JAS 1
1
1Likarkar wa fiɗa neme a Yakubu ni, hoora Kaa ra ma Ankundi yaande Yeso Krisiti.
Nǝn nyor me nǝ too tuwa pu a nhaa raɓ u Isra'ila ɓǝ nweesǝsǝ a put taandi wa ɓa nsaad.
2Ɓaata ɓǝna, sǝ hur kuɗa me hana kasǝ taa nkamǝra kongsa na ra, 3me sǝ maan pǝtara ɓongtǝra nwaago ǝn sokǝ sǝmmo. 4Pa me sǝkǝ tom ɓaa ɓǝ kinisǝ ɓa a bǝɗ Yeso Krisiti wa, ɗǝm sǝ ntaa pǝr mbuka wa ra. 5Me yaake kǝn a ɗaaso waaso yǝ ntaa pǝr mbuka wa a tinima Kaa ma, yǝ kǝna Kaa, yaa yǝn nasǝ mbusa nsaad semma taawo ra ya, ɓaa ka na. 6Pa me yǝ taan, yǝ na ɓongtǝra sem ma pǝno ra, yaa yǝn pǝnsǝ mbuka ya, yǝ nga parparto yoro mbraa yǝn nyaasǝ a aulaara wa. 7Yaa yǝn pǝnsǝ sisi, yǝ nkee me ko kiya ta mbuka a Ankundi yaande ni ra, 8yǝn yaa ma senta raɓ ya, yǝ nǝɗ ɗa a mbuka fin a mbu yǝn tomsǝ nsaad ɓa ra.
9Hana yamni me ate nyaange yaa yǝn bǝɗsǝ Yeso ya, ɗǝm yǝn hanhan ɗa ya, pam me yǝ hur kuɗa me Kaa yǝ toosǝ. 10Pa yaa yǝsǝ ma kǝnaa ya, yǝ kwal ma kǝnaa usu ra, me kiya nhe nga hurta a sanglo. 11Me osa nwee kwang, yǝn nhe hurta ǝn roo, kwalarito usu a tǝblǝ. Maso ɗǝm, an kǝnaa ya ki ya tom wa, ki ya wod a faaka usu.
12Kaa yǝn na saltǝra yaa yǝn sǝmsǝ a fer pǝtara ya, me kiya kon kukǝra huurtu ra, u Kaa yǝ waasǝ me ki yaa na ɓaa ɓǝn yausǝsǝ ɓa wa.
13Me ete taa ee usu a pǝtara, yǝn nkee me, “Kaa yǝ ti nǝ sase ra.” Me yaake ti Kaa a pǝtara ra, ɗǝm Kaa yǝ pǝta yaake ma kwanatiro ra. 14Pa ete yǝn kana pǝtara men nɗeura a kuɗa ira kwaasǝ siso. 15Pa me nɗeura kung kudan, kiya haa tenatenato, tenatenato ɗǝm me yǝ baran, kiya haa woɗɗa.
16Ɓaata ɓǝna u nǝ yausǝ kwang wa, yaake yǝsǝ nlaa ra. 17Hana nkamǝra mbi yǝsǝ yaɓ wa, fiɗ ɓoti a paa nde ni yǝsa a liura ya, ǝn sase yaa yǝ paka ra ya. 18Yǝ tau ndǝ yǝ ndǝ na hemǝra nfii ra lau mara ira u ɓong wa, me ndǝ kaɗ nga mbu ntiiri weesǝ a nyaa usu wa.
Kuraa ma sǝk tinima wa
19Ɓaata ɓǝna nǝn yausǝ kwang ɓa, sǝ kura mbu ɓa. Hana yamni yǝ tom ma haaɗe a kuraa, yǝ tom nlaa a kanmǝra, ɗǝm yǝ haɗɗa tom nfiima wa ra, 20me nfiima ete ma yǝ tom maa kaɗɗo keke a wiiyo a Kaa ni, yǝn taasǝ ɓa ra. 21Me maaso, sǝ yaɓ mbu kwalakwala ɓa ma kwanatiro sǝn tomsǝ ɓa, sǝ yaɓ too ɗuura wa, sǝ naa eewaaso sǝ kon mara Kaa ra, u ɓaa tisǝ a kuɗa saa wa, u kǝsa taa konnkweera wa.
22Sǝ kura mara Kaa ra maɗ ra, usu sǝn nlaa eewaaso. Sǝ tom mbu yǝ nkeesǝ ɓa. 23Pa hana yamni ya yǝ kurasǝ mara ra ya, pa yǝ tom mbu yǝ nkeesǝ ɓa ra ya, yǝ nga yaa yǝn senggesǝ ota ita a huurtumbara ya 24pa, ndiira yǝ sengǝsǝ ee usu wa, me yǝ faɗɗan, yǝ hura nok ma ota ita. 25Pa yaa usu yǝn tisǝ senda ira a fǝɗkǝra teno u Kaa wa ya, u ǝn hiksǝ ete a kaɗɗo tentenato wa, yǝ se wiiyo ma ti senda ira yǝ hura ra, ɗǝm yǝn tom mbu mara Kaa ra nkeesǝ ɓa, me sǝ tom maa son, Kaa kiyǝ sǝ ti saltǝra a mbu sǝn tomsǝ ɓa.
26Me yaake yǝn sen me yǝn an bǝɗ Kaa ya, pa yǝ ma ɗǝlmara ira ra, yǝ nlaa ee usun, bǝɗ Kaa usu tommon sal. 27Pa bǝɗ Kaa u Paade yausǝ me ɗekɗek ma u teno nwa, ǝn kwasi emba ɓaa semma paapamse ma mamamse ra ɓa, ma kiu toona ɓa a fer kongsa ɓoso, ɗǝm ete yǝ hik nkweera ira a mbu kwalakwala u a put taandi wa ɓa.
Currently Selected:
JAS 1: LLA
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association
JAS 1
1
1Likarkar wa fiɗa neme a Yakubu ni, hoora Kaa ra ma Ankundi yaande Yeso Krisiti.
Nǝn nyor me nǝ too tuwa pu a nhaa raɓ u Isra'ila ɓǝ nweesǝsǝ a put taandi wa ɓa nsaad.
2Ɓaata ɓǝna, sǝ hur kuɗa me hana kasǝ taa nkamǝra kongsa na ra, 3me sǝ maan pǝtara ɓongtǝra nwaago ǝn sokǝ sǝmmo. 4Pa me sǝkǝ tom ɓaa ɓǝ kinisǝ ɓa a bǝɗ Yeso Krisiti wa, ɗǝm sǝ ntaa pǝr mbuka wa ra. 5Me yaake kǝn a ɗaaso waaso yǝ ntaa pǝr mbuka wa a tinima Kaa ma, yǝ kǝna Kaa, yaa yǝn nasǝ mbusa nsaad semma taawo ra ya, ɓaa ka na. 6Pa me yǝ taan, yǝ na ɓongtǝra sem ma pǝno ra, yaa yǝn pǝnsǝ mbuka ya, yǝ nga parparto yoro mbraa yǝn nyaasǝ a aulaara wa. 7Yaa yǝn pǝnsǝ sisi, yǝ nkee me ko kiya ta mbuka a Ankundi yaande ni ra, 8yǝn yaa ma senta raɓ ya, yǝ nǝɗ ɗa a mbuka fin a mbu yǝn tomsǝ nsaad ɓa ra.
9Hana yamni me ate nyaange yaa yǝn bǝɗsǝ Yeso ya, ɗǝm yǝn hanhan ɗa ya, pam me yǝ hur kuɗa me Kaa yǝ toosǝ. 10Pa yaa yǝsǝ ma kǝnaa ya, yǝ kwal ma kǝnaa usu ra, me kiya nhe nga hurta a sanglo. 11Me osa nwee kwang, yǝn nhe hurta ǝn roo, kwalarito usu a tǝblǝ. Maso ɗǝm, an kǝnaa ya ki ya tom wa, ki ya wod a faaka usu.
12Kaa yǝn na saltǝra yaa yǝn sǝmsǝ a fer pǝtara ya, me kiya kon kukǝra huurtu ra, u Kaa yǝ waasǝ me ki yaa na ɓaa ɓǝn yausǝsǝ ɓa wa.
13Me ete taa ee usu a pǝtara, yǝn nkee me, “Kaa yǝ ti nǝ sase ra.” Me yaake ti Kaa a pǝtara ra, ɗǝm Kaa yǝ pǝta yaake ma kwanatiro ra. 14Pa ete yǝn kana pǝtara men nɗeura a kuɗa ira kwaasǝ siso. 15Pa me nɗeura kung kudan, kiya haa tenatenato, tenatenato ɗǝm me yǝ baran, kiya haa woɗɗa.
16Ɓaata ɓǝna u nǝ yausǝ kwang wa, yaake yǝsǝ nlaa ra. 17Hana nkamǝra mbi yǝsǝ yaɓ wa, fiɗ ɓoti a paa nde ni yǝsa a liura ya, ǝn sase yaa yǝ paka ra ya. 18Yǝ tau ndǝ yǝ ndǝ na hemǝra nfii ra lau mara ira u ɓong wa, me ndǝ kaɗ nga mbu ntiiri weesǝ a nyaa usu wa.
Kuraa ma sǝk tinima wa
19Ɓaata ɓǝna nǝn yausǝ kwang ɓa, sǝ kura mbu ɓa. Hana yamni yǝ tom ma haaɗe a kuraa, yǝ tom nlaa a kanmǝra, ɗǝm yǝ haɗɗa tom nfiima wa ra, 20me nfiima ete ma yǝ tom maa kaɗɗo keke a wiiyo a Kaa ni, yǝn taasǝ ɓa ra. 21Me maaso, sǝ yaɓ mbu kwalakwala ɓa ma kwanatiro sǝn tomsǝ ɓa, sǝ yaɓ too ɗuura wa, sǝ naa eewaaso sǝ kon mara Kaa ra, u ɓaa tisǝ a kuɗa saa wa, u kǝsa taa konnkweera wa.
22Sǝ kura mara Kaa ra maɗ ra, usu sǝn nlaa eewaaso. Sǝ tom mbu yǝ nkeesǝ ɓa. 23Pa hana yamni ya yǝ kurasǝ mara ra ya, pa yǝ tom mbu yǝ nkeesǝ ɓa ra ya, yǝ nga yaa yǝn senggesǝ ota ita a huurtumbara ya 24pa, ndiira yǝ sengǝsǝ ee usu wa, me yǝ faɗɗan, yǝ hura nok ma ota ita. 25Pa yaa usu yǝn tisǝ senda ira a fǝɗkǝra teno u Kaa wa ya, u ǝn hiksǝ ete a kaɗɗo tentenato wa, yǝ se wiiyo ma ti senda ira yǝ hura ra, ɗǝm yǝn tom mbu mara Kaa ra nkeesǝ ɓa, me sǝ tom maa son, Kaa kiyǝ sǝ ti saltǝra a mbu sǝn tomsǝ ɓa.
26Me yaake yǝn sen me yǝn an bǝɗ Kaa ya, pa yǝ ma ɗǝlmara ira ra, yǝ nlaa ee usun, bǝɗ Kaa usu tommon sal. 27Pa bǝɗ Kaa u Paade yausǝ me ɗekɗek ma u teno nwa, ǝn kwasi emba ɓaa semma paapamse ma mamamse ra ɓa, ma kiu toona ɓa a fer kongsa ɓoso, ɗǝm ete yǝ hik nkweera ira a mbu kwalakwala u a put taandi wa ɓa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association