kukumbira kwese no kupota, mwechikumbira ngo nguva jese mu mweya, mwechingwarira kuyita kudaro ngo kuvangirira kwese no kukumbirira vakacheneswa vese, 19no kukumbira ngo ndava yangu kuti ndipuwe ukuru hwo kuvereketa ngo kushinga, kuti ndizivise chakafishika cho vhangeri, 20iro ngo ndava yaro ndiri samukuru wo kusungwa; kuti ndiverekete ngo kushinga ndiro, kudari ngo zvinosisira kuti ndiverekete.
Mazwi okupejisira
21Asi kuti muzive magariro angu, no zvendinoita, Tukiko munukuna unodikana mutungamiriri unogondeka kuna Mambo, unozomuzivisa zvese, 22ndakamutumira kwomuri ndava iyi, kuti muzive kugara kwedu, zve, kuti iye aembezere mwoyo yenyu. 23Kunyarara ngakuve no hamadoni no rudo pamwepo no kugonda, zvinobva kuna Mwari Baba na Mambo Jesu Kristu. 24Nyasha ngajive kwavari vese vanomuda Mambo wedu Jesu Kristu ngo kusingaperi.
Currently Selected:
Vaefesu 6: CINDAU NT
Highlight
Share
Copy
Want to have your highlights saved across all your devices? Sign up or sign in
Novo Testamento Cindau © Bible Society of Mozambique, 2023.
Vaefesu 6
6
Vabari no vana
1Vana, purukiranyi vabari venyu ngo zviri kuda kwa Mambo, ngokuti izvi zvakanaka. 2Reremeja Baba wako na mayi wako, uwu uri mupango wokutanga uno chigondiso, 3kuti zvinake kwouri, zve, kuti upone mukuvo wakareba mu nyika. 4Imwimwi majibaba, musatsenekesa vana venyu; asi muvarere mukupangira no mukupanga kwa Mambo.
Varanda no majimambo
5Varanda, purukiranyi avo vari majimambo enyu ngo kwenyama, ngokutya na ngo kuhuta ngo mwoyo wakarurama, kudari inga munoitira Kristu, 6musikashandi ngo kuvoneka ngo majiso, kudari ngo vanodakajisa vandhu; asi kudari ngo varanda va Kristu, mwechiita kuda kwa Mwari kwo mumwoyo, 7mwechishanda ngokuda kudari inga munoitira Mambo, kusiri ku vandhu. 8Mwechiziva kuti pikija ichinyi chakanaka chaanoyita mundhu, unozochiashirazve kuna Mambo, pikija ari muranda nokuti wakasununguka. 9Nemwivo majimambo, itanyi zvakadaro kwavari, murege kuvatyisijira; mwechiziva kuti Mambo wavo no wenyuzve uri mu gore, kwaari akuna mutsananguro ku vandhu.
Kurwa no zvakashata
10Pakugumisira, itanyi vakagwinya kuna Mambo, no kugwinya kwo simba rake. 11Simiranyi ndhumbi jese jo kurwa ndijo ja Mwari kuti mukone kuyima kurwa no mazano aDhiabhorosi. 12Ngokuti atirwi no nyama no ngazi, asi tinojipana no umambo, no vano simba, naavo vanotonga nyika yo chidima chino, no mweya yakashata yo mundau jo mu gore. 13Ndizvo toranyi ndhumbi jese jokurwa ja Mwari, kuti mukone kurwisa ngo zuva rakashata no kugara mwakayima apo mwapeja zvese. 14Ndizvo imanyi, mwakasimira gwinyiso muzviunu zvenyu, mwadira chihlangu cho paditi, chiri kururama, 15mwakasimira mutshoka jenyu kunasirihwa kwo vhangeri ro kunyarara; 16panyezuru po izvi zvese toranyi chihlangu cho kugonda, cho munozokona kujima ndicho miseve yese yo muriro yo uwo wakashata. 17Toranyizve chigqoko cho ruponeso, no shoti yo Mweya riri izwi ra Mwari. 18Ngo kukumbira kwese no kupota, mwechikumbira ngo nguva jese mu mweya, mwechingwarira kuyita kudaro ngo kuvangirira kwese no kukumbirira vakacheneswa vese, 19no kukumbira ngo ndava yangu kuti ndipuwe ukuru hwo kuvereketa ngo kushinga, kuti ndizivise chakafishika cho vhangeri, 20iro ngo ndava yaro ndiri samukuru wo kusungwa; kuti ndiverekete ngo kushinga ndiro, kudari ngo zvinosisira kuti ndiverekete.
Mazwi okupejisira
21Asi kuti muzive magariro angu, no zvendinoita, Tukiko munukuna unodikana mutungamiriri unogondeka kuna Mambo, unozomuzivisa zvese, 22ndakamutumira kwomuri ndava iyi, kuti muzive kugara kwedu, zve, kuti iye aembezere mwoyo yenyu. 23Kunyarara ngakuve no hamadoni no rudo pamwepo no kugonda, zvinobva kuna Mwari Baba na Mambo Jesu Kristu. 24Nyasha ngajive kwavari vese vanomuda Mambo wedu Jesu Kristu ngo kusingaperi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Novo Testamento Cindau © Bible Society of Mozambique, 2023.