Mateu 12
12
Yesu po Fumu o diyuwa dyo Savata
(Mar 2.23-28; Luk 6.1-5)
1Kethsiya thsikati, Yesu wa pitire mu kaci ko makanda o mahangu mu diyuwa dyo Savata. Erongwa yenthzi shime ya fire nthzara, ya tatekire ku purura mashakara o mahangu no ku a fenya no ku dya oheke. 2Afarithsi ou a i monine eyo, a amberire Yesu ci: “O na mono, erongwa yoe yaa kwama enu eyi i na kana ku tawethziwa mu murao mu diyuwa dyo Savata.”
3Yesu wa wa tawire ci: “Ene ka mwa tara eyi a kwamine Davida nowa a endireno diyuwa dimweya ou a fire nthzara? 4Wengenine mu nthzio thza Nyambi, aye nowa a endireno a dire makende aa a tupweriwire Nyambi, aa a kanine ku tawethziwa ku a dya, shime mapurisita pohuma. 5Nji ka mwa tara yo mu murao wa Mushe yo kuninga ci mapurisita aa thsirekanga murao o diyuwa dyo Savata mu Tembere, unone shaanga kengeyo ka di no murandu? 6Naa mi tongwera, muno mwaa di o mukuru mu thsivaka kupita Tembere. 7Nga mu na dimuka ku tongonona nawa eyi a amba aa maywi o kuninga ci: ‘Naa fota ñeke kadi eyambero,’ nga ka mu raturire anu o kupira murandu. 8Mweyo, Mwana Munu po Fumu o diyuwa dyo Savata.”
Yesu aa porithsa o ku ara dyoko
(Mar 3.1-6; Luk 6.6-11)
9Yesu ou a tundire apo, wa kengenine mu sinagoge thzo. 10Omo mu sinagoge mwekarire mukwerume o ku ara dyoko. Awa ekariremo shime a fotire dyo ku capa Yesu eamba, ngou a mwipurire ci: “Ene yaa tawethziwa mu murao wetu ku porithsa munu mu diyuwa dyo Savata nji?”
11Yesu wa wa tawire ci: “Ngeci ku kwenu kwaa di munu oyu di no dingu, nga adyopo di wera mu diteke mu diyuwa dyo Savata, ene nga ka a di kwata no ku di tundithsamo mu diyuwa dyo Savata nji? 12Munu po mukuru nene mu thsivaka kupita dingu. Mweyo, murao waa tawethza ku kwama yoiwa mu diyuwa dyo Savata.”
13Yesu ngou a amberire oya mukwerume ci: “O orore dyoko dyoe.” Ou a di ororire dya porire no kwikara nawa eci edi dimweya. 14Afarithsi ngou a punine no ku ka yongora edi nga a twethsa kwipaa Yesu.
Yesu mupika Nyambi oyu a hangurire
15Yesu pa ku dimuka eyi a yongorire, wa tundire muya mu ndau. Anu owangi a mu shupwerire, karo wa porithsire ku kwo wahe awa a korire. 16Unone wa wa nomenithsire ci a mu yukithsa. 17Eyi ya citomborire neyi a ambire Nyambi ka mukwakukethza Isaya ci:
18“Oyu po mupikange oyu na ni hangura,
oyu na shima no ku ni roerithsa nene,
kenge na ku paka Mupepo wange pa penthzi,
karo kenge a ku tongwera matunga raturo thzange.
19Ka a ku cikanyeka no munu nji ku kayathzoka,
no diywi dyenthzi ka dya ku yuvahara mu mambanthza.
20Ka a ku corerera dimbungu dyo ku funyama,
nji ku thzima kambarambara aka ka monyamonya,
kenge a ku ootera kengeyo, kate owawa ou wa ku othza.
21Matunga kenge a ku kurupera mu dithzina dyenthzi.”#Isa 42.1-4.
Yesu na Ñathsire o mathzimu
(Mar 3.20-30; Luk 11.14-23)
22Anu ngou a retire kwa Yesu mukwerume o mathzimu o kapuputwa karo shiamba. Yesu wa porithsire oya mukwerume, ayepo twethsa ku mona no ku amba. 23Anu wahe a komokire no ku cipaura ci: “Ene oyu ne kenge nga ikara ci yodiyo Mwana Davida nji?”
24Afarithsi ou a i yuvire eyo, a ambire ci: “Oyu munu aa cithza mathzimu pakuninga ci Beelezebule ñathsire wao yo na mu pa okoro o ku tenda kengeyo.”
25Yesu wa dimukire eanekera yo, ngou a wa amberire ci: “Kutumina kokuhe ko ku citepa ko ku cirwithsa kenge kwa kwipa. Karo anu o diumbo dyofoci nji anu o mwanda ofoci o ku cirwithsa ka ku tanara. 26Ngeci Satana aa cicithza, apo po aa cirwithsa thsinda. Kutumina kwenthzi ne ngepi nga ku tanara? 27Ngeci mwaa ninga ci naa cithza mathzimu kokoro o ku ni pa Beelezebule, awa anuenu ne aa a cithza kokoro ou u tunda kupi? Nanuenu kenge a ku mi ratura. 28Unone ngeci naa cithza mathzimu ko Mupepo wa Nyambi, apo honi Kutumina kwa Nyambi ku na kumu ku kwenu.
29“Karo ngepi edi nga a twethsa munu kwingena mu nthzio thzo munu o mukoro ci a ka shimbe etere yenthzi, o ku shime tango kwanga oya munu shokoro? Shime o ku na tende kengeyo mbeci nga a twethse ku i cishimbera.
30“Munu yomuhe o kukana ku nimanena aa ni rwithsa, o kukana ku ni kwathsa kungera a shandura. 31Mweyo, naa mi ambera ci thsivi thsothsihe no kuyengwa kenge ya ku teteriwa, unone o ku yengwera Mupepo Oukenu, aye mbera ka a teteriwa. 32Munu yomuhe o ku amba thsothsimango kwa Mwana Munu aa twethsa ku teteriwa, unone yomuhe o ku amba thsothsimango ku Mupepo Oukenu, mbera ka a teteriwa, ikare mo uno mwoyo nji mou mwoyo u keya.
Thsitondo no ima yathso
(Luk 6.43-45)
33“Ngeci thsitondo thsiwa, no ima yathso iwa, ngeci thsimango, no ima yathso imango. Mweyo, thsitondo thsa ku dimukera ku ima yathso. 34Amwe mwana mayoka, ngepi nga mu amba enu yoiwa amwe mwanu owamango? Inene mu kanwa mwa ku amba eyi ya yara mu mucima. 35Kwa munu omuwa kwa ku tunda enu yoiwa yo mu thsinyungero thsenthzi thsothsiwa, karo kwa munu omumango kwa ku tunda yoimango yo mu thsinyungero thsenthzi thsothsimango. 36Naa mi ambera ci: ‘Mu diyuwa dyo raturo, munu no munu kenge a ku citawera pa diywi no diywi edi naa rapoka ku amba.’ 37Maywi oe kenge a ku ku thsambwithsa nji ku ku wemeka.”
Anu aa romba thsimonithso
(Mar 8.11-12; Luk 11.29-32)
38Afarithsi narongithsi o murao a amberire Yesu ci: “Murongithsi, twaa fota ku ku mona o ku kwama thsimonithso.”
39Yesu wa wa tawire ci: “Anu o rerodino owamango no kukana ku rurama, aa romba thsimonithso, unone ka piwa thsimonithso shime thsa mukwakukethza Jonasi. 40Inene dyodi ekarire Jonasi mayuwa ahatu no mathsiku ahatu mu dira dyo thsi o mukuru, no Mwana Munu naye kenge a kwikara mayuwa ahatu no mathsiku ahatu mu muve.
41“AkwaNinive kenge a kwimana no ku ratura anu o rerodino mu diyuwa dyo raturo, inene awo po a cerire munyima thzerongithsa ya Jonasi, pano honi o mukuru kupita Jonasi pa a di pano. 42Fumu o mbuyama#12.42 Oyu yodiyo Fumu wa Sheba oyu na ambauriwa mu 1 Mafumu 10:1-13. o ku mboera naye kenge a kwimana ku ratura anu o rerodino, inene wa ka tundire kokure, ku hura o kaye ku na yuva onyanyami wa Solomoni. Naa mi ambera ci o mukuru kupita Solomoni pa a di pano.
Kukahuka ko mupepo oumango kwa munu
(Luk 11.24-26)
43“Mupepo oumango o ku u na tundu kwa munu waa thza mu dikunguthsitu ku fota ko ku turumwithsera, unone kamona aopo u kwanga ku wana mo ku turumwithsera, 44wa amba ci: ‘Naa huka mu nthzio thzange muya na ni tundu.’ Ngeci aopo na u thzi wana mukunguru, thzi na kombiwa no ku roithsiwa nawa, 45waa thza no ku ka shimba mipepo thzimweya thzo mutanu na thzidi thzothzimango nene ku u pita, thzaa keya thzothzihe ku na tungamo. Ku hura oya munu kenge a kwipa kupita pa kutanga. Dyo ya kwikara ko uno mukuta oumango.”
Mama wa Yesu namina Yesu
(Mar 3.31-35; Luk 8.19-21)
46Yesu o ku ambaura no mbunga, mama wa Yesu namina Yesu wakwerume a kumine. A nemanine pora ku taterera ci a ambe nenthzi. 47Munu yumweya wa mu tongwerire ci: “Njinoe naminoe pora a di, aa fota ku amba noe.”
48Yesu wa mu tawire ci: “Mama ne edye, naminange ne adye?” 49Yesu ngou a nehire erongwa yenthzi no ku amba ci: “Mu na mono, awa po wodiyo amama naminange! 50Munu yomuhe o ku kwama eshima ya Tata o ku wiru, yodiyo minange o mukwerume no ndumbuthzange no mama.”
Currently Selected:
Mateu 12: mho
Highlight
Share
Copy
Want to have your highlights saved across all your devices? Sign up or sign in
©2023 The Seed Company
Mateu 12
12
Yesu po Fumu o diyuwa dyo Savata
(Mar 2.23-28; Luk 6.1-5)
1Kethsiya thsikati, Yesu wa pitire mu kaci ko makanda o mahangu mu diyuwa dyo Savata. Erongwa yenthzi shime ya fire nthzara, ya tatekire ku purura mashakara o mahangu no ku a fenya no ku dya oheke. 2Afarithsi ou a i monine eyo, a amberire Yesu ci: “O na mono, erongwa yoe yaa kwama enu eyi i na kana ku tawethziwa mu murao mu diyuwa dyo Savata.”
3Yesu wa wa tawire ci: “Ene ka mwa tara eyi a kwamine Davida nowa a endireno diyuwa dimweya ou a fire nthzara? 4Wengenine mu nthzio thza Nyambi, aye nowa a endireno a dire makende aa a tupweriwire Nyambi, aa a kanine ku tawethziwa ku a dya, shime mapurisita pohuma. 5Nji ka mwa tara yo mu murao wa Mushe yo kuninga ci mapurisita aa thsirekanga murao o diyuwa dyo Savata mu Tembere, unone shaanga kengeyo ka di no murandu? 6Naa mi tongwera, muno mwaa di o mukuru mu thsivaka kupita Tembere. 7Nga mu na dimuka ku tongonona nawa eyi a amba aa maywi o kuninga ci: ‘Naa fota ñeke kadi eyambero,’ nga ka mu raturire anu o kupira murandu. 8Mweyo, Mwana Munu po Fumu o diyuwa dyo Savata.”
Yesu aa porithsa o ku ara dyoko
(Mar 3.1-6; Luk 6.6-11)
9Yesu ou a tundire apo, wa kengenine mu sinagoge thzo. 10Omo mu sinagoge mwekarire mukwerume o ku ara dyoko. Awa ekariremo shime a fotire dyo ku capa Yesu eamba, ngou a mwipurire ci: “Ene yaa tawethziwa mu murao wetu ku porithsa munu mu diyuwa dyo Savata nji?”
11Yesu wa wa tawire ci: “Ngeci ku kwenu kwaa di munu oyu di no dingu, nga adyopo di wera mu diteke mu diyuwa dyo Savata, ene nga ka a di kwata no ku di tundithsamo mu diyuwa dyo Savata nji? 12Munu po mukuru nene mu thsivaka kupita dingu. Mweyo, murao waa tawethza ku kwama yoiwa mu diyuwa dyo Savata.”
13Yesu ngou a amberire oya mukwerume ci: “O orore dyoko dyoe.” Ou a di ororire dya porire no kwikara nawa eci edi dimweya. 14Afarithsi ngou a punine no ku ka yongora edi nga a twethsa kwipaa Yesu.
Yesu mupika Nyambi oyu a hangurire
15Yesu pa ku dimuka eyi a yongorire, wa tundire muya mu ndau. Anu owangi a mu shupwerire, karo wa porithsire ku kwo wahe awa a korire. 16Unone wa wa nomenithsire ci a mu yukithsa. 17Eyi ya citomborire neyi a ambire Nyambi ka mukwakukethza Isaya ci:
18“Oyu po mupikange oyu na ni hangura,
oyu na shima no ku ni roerithsa nene,
kenge na ku paka Mupepo wange pa penthzi,
karo kenge a ku tongwera matunga raturo thzange.
19Ka a ku cikanyeka no munu nji ku kayathzoka,
no diywi dyenthzi ka dya ku yuvahara mu mambanthza.
20Ka a ku corerera dimbungu dyo ku funyama,
nji ku thzima kambarambara aka ka monyamonya,
kenge a ku ootera kengeyo, kate owawa ou wa ku othza.
21Matunga kenge a ku kurupera mu dithzina dyenthzi.”#Isa 42.1-4.
Yesu na Ñathsire o mathzimu
(Mar 3.20-30; Luk 11.14-23)
22Anu ngou a retire kwa Yesu mukwerume o mathzimu o kapuputwa karo shiamba. Yesu wa porithsire oya mukwerume, ayepo twethsa ku mona no ku amba. 23Anu wahe a komokire no ku cipaura ci: “Ene oyu ne kenge nga ikara ci yodiyo Mwana Davida nji?”
24Afarithsi ou a i yuvire eyo, a ambire ci: “Oyu munu aa cithza mathzimu pakuninga ci Beelezebule ñathsire wao yo na mu pa okoro o ku tenda kengeyo.”
25Yesu wa dimukire eanekera yo, ngou a wa amberire ci: “Kutumina kokuhe ko ku citepa ko ku cirwithsa kenge kwa kwipa. Karo anu o diumbo dyofoci nji anu o mwanda ofoci o ku cirwithsa ka ku tanara. 26Ngeci Satana aa cicithza, apo po aa cirwithsa thsinda. Kutumina kwenthzi ne ngepi nga ku tanara? 27Ngeci mwaa ninga ci naa cithza mathzimu kokoro o ku ni pa Beelezebule, awa anuenu ne aa a cithza kokoro ou u tunda kupi? Nanuenu kenge a ku mi ratura. 28Unone ngeci naa cithza mathzimu ko Mupepo wa Nyambi, apo honi Kutumina kwa Nyambi ku na kumu ku kwenu.
29“Karo ngepi edi nga a twethsa munu kwingena mu nthzio thzo munu o mukoro ci a ka shimbe etere yenthzi, o ku shime tango kwanga oya munu shokoro? Shime o ku na tende kengeyo mbeci nga a twethse ku i cishimbera.
30“Munu yomuhe o kukana ku nimanena aa ni rwithsa, o kukana ku ni kwathsa kungera a shandura. 31Mweyo, naa mi ambera ci thsivi thsothsihe no kuyengwa kenge ya ku teteriwa, unone o ku yengwera Mupepo Oukenu, aye mbera ka a teteriwa. 32Munu yomuhe o ku amba thsothsimango kwa Mwana Munu aa twethsa ku teteriwa, unone yomuhe o ku amba thsothsimango ku Mupepo Oukenu, mbera ka a teteriwa, ikare mo uno mwoyo nji mou mwoyo u keya.
Thsitondo no ima yathso
(Luk 6.43-45)
33“Ngeci thsitondo thsiwa, no ima yathso iwa, ngeci thsimango, no ima yathso imango. Mweyo, thsitondo thsa ku dimukera ku ima yathso. 34Amwe mwana mayoka, ngepi nga mu amba enu yoiwa amwe mwanu owamango? Inene mu kanwa mwa ku amba eyi ya yara mu mucima. 35Kwa munu omuwa kwa ku tunda enu yoiwa yo mu thsinyungero thsenthzi thsothsiwa, karo kwa munu omumango kwa ku tunda yoimango yo mu thsinyungero thsenthzi thsothsimango. 36Naa mi ambera ci: ‘Mu diyuwa dyo raturo, munu no munu kenge a ku citawera pa diywi no diywi edi naa rapoka ku amba.’ 37Maywi oe kenge a ku ku thsambwithsa nji ku ku wemeka.”
Anu aa romba thsimonithso
(Mar 8.11-12; Luk 11.29-32)
38Afarithsi narongithsi o murao a amberire Yesu ci: “Murongithsi, twaa fota ku ku mona o ku kwama thsimonithso.”
39Yesu wa wa tawire ci: “Anu o rerodino owamango no kukana ku rurama, aa romba thsimonithso, unone ka piwa thsimonithso shime thsa mukwakukethza Jonasi. 40Inene dyodi ekarire Jonasi mayuwa ahatu no mathsiku ahatu mu dira dyo thsi o mukuru, no Mwana Munu naye kenge a kwikara mayuwa ahatu no mathsiku ahatu mu muve.
41“AkwaNinive kenge a kwimana no ku ratura anu o rerodino mu diyuwa dyo raturo, inene awo po a cerire munyima thzerongithsa ya Jonasi, pano honi o mukuru kupita Jonasi pa a di pano. 42Fumu o mbuyama#12.42 Oyu yodiyo Fumu wa Sheba oyu na ambauriwa mu 1 Mafumu 10:1-13. o ku mboera naye kenge a kwimana ku ratura anu o rerodino, inene wa ka tundire kokure, ku hura o kaye ku na yuva onyanyami wa Solomoni. Naa mi ambera ci o mukuru kupita Solomoni pa a di pano.
Kukahuka ko mupepo oumango kwa munu
(Luk 11.24-26)
43“Mupepo oumango o ku u na tundu kwa munu waa thza mu dikunguthsitu ku fota ko ku turumwithsera, unone kamona aopo u kwanga ku wana mo ku turumwithsera, 44wa amba ci: ‘Naa huka mu nthzio thzange muya na ni tundu.’ Ngeci aopo na u thzi wana mukunguru, thzi na kombiwa no ku roithsiwa nawa, 45waa thza no ku ka shimba mipepo thzimweya thzo mutanu na thzidi thzothzimango nene ku u pita, thzaa keya thzothzihe ku na tungamo. Ku hura oya munu kenge a kwipa kupita pa kutanga. Dyo ya kwikara ko uno mukuta oumango.”
Mama wa Yesu namina Yesu
(Mar 3.31-35; Luk 8.19-21)
46Yesu o ku ambaura no mbunga, mama wa Yesu namina Yesu wakwerume a kumine. A nemanine pora ku taterera ci a ambe nenthzi. 47Munu yumweya wa mu tongwerire ci: “Njinoe naminoe pora a di, aa fota ku amba noe.”
48Yesu wa mu tawire ci: “Mama ne edye, naminange ne adye?” 49Yesu ngou a nehire erongwa yenthzi no ku amba ci: “Mu na mono, awa po wodiyo amama naminange! 50Munu yomuhe o ku kwama eshima ya Tata o ku wiru, yodiyo minange o mukwerume no ndumbuthzange no mama.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2023 The Seed Company