HABAKUK 1
1
1Heika Yhensain lvpe Habakuk lyis chixoeuq dah loeus nghuot.
Habakuk, Lyi Ma jus cho Lop
2 Yhensain eh, Lhuot zo zis xauh masyah nvng ngamoq lyis ma khyuot dvchank, nvng ma gyo dyei dvchank, ngos khanyhank jweh shoq pangh das cho dung chah lah? 3Nvng ngos lyis chamus housoeh teh yau cho nyvng nhang? Houteh ma gis zis kuot cho lhyi nvng khasoeh yoh yoeuh nyeis? Thyoqpi cho yahge lhuot zo cho ka ngos lyis lhaink toh. Dvkhauyah zan-goh cho yahge dyoqgoh cho bos. 4Lyi mvn ma bos las yhung pvjus, lyi jus cho khanhamp eq ma bweh lo. Ma gis bang gas dan bang lyis ung loh las lyi jus cho ka shuot loh.
Yhensain phuk taiq
5Hauh thang lhyi Yhensain taiq, Namoq vyvm vwi mas dah dius nyau jens lyis zungh yoeuh nyeis geh, namoq nyvng yvlyis tsain mauh das. Ngos namoq xauhgyo lyis ma jingh das cho dvja kuot das.#Lgy 13.41 6Ngos gas gyukphoh nghuot las tsoeklo ma nyeis bang Babilon jens lyis yomsoq bos los nhang das. Nyamoq gas gohmau lyis zan ung das xiklyis mungkvn lyis thyet las jens los nyeis.#2Hw 24.2 7Nyamoq gas dius jens lyis gyuk dvn nhang, nyamoq khwank yvmvyah nyamoq nyang o khyvlyis tsain kuot.
8Nyamoq dah nyang jens gas lutyoeuh thoq lyis zes nyap, yuot dah cauhpau jens thoq lyis zes gyukphoh nghuot. Nyamoq dah nyang dvp jens gas mauwe masyah ji jweh los. Nyamoq dah nyang jens gas khyeikhu yah nyeisjvng mas dyik. Nyamoq gas shoh dyvm dvng zo dah zonsmuh dang gyoh teh jweh los.
9Nyamoq jesphung jens gas xikpheh duon loh las lhuotzo zis yah zan ung, nyamoq jweh los nyeis lyis yuk khanghmuh gyuk dvn.#1.9 Hebre mas ma bvng Nyamoq shwih jons loh bang gas sihsho nyhoq nyo. 10Nyamoq gas hwankti jens lyis chaxwe ma nhang kuot, zau jens lyis jwangh, nyamoq lyis khah thoenkgus jesdvp eq ma yoh tomp toh, nyamoq gas gvduk lyis tsoh nhangh zis yah hauh yvlyis yoeus tyamp. 11Hauh thang lhyi nyamoq yomsoq lyis nyamoq mangso teh loms bang gas lyeis soeh dang las dyuk loh goeus, ge.
Yhensain lhyi doms Lop
12 Yhensain eh, nvng gas gohnhamp masyah Mangso nghuot. Nvng gas ngah Mangso, gyingshang lha vcaiq vto nghuot. Ngamoq ma shei das. Yhensain, ngah Mangso yahge Gomh soeu, nvng ngamoq lyis yoh joeng das nyhenshang Babilon jens lyis khyen lha yombos nhang goeus. 13Nghuot laus eq nvng hai dang ma jings, ma gis bang lyis khasoeh yoh jhen das lah? Nah nyoqjeih gas nyo gyingshang lha ma gis yvlyis ma yoh yoeuh toh. Dius jens ma jus zis kuot yvlyis eq ma yoh yoeuh jhen. Housoeh las dius jens nyamoq thoq lyis zes dan bang lyis mhont loh uhlyis nvng chamus samlo nyeis?
14Nvng dius jens lyis oengdoq nghuot ya taiq shet das guon soeu ma bos dah tungde whom lhyi teh khasoeh yoh kuot? 15Babilon jens gas dius jens lyis oengdoq lyis teh oengnghweh yah nghweh yoeus. Babilon jens gas nyamoq lyis nyho yah lang yoeus las nyamoq yoh nyhik yvlyis gaus zis yah tsain kaiq. 16Nyamoq dah nyho ka nyamoq lyis ja khanghmuh gis thank zis dyei yvmvyah nyamoq gas nyamoq dah nyho lhyi yangh paiq las hauh yvlyis tsain phudyei.
17Nyamoq gas vjangh nyamoq dah nyho yhung lha dius nyau jens lyis nhaiq ma nyen lo tsoq mhont loh das lah?
Currently Selected:
HABAKUK 1: NCB
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.