Yiib 23

Yɛlmɛŋir sariakadib yɛla

1 # Yib 20:16; Lev 19:11-12; Zie 5:20 “Mid ka ya mɔri ziri antu'a mɔɔnnɛ gin. Da sʋŋi di ziri kasɛta tis nimbɛ'ɛdɛ. 2Mid ka fʋ paas nimbabig zug ka ya tʋm tʋʋmbɛ'ɛd. Ka fʋ mɛ ya'a yɛl si'el sariakatib tuon, fʋn da kɛ ka nimbabig fɛndigi fʋ ya'am ka fʋ di ziri kasɛt ka su'a sida laa. 3Mɛ da mɔŋ nɔŋdaan bʋʋd sariakadibin o nɔŋ la zugɔ.

4“Fʋ dataa naaf bɛɛ o bʋŋ ya'a bɔdig ka fʋ nyɛɛ o, fʋn kpɛ'ɛŋimi fʋ mɛŋ ka gban'e o mɔri keŋ tis o. 5Ka fʋ ya'a nyɛ onɛ kisif ka o bʋŋ luu dig nɛ la'ad fʋn sʋŋim duoe o.

6 # Lev 19:15; Zie 16:19 “Nɔŋ dim ya'a mɔr sida sariakadibin fʋn da mɔŋi ba. 7Mid ka fʋ ma'aa ziri tabil sɔ', ka mɛ da kʋ ninkanɛ pʋ tʋm taalɛ. Onɛ niŋ ala, m kʋ bas o ka o keŋ zaalim. 8Mid ka fʋ kɛ ka sɔ' da'af nɛ ligidi, ka li na kɛ ka fʋ nyɛ sida la ka kʋ nyaŋi yɛlɛ. Lina san'amidi sariakadib suor ka kɛt ka onɛ mɔr sida la kɔ'ɔŋ bʋʋd.

9 # Yib 22:21; Lev 19:33-34; Zie 24:17-18; 27:19 “Da namisidi saamma, ka ya mɛŋ mi' fʋn na an saan ka li an si'em, bɔzugɔ ya da anɛ saam Egipt teŋin.”

Vʋ'ʋsʋm yʋʋm nɛ vʋ'ʋsʋm daar la yɛla

10 # Lev 25:1-7 “Ya na bʋd ka buni ya pɔɔd zʋʋd la yʋma ayuobʋ. 11Amaa yʋʋm kanɛ paas ayɔpɔi la yanam basim pɔɔd la ka da kuaa, ka nɔŋ dim banɛ bɛɛ ya san'an la mɛ paam diibi di, ka linɛ kpɛlim la ka wɛog bʋnkɔnbid mɛ ɔnb. Maaliminɛ ala nɛ ya vain nɛ olif tiis pɔɔd la. 12#Yib 20:9-11; 31:15; 34:21; 35:2; Lev 23:3; Zie 5:13-14 Daba ayuobʋ ka m tisi ya ye ya tʋmmi ya tʋʋma, amaa mid ka ya tʋm daba ayɔpɔi la daar, dabiskan la ka ya na'araad nɛ ya bʋmis na vʋ'ʋs, ka ya yammis banɛ du'a ya yin nɛ ya saam la wʋsa mɛ na vʋ'ʋs. 13Gu'usimi ka tʋm mam yɛli ya si'el la wʋsa. Mid ka ya pʋdig bada la yʋda, pʋn da kɛ ka sɔ' wʋmi ba yɛla ya nɔɔrinɛ.”

Yʋʋm-yʋʋm malima yɛla

(Yib 34:18-26; Zie 16:1-17)

14Ka Wina'am da lɛn yɛl Moses ye, “Asɛɛ ka ya maal di'ema malʋŋ nɔɔra atan' tis mam yʋʋm pʋʋgin. 15#Yib 12:14-20; Lev 23:6-8; Kal 28:17-25 Dimi diib di'ema malʋŋ kanɛ maan nɛ bodobodo kanɛ ka' danbin la. Ya na ɔnb bodobodo kanɛ paae daba ayɔpɔi wʋʋ mam yɛli ya si'em la. Maalimi nwa' nwadkanɛ ni ka ya da yi Egipt na la. Sɔ' da kɛn man san'an na nɛ nu'uzaalisɛ.

16 # Lev 23:15-21; Kal 28:26-31 “Maalimi Bʋndɛɛnna Di'ema Malʋŋ linɛ ka ya bʋdi ya pɔɔdin la.

“Ka lɛn maali Sʋga Gbɛɛnb Malʋŋ la saŋkanɛ ka ya bun zʋʋdi naae ka zii kul yin na la. 17M bɔɔd ye ya dap la wʋsa kɛn man Zugsɔb Wina'am tuon na nɔɔra atan' yʋʋm yinne pʋʋgin.

18“Da maali malʋŋ kanɛ an ziim malʋŋ nɛ bodobodo kanɛ mɔr dabinnɛ. Da nɔk ni'im kpaam dinɛ an malʋŋ din la digil ka bɛog nie.

19 # Yib 34:26; 26:2 “Mɔrini ya yiiga zʋʋd dinɛ ka ya bʋn ka di an sʋm la kɛn Zugsɔb onɛ aan ya Wina'am la Yin na.

“Mid ka ya nɔk bʋbil kanɛ nam mu'ad ni'imi dʋg nɛ o ma bin'isim.”

Zugsɔb maliak na maal suor ka ba zabi nyaŋ

20Ka Wina'am da lɛn yɛl Moses ye, “M ye m kɛnɛ ka maliak gaadi ya tuon ka mɔri ya keŋ paae zin'ikanɛ ka m ti'ebi tisi ya la. 21Kɛlisimini o ka siak on yɛt si'el, bɔzugɔ ya ya'a ki'isi o, o kʋ kɛɛ ya taali basɛ, man tis o m kpi'euŋ la zug. 22Ka ya ya'a siak o nɔɔr ka tʋm man yɛl si'el la wʋsa, ya dataas na aan m dataas, ka m mɛ na kis banɛ kisi ya. 23Ka m maliak na gaad tuon ka mɔri ya keŋ paae teŋ kanɛ ka Amor dim nɛ Hitti dim nɛ Perizi dim nɛ Keenan dim nɛ Hivi dim nɛ Jebus dim bɛ la. Ka o na san'ami ba ka kɛ ka ya kpɛn' zin'in anina. 24Li ya'a niŋ ala, yanam mid ka ya pʋ'ʋsi ba bada la, ka mɛ da maan bɛɛ dɔlli ba tʋʋmaa. Amaa m bɔɔd ye ya san'ami ba wʋsa, ka da kɛ ka ba bada la yinne kpɛlim. 25Ka ya na pʋ'ʋsidi ya Zugsɔb Wina'am la ka o na niŋi ya diib nɛ ya ku'om albareka, ka na yis ban'as wʋsa ya san'an. 26Ka pu'a kʋ kpa'ae bɛɛ an kʋndu'ari ya teŋin laa. Ka m na kɛ ka ya na kʋdigi paae ya nyɔvʋr bɛn. 27Ka m na kɛ ka dabiem kpɛn' ya dataas la, ka kɛ ka ba nini fɛndig ka ba zi' ban na maal si'ela. Hali ba na fɛndigi zɔ ka basi ya. 28Ka m kɛ ka Hivi dim nɛ Keenan dim nɛ Hitti dim la ya'a nyɛɛ ya, ba ya'am na iank ka ba zɔ. 29Amaa m kʋ kɛ ka ba yi teŋin la wʋsa yʋʋm yinnee, bɔzugɔ m ya'a niŋ ala, teŋ la na lieb wɛog, ka sian'anr bʋnkɔnbid na di'e zin'ig la wʋsa. 30M na kati ya dataas la yisid bi'el-bi'el, hali ka ya ti nɔbigi sʋ'ʋg teŋ la. 31M na kɛ ka ya bɛn la yi Atɛuk Zɛn'ug la ti paae Filistia dim Tɛukʋn la, ka mɛ yi mɔɔgin ti paae Efiritis mu'ar la. M na kɛ ka ya nyaŋ nimbanɛ bɛɛ anina la yis nɛ paŋ. 32Amaa da maal nɔnaar nɛ ba bɛɛ ba bada la. 33Da kɛ ka ba kpɛlim bɛ nɛ ya teŋin laa; ya'a ka' alaa ba na kɛ ka ya dɔlli ba bada la ka tʋm tʋʋmbɛ'ɛdi tis mam.”

Currently Selected:

Yiib 23: kus_gh

Highlight

Copy

Compare