2 Korantiyawa 5
5
1Waso ndǝ maan me, me ɓaa tǝblǝ hit waando u ndǝn kaɗsǝ ɗaan wa, u yǝsǝ siso maabiri yaande u put taandi ya wa, ndǝ ma hito u fiɗsǝ a Kaa ni wa. Hit siso kǝ kaɗ ɓoti a liura pakarese, ɗǝm sem ete marsǝ wa ra. 2Nga waso wa, ndǝn ti kanggo, ndǝn kura nɗeura dem me ɓaa ndǝ tung ɗaan a hit ɓoti a liura siso, 3tumoto, me ɓaa tung ngǝn ɗaan a hit siso nǝ, ɓaa ndǝn wǝr mbomtil ra. 4A fer ndǝsǝ a kaɗɗo ɗaan a maabiri yaande u put taandi ya wa, ndǝn nheeme men kongsa ndǝn weesǝ sa. Sem me ndǝn yau me ndǝ ɓaa ma maabiri yaande u a put taandi wa ɓa ra, pa ndǝn yau me ɓaa ndǝ tung ɗaan hit ɓoti a liura wa, me mbu yǝsǝ ma huurtu u pakarese wa ya, yǝ paaki mbu yǝn woɗsǝ rǝɓǝɗ ɓa. 5Kaa ma nkweera ira yǝ werkǝndǝsǝ paakira sǝra wa, ɗǝm yǝ nandǝ Wis usu me aa weɗɗa mbu kiyǝ ndǝn tom a wiiyo ɓa.
6Ndǝ siso mbu kwaasǝ nfee ndǝsǝ ma naa nkwiiti wa, ɗǝm ndǝ maan me ndǝ ma maabiri u put taandi wa wa, to, ndǝ mǝbmǝb ma ɗuur waando u yǝsǝ ke ma Ankundi wa. 7Ndǝn tom kaɗɗo ma lau mbu ndǝ nasǝ ɓongtǝra ɓa, ɗǝm sem ma lau mbu ndǝn wǝrsǝ ɓa ra. 8Ɓongtǝra, ndǝ ma kokrokto senda wa, ɗǝm ndǝn taa me ndǝ ɓaa ma maabiri sisi, ndǝ kaɗ ke ma Ankundi ɓoti a liura. 9Me maaso, tǝn kweetǝ me tǝ tom mbu kǝsa tǝǝ ɓa, hana taa maabiri u put taandi wa, hana ka ndǝ ɓoti a liura. 10Ndǝ tom maaso me, tommon ɗaɗ nsaad kǝ ndǝ nǝɗ a wiiyo a Almaseho ni, me ǝndǝ kan kiita. Hana yamni kiyǝ kon nsaa a tinima yǝ tomsǝ ma maabiri isi u a put taandi wa ɓa, hana ka kwalari hana ka sem kwalari ra.
Tinima u sǝk ɗaaso ɓeta ma Kaa wa
11Nga tǝ maasǝ mbu ǝn sensǝ a ɗuura kura kokto Ankundi ra wa, ǝn siso mbu kwaasǝ tǝn kweetǝsǝ me tǝ wiin ɓeta wa. Kaa yǝ maa tǝn nsaad, ɗǝm nǝn ti kanggo me, saase kǝn sǝ maa mbu sǝsan a senta kuti yaase wan. 12Sem me tǝn yau me tǝ mini ee waato a wii waaso ra, pa tǝn kweetǝ me tǝsǝ na mbu ka kwaa sǝ nheu ma taase wa, me sǝ nkaa sǝ kak ɓaa ɓǝn niksǝ ɗuuti ɓose a ɗuura mbu ɓan wǝrsǝ ɓa, pa sem a ɗuura a kaɗɗo ɓoso wa ra. 13Tǝ ma parparto nga ɓaata ɓǝn nkeesǝ wau? Hana ka tǝn parparta, tǝn tom me ǝn too Kaa wa. Ɗǝm me tǝ sem parparta ra, u nwa men mbu hima ɓǝsaa. 14Tǝ tom maaso me, yauta u Almaseho ta, ǝn sase yǝn titǝsǝ tǝ tom mbu sǝsa wa, me tǝ wee na ɓongtǝra wan me, Almaseho yǝ woɗɗa a ɗuura ɓeta ra nsaad, me maaso, nsaad ɓǝ woɗ ke ma sase. 15Ɗǝm ndǝ sase yǝ woɗsǝ a ɗuura ɓeta nsaad wa, me ɓaa ɓǝsǝ ma huurtu ɓa, sem me ɓǝ tom kaɗɗo ɓoso nga ɓǝn yausǝn yau wa ɗǝm ra, pa me ɓǝ tom kaɗɗo ɓoso men yaa yǝ woɗsǝ a ɗuura ɓora ya, ɗǝm ɓaa niksǝ men ndǝ ɓosa.
16Me maaso, aa wo aa wiiyo wa, tǝ ɓaarǝ tǝ sengge yaake a ɗǝɗa ete ete yǝn senggesǝ wa ra, hana ka tǝ pǝta sengge Almaseho wan a ɗǝɗa ete ete yǝn senggesǝ wa, pa waso tǝ ɓaarǝ tǝ sen ma sase maaso ɗǝm ra. 17Me maaso, me ete yǝ ma lau Almaseho wa, yǝ kang nfiinfiira tene ran, meeta mbusa ta nsaad ɓǝ talǝn, waso mbusa kanggan nfiinfii. 18Nsaad mbu sǝsa fiɗ a Kaa ni, yaa yǝ sǝksǝ ɗaaso waando ma sase ma lau Almaseho wa, ɗǝm yǝ natǝ tinima u sǝk ɗaaso ɓeta ma Kaa wa. 19Mara ta ǝn siso, Kaa yǝn sǝk ɗaaso ete ete wa ma sase ma lau Almaseho wa, ɗǝm yǝ senggaa tenatenato ɓoso a ɗuura ɓora ra. Kaa ɗǝm yǝ natǝ tinima u sǝk ɗaaso ete ete wa ma sase. 20Me maaso, taase tǝn ɓan timma u Almaseho wa, nga Kaa sase ma nkweera ira yǝn kansǝ ma lau waato wa. A ɗǝnda Almaseho ra, tǝn kǝnasǝ, sǝ lee Kaa yǝ sǝk ɗaaso waaso ma sase. 21Almaseho yǝ pǝta tom tenatenato wa ra, pa a ɗuura ndaa, Kaa yǝ kangsǝsǝ nga yaa yǝsǝ ma tenatenato ya. Ndǝ siso mbu kwaasǝ ma lau Almaseho wa, kǝtǝ kang ɓaa ɓǝn tom mbu yǝsǝ keke a wiiyo a Kaa ni ɓa.
Currently Selected:
2 Korantiyawa 5: LLA
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association
2 Korantiyawa 5
5
1Waso ndǝ maan me, me ɓaa tǝblǝ hit waando u ndǝn kaɗsǝ ɗaan wa, u yǝsǝ siso maabiri yaande u put taandi ya wa, ndǝ ma hito u fiɗsǝ a Kaa ni wa. Hit siso kǝ kaɗ ɓoti a liura pakarese, ɗǝm sem ete marsǝ wa ra. 2Nga waso wa, ndǝn ti kanggo, ndǝn kura nɗeura dem me ɓaa ndǝ tung ɗaan a hit ɓoti a liura siso, 3tumoto, me ɓaa tung ngǝn ɗaan a hit siso nǝ, ɓaa ndǝn wǝr mbomtil ra. 4A fer ndǝsǝ a kaɗɗo ɗaan a maabiri yaande u put taandi ya wa, ndǝn nheeme men kongsa ndǝn weesǝ sa. Sem me ndǝn yau me ndǝ ɓaa ma maabiri yaande u a put taandi wa ɓa ra, pa ndǝn yau me ɓaa ndǝ tung ɗaan hit ɓoti a liura wa, me mbu yǝsǝ ma huurtu u pakarese wa ya, yǝ paaki mbu yǝn woɗsǝ rǝɓǝɗ ɓa. 5Kaa ma nkweera ira yǝ werkǝndǝsǝ paakira sǝra wa, ɗǝm yǝ nandǝ Wis usu me aa weɗɗa mbu kiyǝ ndǝn tom a wiiyo ɓa.
6Ndǝ siso mbu kwaasǝ nfee ndǝsǝ ma naa nkwiiti wa, ɗǝm ndǝ maan me ndǝ ma maabiri u put taandi wa wa, to, ndǝ mǝbmǝb ma ɗuur waando u yǝsǝ ke ma Ankundi wa. 7Ndǝn tom kaɗɗo ma lau mbu ndǝ nasǝ ɓongtǝra ɓa, ɗǝm sem ma lau mbu ndǝn wǝrsǝ ɓa ra. 8Ɓongtǝra, ndǝ ma kokrokto senda wa, ɗǝm ndǝn taa me ndǝ ɓaa ma maabiri sisi, ndǝ kaɗ ke ma Ankundi ɓoti a liura. 9Me maaso, tǝn kweetǝ me tǝ tom mbu kǝsa tǝǝ ɓa, hana taa maabiri u put taandi wa, hana ka ndǝ ɓoti a liura. 10Ndǝ tom maaso me, tommon ɗaɗ nsaad kǝ ndǝ nǝɗ a wiiyo a Almaseho ni, me ǝndǝ kan kiita. Hana yamni kiyǝ kon nsaa a tinima yǝ tomsǝ ma maabiri isi u a put taandi wa ɓa, hana ka kwalari hana ka sem kwalari ra.
Tinima u sǝk ɗaaso ɓeta ma Kaa wa
11Nga tǝ maasǝ mbu ǝn sensǝ a ɗuura kura kokto Ankundi ra wa, ǝn siso mbu kwaasǝ tǝn kweetǝsǝ me tǝ wiin ɓeta wa. Kaa yǝ maa tǝn nsaad, ɗǝm nǝn ti kanggo me, saase kǝn sǝ maa mbu sǝsan a senta kuti yaase wan. 12Sem me tǝn yau me tǝ mini ee waato a wii waaso ra, pa tǝn kweetǝ me tǝsǝ na mbu ka kwaa sǝ nheu ma taase wa, me sǝ nkaa sǝ kak ɓaa ɓǝn niksǝ ɗuuti ɓose a ɗuura mbu ɓan wǝrsǝ ɓa, pa sem a ɗuura a kaɗɗo ɓoso wa ra. 13Tǝ ma parparto nga ɓaata ɓǝn nkeesǝ wau? Hana ka tǝn parparta, tǝn tom me ǝn too Kaa wa. Ɗǝm me tǝ sem parparta ra, u nwa men mbu hima ɓǝsaa. 14Tǝ tom maaso me, yauta u Almaseho ta, ǝn sase yǝn titǝsǝ tǝ tom mbu sǝsa wa, me tǝ wee na ɓongtǝra wan me, Almaseho yǝ woɗɗa a ɗuura ɓeta ra nsaad, me maaso, nsaad ɓǝ woɗ ke ma sase. 15Ɗǝm ndǝ sase yǝ woɗsǝ a ɗuura ɓeta nsaad wa, me ɓaa ɓǝsǝ ma huurtu ɓa, sem me ɓǝ tom kaɗɗo ɓoso nga ɓǝn yausǝn yau wa ɗǝm ra, pa me ɓǝ tom kaɗɗo ɓoso men yaa yǝ woɗsǝ a ɗuura ɓora ya, ɗǝm ɓaa niksǝ men ndǝ ɓosa.
16Me maaso, aa wo aa wiiyo wa, tǝ ɓaarǝ tǝ sengge yaake a ɗǝɗa ete ete yǝn senggesǝ wa ra, hana ka tǝ pǝta sengge Almaseho wan a ɗǝɗa ete ete yǝn senggesǝ wa, pa waso tǝ ɓaarǝ tǝ sen ma sase maaso ɗǝm ra. 17Me maaso, me ete yǝ ma lau Almaseho wa, yǝ kang nfiinfiira tene ran, meeta mbusa ta nsaad ɓǝ talǝn, waso mbusa kanggan nfiinfii. 18Nsaad mbu sǝsa fiɗ a Kaa ni, yaa yǝ sǝksǝ ɗaaso waando ma sase ma lau Almaseho wa, ɗǝm yǝ natǝ tinima u sǝk ɗaaso ɓeta ma Kaa wa. 19Mara ta ǝn siso, Kaa yǝn sǝk ɗaaso ete ete wa ma sase ma lau Almaseho wa, ɗǝm yǝ senggaa tenatenato ɓoso a ɗuura ɓora ra. Kaa ɗǝm yǝ natǝ tinima u sǝk ɗaaso ete ete wa ma sase. 20Me maaso, taase tǝn ɓan timma u Almaseho wa, nga Kaa sase ma nkweera ira yǝn kansǝ ma lau waato wa. A ɗǝnda Almaseho ra, tǝn kǝnasǝ, sǝ lee Kaa yǝ sǝk ɗaaso waaso ma sase. 21Almaseho yǝ pǝta tom tenatenato wa ra, pa a ɗuura ndaa, Kaa yǝ kangsǝsǝ nga yaa yǝsǝ ma tenatenato ya. Ndǝ siso mbu kwaasǝ ma lau Almaseho wa, kǝtǝ kang ɓaa ɓǝn tom mbu yǝsǝ keke a wiiyo a Kaa ni ɓa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association