Yiib 20
20
Wina'am wada piiga la yɛla
(Zie 5:1-20)
1Ka Wina'am yɛl nidib la ye, 2“Manɛ an Zugsɔb onɛ aan ya Wina'am ka yisi ya Egipt teŋin, zin'ikanɛ ka ya da an yammis ka ba namisidi ya la.
3“Da dɔlli winsieba lɛm paas mam ya'asɛ.
4 #
Yib 34:17; Lev 19:4; 26:1; Zie 4:15-18; 27:15 “Mid ka ya maali wina linɛ an wʋʋ niiŋ bɛɛ bʋnkɔnbʋg bɛɛ ziiŋa. 5#Yib 34:6-7; Kal 14:18; Zie 7:9-10 Da pʋ'ʋsidinɛ ba bɛɛ igini tisi ba girimaa. Mam onɛ aan ya Zugsɔb Wina'am la, m anɛ nyuur sɔb, ka pʋ siak ye m pʋdigi m girima nɛ sɔ'ɔɔ. Banɛ ki'is mam la, m na namisi ba biisi ba saamnam tʋʋmbɛ'ɛd yɛla hali ti paae zʋmaana atan' nɛ anaasi, 6ka pa'annɛ m nɔŋilim nɛ banɛ nɔŋ mam ka siakidi m yɛlʋg la hali ti paae zʋmaana tusa-tusa.
7 #
Lev 19:12
“Mid ka ya mɔri Zugsɔb Wina'am yʋ'ʋri maan yɔɔg-yɔɔg. Ya ya'a maal ala Zugsɔb na namisi ya.
8 #
Yib 16:23-30; 31:12-14 “Tiɛnmi Vʋ'ʋsʋm dabisir la yɛla, ka kɛ ka li an kasi. 9#Yib 23:12; 31:15; 34:21; 35:2; Lev 23:3 Nɔkimi daba ayuobʋ tʋmmini ya tʋʋma. 10Amaa daba ayɔpɔi la anɛ Zugsɔb Wina'am din ka li pʋ sʋm ye ya tʋm tʋʋm si'a, yanam bɛɛ ya biribis bɛɛ bipumis, bɛɛ ya yamdaad bɛɛ ya yampu'ab, bɛɛ ya bʋnkɔnbid bɛɛ saam banɛ bɛ nɛ yaa. 11#Pin 2:1-3; Yib 31:17 Bɔzugɔ Zugsɔb nɔk nɛ daba ayuobʋ maal agɔl nɛ teŋin nɛ atɛuk nɛ dinɛ wʋsa bɛɛ li ni, amaa ka vʋ'ʋs daba ayɔpɔi daar. Dinzugɔ Zugsɔb niŋ dabisir la nɛ bareka, ka kɛ ka li an kasi.
12 #
Zie 27:16; Mat 15:4; 19:19; Mak 7:10; Luk 18:20; Efe 6:2-3 “Tisimi fʋ saam nɛ fʋ ma girima ka ala ka fʋ nyɔvʋr na yuug teŋ kanɛ ka Zugsɔb onɛ aan ya Wina'am la na tisi ya la.
13 #
Pin 9:6; Lev 24:17; Mat 5:21; 19:18; Mak 10:19; Luk 18:20; Rom 13:9; Jem 2:11 “Mid ka ya kʋ nid.
14 #
Lev 20:10; Mak 10:19; Luk 18:20; Rom 13:9; Jem 2:11 “Mid ka ya san'am pu'a bɛɛ dau.
15 #
Lev 19:11; Mat 19:18; Mak 10:19; Luk 18:20; Rom 13:9 “Mid ka ya zu.
16 #
Yib 23:1; Mat 19:18; Mak 10:19; Luk 18:20 “Mid ka ya di ziri kasɛti tisi ya tiraan.
17 #
Rom 7:7; 13:9 “Mid ka fʋ kɛ ka fʋ ya'amlɛog kpɛn' fʋ tiraan yir bɛɛ o pu'a, bɛɛ o yamdau bɛɛ o yampu'ak, bɛɛ o bʋnkɔnbid, bɛɛ linɛ wʋsa ka o sʋ'oe ni.”
Dabiem kpɛn' nidib la
(Zie 5:22-33)
18 #
Hib 12:18-19
Ka nidib la nyɛ satansʋg nɛ sa-ian'asʋg ka wʋm na'atan la piebʋg la ka nyɛ ka zuor la wʋsa an nyɔ'ɔs la, ka dabiem mɔri ba. Ka ba lɛb lallisa 19ka yɛl Moses ye, “Fʋn pian'am tisi ti ka ti na wʋm. Amaa da kɛ ka Wina'am pian' tisi tii ka ti na kpi.” 20Ka Moses yɛl nidib la ye, “Da zɔti dabiem. Ka Wina'am ye o maki ya nɛ gɔs, ka kɛ ka ya na zɔt o dabiem ka kʋ tʋm bɛ'ɛdɛ.” 21Ka nidib la bɛ lallisa ka Moses on paae Wina'am bɛ si'el la, ka zin'ig la wʋsa an lik.
Maan Bimbim yɛla
22Ka Zugsɔb yɛl Moses ye, “Yɛlim Israel dim la nwa': ‘Ya mɛŋ nyɛ man naan arezana nii pian' si'em. 23Da nɔki anzurifa bɛɛ sanlima mɛ' wina paas mam zugɔ. 24Nɔkimi tanni mɛ' maan bimbim, ka maali ya malima dinɛ an pɛ'ɛs nɛ bʋʋs nɛ niigi li zug. Zin'ikanɛ wʋsa ka m kɛ ka ya la'asi pʋ'ʋsim, anina ka m na kena niŋi ya bareka. 25#Zie 27:5-7; Jos 8:31 Ya ya'a nɔk nɛ kuga maal bimbim la, yanam da nɔk kugbanɛ ka ba kpi'e ba la mɛɛ. Ya ya'a nɔk lieŋe kpi'e ba, li kʋ an sʋm tis mam. 26Da maali dʋʋsa dʋʋ paae maan bimbim la zugɔ, ka ba na nyɛɛ ya nyan.’”
Currently Selected:
Yiib 20: kus_gh
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Yiib 20
20
Wina'am wada piiga la yɛla
(Zie 5:1-20)
1Ka Wina'am yɛl nidib la ye, 2“Manɛ an Zugsɔb onɛ aan ya Wina'am ka yisi ya Egipt teŋin, zin'ikanɛ ka ya da an yammis ka ba namisidi ya la.
3“Da dɔlli winsieba lɛm paas mam ya'asɛ.
4 #
Yib 34:17; Lev 19:4; 26:1; Zie 4:15-18; 27:15 “Mid ka ya maali wina linɛ an wʋʋ niiŋ bɛɛ bʋnkɔnbʋg bɛɛ ziiŋa. 5#Yib 34:6-7; Kal 14:18; Zie 7:9-10 Da pʋ'ʋsidinɛ ba bɛɛ igini tisi ba girimaa. Mam onɛ aan ya Zugsɔb Wina'am la, m anɛ nyuur sɔb, ka pʋ siak ye m pʋdigi m girima nɛ sɔ'ɔɔ. Banɛ ki'is mam la, m na namisi ba biisi ba saamnam tʋʋmbɛ'ɛd yɛla hali ti paae zʋmaana atan' nɛ anaasi, 6ka pa'annɛ m nɔŋilim nɛ banɛ nɔŋ mam ka siakidi m yɛlʋg la hali ti paae zʋmaana tusa-tusa.
7 #
Lev 19:12
“Mid ka ya mɔri Zugsɔb Wina'am yʋ'ʋri maan yɔɔg-yɔɔg. Ya ya'a maal ala Zugsɔb na namisi ya.
8 #
Yib 16:23-30; 31:12-14 “Tiɛnmi Vʋ'ʋsʋm dabisir la yɛla, ka kɛ ka li an kasi. 9#Yib 23:12; 31:15; 34:21; 35:2; Lev 23:3 Nɔkimi daba ayuobʋ tʋmmini ya tʋʋma. 10Amaa daba ayɔpɔi la anɛ Zugsɔb Wina'am din ka li pʋ sʋm ye ya tʋm tʋʋm si'a, yanam bɛɛ ya biribis bɛɛ bipumis, bɛɛ ya yamdaad bɛɛ ya yampu'ab, bɛɛ ya bʋnkɔnbid bɛɛ saam banɛ bɛ nɛ yaa. 11#Pin 2:1-3; Yib 31:17 Bɔzugɔ Zugsɔb nɔk nɛ daba ayuobʋ maal agɔl nɛ teŋin nɛ atɛuk nɛ dinɛ wʋsa bɛɛ li ni, amaa ka vʋ'ʋs daba ayɔpɔi daar. Dinzugɔ Zugsɔb niŋ dabisir la nɛ bareka, ka kɛ ka li an kasi.
12 #
Zie 27:16; Mat 15:4; 19:19; Mak 7:10; Luk 18:20; Efe 6:2-3 “Tisimi fʋ saam nɛ fʋ ma girima ka ala ka fʋ nyɔvʋr na yuug teŋ kanɛ ka Zugsɔb onɛ aan ya Wina'am la na tisi ya la.
13 #
Pin 9:6; Lev 24:17; Mat 5:21; 19:18; Mak 10:19; Luk 18:20; Rom 13:9; Jem 2:11 “Mid ka ya kʋ nid.
14 #
Lev 20:10; Mak 10:19; Luk 18:20; Rom 13:9; Jem 2:11 “Mid ka ya san'am pu'a bɛɛ dau.
15 #
Lev 19:11; Mat 19:18; Mak 10:19; Luk 18:20; Rom 13:9 “Mid ka ya zu.
16 #
Yib 23:1; Mat 19:18; Mak 10:19; Luk 18:20 “Mid ka ya di ziri kasɛti tisi ya tiraan.
17 #
Rom 7:7; 13:9 “Mid ka fʋ kɛ ka fʋ ya'amlɛog kpɛn' fʋ tiraan yir bɛɛ o pu'a, bɛɛ o yamdau bɛɛ o yampu'ak, bɛɛ o bʋnkɔnbid, bɛɛ linɛ wʋsa ka o sʋ'oe ni.”
Dabiem kpɛn' nidib la
(Zie 5:22-33)
18 #
Hib 12:18-19
Ka nidib la nyɛ satansʋg nɛ sa-ian'asʋg ka wʋm na'atan la piebʋg la ka nyɛ ka zuor la wʋsa an nyɔ'ɔs la, ka dabiem mɔri ba. Ka ba lɛb lallisa 19ka yɛl Moses ye, “Fʋn pian'am tisi ti ka ti na wʋm. Amaa da kɛ ka Wina'am pian' tisi tii ka ti na kpi.” 20Ka Moses yɛl nidib la ye, “Da zɔti dabiem. Ka Wina'am ye o maki ya nɛ gɔs, ka kɛ ka ya na zɔt o dabiem ka kʋ tʋm bɛ'ɛdɛ.” 21Ka nidib la bɛ lallisa ka Moses on paae Wina'am bɛ si'el la, ka zin'ig la wʋsa an lik.
Maan Bimbim yɛla
22Ka Zugsɔb yɛl Moses ye, “Yɛlim Israel dim la nwa': ‘Ya mɛŋ nyɛ man naan arezana nii pian' si'em. 23Da nɔki anzurifa bɛɛ sanlima mɛ' wina paas mam zugɔ. 24Nɔkimi tanni mɛ' maan bimbim, ka maali ya malima dinɛ an pɛ'ɛs nɛ bʋʋs nɛ niigi li zug. Zin'ikanɛ wʋsa ka m kɛ ka ya la'asi pʋ'ʋsim, anina ka m na kena niŋi ya bareka. 25#Zie 27:5-7; Jos 8:31 Ya ya'a nɔk nɛ kuga maal bimbim la, yanam da nɔk kugbanɛ ka ba kpi'e ba la mɛɛ. Ya ya'a nɔk lieŋe kpi'e ba, li kʋ an sʋm tis mam. 26Da maali dʋʋsa dʋʋ paae maan bimbim la zugɔ, ka ba na nyɛɛ ya nyan.’”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation