שְמוֹת יז

יז

1און די גאַנצע עדה#17‏.1 די עדה פֿון ה׳, װעלכעס איז די קהלה פֿון דעם לעבעדיקן ג‑ט, דער זײַל און פֿונדאַמענט פונם אמת, װעלכעס די טויערן פֿון שְׁאֹול תחתית װעלן זי נישט בײַקומען; דאָס קהלה, דינענדיק ה׳ און אַלע כתבי הקודש, װעלכעס זענען אינספירירט פֿון ה׳ס גײַסט, און זענען נוצלעך צו לערנונג, צו מוסר, ארױפצופירן אױפֿן דרך הישר, צו דערציאונג אין צדקות; כּדי דער מענטש פֿון ג‑ט זאָל זײַן שלמותדיק, פֿעליק צוגעגרײט צו כּלערלײ מעשׂים טובים. פֿון די קינדער פֿון יִשׂרָאֵל האָט געצױגן פֿון מדבר סין אױף זײערע ציִונגען, לױט דעם מױל פֿון ה׳, און זײ האָבן גערוט אין רפֿידים; און עס איז נישט געװען קײן װאַסער פֿאַרן פֿאָלק צום טרינקען. 2און דאָס פֿאָלק האָט זיך געקריגט מיט משהן, און זײ האָבן געזאָגט: גיט אונדז װאַסער, מיר זאָלן טרינקען. האָט משה צו זײ געזאָגט: װאָס קריגט איר זיך מיט מיר? װאָס פּרוּװט איר ה׳?

3און דאָס פֿאָלק האָט דאָרטן געדאָרשט נאָך װאַסער, און דאָס פֿאָלק האָט געמורמלט אַקעגן משהן, און האָט געזאָגט: נאָך װאָס גאָר האָסטו אונדז אױפֿגעבראַכט פֿון מִצרַיִם, צו טײטן מיך און מײַנע קינדער און מײַנע פֿיך דורך דאָרשט?

4האָט משה געשריען צו ה׳, אַזױ צו זאָגן: װאָס זאָל איך טאָן צו דעם דאָזיקן פֿאָלק? נאָך אַ ביסל און זײ װעלן מיך פֿאַרשטײנען.

5האָט ה׳ געזאָגט צו משהן: גײ פֿאַרױס פֿאַרן פֿאָלק, און נעם מיט דיר פֿון די עלטסטע פֿון יִשׂרָאֵל; און דײַן שטעקן, װאָס דו האָסט מיט אים געשלאָגן דעם טײַך, נעם אין דײַן האַנט, און זאָלסט גײן. 6זע, איך װעל דאָרטן שטײן פֿאַר דיר אױפֿן פֿעלז {צוּר} אין חוֹרֵבֿ; און זאָלסט שלאָגן דעם פעלדזנשטײן#17‏.6 נבֿואה פֿון משיח בן דָוִד; זען הערה דָניאֵל 7‏.14, און עס װעט אַרױסגײן פֿון אים װאַסער, און דאָס פֿאָלק װעט טרינקען. און משה האָט אַזױ געטאָן פֿאַר די אױגן פֿון די עלטסטע פֿון יִשׂרָאֵל.

7און ער האָט גערופֿן דעם נאָמען פֿון דעם אָרט מַסָה און מריבֿה, פֿון װעגן דעם קריגן זיך פֿון די קינדער פֿון יִשׂרָאֵל, און פֿון װעגן זײער פּרוּװן ג-ט, אַזױ צו זאָגן: איז ה׳ פֿאַראַן צװישן אונדז אָדער נישט?

8און עַמָלֵק איז געקומען, און האָט מלחמה געהאַלטן מיט יִשׂרָאֵל אין רפֿידים. 9האָט משה געזאָגט צו יְהוֹשועַן:#17‏.9 זען הערה יְהוֹשועַן/ישוּעַ איז נאָמען פֿון צמח משיח זכַריָה 6‏.11‏-12; עֶזְרָא 3‏.8 קלײַב אונדז אױס מענער, און גײ אַרױס, האַלט מלחמה מיט עַמָלֵק. מאָרגן װעל איך זיך שטעלן אױפֿן שפּיץ באַרג, מיט דעם שטעקן פֿון האלֹקים אין מײַן האַנט.

10האָט יְהוֹשועַ געטאָן אַזױ װי משה האָט אים אָנגעזאָגט – מלחמה צו האַלטן מיט עַמָלֵק. און משה, אַהרן, און חור זײַנען אַרױפֿגעגאַנגען אױפֿן שפּיץ באַרג. 11און עס איז געװען, װי משה האָט אױפֿגעהױבן זײַן האַנט, אַזױ האָט גוֹבר געװען יִשׂרָאֵל, און װי ער האָט אַראָפּגעלאָזט זײַן האַנט, אַזױ האָט גוֹבר געװען עַמָלֵק. 12און משהס הענט זײַנען געװאָרן שװער; האָבן זײ גענומען אַ שטײן און אַװעקגעלײגט אונטער אים, און ער האָט זיך דערױף געזעצט. און אַהרן און חור האָבן אונטערגעלענט זײַנע הענט, אײנער פֿון דער זײַט, און אײנער פֿון דער אַנדער זײַט; און זײַנע הענט זײַנען געבליבן פֿעסט ביז זון-אונטערגאַנג. 13און יְהוֹשועַ האָט פֿאַרשלאַפט עַמָלֵק און זײַן פֿאָלק מיטן שאַרף פֿון שװערד.

14און ה׳ האָט געזאָגט צו משהן: שרײַב דאָס אױף פֿאַר אַ געדעכעניש אין אַ בוך, און טו עס אין די אױערן פֿון יְהוֹשועַן, אַז אױסמעקן װעל איך אױסמעקן דעם זֵכר פֿון עַמָלֵק, פֿון אונטערן הימל.

15און משה האָט געבױט אַ מזבח, און האָט גערופֿן זײַן נאָמען ה׳-נִסי. 16און ער האָט געזאָגט: פֿאַר װאָר, די האַנט אױפֿן טראָן פֿון ה׳! מלחמה איז בײַ ה׳ מיט עַמָלֵק פֿון דָור צו דָור.

Currently Selected:

שְמוֹת יז: OYT2023

Highlight

Copy

Want to have your highlights saved across all your devices? Sign up or sign in