afazuz 2
2
aza 2
ŋigileḏa ŋeṯila ṯimeca ṯi ṯeḏi ŋimɽi ŋeḏi Allah
1na ŋaŋa, ay ŋa gwu ŋiɽaŋal ŋi ŋeḏi ṯəkica ṯay pir ŋikya ŋi ŋalu, nuŋw miiḏi ŋaŋwuzi kwokwony. 2kaka nani ŋa gwu ṯa kerreny, likwakiḏaḏi ŋiɽaŋali lu ŋeḏi ṯurmun kḏu, na eṯi inyici kwelenyi nana kweḏi rigɽim riki ezir nana, kwunderṯa kwir ṯigɽim tiki ṯeṯaki ŋɔḏɽor ŋuŋun ki lizi-na kla lir ludurlaḏu. 3na eṯir nani nyiŋa tɔk kerreny deŋgen-na kaduwa gi keḏi yaŋna yeri, na eṯir inyici zuruma nana kweḏi yaŋna yeri na kweḏi rugwor reri, ŋwu ṯa eṯir dirnaṯi nyiŋa tɔk ki ŋirŋaza-na ŋeḏi Allah kaka lizigwunaŋi liḏaḏu tatap. 4lakin Allah, wir kwurṯu ŋimɽi ŋi, amɽaŋw gwu nyuŋwuzi ṯamɽa ṯi ṯupak, 5ay ri gwu ta kinna, ŋiɽaŋal ŋi ŋaki ri ŋi ṯay pir, nuŋw inḏeḏa nyuŋwuzi ŋimiiḏa Kwruztu gi (a limɔ kilaw ṯimeca ṯi ṯeḏi ŋimɽi), 6nuŋw diɽezi nyuŋwuzi la ŋundu gi tɔk, nuŋw nəni nyuŋwuzi lu ŋundu gi, kezir weḏi yilim eḏi Kwruztu-na kweni Yecu, 7mindaŋ ŋwu ta ruwezi ŋurṯua lu ŋeḏi ṯimeca ṯeḏi ŋimɽi ŋuŋun ki ŋwomur ŋwinḏi eḏila, ŋiɽaŋal ŋi ŋeḏi ṯimeca ṯuŋwun deŋgeri-na eḏi Kwruztu-na. 8kaka ma gwu kilaw ṯimeca ṯi ṯeḏi ŋimɽi, ṯəmna ṯi-na, ŋiti ŋiri ŋeni ŋalu mac, lakin ner orɔ haḏiya weḏi Allah— 9ŋiti ŋiri ŋeḏi ŋɔdɽor ŋerre ŋazi mac, mindaŋ ma kwizi kwere ere eḏi ŋuma mac eḏellini ki rɔgwɽɔ. 10kaka urir gwu nyiŋa ŋɔḏɽor ŋeḏi rii ruŋwun, kitinar gwu eḏi Kwruztu-na kweni Yecu eḏizerri ŋeni ŋizaw, ŋidaɽmaḏizi Allah kerreny mindaŋ mer gwu ta dirnaṯi-na.
lir umam ŋa yahuuḏ yi leni lutuput eḏi Kwruztu-na
11ŋwu taŋwu, tiŋayinarzi ŋeni ŋalu ŋeḏi kerrenyŋw ŋeni ŋwu; ŋaŋa, lir lizi lir umam ŋelŋe ŋi ŋalu—na kla lir ter leṯunduni ŋwuḏrunya rii ri, eṯir ŋazi enjici yiriny yeni lizi liti lunduna mac— 12tiŋayinarzi eḏaruŋw, a liruce Kwruztuŋw-na tuk ki lomur ta kla; a liti leḏi ŋuma mac eḏenḏi ki ŋumaṯ-na ŋeḏi izrayiil; a leni litimḏina ŋiɽaŋal ŋi ŋeḏi tikitaḏiza tatap teḏi Allah, nani ŋa gwu liira təkiza-na tere kizen, na liira Allah tɔk ki ṯurmun-na. 13lakin kirem, eḏi Kwruztu-na kweni Yecu, ŋaŋa leni kerreny liruḏina tuk, a leni limɔ mulḏina ketok, ŋiɽaŋal ŋi ŋeḏi ŋin ŋimɔ zi Kwruztu irezelu. 14kaka urŋw gwu ŋiɽena ŋeri, nuŋw ruzi nyuŋwuzi lir-na nden lutuput, nuŋw iri ṯuweza kitay tir kaka tilaŋgwu ṯeṯinyji uɽeḏa-na, 15aŋna yi wuŋwun weḏi ŋizigwunaŋ; nuŋw aɽazi kuruu ṯay ṯete amr yi wuŋwun, mindaŋ muŋw eḏi ŋuma eḏi zi ruzi lir-na nden lutuput liaŋ duŋgwun-na, eḏi zi ṯa əḏeḏizi ŋimɽya. 16na ŋiɽaŋal ŋeḏi tugwor tuŋwun orɔ ŋwu, eḏəmiḏi nyuŋwuzi-na lir nden Allah yi, aŋna yi wutuput, ŋiɽaŋal ŋi ŋeḏi ŋwuɽi ŋwuɽmɔḏalu, nuŋw ta eɽenye ṯuweza kitay. 17nuŋw ma ila nuŋw zi andaci pɔrpɔr ŋiɽaŋali ŋizaw ŋeḏi ŋiɽena ŋeni ŋalu liruḏina tuk, na ŋiɽena ŋeḏi kla linani ketok; 18kaka ŋundu ŋgi, a kweḏi ri ŋuma eḏi duŋgwaḏa Papaŋw nana nden tɔk, Ṯigɽim ṯi ṯir ṯutuput. 19ṯaŋwu, ŋaŋa liti leni liṯimḏina kwokwony mac kezir witi wir walu mac. lakin a limorɔ leḏi ŋumaṯ ŋeḏi kla leni lirlinelu ter eḏi Kwruztu-na, lir lizi leḏi ogwur wutuput weḏi Allah. 20ŋaŋa liri lowcina ki ṯugwagiza la ṯikita yafur-ŋa liɽi li, na Yecu Kwruztu ŋundu orɔ kal kupa ŋiɽaŋali keṯi miḏeḏa ezir la ŋamaŋ. 21na duŋgwun-na ta, eṯi yiŋna miḏini duŋw teter ŋama-ŋamaŋ, na eṯir kikindeḏi eḏorɔ heykal wirlinelu ter eḏi Kweleny-na. 22na duŋgwun-na ŋaŋa tɔk, ner ŋazi awci lizi li liḏaḏu eḏorɔ duənu kweḏi Allah, eḏi gwu nani-na Ṯigɽim ṯi.
Currently Selected:
afazuz 2: KIB1967
Highlight
Share
Copy
Want to have your highlights saved across all your devices? Sign up or sign in
Nuba, Koalib Ngirere New Testament © First published by the British and Foreign Bible Society in Khartoum in 1967.
afazuz 2
2
aza 2
ŋigileḏa ŋeṯila ṯimeca ṯi ṯeḏi ŋimɽi ŋeḏi Allah
1na ŋaŋa, ay ŋa gwu ŋiɽaŋal ŋi ŋeḏi ṯəkica ṯay pir ŋikya ŋi ŋalu, nuŋw miiḏi ŋaŋwuzi kwokwony. 2kaka nani ŋa gwu ṯa kerreny, likwakiḏaḏi ŋiɽaŋali lu ŋeḏi ṯurmun kḏu, na eṯi inyici kwelenyi nana kweḏi rigɽim riki ezir nana, kwunderṯa kwir ṯigɽim tiki ṯeṯaki ŋɔḏɽor ŋuŋun ki lizi-na kla lir ludurlaḏu. 3na eṯir nani nyiŋa tɔk kerreny deŋgen-na kaduwa gi keḏi yaŋna yeri, na eṯir inyici zuruma nana kweḏi yaŋna yeri na kweḏi rugwor reri, ŋwu ṯa eṯir dirnaṯi nyiŋa tɔk ki ŋirŋaza-na ŋeḏi Allah kaka lizigwunaŋi liḏaḏu tatap. 4lakin Allah, wir kwurṯu ŋimɽi ŋi, amɽaŋw gwu nyuŋwuzi ṯamɽa ṯi ṯupak, 5ay ri gwu ta kinna, ŋiɽaŋal ŋi ŋaki ri ŋi ṯay pir, nuŋw inḏeḏa nyuŋwuzi ŋimiiḏa Kwruztu gi (a limɔ kilaw ṯimeca ṯi ṯeḏi ŋimɽi), 6nuŋw diɽezi nyuŋwuzi la ŋundu gi tɔk, nuŋw nəni nyuŋwuzi lu ŋundu gi, kezir weḏi yilim eḏi Kwruztu-na kweni Yecu, 7mindaŋ ŋwu ta ruwezi ŋurṯua lu ŋeḏi ṯimeca ṯeḏi ŋimɽi ŋuŋun ki ŋwomur ŋwinḏi eḏila, ŋiɽaŋal ŋi ŋeḏi ṯimeca ṯuŋwun deŋgeri-na eḏi Kwruztu-na. 8kaka ma gwu kilaw ṯimeca ṯi ṯeḏi ŋimɽi, ṯəmna ṯi-na, ŋiti ŋiri ŋeni ŋalu mac, lakin ner orɔ haḏiya weḏi Allah— 9ŋiti ŋiri ŋeḏi ŋɔdɽor ŋerre ŋazi mac, mindaŋ ma kwizi kwere ere eḏi ŋuma mac eḏellini ki rɔgwɽɔ. 10kaka urir gwu nyiŋa ŋɔḏɽor ŋeḏi rii ruŋwun, kitinar gwu eḏi Kwruztu-na kweni Yecu eḏizerri ŋeni ŋizaw, ŋidaɽmaḏizi Allah kerreny mindaŋ mer gwu ta dirnaṯi-na.
lir umam ŋa yahuuḏ yi leni lutuput eḏi Kwruztu-na
11ŋwu taŋwu, tiŋayinarzi ŋeni ŋalu ŋeḏi kerrenyŋw ŋeni ŋwu; ŋaŋa, lir lizi lir umam ŋelŋe ŋi ŋalu—na kla lir ter leṯunduni ŋwuḏrunya rii ri, eṯir ŋazi enjici yiriny yeni lizi liti lunduna mac— 12tiŋayinarzi eḏaruŋw, a liruce Kwruztuŋw-na tuk ki lomur ta kla; a liti leḏi ŋuma mac eḏenḏi ki ŋumaṯ-na ŋeḏi izrayiil; a leni litimḏina ŋiɽaŋal ŋi ŋeḏi tikitaḏiza tatap teḏi Allah, nani ŋa gwu liira təkiza-na tere kizen, na liira Allah tɔk ki ṯurmun-na. 13lakin kirem, eḏi Kwruztu-na kweni Yecu, ŋaŋa leni kerreny liruḏina tuk, a leni limɔ mulḏina ketok, ŋiɽaŋal ŋi ŋeḏi ŋin ŋimɔ zi Kwruztu irezelu. 14kaka urŋw gwu ŋiɽena ŋeri, nuŋw ruzi nyuŋwuzi lir-na nden lutuput, nuŋw iri ṯuweza kitay tir kaka tilaŋgwu ṯeṯinyji uɽeḏa-na, 15aŋna yi wuŋwun weḏi ŋizigwunaŋ; nuŋw aɽazi kuruu ṯay ṯete amr yi wuŋwun, mindaŋ muŋw eḏi ŋuma eḏi zi ruzi lir-na nden lutuput liaŋ duŋgwun-na, eḏi zi ṯa əḏeḏizi ŋimɽya. 16na ŋiɽaŋal ŋeḏi tugwor tuŋwun orɔ ŋwu, eḏəmiḏi nyuŋwuzi-na lir nden Allah yi, aŋna yi wutuput, ŋiɽaŋal ŋi ŋeḏi ŋwuɽi ŋwuɽmɔḏalu, nuŋw ta eɽenye ṯuweza kitay. 17nuŋw ma ila nuŋw zi andaci pɔrpɔr ŋiɽaŋali ŋizaw ŋeḏi ŋiɽena ŋeni ŋalu liruḏina tuk, na ŋiɽena ŋeḏi kla linani ketok; 18kaka ŋundu ŋgi, a kweḏi ri ŋuma eḏi duŋgwaḏa Papaŋw nana nden tɔk, Ṯigɽim ṯi ṯir ṯutuput. 19ṯaŋwu, ŋaŋa liti leni liṯimḏina kwokwony mac kezir witi wir walu mac. lakin a limorɔ leḏi ŋumaṯ ŋeḏi kla leni lirlinelu ter eḏi Kwruztu-na, lir lizi leḏi ogwur wutuput weḏi Allah. 20ŋaŋa liri lowcina ki ṯugwagiza la ṯikita yafur-ŋa liɽi li, na Yecu Kwruztu ŋundu orɔ kal kupa ŋiɽaŋali keṯi miḏeḏa ezir la ŋamaŋ. 21na duŋgwun-na ta, eṯi yiŋna miḏini duŋw teter ŋama-ŋamaŋ, na eṯir kikindeḏi eḏorɔ heykal wirlinelu ter eḏi Kweleny-na. 22na duŋgwun-na ŋaŋa tɔk, ner ŋazi awci lizi li liḏaḏu eḏorɔ duənu kweḏi Allah, eḏi gwu nani-na Ṯigɽim ṯi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuba, Koalib Ngirere New Testament © First published by the British and Foreign Bible Society in Khartoum in 1967.