APOCALIPSIS 8
8
Tej tel tiiꞌn twuukan ẍipbelte bix tej tlonte Juan juntl tsanjel Dios kꞌiꞌn jun tcublel incienso tuꞌn
1Tejtzen tel tiiꞌn Jtal Carnel twuukan ẍipbelte, yutꞌl cykilca tuj cyaꞌj niyꞌjan hora. 2Bix e wila kej wuuk tsanjel Dios tuj cyaꞌj waꞌlke twitz Dios. E xiꞌ kꞌoꞌn wuuk xux cye. 3Bix ul juntl tsanjel Dios tuj cyaꞌj, bix e cub weꞌ twitz altar, kꞌiꞌn jun tcublel incienso tuꞌn. Nim incienso e xiꞌ kꞌoꞌn te, tuꞌntzen toc te tmoj cynaꞌj Dios cykilca ocslal, tuꞌn t-xiꞌ toyet twiꞌ altar te oro tcub twitz tkꞌukbil Dios. 4Bix tuj tkꞌab ángel e jaw tsibel incienso, junx tuyaj cynaꞌj Dios ocslal, bix e pon twitz Dios. 5E jawtzen tiiꞌn ángel tcublel incienso, bix e cuꞌx tnojsaꞌn tuya kꞌakꞌ tcub twiꞌ altar, bix e cuꞌtz t-xooꞌn twitz txꞌotxꞌ. Ntzajtltzen kꞌancyok nrumumun tuyax nim s̈itz̈ꞌ tuyax tken kꞌancyok bix tuyax jun xcyaklajnab.
Kej wuuk xux
6Entonces, kej wuuk tsanjel Dios tuj cyaꞌj kꞌiꞌn wuuk xux cyuꞌn, e bint cyten tuꞌn toc cyxuxen. 7Tej toc t-xuxen tneel ángel, e tzaj skbaken tuyax kꞌakꞌ cysmoꞌn cyiib tuya tz̈iyꞌ. Bix e cuꞌtz t-xooꞌn twitz txꞌotxꞌ, bix e baj tzꞌeyꞌ toxen paꞌ twitz txꞌotxꞌ bix toxen paꞌ tzeeꞌ bix cykilca chaꞌx cꞌul e baj tzꞌeyꞌ.
8Tejtzen toc t-xuxen tcab ángel, e wila jun ma tij kꞌakꞌ, tisencꞌa jun ma tij witz, e cuꞌtz xooꞌn tuj mar. Bix toxen paꞌ mar oc te tz̈iyꞌ. 9Bix e cyim toxen paꞌ jil eteꞌ tuj mar, bix toxen paꞌ barc e baj.
10Tejtzen toc t-xuxen toxen ángel, e tzaj tzꞌak jun ma tij cheꞌw tuj cyaꞌj. Njululun tisen jun tzaj, bix e tzaj tzꞌak cyibaj toxen paꞌ nimaꞌ bix cyibaj twiꞌ aꞌ. 11Jatzen tbi cheꞌw Cꞌa Itzaaj. Toxen paꞌ aꞌ twitz txꞌotxꞌ oc puro cꞌa. Nim xjal e cyim tuꞌn tlaj aꞌ otk tzꞌoc te cꞌa.
12Tejtzen toc t-xuxen tcyaaꞌn ángel, oc qꞌuixbisaꞌn jtoxen paꞌ kꞌij tuyax toxen paꞌ xjaw tuyax toxen paꞌ cheꞌw. Juꞌ tzunj, e cubxsen klolj toxen paꞌ cywitz, tuꞌn miꞌn ten spiꞌyenal cyaja hora te kꞌij, bix juꞌx toxen paꞌ koniyan.
13Bix e wila jun ikel eyꞌ npurpan twitz cyaꞌj tuj lugar mas jawnex. Bix e xiꞌ tkbaꞌn tuya tkꞌajkꞌajel tyol cyiwxix:
—¡Ayxsen, ayxsen, ayxsen cyej xjal najl twitz txꞌotxꞌ! cuma chꞌixcꞌa cyoc xuxet oxet xux cyuꞌn oxetl ángel―tz̈itzen ikel eyꞌ.
Currently Selected:
APOCALIPSIS 8: mamTS
Highlight
Copy
Compare
Share
Want to have your highlights saved across all your devices? Sign up or sign in
© 2000, Wycliffe Bible Translators, Inc. All rights reserved.
