Pin'ilʋg 48
48
Jakob n niŋ Josef biis albareka la yɛla
1Ka lina wʋsa nya'aŋ, ba daa ti yɛl Josef ye, “Fʋ ba' la ka' laafii.” Ka Josef duoe nɔk o biis ayi' la, Manase nɛ Efiram keŋ. 2Ka ban da yɛl Jakob ye, “Fʋ biig Josef kena la,” ka o kpɛ'ɛŋ o mɛŋi duoe zin'in. 3Jakob da yɛl Josef ye, “Wina'am Onɛ Galis la da nie o mɛŋi tis mam Luz teŋin linɛ bɛ Keenan la, ka tisim albareka, 4ka yɛlim ye, ‘M na kɛ ka fʋ du'a biis bɛdegʋ ka ya kal zu'oe. M na kɛ ka fʋ paam yaas. Ka mɛ na zaŋ teŋ kaŋa wʋsa tisif ka li liebi fʋ din.’”
5“Tɔ', fʋ biribis ayi' banɛ ka fʋ du'a Egipt ka man nyaan kena la anɛ mam mɛŋ biis. Ɛɛn, Efiram nɛ Manase na aan m biis, nwɛnɛ Reuben nɛ Simeon n aan m biis si'em la. 6Bibanɛ ka fʋ na du'a ba nya'aŋ la na aan fʋ din, amaa ba faar na yinɛ Efiram nɛ Manase san'an na. 7Man da yit Paddan teŋin lɛbid na la ka Rakɛl kpi suorin, ka li niŋim sʋnsa'aŋ. Li da pʋ lal nɛ Efirata teŋa. Ka m su'a o, suokanɛ ken Efirata teŋin la (zin'ikan da anɛ Betilehem).”
8Ka Israel da nyɛ Josef biribis la, o da yɛl ye, “Anɔ'ɔnamɛ nwa'?” 9Ka Josef lɛbis o ba' la ye, “Ba anɛ bibanɛ ka Wina'am tisim kpɛla la.” Ka Israel yɛl ye, “Mɔri ba na ka m niŋi ba albareka.” 10Saŋkan la Israel nini da pʋ nyɛt sʋ'ʋŋa ka li anɛ on kʋdig la zug. Ka Josef mɔri ba kɛɛn o tuon na, ka o ba' la kuaki ba ka pʋ'ʋsi ba sʋ'ʋŋa. 11Ka Israel yɛl Josef ye, “M da pʋ baŋ ye m na lɛn nyɛɛ fʋ nindaa ya'asa. Ka Wina'am siak ka m nyɛ fʋ biis gba!” 12Ka Josef yʋ'ʋn vɛ'ɛg biis la zin' o saam nɔba zug ka igin o tuonnɛ vanbin teŋin. 13Ka Josef nɔk biis ayi' la, ka Efiram bɛɛ o datiuŋ ka lɛɛ bɛɛ o saam Israel dagɔbʋg, ka Manase bɛɛ o dagɔbʋg ka lɛɛ bɛ Israel datiuŋ, ka mɔri ba ala li'el o ba' san'an na. 14Amaa Israel nɔk o datiuŋ nu'ugʋ pa'al Efiram zug, la'an nɛ on an biig la; ka mɛ nɔk o dagɔbʋg nu'ugʋ lɔbi puugi pa'al Manase zug, la'an nɛ Manase an kpɛɛm la. 15Ka o niŋ Josef albareka ka yɛl ye,
“Wina'am onɛ ka m yaab Abraham
nɛ m saam Isaak da dɔl la,
Wina'am onɛ aan m kɔnbkem
ka gurim hali ti paae zina la,
16ka kɛ ka o maliak kanɛ yis mam san'auŋʋn la,
na niŋ biis nwa' zug bareka.
Bama zug ka nidib na tiɛn m yʋ'ʋr,
nɛ m yaab Abraham nɛ m saam Isaak yʋda.
Ka mɛ kɛ ka ba nɔbig hali
pɛ'ɛl teŋgbauŋ la wʋsa.”
17Josef n nyɛ ka o ba' la nɔk o datiuŋ nu'ug la pa'al Efiram zug la, li da pʋ malis oo, ka o nɔk o ba' la nu'ug la ye o yis Efiram zugin la pa'al Manase zugin. 18Ka Josef yɛl o ba' ye, “Ayei m ba', kpɛɛm nwa'! Nɔkimi fʋ datiuŋʋ pa'al o zug!” 19Amaa ka o ba' la yɛl o ye, “Mam mi', m biiga, m mi'. On mɛ na mɔr nidib ka lieb bɛdegʋ, amaa Efiram na gaad Manase, bɔzugɔ Efiram yaas na lieb buudi bɛdegʋ gaad o.” 20Ka lɛn yɛli ba ye,
“Saŋa na kena ka Israel nidib ya'a sɔs Wina'am albareka,
ba na sɔsidi tisid taaba ka yɛt ye,
‘M sɔsid Wina'am ye o tisif albareka
nwɛnɛ on da tis Efiram nɛ Manase albareka si'em la!’”
Ala ka Jakob nɔk Efiram yʋ'ʋri niŋ tuon ka li pa'al ye onɛ gaad Manase. 21Ka li nya'aŋ ka Jakob yɛl Josef ye, “M kʋ lɛn vʋe yuugɛ, amaa Wina'am na bɛ nɛf ka mɔri fʋ lɛbi fʋ yaanam teŋin. 22M lɛɛ nɔk kʋkʋna zin'ikanɛ ka mam da zabi faaɛn yi Amor dim la paasif. Ala ka fʋ din na gaadi fʋ bieya la din.”
Currently Selected:
Pin'ilʋg 48: kus_gh
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Pin'ilʋg 48
48
Jakob n niŋ Josef biis albareka la yɛla
1Ka lina wʋsa nya'aŋ, ba daa ti yɛl Josef ye, “Fʋ ba' la ka' laafii.” Ka Josef duoe nɔk o biis ayi' la, Manase nɛ Efiram keŋ. 2Ka ban da yɛl Jakob ye, “Fʋ biig Josef kena la,” ka o kpɛ'ɛŋ o mɛŋi duoe zin'in. 3Jakob da yɛl Josef ye, “Wina'am Onɛ Galis la da nie o mɛŋi tis mam Luz teŋin linɛ bɛ Keenan la, ka tisim albareka, 4ka yɛlim ye, ‘M na kɛ ka fʋ du'a biis bɛdegʋ ka ya kal zu'oe. M na kɛ ka fʋ paam yaas. Ka mɛ na zaŋ teŋ kaŋa wʋsa tisif ka li liebi fʋ din.’”
5“Tɔ', fʋ biribis ayi' banɛ ka fʋ du'a Egipt ka man nyaan kena la anɛ mam mɛŋ biis. Ɛɛn, Efiram nɛ Manase na aan m biis, nwɛnɛ Reuben nɛ Simeon n aan m biis si'em la. 6Bibanɛ ka fʋ na du'a ba nya'aŋ la na aan fʋ din, amaa ba faar na yinɛ Efiram nɛ Manase san'an na. 7Man da yit Paddan teŋin lɛbid na la ka Rakɛl kpi suorin, ka li niŋim sʋnsa'aŋ. Li da pʋ lal nɛ Efirata teŋa. Ka m su'a o, suokanɛ ken Efirata teŋin la (zin'ikan da anɛ Betilehem).”
8Ka Israel da nyɛ Josef biribis la, o da yɛl ye, “Anɔ'ɔnamɛ nwa'?” 9Ka Josef lɛbis o ba' la ye, “Ba anɛ bibanɛ ka Wina'am tisim kpɛla la.” Ka Israel yɛl ye, “Mɔri ba na ka m niŋi ba albareka.” 10Saŋkan la Israel nini da pʋ nyɛt sʋ'ʋŋa ka li anɛ on kʋdig la zug. Ka Josef mɔri ba kɛɛn o tuon na, ka o ba' la kuaki ba ka pʋ'ʋsi ba sʋ'ʋŋa. 11Ka Israel yɛl Josef ye, “M da pʋ baŋ ye m na lɛn nyɛɛ fʋ nindaa ya'asa. Ka Wina'am siak ka m nyɛ fʋ biis gba!” 12Ka Josef yʋ'ʋn vɛ'ɛg biis la zin' o saam nɔba zug ka igin o tuonnɛ vanbin teŋin. 13Ka Josef nɔk biis ayi' la, ka Efiram bɛɛ o datiuŋ ka lɛɛ bɛɛ o saam Israel dagɔbʋg, ka Manase bɛɛ o dagɔbʋg ka lɛɛ bɛ Israel datiuŋ, ka mɔri ba ala li'el o ba' san'an na. 14Amaa Israel nɔk o datiuŋ nu'ugʋ pa'al Efiram zug, la'an nɛ on an biig la; ka mɛ nɔk o dagɔbʋg nu'ugʋ lɔbi puugi pa'al Manase zug, la'an nɛ Manase an kpɛɛm la. 15Ka o niŋ Josef albareka ka yɛl ye,
“Wina'am onɛ ka m yaab Abraham
nɛ m saam Isaak da dɔl la,
Wina'am onɛ aan m kɔnbkem
ka gurim hali ti paae zina la,
16ka kɛ ka o maliak kanɛ yis mam san'auŋʋn la,
na niŋ biis nwa' zug bareka.
Bama zug ka nidib na tiɛn m yʋ'ʋr,
nɛ m yaab Abraham nɛ m saam Isaak yʋda.
Ka mɛ kɛ ka ba nɔbig hali
pɛ'ɛl teŋgbauŋ la wʋsa.”
17Josef n nyɛ ka o ba' la nɔk o datiuŋ nu'ug la pa'al Efiram zug la, li da pʋ malis oo, ka o nɔk o ba' la nu'ug la ye o yis Efiram zugin la pa'al Manase zugin. 18Ka Josef yɛl o ba' ye, “Ayei m ba', kpɛɛm nwa'! Nɔkimi fʋ datiuŋʋ pa'al o zug!” 19Amaa ka o ba' la yɛl o ye, “Mam mi', m biiga, m mi'. On mɛ na mɔr nidib ka lieb bɛdegʋ, amaa Efiram na gaad Manase, bɔzugɔ Efiram yaas na lieb buudi bɛdegʋ gaad o.” 20Ka lɛn yɛli ba ye,
“Saŋa na kena ka Israel nidib ya'a sɔs Wina'am albareka,
ba na sɔsidi tisid taaba ka yɛt ye,
‘M sɔsid Wina'am ye o tisif albareka
nwɛnɛ on da tis Efiram nɛ Manase albareka si'em la!’”
Ala ka Jakob nɔk Efiram yʋ'ʋri niŋ tuon ka li pa'al ye onɛ gaad Manase. 21Ka li nya'aŋ ka Jakob yɛl Josef ye, “M kʋ lɛn vʋe yuugɛ, amaa Wina'am na bɛ nɛf ka mɔri fʋ lɛbi fʋ yaanam teŋin. 22M lɛɛ nɔk kʋkʋna zin'ikanɛ ka mam da zabi faaɛn yi Amor dim la paasif. Ala ka fʋ din na gaadi fʋ bieya la din.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation