2 Korantiyawa 7
7
1Ɓaata ɓǝna, ɓaa nǝn yausǝsǝ ɓa, nga ɓaa wee ndǝ tom waa wa, aa lee ndǝ soɓ ee waando a mbu nsaad kǝ ndǝn ti maabiri ma kuɗa ndaa ka tǝblǝ ɓa. Sǝ lee ɗǝm ndǝ kaɗ ma kungsǝra ɗekɗekto ra a kokto Kaa wa.
Bulus yǝ hur kuɗa ma ɓaa Korinti ɓa, me ɓǝ kon nfaatan
2Sǝ weɗɗatǝ yauta saan dem. Ai, tǝ tom mbuka kwalakwala ɓa yaake ra, ɗǝm tǝ tǝblǝ yaake ra, hana aa nkee me tǝ pǝk yaake ra. 3Nǝ nkee mbu ɓa me aa weɗɗa me sǝ tom mbuka kwalakwalan ra. Nga nǝ weesǝsǝ nkee wa, mbukake sem kǝn kǝsǝn ɓaa ma yauta ta wa ra, hana a woɗɗa hana a huurtu. 4Nǝ yau ma saasen ɓong, ɗǝm nǝn nheu ma saase. Kuɗa na yǝn taa naa nkwiiti wa ɓong. Nsaad ma kongsa u tǝn weesǝ wa, pa nǝ ding ma hur kuɗa wa.
5Hana a fer tǝ wosǝ a put Makidoniya wa, maabiri yaate yǝ taa nwiinyo ra. Pa hana tǝ kǝrtǝ ma lau nawa tǝn wee kongsa, taandi kisa hana na, ɗǝm kuti yaate kungsǝ ma kokto. 6Pa Kaa yaa yǝn naasǝ nkwiiti ɓaa ɓǝ hiksǝ nwaa ɓa ya, yǝ naatǝ naa nkwiiti wa ma lau wo Titus wa. 7Sem me wo usu ti tǝsǝ tǝ hur kuɗa maɗ wa ra, pa mara yǝ nkeetǝsǝ a ɗuura naa nkwiiti sǝ tomsǝsǝ wa. Yǝ nkee tǝn me sǝn taa me sǝnǝ wǝrǝ, ma ɗǝm tǝblǝ kuɗa sǝ tomsǝ a mbu nteetǝsǝ ɓa wa, ma kweeto sǝ tomsǝ a ɗuura naa wa. Ən siso mbu kwaasǝ nǝ hursǝ kuɗa dem ɓa wa.
8Hanaka nyorma na tǝblǝsǝ kuɗan, mbuka nteenǝ ra. Ka kuɗa naa tǝblǝn me nǝ wǝr me nyorma naa tǝblǝsǝ kuɗan, hanaka yǝsǝ u ferko ngeek maɗ wa. 9Ding siso nǝn hur kuɗa. Hanaka nǝ kura nepto ma tǝblǝ kuɗa nǝ tomsǝsǝ wa ra, pa kuɗa teptep ra saa siso, yǝ kwaasǝ sǝ kon nfaata ɗǝm sǝ paki siko waason. Kuɗa teptep ra saa ǝn nkaamǝra u Kaa ra wa, me maaso sǝ tǝblǝ mbuka ma lau waato ra. 10Nkaamǝra kuɗa teptep u Kaa wa ra, ǝn siso yǝn ti ete yǝ kon nfaata wa, yǝ kang a Kaa ni, ma lau tommo maaso wa kiyaa ta konnkweera wa. Ɗǝm, “meka nǝ maa maaso” sem ɗǝm ra. Pa kuɗa teptep u ete ete wa yǝ wiinsǝ wa, ǝn tisǝ a woɗɗa. 11Sǝ sengge mbu kuɗa teptep u nkamǝra Kaa yǝ tisǝ a kuti yaase wiinsǝsǝ wa. Yǝ tisǝ nɗeura tinima ra, ɗǝm ma weɗɗa me sǝ tom mbu sem yaɓ ra ɓan. Yǝ tisǝ sǝ tom nfiima, ɗǝm sǝ kura kokto. Yǝ tisǝ ti kanggo wa, ɗǝm yǝ tisǝ kweeto. Yǝ tisǝ nɗeura me sǝ wǝr ɓaa tom mbu yǝsǝ keke ɓan. Hana na, sǝ weɗɗa ɗuura saan me, sǝ sem ma lambo ra. 12A fer nǝ nyorsǝ likarkar suwa wa, nǝ taarǝ ma yaa yǝ tom mbu yǝsǝ keke ra ɓa ya ra, hana yaa ɓaa tomsǝsǝ mbu kwalakwala ɓa ya ra. Pa nǝ nyor me nǝsǝ weɗɗa a talte me, Kaa yǝ maan me sǝ ma yauta taa dem. 13U nwa ndǝ siso mbu kwaasǝ tǝ taasǝ kokrokto a kuti yaate wa.
Ndiira kokrokto tǝ taasǝ a kuti yaate wa, tǝ sookǝ tom kuɗa pengpengra wan dem ma nkamǝra hur kuɗa Titus yǝsǝ ɗaan wa, me nsaad sǝ tom kwasiran aa naa nkwiiti yǝ taasǝ wan. 14Hanaka nǝ nkeesǝsǝ me, nǝn nheu ma saase wa, nǝ kura ɗuura nwaara ra. Pa nga nsaad mbu tǝ nkeesǝsǝ ɓa ndǝ ɓongtǝra, maaso ɗǝm nheuwo waato a ɗuura saa tommon ɓongtǝra a nuuwa Titus sa. 15Yauta Titus yǝn tomsǝsǝ ra, ǝn sookǝn sooko me yǝ ɗim ma yau ee waaso sǝn tomsǝ wa, ma ɗǝm nkaamǝra na mbarta sǝ weɗɗa sǝsǝ a fer sǝ konsǝsǝ wa. 16Nǝn hur kuɗa waso, me nǝ ma naa nkwiiti wa a ɗuura saa nfee.
Currently Selected:
2 Korantiyawa 7: LLA
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association
2 Korantiyawa 7
7
1Ɓaata ɓǝna, ɓaa nǝn yausǝsǝ ɓa, nga ɓaa wee ndǝ tom waa wa, aa lee ndǝ soɓ ee waando a mbu nsaad kǝ ndǝn ti maabiri ma kuɗa ndaa ka tǝblǝ ɓa. Sǝ lee ɗǝm ndǝ kaɗ ma kungsǝra ɗekɗekto ra a kokto Kaa wa.
Bulus yǝ hur kuɗa ma ɓaa Korinti ɓa, me ɓǝ kon nfaatan
2Sǝ weɗɗatǝ yauta saan dem. Ai, tǝ tom mbuka kwalakwala ɓa yaake ra, ɗǝm tǝ tǝblǝ yaake ra, hana aa nkee me tǝ pǝk yaake ra. 3Nǝ nkee mbu ɓa me aa weɗɗa me sǝ tom mbuka kwalakwalan ra. Nga nǝ weesǝsǝ nkee wa, mbukake sem kǝn kǝsǝn ɓaa ma yauta ta wa ra, hana a woɗɗa hana a huurtu. 4Nǝ yau ma saasen ɓong, ɗǝm nǝn nheu ma saase. Kuɗa na yǝn taa naa nkwiiti wa ɓong. Nsaad ma kongsa u tǝn weesǝ wa, pa nǝ ding ma hur kuɗa wa.
5Hana a fer tǝ wosǝ a put Makidoniya wa, maabiri yaate yǝ taa nwiinyo ra. Pa hana tǝ kǝrtǝ ma lau nawa tǝn wee kongsa, taandi kisa hana na, ɗǝm kuti yaate kungsǝ ma kokto. 6Pa Kaa yaa yǝn naasǝ nkwiiti ɓaa ɓǝ hiksǝ nwaa ɓa ya, yǝ naatǝ naa nkwiiti wa ma lau wo Titus wa. 7Sem me wo usu ti tǝsǝ tǝ hur kuɗa maɗ wa ra, pa mara yǝ nkeetǝsǝ a ɗuura naa nkwiiti sǝ tomsǝsǝ wa. Yǝ nkee tǝn me sǝn taa me sǝnǝ wǝrǝ, ma ɗǝm tǝblǝ kuɗa sǝ tomsǝ a mbu nteetǝsǝ ɓa wa, ma kweeto sǝ tomsǝ a ɗuura naa wa. Ən siso mbu kwaasǝ nǝ hursǝ kuɗa dem ɓa wa.
8Hanaka nyorma na tǝblǝsǝ kuɗan, mbuka nteenǝ ra. Ka kuɗa naa tǝblǝn me nǝ wǝr me nyorma naa tǝblǝsǝ kuɗan, hanaka yǝsǝ u ferko ngeek maɗ wa. 9Ding siso nǝn hur kuɗa. Hanaka nǝ kura nepto ma tǝblǝ kuɗa nǝ tomsǝsǝ wa ra, pa kuɗa teptep ra saa siso, yǝ kwaasǝ sǝ kon nfaata ɗǝm sǝ paki siko waason. Kuɗa teptep ra saa ǝn nkaamǝra u Kaa ra wa, me maaso sǝ tǝblǝ mbuka ma lau waato ra. 10Nkaamǝra kuɗa teptep u Kaa wa ra, ǝn siso yǝn ti ete yǝ kon nfaata wa, yǝ kang a Kaa ni, ma lau tommo maaso wa kiyaa ta konnkweera wa. Ɗǝm, “meka nǝ maa maaso” sem ɗǝm ra. Pa kuɗa teptep u ete ete wa yǝ wiinsǝ wa, ǝn tisǝ a woɗɗa. 11Sǝ sengge mbu kuɗa teptep u nkamǝra Kaa yǝ tisǝ a kuti yaase wiinsǝsǝ wa. Yǝ tisǝ nɗeura tinima ra, ɗǝm ma weɗɗa me sǝ tom mbu sem yaɓ ra ɓan. Yǝ tisǝ sǝ tom nfiima, ɗǝm sǝ kura kokto. Yǝ tisǝ ti kanggo wa, ɗǝm yǝ tisǝ kweeto. Yǝ tisǝ nɗeura me sǝ wǝr ɓaa tom mbu yǝsǝ keke ɓan. Hana na, sǝ weɗɗa ɗuura saan me, sǝ sem ma lambo ra. 12A fer nǝ nyorsǝ likarkar suwa wa, nǝ taarǝ ma yaa yǝ tom mbu yǝsǝ keke ra ɓa ya ra, hana yaa ɓaa tomsǝsǝ mbu kwalakwala ɓa ya ra. Pa nǝ nyor me nǝsǝ weɗɗa a talte me, Kaa yǝ maan me sǝ ma yauta taa dem. 13U nwa ndǝ siso mbu kwaasǝ tǝ taasǝ kokrokto a kuti yaate wa.
Ndiira kokrokto tǝ taasǝ a kuti yaate wa, tǝ sookǝ tom kuɗa pengpengra wan dem ma nkamǝra hur kuɗa Titus yǝsǝ ɗaan wa, me nsaad sǝ tom kwasiran aa naa nkwiiti yǝ taasǝ wan. 14Hanaka nǝ nkeesǝsǝ me, nǝn nheu ma saase wa, nǝ kura ɗuura nwaara ra. Pa nga nsaad mbu tǝ nkeesǝsǝ ɓa ndǝ ɓongtǝra, maaso ɗǝm nheuwo waato a ɗuura saa tommon ɓongtǝra a nuuwa Titus sa. 15Yauta Titus yǝn tomsǝsǝ ra, ǝn sookǝn sooko me yǝ ɗim ma yau ee waaso sǝn tomsǝ wa, ma ɗǝm nkaamǝra na mbarta sǝ weɗɗa sǝsǝ a fer sǝ konsǝsǝ wa. 16Nǝn hur kuɗa waso, me nǝ ma naa nkwiiti wa a ɗuura saa nfee.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association