MATEUS 21
21
Jesus ta kayile ta yi kuJerusalem
(Mrk. 11:1-11; Luk. 19:28-40; Joh. 12:12-19)
1Sho yi ihilile kuJerusalem, oya thiki kuBetfage, popepi nOndundu yooholivi. Nena Jesus okwa tetekelitha aalongwa ye yaali 2e ta ti kuyo: “Indeni komukunda ngwiyaka gu li komeho geni. Nziyanziya otamu mono okasino okakiintu ka pandekwa nontana yako. U pandukululeni, ne mu u ete kungame. 3Nongele ku na ngoka ta ti sha kune, mu lombweleni mu tye: ‘Omuwa e u pumbwa. Oye ote u galula mbala.’ ”
4Shika osha ningwa, opo oohapu ndhoka dha popiwa komuhunganeki, dhi tse, sho ta ti:
5“Lombweleni oshilando shaSion:
‘Tala, omukwaniilwa gwoye te ya kungoye.
Oye omunambili a kayila okasino.
Oye a kayila ontana,
ona yokasino haka longithwa.’ ”
6Aalongwa oya yi noya ningi, ngaashi Jesus e ya lombwele. 7Oyo ye eta okasino okakiintu nontana yako noya yala oonguwo dhawo kuwo, Jesus e ta kuutumba ko. 8Ihe ongundu onene yaantu oya yala oonguwo dhawo mondjila. Yamwe oya tete iitayi yomiti e taye yi yala mondjila. 9Ano oongundu dhaamboka ya kwata komeho naamboka ye mu landula, oyi igidha mokule ya ti: “Hosianna, Omuna gwaDavid! Na lalekwe nuuyamba kuKalunga, oonguka te ya medhina lyOmuwa! Hosianna, gwokombandambanda!”
10Ano sho e ya muJerusalem, oshilando ashihe osha piyagana. Aantu oya pula ya ti: “Olye nguka?”
11Oongundu odha yamukula: “Nguka oye Jesus, omuhunganeki gwomuNasaret shaGalilea.”
Jesus to opaleke otempeli
(Mrk. 11:15-19; Luk. 19:45-48; Joh. 2:13-22)
12Jesus okwa yi motempeli e ta tidha mo ayehe ya li taa landa notaa landitha motempeli. Oye okwa tilehi iitaafula yaapingakanithi yiimaliwa niipundi yaahalithi yoonguti 13nokwa ti: “Okwa nyolwa: ‘Ongulu yandje oyi na okwiithanwa ongulu yegalikano,’ ihe ne omwe yi ninga ombogo yaayugi.”
14Aaposi niilema oye ya kuye motempeli, oye nokwe ya aludha. 15Ano aayambi aakuluntu naalongimpango oya geye, sho ya mono iikumitha e yi longo, naanona mboka yi igidha motempeli ya ti: “Hosianna, Omuna gwaDavid!” 16Oyo oye mu pula ya ti: “Ou uvite ko mbano shoka taa ti?”
Jesus okwa ti kuyo: “Eeno. Inamu lesha nani nando lumwe, sho taku tiwa: ‘Momakana guunona noguuhanona owa longekidhile mo ehambelelo.’ ”
17Jesus okwe ya thigi po e ta zi mo moshilando. Oye okwa yi kuBetania nokwa kala ko uusiku auhe.
Omukwiyu tagu geyelwa
(Mrk. 11:12-14,20-24)
18Jesus sho a meneka ongula ta shuna koshilando, okwa li a sa ondjala. 19Pondjila okwa mono omukwiyu nokwa yi kugwo, ihe ina mona mo sha, omafo ageke. Oye a ti kugwo: “Ku imi we iiyimati sigo aluhe.” Omukwiyu nogwa si mbala.
20Ano aalongwa sho ye shi mono, oya kumwa e taa pula: “Omukwiyu ogwa si ngiini nziyanziya?”
21Jesus okwe ya yamukula a ti: “Ongame tandi mu lombwele: Andola mu na eitaalo, ne itamu limbililwa, ando otamu vulu, hashika ashike sha ningilwa omukwiyu, ihe otamu vulu wo okulombwela ondundu ndjika: ‘Itumba po mpaka, u iyundulile mefuta,’ notashi ningwa. 22Nongele mwi itaala, otamu pewa kehe tuu shoka tamu shi indile megalikano.”
Jesus ta pulwa kombinga yepangelonkondo lye
(Mrk. 11:27-33; Luk. 20:1-8)
23Jesus sho a yi motempeli, aayambi aakuluntu naakuluntu yoshigwana oye ya kuye, manga ta longo aantu, e taye mu pula: “Okoonkondo dhalye ho longo ngeyi? Olye e ku pa epitikilo?”
24Jesus okwe ya yamukula a ti: “Nangame wo otandi mu pula epulo limwe. Ngele tamu li yamukula, nena nangame wo otandi mu lombwele, okoonkondo dhalye tandi longo. 25Eshasho ndyoka lya ningwa kuJohannes, olya zi peni: okuKalunga nenge omaantu?”
Oya tameke okupatathana: “Natu tye ngiini? Ngele otwa yamukula: ‘OmuKalunga,’ ota ka tya: ‘Omolwashike ano inaamu itaala Johannes?’ 26Ngele tatu ti ishewe: ‘Omaantu,’ nena otu na okutila aantu, oshoka aantu ayehe oya tala Johannes oye omuhunganeki.” 27Oyo oya yamukula Jesus ya ti: “Katu shi wo.”
Nena Jesus okwa ti kuyo: “Ano nangame wo itandi mu lombwele, okoonkondo dhalye tandi longo ngeyi.
Eyele lyaamati yaali
28“Otamu dhiladhila ngiini? Okwa li ku na omuntu e na oyana aamati yaali. Oye a yi komutango e ta ti: ‘Mumwandje, inda, u ka longe nena meyana lyandje lyomiviinu.’ 29Oye a yamukula: ‘Inandi hala,’ ihe komeho okwi itedhulula e ta yi. 30He okwa yi ihe komukwawo e te mu lombwele oohapu odho tuu ndhoka. Oye a yamukula: ‘Eeno tate,’ ye ina ya. 31Oguni po gwaambaka yaali a gwanitha ehalo lyahe?”
Oyo oya yamukula: “Oonguka gwotango.”
Jesus okwa ti kuyo: “Otandi mu lombwele: Aafendelithi noohonda otaye mu tetekele okuya mOshilongo shaKalunga. 32Oshoka Johannes okwe ya kune e te mu ulukile ondjila yu uka ndjoka mu na oku landula, ne inamu mu itaala, ihe aafendelithi noohonda oye mu itaale. Nokomeho nando mwe shi dhimbulula, inamu itedhulula, ne inamu itaala.”
Aalongi yeyana aawinayi
(Mrk. 12:12; Luk. 20:9-19)
33Jesus okwa ti: “Pulakeneni eyele ekwawo. Okwa li ku na omusamane a tsike omiti dhomiviinu meyana lye. Oye okwe dhi gumbile enkolo, okwe dhi fulile oshilambo shokukolela mo omaviinu, okwa tungile mo ongulushungo nokwa langeke mo aalongi yeyana e ta yi kiilongo yokokule. 34Ano oomviinu sho dha tiligana, mwene gweyana okwa tumu aamati ye kaalongi yeyana, ye mu pe iiyimati mbyoka e na oku yi pewa. 35Aalongi yeyana oya kwata aamati ye, gumwe oye mu dhenge, omukwawo oye mu dhipaga nomutitatu oye mu dhipaga nomamanya. 36Oye a tumununa ko aamati yalwe ye vule mbeyaka yotango, oyo noye ya ningile ngaashi yakwawo. 37Lwahugunina okwa tumu ko omwana nokwa ti: ‘Omumwandje otaye mu tila.’ 38Ihe aalongi yeyana sho ya mono omwana, oya kundathana ya ti: ‘Nguno omuthigululi, tu yeni, tu ke mu dhipageni, tse tu ye neliko lye.’ 39Oyo oye mu kwata, oye mu umbu mo meyana noye mu dhipaga.
40“Mwene gweyana ngele a galuka, ota ningi ngiini aalongi mbano?” Jesus okwe ya pula.
41Oyo oya ti kuye: “Aakolokoshi mboka ote ya yonagula po nayi, neyana lyomiviinu ote li pe aalongi yalwe, mboka taye mu pe iiyimati pethimbo lyo opala.”
42Jesus okwa ti kuyo: “Inamu lesha nani nando olumwe mOmanyolo, sho taku tiwa:
‘Emanya ndyoka aatungi ye li ekelehi,
olyo lya ningi emanya li na esimano li vule agehe.
Osha ningwa kOmuwa,
nosha ningi oshikumitha momeho getu.’
43“Onkee ano tandi mu lombwele. Otamu ka kuthwa Oshilongo shaKalunga e tashi ka pewa aantu haa imike iiyimati mbyoka ya pumbiwa. 44[Kehe tuu ngoka ta pundukile kemanya ndyoka, oye ota teka; naangoka ta gwilwa kemanya ndyoka, oye ota nyanyagulwa.”]
45Ano aayambi aakuluntu naafarisayi sho yu uvu omayele ngaka gaJesus, oya dhimbulula kutya oyo taa popiwa. 46Oyo oya kambadhala oku mu kwata, ihe oya tila aantu, oshoka oya tala Jesus oye omuhunganeki.
Currently Selected:
MATEUS 21: ONDB
Highlight
Share
Copy
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.
MATEUS 21
21
Jesus ta kayile ta yi kuJerusalem
(Mrk. 11:1-11; Luk. 19:28-40; Joh. 12:12-19)
1Sho yi ihilile kuJerusalem, oya thiki kuBetfage, popepi nOndundu yooholivi. Nena Jesus okwa tetekelitha aalongwa ye yaali 2e ta ti kuyo: “Indeni komukunda ngwiyaka gu li komeho geni. Nziyanziya otamu mono okasino okakiintu ka pandekwa nontana yako. U pandukululeni, ne mu u ete kungame. 3Nongele ku na ngoka ta ti sha kune, mu lombweleni mu tye: ‘Omuwa e u pumbwa. Oye ote u galula mbala.’ ”
4Shika osha ningwa, opo oohapu ndhoka dha popiwa komuhunganeki, dhi tse, sho ta ti:
5“Lombweleni oshilando shaSion:
‘Tala, omukwaniilwa gwoye te ya kungoye.
Oye omunambili a kayila okasino.
Oye a kayila ontana,
ona yokasino haka longithwa.’ ”
6Aalongwa oya yi noya ningi, ngaashi Jesus e ya lombwele. 7Oyo ye eta okasino okakiintu nontana yako noya yala oonguwo dhawo kuwo, Jesus e ta kuutumba ko. 8Ihe ongundu onene yaantu oya yala oonguwo dhawo mondjila. Yamwe oya tete iitayi yomiti e taye yi yala mondjila. 9Ano oongundu dhaamboka ya kwata komeho naamboka ye mu landula, oyi igidha mokule ya ti: “Hosianna, Omuna gwaDavid! Na lalekwe nuuyamba kuKalunga, oonguka te ya medhina lyOmuwa! Hosianna, gwokombandambanda!”
10Ano sho e ya muJerusalem, oshilando ashihe osha piyagana. Aantu oya pula ya ti: “Olye nguka?”
11Oongundu odha yamukula: “Nguka oye Jesus, omuhunganeki gwomuNasaret shaGalilea.”
Jesus to opaleke otempeli
(Mrk. 11:15-19; Luk. 19:45-48; Joh. 2:13-22)
12Jesus okwa yi motempeli e ta tidha mo ayehe ya li taa landa notaa landitha motempeli. Oye okwa tilehi iitaafula yaapingakanithi yiimaliwa niipundi yaahalithi yoonguti 13nokwa ti: “Okwa nyolwa: ‘Ongulu yandje oyi na okwiithanwa ongulu yegalikano,’ ihe ne omwe yi ninga ombogo yaayugi.”
14Aaposi niilema oye ya kuye motempeli, oye nokwe ya aludha. 15Ano aayambi aakuluntu naalongimpango oya geye, sho ya mono iikumitha e yi longo, naanona mboka yi igidha motempeli ya ti: “Hosianna, Omuna gwaDavid!” 16Oyo oye mu pula ya ti: “Ou uvite ko mbano shoka taa ti?”
Jesus okwa ti kuyo: “Eeno. Inamu lesha nani nando lumwe, sho taku tiwa: ‘Momakana guunona noguuhanona owa longekidhile mo ehambelelo.’ ”
17Jesus okwe ya thigi po e ta zi mo moshilando. Oye okwa yi kuBetania nokwa kala ko uusiku auhe.
Omukwiyu tagu geyelwa
(Mrk. 11:12-14,20-24)
18Jesus sho a meneka ongula ta shuna koshilando, okwa li a sa ondjala. 19Pondjila okwa mono omukwiyu nokwa yi kugwo, ihe ina mona mo sha, omafo ageke. Oye a ti kugwo: “Ku imi we iiyimati sigo aluhe.” Omukwiyu nogwa si mbala.
20Ano aalongwa sho ye shi mono, oya kumwa e taa pula: “Omukwiyu ogwa si ngiini nziyanziya?”
21Jesus okwe ya yamukula a ti: “Ongame tandi mu lombwele: Andola mu na eitaalo, ne itamu limbililwa, ando otamu vulu, hashika ashike sha ningilwa omukwiyu, ihe otamu vulu wo okulombwela ondundu ndjika: ‘Itumba po mpaka, u iyundulile mefuta,’ notashi ningwa. 22Nongele mwi itaala, otamu pewa kehe tuu shoka tamu shi indile megalikano.”
Jesus ta pulwa kombinga yepangelonkondo lye
(Mrk. 11:27-33; Luk. 20:1-8)
23Jesus sho a yi motempeli, aayambi aakuluntu naakuluntu yoshigwana oye ya kuye, manga ta longo aantu, e taye mu pula: “Okoonkondo dhalye ho longo ngeyi? Olye e ku pa epitikilo?”
24Jesus okwe ya yamukula a ti: “Nangame wo otandi mu pula epulo limwe. Ngele tamu li yamukula, nena nangame wo otandi mu lombwele, okoonkondo dhalye tandi longo. 25Eshasho ndyoka lya ningwa kuJohannes, olya zi peni: okuKalunga nenge omaantu?”
Oya tameke okupatathana: “Natu tye ngiini? Ngele otwa yamukula: ‘OmuKalunga,’ ota ka tya: ‘Omolwashike ano inaamu itaala Johannes?’ 26Ngele tatu ti ishewe: ‘Omaantu,’ nena otu na okutila aantu, oshoka aantu ayehe oya tala Johannes oye omuhunganeki.” 27Oyo oya yamukula Jesus ya ti: “Katu shi wo.”
Nena Jesus okwa ti kuyo: “Ano nangame wo itandi mu lombwele, okoonkondo dhalye tandi longo ngeyi.
Eyele lyaamati yaali
28“Otamu dhiladhila ngiini? Okwa li ku na omuntu e na oyana aamati yaali. Oye a yi komutango e ta ti: ‘Mumwandje, inda, u ka longe nena meyana lyandje lyomiviinu.’ 29Oye a yamukula: ‘Inandi hala,’ ihe komeho okwi itedhulula e ta yi. 30He okwa yi ihe komukwawo e te mu lombwele oohapu odho tuu ndhoka. Oye a yamukula: ‘Eeno tate,’ ye ina ya. 31Oguni po gwaambaka yaali a gwanitha ehalo lyahe?”
Oyo oya yamukula: “Oonguka gwotango.”
Jesus okwa ti kuyo: “Otandi mu lombwele: Aafendelithi noohonda otaye mu tetekele okuya mOshilongo shaKalunga. 32Oshoka Johannes okwe ya kune e te mu ulukile ondjila yu uka ndjoka mu na oku landula, ne inamu mu itaala, ihe aafendelithi noohonda oye mu itaale. Nokomeho nando mwe shi dhimbulula, inamu itedhulula, ne inamu itaala.”
Aalongi yeyana aawinayi
(Mrk. 12:12; Luk. 20:9-19)
33Jesus okwa ti: “Pulakeneni eyele ekwawo. Okwa li ku na omusamane a tsike omiti dhomiviinu meyana lye. Oye okwe dhi gumbile enkolo, okwe dhi fulile oshilambo shokukolela mo omaviinu, okwa tungile mo ongulushungo nokwa langeke mo aalongi yeyana e ta yi kiilongo yokokule. 34Ano oomviinu sho dha tiligana, mwene gweyana okwa tumu aamati ye kaalongi yeyana, ye mu pe iiyimati mbyoka e na oku yi pewa. 35Aalongi yeyana oya kwata aamati ye, gumwe oye mu dhenge, omukwawo oye mu dhipaga nomutitatu oye mu dhipaga nomamanya. 36Oye a tumununa ko aamati yalwe ye vule mbeyaka yotango, oyo noye ya ningile ngaashi yakwawo. 37Lwahugunina okwa tumu ko omwana nokwa ti: ‘Omumwandje otaye mu tila.’ 38Ihe aalongi yeyana sho ya mono omwana, oya kundathana ya ti: ‘Nguno omuthigululi, tu yeni, tu ke mu dhipageni, tse tu ye neliko lye.’ 39Oyo oye mu kwata, oye mu umbu mo meyana noye mu dhipaga.
40“Mwene gweyana ngele a galuka, ota ningi ngiini aalongi mbano?” Jesus okwe ya pula.
41Oyo oya ti kuye: “Aakolokoshi mboka ote ya yonagula po nayi, neyana lyomiviinu ote li pe aalongi yalwe, mboka taye mu pe iiyimati pethimbo lyo opala.”
42Jesus okwa ti kuyo: “Inamu lesha nani nando olumwe mOmanyolo, sho taku tiwa:
‘Emanya ndyoka aatungi ye li ekelehi,
olyo lya ningi emanya li na esimano li vule agehe.
Osha ningwa kOmuwa,
nosha ningi oshikumitha momeho getu.’
43“Onkee ano tandi mu lombwele. Otamu ka kuthwa Oshilongo shaKalunga e tashi ka pewa aantu haa imike iiyimati mbyoka ya pumbiwa. 44[Kehe tuu ngoka ta pundukile kemanya ndyoka, oye ota teka; naangoka ta gwilwa kemanya ndyoka, oye ota nyanyagulwa.”]
45Ano aayambi aakuluntu naafarisayi sho yu uvu omayele ngaka gaJesus, oya dhimbulula kutya oyo taa popiwa. 46Oyo oya kambadhala oku mu kwata, ihe oya tila aantu, oshoka oya tala Jesus oye omuhunganeki.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.