Vakorose Manghwiniro
Manghwiniro
Korose rayiva dhoropa ro mu Aziya Doko, zvino inozwi Turikiya, inowanika kudadamira kuyita mazana maviri wo makiromitha (200) kupharamande kwo Efesu. Pauri aazivi kufambireyo, asi Epafrodhitu, umwe wo vadoni vake, uwo wayiva mu Korose, ndiye wakaendeyo naro vhangeri (1:7; 4:12). Epafrodhitu wakaenda koosongana na Pauri, naari muguniya, mu Roma (4:3,10,18) kuti amuzivise kuti vaKorose vayinga voashira vajijisi vokunyepa, avo vaijijisa kuti, vazive Mwari no kuponeswa vaidikana kudira zvimwari, no kuchekwa, no kutevera mutemo yo nyika, no kurega zvokuha, no zvokumwa, no zvimweni.
Pauri wakatara tshamba iyi, kuitira kucherechejisa kuna vaKorose kuti ruponeso wakaziswa ndi Mwari kubudikija ndi Jesu Kristu, ruponeso uwu ndiwo wakakwana kupinda zvijijiso zvese. Zvijijiso zvese zvinoviisa pasi simba ra Kristu ngazvirambwe. Kugara mukugwinya musimba ro kukujwa kwa Kristu, ndiro rinosunungura vese vakasungwa mu mweya.
Tshamba iyi ina urongwa wakadari:
1. Muchungamijo (1:1-2)
2. Mushando wo nyasha (1:3-8)
3. Kukumbirira vaKorose (1:9-14)
4. Uvepo wa Kristu no mazwi wo vhangeri (1:15—2:23)
5. Uvepo wa Kristu ndi kupona kwo mukristu (3:1—4:6)
6. Kupejisira (4:7-18)
Currently Selected:
Vakorose Manghwiniro: CINDAU NT
Highlight
Share
Copy
Want to have your highlights saved across all your devices? Sign up or sign in
Novo Testamento Cindau © Bible Society of Mozambique, 2023.