2 Korantiyawa 1
1
Tooma
1Bulus, ǝn ɓahone Yeso Almaseho ya ma lau yauwo Kaa wa ya, ndǝ sase ke ma ate yaande Timoti, ɓǝ nyorsǝ likarkar wa ya, aa ko a kwauwo ɓan bǝɗ Kaa ɓǝsa ur Korinti ɓa, ɗǝm ke ma nsaad ɓan bǝɗ Kaa ɓǝsǝ a put Akaya ɓa wa.
2Aa lee kwasira ma kaɗɗo hurhurto u Kaa Paande ma u Ankundi Yeso Almaseho wa, aa kaɗ ke ma saase.
Kaa yǝ yaa ma ntaanyǝma ya
3Saltǝra aa tom a Kaa Paapa ni, ndǝ sase Paapa Ankundi yaande Yeso Almaseho, Paapa yaa ma naa nkwiiti wa dem ya, ɗǝm Kaa yaa yǝn tom ndǝsǝ hana nkamǝra ntaanyǝma nara ya. 4Kaa yǝn tom ndǝ ntaanyǝma sase a kongsa ndaa nsaad, me ndǝ nkaa ndǝ tom ntaanyǝma ɓaata kǝn, a hana nkamǝra kongsa ɓosa nara, ma ntaanyǝma u ndǝ konsǝ a Kaa ni wa. 5Tumoto, nga ndǝn weesǝ kongsa nga Almaseho yǝ weesǝ wa ya, maaso ɗǝm ma lau Almaseho wa kǝnda taa ntaanyǝma a Kaa ni wa. 6Hana tǝn wee kongsa, tǝn wee me sǝ ta ntaanyǝma ma kon nkweera wa. Me tǝ ta ntaanyǝma, saase kǝn sǝ ta ntaanyǝma u kǝ sǝn na sǝmmo keke ma kongsa tǝn weesǝ sa. 7Tǝ sem ma pǝno a ɗuura saa hana ngeek ra, tǝ maan me kongsa sǝ weesǝ nga tǝn weesǝ wa, ɗǝm maaso kǝsaa kon ntaanyǝma u ɓaa tomtǝsǝ wa kǝn.
8Ɓaata ɓǝna, tǝ yau me sǝ kaɗ sem ma maa a ɗuura kongsa tǝ weesǝ a put Asiya wa ra, tǝ wee kongsan dem u kansǝ nga tǝkǝ hik nwaa me tǝkǝ nɗanyǝ. 9Tumoto, tǝ kura a kuti yaaten nga ɓaa kantǝ kiita woɗɗa wa. Mbusǝsa tom maaso, me tǝ pǝta ti kanggo a kweeto nkweerate wa ra, pa a Kaa ni seɗɗe, yaa yǝn niksǝ wote a tiina ya. 10Ndǝ sase yǝ hik tǝsǝ a ee woɗɗa ya wa, ɗǝm tǝ maan me kǝ yǝ tǝ kon nkweerate. A sani ɗǝm tǝ tisǝ kanggo me kǝ yǝ ɓaarǝ yǝ tǝ kon nkweera ɗǝm, 11nga sǝn kwasitǝsǝ ma lau kǝnara waaso wa, aa tommo maaso wa, ɓeta dem kǝɓǝ na himara Kaa men ndaase a ɗuura saltǝra tǝ taasǝ ma lau kon kǝnara ɓeta dem ɓa wa.
Bulus yǝ paki senda a ɗuura siko ka yǝ sensǝ me kiyǝ tom wan
12Nheura ta waso ndǝ siso, senta kuti yaate ra yǝn nkeetǝ me, tǝ tom kaɗɗo u ɗekɗek wan a put taandi wa, a kaɗɗo waato ma sase wa, tǝ tom kaɗɗo ɗekɗekto wa ma ɓongtǝra u fiɗsǝ a Kaa ni wa. Tǝ kaɗ a ɓongtǝra maaso nga nkamǝra kaɗɗo Kaa ra wa, ma lau kwasira Kaa ra wa, sem ma maawo u put taandi wa ra. 13-14Tǝ nyorsǝ mbu kǝsǝ kau sǝ maa ɓa maɗ. Hanaka nǝ maan me sǝ maa mbukan ngeek waso, nǝn yau me a wiiyo sǝ maa dem, me sǝ nkaa sǝ tom nheura ma taase nga kǝtaa nheu ma saase wa kǝn a kaa Ankundi Yeso kiyaa wo ɓa.
15Nǝ yau ma mbusǝsan ma ɗuura kǝɗ, me maaso, nǝ sen a ntiiri me kǝnǝ wo a saani, me sǝ taa saltǝra u raɓte wa. 16Nǝ sen me kǝnǝ wo a saani, me nǝn koko Makidoniya ɗǝm nǝ ɓaarǝ nǝ kang ma lau waaso me nǝn kangkang Makidoniya, me wonǝ kǝr kwasira a saani u siko waano ko Yahudiya wa. 17Sǝn wǝr nga senta nǝ tomsǝ ta, nǝ maa mbu nǝn tomsǝn tom ɓa rau? Ko sǝn wǝr nga senta naa ǝn u ete ete wau, me nǝ nkee me “Ee wa”, ɗǝm nǝ kang ma ndiira nǝ nkee “Awou”?
18Nga sǝ maasǝ me, Kaa yǝ yaa ma ɓongtǝra ya, maaso ɗǝm, mara tǝ nkeesǝsǝ ra, sem u “Ee wa” ma “Awo wa” ra. 19Mbu kwaasǝ ɓa me, Au Kaa ya, Yeso Almaseho u niina ma Sila ma Timoti tǝ nkeesǝsǝ mara ira wa ya, yǝ sem yaa yǝn nkeesǝ “Ee wa” ma “Awo ya” ra, pa a sanii, ndǝ “Ee wa” nfee. 20Ma lau usu Kaa yǝ kungsǝ waa yǝ tomsǝ wa nsaad. Ən siso mbu kwaasǝ ndǝn nkeesǝ ma lau Almaseho wa me, “Aa kaɗ maaso” me aa too Kaa. 21Waso ǝn Kaa ma nkweera isi yǝ titǝsǝ ma saase nsaad ndǝ taa huurtu ma lau Almaseho wa, ɗǝm ndǝ sase yǝ tindǝsǝ neme ya, 22yǝ tindǝ mbu maa u ka weɗɗa me ndǝn usu wa, ɗǝm yǝ ti Wis usu a kuti yaande, me yǝ ndǝ weɗɗa mbu kiyaa tom a wiiyo ɓa.
23Kaa ma nkweera ira yǝ maan me, ǝn para nǝ nkeesǝ me mbu kwaasǝ nǝ kang Korinti ra ɓa, ǝn siso me nǝsǝ sookǝ na kongsa wa ra. 24Sem me tǝn yau tǝsǝ weɗɗa kwangto a ɗuura naɓongtǝra saa wa ra, awo, ndǝn tom tinima ke, me sǝ hur kuɗa, me sǝ nǝɗɗǝn kokrok a naɓongtǝra saa wan.
Currently Selected:
2 Korantiyawa 1: LLA
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association
2 Korantiyawa 1
1
Tooma
1Bulus, ǝn ɓahone Yeso Almaseho ya ma lau yauwo Kaa wa ya, ndǝ sase ke ma ate yaande Timoti, ɓǝ nyorsǝ likarkar wa ya, aa ko a kwauwo ɓan bǝɗ Kaa ɓǝsa ur Korinti ɓa, ɗǝm ke ma nsaad ɓan bǝɗ Kaa ɓǝsǝ a put Akaya ɓa wa.
2Aa lee kwasira ma kaɗɗo hurhurto u Kaa Paande ma u Ankundi Yeso Almaseho wa, aa kaɗ ke ma saase.
Kaa yǝ yaa ma ntaanyǝma ya
3Saltǝra aa tom a Kaa Paapa ni, ndǝ sase Paapa Ankundi yaande Yeso Almaseho, Paapa yaa ma naa nkwiiti wa dem ya, ɗǝm Kaa yaa yǝn tom ndǝsǝ hana nkamǝra ntaanyǝma nara ya. 4Kaa yǝn tom ndǝ ntaanyǝma sase a kongsa ndaa nsaad, me ndǝ nkaa ndǝ tom ntaanyǝma ɓaata kǝn, a hana nkamǝra kongsa ɓosa nara, ma ntaanyǝma u ndǝ konsǝ a Kaa ni wa. 5Tumoto, nga ndǝn weesǝ kongsa nga Almaseho yǝ weesǝ wa ya, maaso ɗǝm ma lau Almaseho wa kǝnda taa ntaanyǝma a Kaa ni wa. 6Hana tǝn wee kongsa, tǝn wee me sǝ ta ntaanyǝma ma kon nkweera wa. Me tǝ ta ntaanyǝma, saase kǝn sǝ ta ntaanyǝma u kǝ sǝn na sǝmmo keke ma kongsa tǝn weesǝ sa. 7Tǝ sem ma pǝno a ɗuura saa hana ngeek ra, tǝ maan me kongsa sǝ weesǝ nga tǝn weesǝ wa, ɗǝm maaso kǝsaa kon ntaanyǝma u ɓaa tomtǝsǝ wa kǝn.
8Ɓaata ɓǝna, tǝ yau me sǝ kaɗ sem ma maa a ɗuura kongsa tǝ weesǝ a put Asiya wa ra, tǝ wee kongsan dem u kansǝ nga tǝkǝ hik nwaa me tǝkǝ nɗanyǝ. 9Tumoto, tǝ kura a kuti yaaten nga ɓaa kantǝ kiita woɗɗa wa. Mbusǝsa tom maaso, me tǝ pǝta ti kanggo a kweeto nkweerate wa ra, pa a Kaa ni seɗɗe, yaa yǝn niksǝ wote a tiina ya. 10Ndǝ sase yǝ hik tǝsǝ a ee woɗɗa ya wa, ɗǝm tǝ maan me kǝ yǝ tǝ kon nkweerate. A sani ɗǝm tǝ tisǝ kanggo me kǝ yǝ ɓaarǝ yǝ tǝ kon nkweera ɗǝm, 11nga sǝn kwasitǝsǝ ma lau kǝnara waaso wa, aa tommo maaso wa, ɓeta dem kǝɓǝ na himara Kaa men ndaase a ɗuura saltǝra tǝ taasǝ ma lau kon kǝnara ɓeta dem ɓa wa.
Bulus yǝ paki senda a ɗuura siko ka yǝ sensǝ me kiyǝ tom wan
12Nheura ta waso ndǝ siso, senta kuti yaate ra yǝn nkeetǝ me, tǝ tom kaɗɗo u ɗekɗek wan a put taandi wa, a kaɗɗo waato ma sase wa, tǝ tom kaɗɗo ɗekɗekto wa ma ɓongtǝra u fiɗsǝ a Kaa ni wa. Tǝ kaɗ a ɓongtǝra maaso nga nkamǝra kaɗɗo Kaa ra wa, ma lau kwasira Kaa ra wa, sem ma maawo u put taandi wa ra. 13-14Tǝ nyorsǝ mbu kǝsǝ kau sǝ maa ɓa maɗ. Hanaka nǝ maan me sǝ maa mbukan ngeek waso, nǝn yau me a wiiyo sǝ maa dem, me sǝ nkaa sǝ tom nheura ma taase nga kǝtaa nheu ma saase wa kǝn a kaa Ankundi Yeso kiyaa wo ɓa.
15Nǝ yau ma mbusǝsan ma ɗuura kǝɗ, me maaso, nǝ sen a ntiiri me kǝnǝ wo a saani, me sǝ taa saltǝra u raɓte wa. 16Nǝ sen me kǝnǝ wo a saani, me nǝn koko Makidoniya ɗǝm nǝ ɓaarǝ nǝ kang ma lau waaso me nǝn kangkang Makidoniya, me wonǝ kǝr kwasira a saani u siko waano ko Yahudiya wa. 17Sǝn wǝr nga senta nǝ tomsǝ ta, nǝ maa mbu nǝn tomsǝn tom ɓa rau? Ko sǝn wǝr nga senta naa ǝn u ete ete wau, me nǝ nkee me “Ee wa”, ɗǝm nǝ kang ma ndiira nǝ nkee “Awou”?
18Nga sǝ maasǝ me, Kaa yǝ yaa ma ɓongtǝra ya, maaso ɗǝm, mara tǝ nkeesǝsǝ ra, sem u “Ee wa” ma “Awo wa” ra. 19Mbu kwaasǝ ɓa me, Au Kaa ya, Yeso Almaseho u niina ma Sila ma Timoti tǝ nkeesǝsǝ mara ira wa ya, yǝ sem yaa yǝn nkeesǝ “Ee wa” ma “Awo ya” ra, pa a sanii, ndǝ “Ee wa” nfee. 20Ma lau usu Kaa yǝ kungsǝ waa yǝ tomsǝ wa nsaad. Ən siso mbu kwaasǝ ndǝn nkeesǝ ma lau Almaseho wa me, “Aa kaɗ maaso” me aa too Kaa. 21Waso ǝn Kaa ma nkweera isi yǝ titǝsǝ ma saase nsaad ndǝ taa huurtu ma lau Almaseho wa, ɗǝm ndǝ sase yǝ tindǝsǝ neme ya, 22yǝ tindǝ mbu maa u ka weɗɗa me ndǝn usu wa, ɗǝm yǝ ti Wis usu a kuti yaande, me yǝ ndǝ weɗɗa mbu kiyaa tom a wiiyo ɓa.
23Kaa ma nkweera ira yǝ maan me, ǝn para nǝ nkeesǝ me mbu kwaasǝ nǝ kang Korinti ra ɓa, ǝn siso me nǝsǝ sookǝ na kongsa wa ra. 24Sem me tǝn yau tǝsǝ weɗɗa kwangto a ɗuura naɓongtǝra saa wa ra, awo, ndǝn tom tinima ke, me sǝ hur kuɗa, me sǝ nǝɗɗǝn kokrok a naɓongtǝra saa wan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association