Zaburi Sya Daud 139
139
Domine, probasti.
1Bambo anikumbwile pa nenga:
Na animanye nenga.
2Wenga umanye kutama pasi kwangu nu kuwuka kwangu:
Uliwalalile liholo lyangu pala liyile patali.
3Ugakupulile maluto gangu ni kugona muluwafu mwangu ukukupulile:
Ni ndila syangu syoha usyowalile naso.
4Ndawa pawaka malowe pa lumilo lwangu:
Koma, lola, Bambo, ulumanye nganila.
5Panyuma na palongolo waniminya:
Na wawika kiwoko kyako panani pa nenga.
6Kumanya wiwi kyakupambana kya kulutila nenga:
Kikwesike, nenga nakukihotola.
7Kuu yanigende‐genda kugwala pa roho yako:
Ni kugwala pa kyene pako nikimbalile kuu?
8Ngati nikwelite Kunani, bahapa uyile:
Ngati nitandike nkeka pandu pa mahoko, lola, uyii baho.
9Ngati nitolite mapapatilo ga lukela:
Ngati ni welile pa fina fya pa luchi;
10Bahapa kawili kiwoko kyako yakinilangose:
Ni kiwoko kyako kya kigosi yakinikamule.
11Ngati nikite, Chakaka lwisi yaluniniembe:
Nu lulangalila pa kiye pa nenga yaluye kilo.
12Lukayii munu lwisi nakukita lwisi kwa yombe, koma kilo kimulikila ngati musi:
Ngati lwisi wiwi lulangalila kwako.
13Ndawa nenga wakwipatila figo yangu:
Unilukaninisile pa lileme lya mawo.
14Yanikusenguse; ndawa nipambanisike kiyogopele:
Mahengo gako gakupambana; na kila umi wanga ukimanyae nyahope.
15Mmbili wangu wagwalite lepa kwako, pala nakitike kumweya:
Na nasokotike pandu pa pasi pa ndima.
16Miho gako gaweni kila napangike nakyo pala kyangamalika, na pa kitabu kyako goha galembike:
Gala ligono ni ligono gayile mukuwumbika, pala yalikatome limonga.
17Na kwa nenga uwi maholo gakoga uhemisi, Mlungu:
Goha njiwee uwi gayolwike!
18Ngati nigawalanga, galutila mhanga kwa wingi:
Ngati niwuka nenga kitamile pamonga na wenga.
19Chakaka yauwakoma wakuwipa, Mlungu:
Mupatuke pa nenga, mwenga wandu wa kyasi.
20Pakukita wakita ga wenga maholo gawaka:
Na wakukubelalela wako walapila lihina lyako kwa mayeya.
21Bambo si nenga nifyoma na wala wakufyoma na wenga:
Si nenga niwayeyawukila wala wakuyimila wenga?
22Kufyoma kumalike nifyoma nawo:
Ngati wakuniwipila wangu wayii kwa nenga.
23Kumbula, Mlungu, mugati mwangu, ukamanye mwoyo wangu:
Ukanigesele nu mwoto, ukagamanye maholo gangu.
24Ukawone ngati yiyii ndila ya kyakuwipila pa nenga:
Ukanilongose pa ndila ya kitamile mumu pela.
Currently Selected:
Zaburi Sya Daud 139: MGSPSA
Highlight
Copy
Compare
Share
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
Zaburi Sya Daud 139
139
Domine, probasti.
1Bambo anikumbwile pa nenga:
Na animanye nenga.
2Wenga umanye kutama pasi kwangu nu kuwuka kwangu:
Uliwalalile liholo lyangu pala liyile patali.
3Ugakupulile maluto gangu ni kugona muluwafu mwangu ukukupulile:
Ni ndila syangu syoha usyowalile naso.
4Ndawa pawaka malowe pa lumilo lwangu:
Koma, lola, Bambo, ulumanye nganila.
5Panyuma na palongolo waniminya:
Na wawika kiwoko kyako panani pa nenga.
6Kumanya wiwi kyakupambana kya kulutila nenga:
Kikwesike, nenga nakukihotola.
7Kuu yanigende‐genda kugwala pa roho yako:
Ni kugwala pa kyene pako nikimbalile kuu?
8Ngati nikwelite Kunani, bahapa uyile:
Ngati nitandike nkeka pandu pa mahoko, lola, uyii baho.
9Ngati nitolite mapapatilo ga lukela:
Ngati ni welile pa fina fya pa luchi;
10Bahapa kawili kiwoko kyako yakinilangose:
Ni kiwoko kyako kya kigosi yakinikamule.
11Ngati nikite, Chakaka lwisi yaluniniembe:
Nu lulangalila pa kiye pa nenga yaluye kilo.
12Lukayii munu lwisi nakukita lwisi kwa yombe, koma kilo kimulikila ngati musi:
Ngati lwisi wiwi lulangalila kwako.
13Ndawa nenga wakwipatila figo yangu:
Unilukaninisile pa lileme lya mawo.
14Yanikusenguse; ndawa nipambanisike kiyogopele:
Mahengo gako gakupambana; na kila umi wanga ukimanyae nyahope.
15Mmbili wangu wagwalite lepa kwako, pala nakitike kumweya:
Na nasokotike pandu pa pasi pa ndima.
16Miho gako gaweni kila napangike nakyo pala kyangamalika, na pa kitabu kyako goha galembike:
Gala ligono ni ligono gayile mukuwumbika, pala yalikatome limonga.
17Na kwa nenga uwi maholo gakoga uhemisi, Mlungu:
Goha njiwee uwi gayolwike!
18Ngati nigawalanga, galutila mhanga kwa wingi:
Ngati niwuka nenga kitamile pamonga na wenga.
19Chakaka yauwakoma wakuwipa, Mlungu:
Mupatuke pa nenga, mwenga wandu wa kyasi.
20Pakukita wakita ga wenga maholo gawaka:
Na wakukubelalela wako walapila lihina lyako kwa mayeya.
21Bambo si nenga nifyoma na wala wakufyoma na wenga:
Si nenga niwayeyawukila wala wakuyimila wenga?
22Kufyoma kumalike nifyoma nawo:
Ngati wakuniwipila wangu wayii kwa nenga.
23Kumbula, Mlungu, mugati mwangu, ukamanye mwoyo wangu:
Ukanigesele nu mwoto, ukagamanye maholo gangu.
24Ukawone ngati yiyii ndila ya kyakuwipila pa nenga:
Ukanilongose pa ndila ya kitamile mumu pela.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press