EZEKIEL 1
1
Ezekiel Cangxeih Nyoqnyvng
1.1—7.27
Mangso dah Hwankti Tank
1Somhci vzvn, lhamhmuh nyei vkhyvp, oeng vnyeih lyis Buzi lo ngos phudyei Ezekiel gas Babilon mau Kheba lvng yvm mas Yuda jonsdoeus loh bang yah nyeis. Maukhung phank los las ngos Mangso dah nyoqnyvng nyvng.#Nyoq 19.11 2Houka hwankti Yehoiakhin jonsdoeus loh thang lhyi oeng vzvn lyis nghuot.#2Hw 24.10-16; 2Ss 36.9-10 3Babilon mau Kheba lvng nvm mas Yhensain ngos lyis taiq dang xauhgyo las ngos mas nyah yomsoq bos nyhink.
4Ngos yoeuh kat lyis, lyeis jyang ka mautsung pheh yah los. Jyommauh punk masyah maunyoq nyik nyeis. Hau jyommauh yvmlhaink dah maukhung ka bvng joq. Hau maunyoq nyik nyeis yvmas thunk teh zis bvng joq. 5Hauh lyeisjyang vgungs mas ngos dius dah vzwvng teh dah yewus nyeis doeu lyis nyvng.#Nyoq 4.6 6Dvdoeu dvdoeu mas nyoqnho nyei shot shot, dungs nyei koeuq koeuq dap. 7Nyamoq khyei ka tsain dan, khyei mha noeulu dah khyeikhu teh zis dap. Hauh zis gas buot toh dah thunk teh bvng. 8Hauh thoq lyis nyamoq dah nyoqnho nyei koeuq yahge dungs nyei koeuq mas dius loq nyei koeuq dap. Hau loq dvkoeuq dvkoeuq gas dungs o mha tsain dap. 9Dvdoeu dvdoeu dah dungs aiq koeuq tyo kat lyis hauh doeu gas soehuqthunk teh dah vzwvng bweh joq. Nyamoq dah dungs thyoh changh tanh goh joq. Nyamoq suh loh lyis nyamoq dvphung teh loh las nyamoq dah gungs ma lhaiq noh.
10Dvdoeu dvdoeu mas ma doeusgoh dah nyoqnho nyeis koeuq bos. Xikkhonh pheh dius nyoqnho, loqyos pheh khangkhyi nyoqnho, loqwi pheh noeujungs lu nyoqnho yahge nungs pheh zonsmuh nyoqnho tsain nghuot.#Ezk 10.14; Nyoq 4.7 11Dvdoeu dvdoeu dah dungs aiq koeuq#1.11 Dungs aiq koeuq ge zis Hebre mas, nyamoq nyoqnho, nyamoq dungs ge. lyis nyhang pheh tyo lha gohtoeu dvdoeu dah dungs thyoh mas tanh toh. Dungs aiq koeuq gas nyamoq gungs lyis nghop toh. 12Dvdoeu dvdoeu gas nyamoq nyoqnho nyei shot xoeu toh las hau dvphung gonh gas Dyos yah shwih loh mes yvpheh, ma tauh noh yoh loh.
13Hau yewus jens mas nyigywe duk nyeis teh, nghuot ya nyibuh teh zis e los ma no lo dwis nyeis. Hauh nyi gas duk los las maunyoq soeh nyik thuq nyeis. 14Hauh yewus jens gas nyamoq nyang maunyoq nyik teh e los wuih nyeis.
15Ngos hau yewus nyeis doeu lyis yoeuh nyeis lyis, lhyingh nyei koeuq nyeisjvng mas tanh toh zis nyvng. Houka yewus dvdoeu vyvm mas lhyingh dvkoeuq nghuot.#Ezk 10.9-13 16Hau nyei lhyingh yah dvyhangteh nghuot las dvkoeuq dvkoeuq gas phauhdap luk teh bvng. Lhyingh dvkoeuq mas gohtoeu lhyingh dvkoeuq thunk dan los kyank las, 17houka hau lhyingh jens gas nyei shot yoh loh. 18Lhyinghzam jens gas gyuk dvn phoh zis tsain nghuot. Hau nyei koeuq gonh mas nyoqjeih yah dyingh joq.#Nyoq 4.8 19Hauh yewus jens loh khanghmuh lhyingh eq cheq loh.Yewus jens nyeisjvng masyah toq loh lyis lhyingh eq doq loh. 20Dyos khalhye loh mes yvmas jweh loh. Yewus jens dah dyos gas hau lhyingh mas bos yvmvyah yewus jens jweh yvmas lhyingh eq top jweh loh. 21Housoeh las yewus jens loh khanghmuh, no khanghmuh, lyeis mas doq khanghmuh lhyingh eq dvyhangteh top kuot.
22Yewus jens dah uhloms toeu mha kyi kyi bvng dah pvt yah kuot toh teh yoeuh doeus dah maunyaus zoh joq.#Nyoq 4.6 23Hau maunyaus zoh dah vjeis mas hau yewus jens yap las dvdoeu dvdoeu dah dungs aiq koeuq gas tyo lha nyah yvm mas dah vdoeu dah dungs lyis tanh toh. Gohtoeu aiq dungs gas nyamoq nyang gungs lyis nghop toh. 24Nyamoq dang lyis ngos nyamoq dah dungs phap sam xauhgyo. Houka thomh nyings thwe teh, jesphung zainsmuh thwe teh, Maukhung Jesphung Mangso dah thwe teh zis nghuot. Nyamoq dang masyah no yap lyis nyamoq dah dungs yop toh.#Nyoq 1.15, 19.6 25Nghuot laus eq nyamoq dah uhloms toeu maunyaus zoh thoq masyah thwe thuq nyeis shih.
26Hau maunyaus zoh vtoeu mha nila yah kuot toh dah hwankti tank teh yoeuh doeus zis dvkoeuq joq. Hau hwankti tank mas cangsoeu dius teh zis tsung toh.#Ezk 10.1; Nyoq 4.2-3 27Hauh vzwvng gas nyikhyomp mas thunk bvng nyeis teh nghuot. Houka dvgungs gonh yah bvng bvng nghuot.#Ezk 8.2 28Hauh vkhau mha sainyvng yoqgan vwot dvnganh bos. Hau kyi kyi bvng zis gas Yhensain phunk lyis chixoeuq.
Ezekiel Lvpe Duot das
Ngos haih zis nyvng lyis ngos nyeisjvng pheh gop gyoh loh. Hauh thang lhyi ngos thwe dvkoeuq xauhgyo.
Currently Selected:
EZEKIEL 1: NCB
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.