EPH 3
3
Bulus yǝ tom tinima ɓaa ɓǝn Yahudawa ra ɓa
1Ndǝn siso mbu kwaasǝ, nase Bulus, nǝ kaɗ pursuna a ɗuura Almaseho Yeso ra, me saase ɓaa ɓǝn Yahudawa ra ɓa, sǝ hima. 2Nǝ na ɓongtǝran me, sǝ kura mara a ɗuura tinima u kwasira Kaa ra wa. Tinima sǝsa, ndǝ siso yǝ na nǝsǝ me nǝ sǝ kwasi wa, 3ǝn siso, ma lau rotǝma wa, Kaa yǝ nwanyǝ mbu yǝsǝ a nhuukǝra ɓa a nani, nga nǝ weesǝ nyor mara ira ngǝɗǝk wa. 4Me sǝ kau nyorma sǝman, kǝsǝ nkaa sǝ maa mbu a nhuukǝra nǝ maasǝ a ɗuura Almaseho ra wa. 5Mbu ɓa a fer tangtang wa, ɓaa nkee tǝnaa ra, nga waso, Kaa yǝ nwanyǝ ɓahona isa ɓaa ɗekɗek ɓa, ma ɓan nawanto ɓaa ɗekɗek ɓa, ma lau Wis ɗekɗek wa. 6Mbu a nhuukǝra kaɓa ǝn siso, ma lau mara kwalari ra wa, ɓaa ɓǝn Yahudawa ra ɓa, ɓǝ kaɗ ɓan kangge ke ma ndaase ɓaa Yahudawa ɓa. Ɓosa ma ɗaase ndǝ kaɗɗan kakta maabiri ta fin. Ɓosa kǝn ɓǝ ma kangge ɗaan a waa kaɓa, u Kaa yǝ tom ndǝsǝ ma lau Almaseho Yeso wa.
7Ɓaa tinǝ nǝ kang hoora a tinima nkee mara kwalari ra ma lau nawoo kwasira Kaa wa ra, u ɓaa nanǝsǝ ma lau kwangto usu wa, kwangto u yǝn tomsǝ tinima ɗaan a nanii wa. 8Hana nǝsǝ ngeekǝlek a ɗaaso nsaad ɓet bǝɗ Kaa ɓa wa, ndǝ niina ɓaa nanǝsǝ kwasira sǝra wa, me nǝ nkee mara kwalari ra ɓaa ɓǝn Yahudawa ra ɓa, a ɗuura pelerto Almaseho u nkaa aa kau ra wa. 9Ɗǝm ɓaa nanǝ me nǝ weɗɗa ɓeta nsaad tinima mbu a nhuukǝra u Kaa yǝ tisǝ meta meta wa, yaa yǝ marsǝ mbusa nsaad ya. 10Senda ira ǝn siso me, waso ma lau ɓan bǝɗ Kaa ɓa wa, aa nkee maawo Kaa wa ɓolɓol, a ɓaa ɓǝsǝ ma kuɓsutu ɓa, ma ɓaa ɓǝsǝ ma kwangto ɓa, a kuɓsutu ɓoti a liura wa. 11U nwa ɓaa tom a ɗuura senda Kaa yǝ sensǝ tǝng a ntiiri wa, ɗǝm yǝ tom tinima ma senda ira ma lau Almaseho Yeso Ankundi yaade wa. 12Ma lau usu, ɗǝm ma lau naɓongtǝra a sanii wa, kǝndǝ nkaa ndǝ ko a Kaa ni ma ɗuura kǝɗ kokto sem ra. 13Pa me maaso, nǝn kǝnasǝ, nkwiiti sǝn ndol a wǝr kongsa nǝn weesǝ a ɗuura sa wa ra, nsaad siso ǝn too waaso wa.
14Ndǝn siso mbu kwaasǝ nǝn kwirsǝsǝ a wiiyo a Paade a liura ya wa. 15Ən sase yǝ marsǝ tuwaa ɓolɓol ya nsaad, u ɓǝsǝ a liura ma put taandi wa ya. 16Nǝn tom kǝnara me, yǝsǝ na maawo a pelerto too usu wa, yǝsǝ naa nkwiiti ma kwangto usu me sǝ tom kokrok a kuti yaase ma lau Wis usu wa, 17me Almaseho yǝ kaɗ a kuti yaase ma lau naɓongtǝra wa. Ɗǝm nǝn tom kǝnara me sǝ nǝɗ kwakwa a yauta, aa lee yauta u Almaseho wa, yǝ kaɗ a kuti yaase. 18Tomsǝ maaso wa, me sǝ taa kwangto maawo wa ma lau nǝɗɗo waaso a yauta wa, saase ma pepere ɓet bǝɗ Kaa ɓa, sǝ maa yauta u Almaseho wa, ma hooto usu ma fallangto usu ma mbarta ita ma kututubto usu. 19Ɗǝm sǝ maa ma yauta u Almaseho yǝ tom ndǝsǝ wa, u yǝ faɗsǝ maa mbuka wa, me kaɗɗo waaso aa kang nga u Kaa wa.
20Nyoota aa kaɗ a Kaa ɓǝnda ni, yaa yǝn nkaasǝ yǝ tom mbusa demdem aa faɗ nsaad mbu ndǝ taasǝ ɓa, hana mbu ndaa nkaa ndǝ senda ɓa ya, ma lau kwangto usu u yǝn tomsǝ tinima a ndani ya wa. 21Aa lee too aa kaɗ ke ma sase, ma lau ɓet bǝɗ Kaa ɓa wa, ɗǝm ma lau Yeso Almaseho wa, too sǝta aa ko kaata kaata, feɗefeɗe sem ra. Aa kaɗ maaso.
Currently Selected:
EPH 3: LLA
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association
EPH 3
3
Bulus yǝ tom tinima ɓaa ɓǝn Yahudawa ra ɓa
1Ndǝn siso mbu kwaasǝ, nase Bulus, nǝ kaɗ pursuna a ɗuura Almaseho Yeso ra, me saase ɓaa ɓǝn Yahudawa ra ɓa, sǝ hima. 2Nǝ na ɓongtǝran me, sǝ kura mara a ɗuura tinima u kwasira Kaa ra wa. Tinima sǝsa, ndǝ siso yǝ na nǝsǝ me nǝ sǝ kwasi wa, 3ǝn siso, ma lau rotǝma wa, Kaa yǝ nwanyǝ mbu yǝsǝ a nhuukǝra ɓa a nani, nga nǝ weesǝ nyor mara ira ngǝɗǝk wa. 4Me sǝ kau nyorma sǝman, kǝsǝ nkaa sǝ maa mbu a nhuukǝra nǝ maasǝ a ɗuura Almaseho ra wa. 5Mbu ɓa a fer tangtang wa, ɓaa nkee tǝnaa ra, nga waso, Kaa yǝ nwanyǝ ɓahona isa ɓaa ɗekɗek ɓa, ma ɓan nawanto ɓaa ɗekɗek ɓa, ma lau Wis ɗekɗek wa. 6Mbu a nhuukǝra kaɓa ǝn siso, ma lau mara kwalari ra wa, ɓaa ɓǝn Yahudawa ra ɓa, ɓǝ kaɗ ɓan kangge ke ma ndaase ɓaa Yahudawa ɓa. Ɓosa ma ɗaase ndǝ kaɗɗan kakta maabiri ta fin. Ɓosa kǝn ɓǝ ma kangge ɗaan a waa kaɓa, u Kaa yǝ tom ndǝsǝ ma lau Almaseho Yeso wa.
7Ɓaa tinǝ nǝ kang hoora a tinima nkee mara kwalari ra ma lau nawoo kwasira Kaa wa ra, u ɓaa nanǝsǝ ma lau kwangto usu wa, kwangto u yǝn tomsǝ tinima ɗaan a nanii wa. 8Hana nǝsǝ ngeekǝlek a ɗaaso nsaad ɓet bǝɗ Kaa ɓa wa, ndǝ niina ɓaa nanǝsǝ kwasira sǝra wa, me nǝ nkee mara kwalari ra ɓaa ɓǝn Yahudawa ra ɓa, a ɗuura pelerto Almaseho u nkaa aa kau ra wa. 9Ɗǝm ɓaa nanǝ me nǝ weɗɗa ɓeta nsaad tinima mbu a nhuukǝra u Kaa yǝ tisǝ meta meta wa, yaa yǝ marsǝ mbusa nsaad ya. 10Senda ira ǝn siso me, waso ma lau ɓan bǝɗ Kaa ɓa wa, aa nkee maawo Kaa wa ɓolɓol, a ɓaa ɓǝsǝ ma kuɓsutu ɓa, ma ɓaa ɓǝsǝ ma kwangto ɓa, a kuɓsutu ɓoti a liura wa. 11U nwa ɓaa tom a ɗuura senda Kaa yǝ sensǝ tǝng a ntiiri wa, ɗǝm yǝ tom tinima ma senda ira ma lau Almaseho Yeso Ankundi yaade wa. 12Ma lau usu, ɗǝm ma lau naɓongtǝra a sanii wa, kǝndǝ nkaa ndǝ ko a Kaa ni ma ɗuura kǝɗ kokto sem ra. 13Pa me maaso, nǝn kǝnasǝ, nkwiiti sǝn ndol a wǝr kongsa nǝn weesǝ a ɗuura sa wa ra, nsaad siso ǝn too waaso wa.
14Ndǝn siso mbu kwaasǝ nǝn kwirsǝsǝ a wiiyo a Paade a liura ya wa. 15Ən sase yǝ marsǝ tuwaa ɓolɓol ya nsaad, u ɓǝsǝ a liura ma put taandi wa ya. 16Nǝn tom kǝnara me, yǝsǝ na maawo a pelerto too usu wa, yǝsǝ naa nkwiiti ma kwangto usu me sǝ tom kokrok a kuti yaase ma lau Wis usu wa, 17me Almaseho yǝ kaɗ a kuti yaase ma lau naɓongtǝra wa. Ɗǝm nǝn tom kǝnara me sǝ nǝɗ kwakwa a yauta, aa lee yauta u Almaseho wa, yǝ kaɗ a kuti yaase. 18Tomsǝ maaso wa, me sǝ taa kwangto maawo wa ma lau nǝɗɗo waaso a yauta wa, saase ma pepere ɓet bǝɗ Kaa ɓa, sǝ maa yauta u Almaseho wa, ma hooto usu ma fallangto usu ma mbarta ita ma kututubto usu. 19Ɗǝm sǝ maa ma yauta u Almaseho yǝ tom ndǝsǝ wa, u yǝ faɗsǝ maa mbuka wa, me kaɗɗo waaso aa kang nga u Kaa wa.
20Nyoota aa kaɗ a Kaa ɓǝnda ni, yaa yǝn nkaasǝ yǝ tom mbusa demdem aa faɗ nsaad mbu ndǝ taasǝ ɓa, hana mbu ndaa nkaa ndǝ senda ɓa ya, ma lau kwangto usu u yǝn tomsǝ tinima a ndani ya wa. 21Aa lee too aa kaɗ ke ma sase, ma lau ɓet bǝɗ Kaa ɓa wa, ɗǝm ma lau Yeso Almaseho wa, too sǝta aa ko kaata kaata, feɗefeɗe sem ra. Aa kaɗ maaso.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association