Ayyukan 19
19
Bulus a Afisa
1A fer Afolos yǝsǝ Korinti wa, Bulus yǝ siki a ɗaaso ur siso wa yǝ ko put Afisa. Han sǝsa yǝ taasǝ ɓaata ɓan bǝɗ Kaa ɓa, 2pa yǝ taa ɓǝ me, “Sǝ kon Wis Kaa wa a fer sǝ nasǝ ɓongto wa niu?”
Ɓǝ kakka me, “Awo, tǝ fǝta kura me Wis Kaa ko kǝn da.”
3Pa Bulus yǝ taa me, “Yaa sǝ kon baptisma na wau?”
Ɓǝ kakka me, “Baptisman Yohanna wa.”
4Bulus yaa nkee me, “Baptisma Yohanna wa, ǝn baptisma kon nfaata wa. Yǝ nkee ɓeta me ɓǝ na ɓongto ma yaa yǝn wosǝn wo ndiira usu ya, Sase Yeso.” 5Ɓǝ kurasǝ mara sǝra maaso wa, ɓaa ɓǝ tom baptisma ma ɗǝnda Ankundi Yeso ra. 6Pa Bulus yǝ tisǝ neme a ɓoni wa, Wis Kaa wa a wo a ɓoni, pa ɓǝ kan ma eeme ɓolɓol ɓǝn hoɓsǝ wanto. 7Ɓet ka ɓa ɓǝ nsaad kansǝ pu aha raɓ.
8Bulus yǝ kana hit Kwau Yahudawa ɓa yǝ kan ma kokrokto ofe taaten, yǝn kweetǝ yǝn nkee ɓǝ mara a ɗuura kuɓsutu Kaa wa ra. 9Pa ɓaata ma ɗuura kwakwa ra ɓǝ yau ɓǝ na ɓongtǝra ra, ɗǝm a ɗaaso ɓeta wa ɓǝn nkee mbu kwalakwala a ɗuura ɓet bǝɗ Kaa ra. Pa Bulus yǝ lee hit kwau Yahudawa wa. Pa yǝ yar ɓan bǝɗ Kaa ɓa seɗe nfee ɓǝn tom fǝɗkǝra a makaranta Tiranus wa. 10Yǝ tom mbusa maaso meeta raɓ, me ɓaa nsaad Yahudawa ɓa, ma ɓaa ɓǝn Yahudawa ra ɓa ɓǝsa put Asiya wa, ɓǝ kura mara Ankundi ran.
11Ma lau Bulus wa Kaa yǝ weɗa mbu nhiinyanhiinya ɓa u fǝta tomora wa, 12pa ɓeta ɓǝn too mbu haatǝ yalma ɓǝsa hana lukta u nteesǝ maabiri isi wa ɓaa ko ɓan sem kwakwa ra ɓa ɓǝ roɓɓo, ɓaa ma wis nsamse wa ɓa a fiɗ ma maabiri ɓose.
13Pa ɓaata Yahudawa ɓa ɓǝ ntii siko ura ura ɓǝn hik wis nsamse wa a ɓetani, ɓǝn kweetǝ me ɓǝ hik nsaamse ɓǝn tom tinima ma ɗǝnda Ankundi Yeso ra a ɗuura ɓaa ɓǝsǝ ma wis nsaamse wa ɓa, Ɓǝn nkee me, “A fiɗi a ɗǝnda Yeso ra u Bulus yǝn nkeesǝ wa.” 14Pa em parata ka kǝn mbutu em kuɓ nek mbusa ya ǝn yarsǝ me Siba, ɓǝn ɓaa Yahudawa ɓa ǝn ɓosa ɓǝn tom mbusǝsa wa. 15Pa kaa ka ke wis nsamse wa yǝɓǝ kakka, “Yeso nǝ maasǝn, ɗǝm nǝ maa Bulus nǝn, pa waango ngǝ yau nǝu?” 16Pa eɗ ma wis nsamse siya, yǝ nii yǝ ɓǝ sǝukǝ nsaad yǝ ɓǝ hoɓ ɓǝ mon ɓǝ lee ɗuur ɓosa lukta sem a maabiri ra, lee monma maɗ.
17Pa ɓaa Yahudawa ɓa ma ɓaa ɓǝn Yahudawa ra ɓa ɓǝ kaɗsǝ Afisa wa, ɓǝ kurasǝ mbusa maaso wa pa kokto ɓǝ ma nsaad, pa ɓaa toma aa nyoo ɗǝnda Ankundi Yeso ra. 18Ɓeta dem ɓaa ɓǝ nasǝ ɓongto ɓa ɓǝn fiɗ a talte ɓǝ kon nfaata a mbu kwalakwala ɓǝ tomsǝ ɓa. 19Ɓeta dem ɓaa ɓǝn tomsǝ mbu siya ɓa ɓǝ kwau mbu siya sǝsa nsaad ɓaa wo a wiiyo a ɓeta nǝ ɓǝ nek ara asi. Ɓǝ kausǝ mbu ɓǝ neksǝ ɓa wa, kǝ kan koɓa u ka puu an tinima ya tǝro pusa pu puu puuwonon 50,000. 20Ma lau maaso wa mara Ankundi ra a toma faɗo wiiyo wiiyo ma kwangto.
21Ndiira mbu sǝsa tomsǝ nsaad wa, Bulus yǝ sen me yǝ ko Urshalima, yǝ tallǝ ma lau Makidoniya ma Akaya wa. Yǝ nkee me, “Me nǝ kon kǝnso kǝnǝ ko Rom ɗǝm.” 22Pa yǝ tung ɓan kwasi ɓǝsa raɓ, Timatawus ma Erastus me ɓǝ ko Makidoniya, me usu kiya tǝr ngeek a put Asiya wa kweɗ.
Kito a put Afisa wa
23A fersiso ɓaa nik kito dem me a Ɗǝɗa Ankundi ra. 24Kǝɗ siso ntii ma an tiyo ke ǝn yarsǝ me Dimitiriyus yǝn tee tiyo siso ma nɓaa ǝn weɗa nga hit nyoo Artemis. Sase ma ɓaata ɓǝsa ɓǝn taasǝ koɓa dem a si. 25Pa yǝ yǝɓǝ yar a han fina, ma ɓaa nsaad ɓǝn tomsǝ tinima irin fin ɓa, yǝ ɓǝ nkee me, “Ɓeta sǝ maan nɗǝn taa koɓa dem ma tinima nɗǝn tomsǝ ma. 26Pa sǝ wǝrǝn sǝ kuran mbu Bulus yǝn tomsǝ ɓa yǝn nlaa ɓeta dem a ham ɓa Afisa ma nsaad put Asiya wa. Yǝn nkee me kaa ete yǝ marsǝ ma neme ɓa ǝn kaa ra. 27Hana yamni kiya ntii yǝ kan mara kwalakwala ra a lumu yau. Pa ɓaa kǝ ntii ɓisi na mbarta hit kaa Artemis wa, u ɓan nyoosǝ Asiya ma put taandi wa nsaad. Pa kaa Artemis ɓa ɓaa ka hura.”
28Pa ɓǝ kurasǝ mbusa maaso wa, ǝɓǝ ɗaa ɗǝm ɓǝ ntii yaulira, “Ya kwang ya ǝn Artemis u yǝsǝ Afisa wa!” 29Tom kwaɗ ɗa ur siso a ruukǝ. Ɓeta ɓǝ ko ko ɓǝ ma Gayus ma Aristarkus, sik ɓǝ fiɗsǝ ma Bulus Makidoniya ɓa. Pa hana yamni yǝ mon yǝ ko a han ɓan kwausǝ a uru susu ɓa. 30Bulus yǝn taa me kama yǝkǝ ko a han ɓeta sǝsǝ pa ɓan bǝɗ Kaa ɓa ɓǝ yau ra. 31Ɓaata wiina a ɗaaso put siso ɓǝn sik Bulus ɓa, ɓǝ tung ee ɓaa kǝna me, yǝ ko a han ɓǝn tomsǝ mbu sǝsa ɓa ra.
32Ɓaa kwausǝ kǝnso ɓa nsaad ɓǝ kana taa ɓoti wa, ɓaata ɓǝn yauli ɓǝn nkee mbusa ɓol ɓol, ɓaata pera ɓa ɓǝn nkee me ɓǝ maa mbu kwaasǝ ɓǝ ko kǝnso ɓa ra. 33Pa ɓaata Yahudawa ɓa ɓǝ tǝng Alekzanda a wiiyo, pa ɓaata ɓǝ yauli ɓǝn nkeesǝ mbu kiya nkee ɓeta ɓa, pa Alekzanda yǝ nik neme yǝ weɗa ɓeta me ɓǝ ro seu me kiyǝ nkee mara. 34Pa ɓǝ maasǝ me yǝn Bayahude wa pa ɓǝ yauli nsaad kwasa kwasa a nkaa awa raɓ ɓǝn nkee me, “kwangto ndǝ Artemis u Afisa wa!”
35Pa an nyorma a ur siso ya yǝ nkaasǝ yǝ nkee ɓeta ɓǝ ro seu wa, Pa yǝ nkee me, “Ɓet Afisa ɓa, ǝn yamni put taandi wa yǝ maa me Afisa ǝn ur ɓǝn sengǝsǝ hit Artemis u kwang nwa? Ən yamni yǝ maa me suˈnkura ira yǝ fiɗsǝ a liura yǝ ham wa, ya ham ɓa rau? 36Pa sǝ maasǝ me yaake yǝ nkaa yǝ renǝ mbu ɓa ra, pam me sǝ ro seu sǝ tom mbuka u a hautǝma wa ra. 37Sǝ wosǝ ma ɓet ɓa a ham ɓa me ɓǝ tang mbuka a hit Artemis yau ɗǝm ɓǝ kan mbuka nhoornhoor a ɗuura kaa ɓǝnɗaa ra. 38Pa mee Dimitiriyus ma ɓan tinima ɓisa ɓǝ maa mara a ɗuura yaake ra, han kankiita ɓa hoo, ɓan kankiita ɓa kǝn kǝɓǝ nkaa ɓaa ti kaura. 39Pa mee kasǝ ma mbuka ɓol u sǝn taasǝ me kǝsǝ wo ma siso wa, usu kǝsǝ nkaa a kan a wiiyo a wiina kan mara ɓa ni. 40Nga waso wa ɗaa kuɓ kwang kongsa ya a ɗuura kito ndǝ niksǝ naso ra, mee ɓaa kǝɗǝ kankiita asi me ndǝ nkaa ndǝ nkee mbu tomsǝ a nik kit siso ɓa ra.” 41Ndiira yǝ nkeesǝ mbusa maaso wa, pa yǝ ɓǝ ti pamra.
Currently Selected:
Ayyukan 19: LLA
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association
Ayyukan 19
19
Bulus a Afisa
1A fer Afolos yǝsǝ Korinti wa, Bulus yǝ siki a ɗaaso ur siso wa yǝ ko put Afisa. Han sǝsa yǝ taasǝ ɓaata ɓan bǝɗ Kaa ɓa, 2pa yǝ taa ɓǝ me, “Sǝ kon Wis Kaa wa a fer sǝ nasǝ ɓongto wa niu?”
Ɓǝ kakka me, “Awo, tǝ fǝta kura me Wis Kaa ko kǝn da.”
3Pa Bulus yǝ taa me, “Yaa sǝ kon baptisma na wau?”
Ɓǝ kakka me, “Baptisman Yohanna wa.”
4Bulus yaa nkee me, “Baptisma Yohanna wa, ǝn baptisma kon nfaata wa. Yǝ nkee ɓeta me ɓǝ na ɓongto ma yaa yǝn wosǝn wo ndiira usu ya, Sase Yeso.” 5Ɓǝ kurasǝ mara sǝra maaso wa, ɓaa ɓǝ tom baptisma ma ɗǝnda Ankundi Yeso ra. 6Pa Bulus yǝ tisǝ neme a ɓoni wa, Wis Kaa wa a wo a ɓoni, pa ɓǝ kan ma eeme ɓolɓol ɓǝn hoɓsǝ wanto. 7Ɓet ka ɓa ɓǝ nsaad kansǝ pu aha raɓ.
8Bulus yǝ kana hit Kwau Yahudawa ɓa yǝ kan ma kokrokto ofe taaten, yǝn kweetǝ yǝn nkee ɓǝ mara a ɗuura kuɓsutu Kaa wa ra. 9Pa ɓaata ma ɗuura kwakwa ra ɓǝ yau ɓǝ na ɓongtǝra ra, ɗǝm a ɗaaso ɓeta wa ɓǝn nkee mbu kwalakwala a ɗuura ɓet bǝɗ Kaa ra. Pa Bulus yǝ lee hit kwau Yahudawa wa. Pa yǝ yar ɓan bǝɗ Kaa ɓa seɗe nfee ɓǝn tom fǝɗkǝra a makaranta Tiranus wa. 10Yǝ tom mbusa maaso meeta raɓ, me ɓaa nsaad Yahudawa ɓa, ma ɓaa ɓǝn Yahudawa ra ɓa ɓǝsa put Asiya wa, ɓǝ kura mara Ankundi ran.
11Ma lau Bulus wa Kaa yǝ weɗa mbu nhiinyanhiinya ɓa u fǝta tomora wa, 12pa ɓeta ɓǝn too mbu haatǝ yalma ɓǝsa hana lukta u nteesǝ maabiri isi wa ɓaa ko ɓan sem kwakwa ra ɓa ɓǝ roɓɓo, ɓaa ma wis nsamse wa ɓa a fiɗ ma maabiri ɓose.
13Pa ɓaata Yahudawa ɓa ɓǝ ntii siko ura ura ɓǝn hik wis nsamse wa a ɓetani, ɓǝn kweetǝ me ɓǝ hik nsaamse ɓǝn tom tinima ma ɗǝnda Ankundi Yeso ra a ɗuura ɓaa ɓǝsǝ ma wis nsaamse wa ɓa, Ɓǝn nkee me, “A fiɗi a ɗǝnda Yeso ra u Bulus yǝn nkeesǝ wa.” 14Pa em parata ka kǝn mbutu em kuɓ nek mbusa ya ǝn yarsǝ me Siba, ɓǝn ɓaa Yahudawa ɓa ǝn ɓosa ɓǝn tom mbusǝsa wa. 15Pa kaa ka ke wis nsamse wa yǝɓǝ kakka, “Yeso nǝ maasǝn, ɗǝm nǝ maa Bulus nǝn, pa waango ngǝ yau nǝu?” 16Pa eɗ ma wis nsamse siya, yǝ nii yǝ ɓǝ sǝukǝ nsaad yǝ ɓǝ hoɓ ɓǝ mon ɓǝ lee ɗuur ɓosa lukta sem a maabiri ra, lee monma maɗ.
17Pa ɓaa Yahudawa ɓa ma ɓaa ɓǝn Yahudawa ra ɓa ɓǝ kaɗsǝ Afisa wa, ɓǝ kurasǝ mbusa maaso wa pa kokto ɓǝ ma nsaad, pa ɓaa toma aa nyoo ɗǝnda Ankundi Yeso ra. 18Ɓeta dem ɓaa ɓǝ nasǝ ɓongto ɓa ɓǝn fiɗ a talte ɓǝ kon nfaata a mbu kwalakwala ɓǝ tomsǝ ɓa. 19Ɓeta dem ɓaa ɓǝn tomsǝ mbu siya ɓa ɓǝ kwau mbu siya sǝsa nsaad ɓaa wo a wiiyo a ɓeta nǝ ɓǝ nek ara asi. Ɓǝ kausǝ mbu ɓǝ neksǝ ɓa wa, kǝ kan koɓa u ka puu an tinima ya tǝro pusa pu puu puuwonon 50,000. 20Ma lau maaso wa mara Ankundi ra a toma faɗo wiiyo wiiyo ma kwangto.
21Ndiira mbu sǝsa tomsǝ nsaad wa, Bulus yǝ sen me yǝ ko Urshalima, yǝ tallǝ ma lau Makidoniya ma Akaya wa. Yǝ nkee me, “Me nǝ kon kǝnso kǝnǝ ko Rom ɗǝm.” 22Pa yǝ tung ɓan kwasi ɓǝsa raɓ, Timatawus ma Erastus me ɓǝ ko Makidoniya, me usu kiya tǝr ngeek a put Asiya wa kweɗ.
Kito a put Afisa wa
23A fersiso ɓaa nik kito dem me a Ɗǝɗa Ankundi ra. 24Kǝɗ siso ntii ma an tiyo ke ǝn yarsǝ me Dimitiriyus yǝn tee tiyo siso ma nɓaa ǝn weɗa nga hit nyoo Artemis. Sase ma ɓaata ɓǝsa ɓǝn taasǝ koɓa dem a si. 25Pa yǝ yǝɓǝ yar a han fina, ma ɓaa nsaad ɓǝn tomsǝ tinima irin fin ɓa, yǝ ɓǝ nkee me, “Ɓeta sǝ maan nɗǝn taa koɓa dem ma tinima nɗǝn tomsǝ ma. 26Pa sǝ wǝrǝn sǝ kuran mbu Bulus yǝn tomsǝ ɓa yǝn nlaa ɓeta dem a ham ɓa Afisa ma nsaad put Asiya wa. Yǝn nkee me kaa ete yǝ marsǝ ma neme ɓa ǝn kaa ra. 27Hana yamni kiya ntii yǝ kan mara kwalakwala ra a lumu yau. Pa ɓaa kǝ ntii ɓisi na mbarta hit kaa Artemis wa, u ɓan nyoosǝ Asiya ma put taandi wa nsaad. Pa kaa Artemis ɓa ɓaa ka hura.”
28Pa ɓǝ kurasǝ mbusa maaso wa, ǝɓǝ ɗaa ɗǝm ɓǝ ntii yaulira, “Ya kwang ya ǝn Artemis u yǝsǝ Afisa wa!” 29Tom kwaɗ ɗa ur siso a ruukǝ. Ɓeta ɓǝ ko ko ɓǝ ma Gayus ma Aristarkus, sik ɓǝ fiɗsǝ ma Bulus Makidoniya ɓa. Pa hana yamni yǝ mon yǝ ko a han ɓan kwausǝ a uru susu ɓa. 30Bulus yǝn taa me kama yǝkǝ ko a han ɓeta sǝsǝ pa ɓan bǝɗ Kaa ɓa ɓǝ yau ra. 31Ɓaata wiina a ɗaaso put siso ɓǝn sik Bulus ɓa, ɓǝ tung ee ɓaa kǝna me, yǝ ko a han ɓǝn tomsǝ mbu sǝsa ɓa ra.
32Ɓaa kwausǝ kǝnso ɓa nsaad ɓǝ kana taa ɓoti wa, ɓaata ɓǝn yauli ɓǝn nkee mbusa ɓol ɓol, ɓaata pera ɓa ɓǝn nkee me ɓǝ maa mbu kwaasǝ ɓǝ ko kǝnso ɓa ra. 33Pa ɓaata Yahudawa ɓa ɓǝ tǝng Alekzanda a wiiyo, pa ɓaata ɓǝ yauli ɓǝn nkeesǝ mbu kiya nkee ɓeta ɓa, pa Alekzanda yǝ nik neme yǝ weɗa ɓeta me ɓǝ ro seu me kiyǝ nkee mara. 34Pa ɓǝ maasǝ me yǝn Bayahude wa pa ɓǝ yauli nsaad kwasa kwasa a nkaa awa raɓ ɓǝn nkee me, “kwangto ndǝ Artemis u Afisa wa!”
35Pa an nyorma a ur siso ya yǝ nkaasǝ yǝ nkee ɓeta ɓǝ ro seu wa, Pa yǝ nkee me, “Ɓet Afisa ɓa, ǝn yamni put taandi wa yǝ maa me Afisa ǝn ur ɓǝn sengǝsǝ hit Artemis u kwang nwa? Ən yamni yǝ maa me suˈnkura ira yǝ fiɗsǝ a liura yǝ ham wa, ya ham ɓa rau? 36Pa sǝ maasǝ me yaake yǝ nkaa yǝ renǝ mbu ɓa ra, pam me sǝ ro seu sǝ tom mbuka u a hautǝma wa ra. 37Sǝ wosǝ ma ɓet ɓa a ham ɓa me ɓǝ tang mbuka a hit Artemis yau ɗǝm ɓǝ kan mbuka nhoornhoor a ɗuura kaa ɓǝnɗaa ra. 38Pa mee Dimitiriyus ma ɓan tinima ɓisa ɓǝ maa mara a ɗuura yaake ra, han kankiita ɓa hoo, ɓan kankiita ɓa kǝn kǝɓǝ nkaa ɓaa ti kaura. 39Pa mee kasǝ ma mbuka ɓol u sǝn taasǝ me kǝsǝ wo ma siso wa, usu kǝsǝ nkaa a kan a wiiyo a wiina kan mara ɓa ni. 40Nga waso wa ɗaa kuɓ kwang kongsa ya a ɗuura kito ndǝ niksǝ naso ra, mee ɓaa kǝɗǝ kankiita asi me ndǝ nkaa ndǝ nkee mbu tomsǝ a nik kit siso ɓa ra.” 41Ndiira yǝ nkeesǝ mbusa maaso wa, pa yǝ ɓǝ ti pamra.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association