JEREMIA 20
20
Jeremia naPashhur
1Omuyambi Pashhur yaImmer, ngoka a li omutonateli omukuluntu gwotempeli, sho u uvu tandi uvitha iinima mbika, 2okwa ti, nandi dhengwe nokutulwa moonkandja posheelo shopombanda shaBenjamin motempeli. 3Ongula sho kwa shi, Pashhur okwa mangululitha ndje nonde mu lombwele nda ti: “Omuwa ite ku luku we Pashhur, ote ku ithana Magor Missabib. 4Omuwa mwene okwa ti: ‘Otandi ku ningi oshihaluthi kungoye mwene nokookuume koye, noto ke ya tala ayehe taa dhipagwa negongamwele lyaatondi. Aajuda ayehe otandi ya gandja miikaha yomukwaniilwa gwaBabilon; ota ka fala yamwe po aapongekwa koshilongo she nayamwe ote ya dhipaga po. 5Otandi ka etha aatondi ya yuge po uuyamba auhe woshilando shika nokukwata iilikolwa nolutumbo aluhe lwasho, nokuli nomaliko gaakwaniilwa yaJuda, e taye ga fala kuBabilon. 6Nangoye Pashhur naanegumbo yoye ayehe otamu ka kwatwa po notamu ka falwa kuBabilon. Oko to ka sila e to fumvikwa pamwe nookuume koye ayehe, oyo tuu mboka wa lombwele iifundja oyindjiyindji.’ ”
Jeremia ta nyenyetele Omuwa
7Omuwa, ongoye wa kotokele ndje, nonda kotokelwa.
Ongoye omunankondo u vule ndje,
owa gwililile ndje po.
Shaa ngoka ota ningi ndje oshipwedhela,
otaa nyonkele ndje omutenya aguhe.
8Nge tandi popi,
ondi na okwiigidha tandi kololoka te ti: “Eyugo! Ehanagulo!”
Omuwa, otandi yolwa nonda nyemwa,
uuna tandi uvitha oohapu dhoye.
9Ihe nge te ti: “Otandi dhimbwa, ite popi we medhina lye,”
nena etumwalaka lyoye olya fa omulilo gwa hwama meni lyandje.
Onde gu idhidhimikile,
ihe ine vula okumwena.
10Ondu uvite, ayehe taa nongona taa ti:
“Omahalutho akuhe! Natu ke mu popyeni kaambala!”
Nookuume kandje oya langela ndje taa ti:
“Pamwe tatu mu tula muugoya, nena otatu mu kwata
e tatu polithile ondjahi yetu muye.”
11Ihe, Omuwa, ongoye u li pamwe nangame,
omunankondo nomunamatha;
aatidhagani yandje otaa ka punduka
yo itaa vulu sha.
Otaa ka sithwa ohoni sigo aluhe,
oshoka itaa ka tompola sha.
Ohoni yawo itayi ka dhimbiwa.
12Ihe, Omuwa Omunankondoawike, oto yeleke aayuuki;
owa tseya shoka shi li momitima nomomatedho gawo.
Pitika ndje ndi tale, sho to geele aatondi yandje,
oshoka ondi ikalitha miikaha yoye.
13Imbileni Omuwa!
Hambeleleni Omuwa!
Oye ha yululula omuhepekwa miikaha yaakolokoshi.
14Esiku nda valwa nali thingwe!
Esiku ndyoka meme a vala ndje inali yambekwa!
15Ethingano nali adhe omuntu ngoka a nyanyudha tate pombanda,
sho e mu etele onkundana tayi ti:
“Okamati! Wa mono omumati!”
16Na fe iilando mbyoka Omuwa a hanagula po pwaa na ohenda.
Ongula na uve onkugo yuuwehame
nonkalu moshanga shomutenya,
17oshoka ina dhipagela ndje mela lyameme.
Ando oshivalelo shameme sha ningi ombila yandje
nela lye ondjugo yandje sigo aluhe!
18Omolwashike nda zi mo moshivalelo shameme,
ndi mone iihuna nuudhigu mbu
nondi hulithile omwenyo gwandje mohoni?
Currently Selected:
JEREMIA 20: ONDB
Highlight
Copy
Compare
Share
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.
JEREMIA 20
20
Jeremia naPashhur
1Omuyambi Pashhur yaImmer, ngoka a li omutonateli omukuluntu gwotempeli, sho u uvu tandi uvitha iinima mbika, 2okwa ti, nandi dhengwe nokutulwa moonkandja posheelo shopombanda shaBenjamin motempeli. 3Ongula sho kwa shi, Pashhur okwa mangululitha ndje nonde mu lombwele nda ti: “Omuwa ite ku luku we Pashhur, ote ku ithana Magor Missabib. 4Omuwa mwene okwa ti: ‘Otandi ku ningi oshihaluthi kungoye mwene nokookuume koye, noto ke ya tala ayehe taa dhipagwa negongamwele lyaatondi. Aajuda ayehe otandi ya gandja miikaha yomukwaniilwa gwaBabilon; ota ka fala yamwe po aapongekwa koshilongo she nayamwe ote ya dhipaga po. 5Otandi ka etha aatondi ya yuge po uuyamba auhe woshilando shika nokukwata iilikolwa nolutumbo aluhe lwasho, nokuli nomaliko gaakwaniilwa yaJuda, e taye ga fala kuBabilon. 6Nangoye Pashhur naanegumbo yoye ayehe otamu ka kwatwa po notamu ka falwa kuBabilon. Oko to ka sila e to fumvikwa pamwe nookuume koye ayehe, oyo tuu mboka wa lombwele iifundja oyindjiyindji.’ ”
Jeremia ta nyenyetele Omuwa
7Omuwa, ongoye wa kotokele ndje, nonda kotokelwa.
Ongoye omunankondo u vule ndje,
owa gwililile ndje po.
Shaa ngoka ota ningi ndje oshipwedhela,
otaa nyonkele ndje omutenya aguhe.
8Nge tandi popi,
ondi na okwiigidha tandi kololoka te ti: “Eyugo! Ehanagulo!”
Omuwa, otandi yolwa nonda nyemwa,
uuna tandi uvitha oohapu dhoye.
9Ihe nge te ti: “Otandi dhimbwa, ite popi we medhina lye,”
nena etumwalaka lyoye olya fa omulilo gwa hwama meni lyandje.
Onde gu idhidhimikile,
ihe ine vula okumwena.
10Ondu uvite, ayehe taa nongona taa ti:
“Omahalutho akuhe! Natu ke mu popyeni kaambala!”
Nookuume kandje oya langela ndje taa ti:
“Pamwe tatu mu tula muugoya, nena otatu mu kwata
e tatu polithile ondjahi yetu muye.”
11Ihe, Omuwa, ongoye u li pamwe nangame,
omunankondo nomunamatha;
aatidhagani yandje otaa ka punduka
yo itaa vulu sha.
Otaa ka sithwa ohoni sigo aluhe,
oshoka itaa ka tompola sha.
Ohoni yawo itayi ka dhimbiwa.
12Ihe, Omuwa Omunankondoawike, oto yeleke aayuuki;
owa tseya shoka shi li momitima nomomatedho gawo.
Pitika ndje ndi tale, sho to geele aatondi yandje,
oshoka ondi ikalitha miikaha yoye.
13Imbileni Omuwa!
Hambeleleni Omuwa!
Oye ha yululula omuhepekwa miikaha yaakolokoshi.
14Esiku nda valwa nali thingwe!
Esiku ndyoka meme a vala ndje inali yambekwa!
15Ethingano nali adhe omuntu ngoka a nyanyudha tate pombanda,
sho e mu etele onkundana tayi ti:
“Okamati! Wa mono omumati!”
16Na fe iilando mbyoka Omuwa a hanagula po pwaa na ohenda.
Ongula na uve onkugo yuuwehame
nonkalu moshanga shomutenya,
17oshoka ina dhipagela ndje mela lyameme.
Ando oshivalelo shameme sha ningi ombila yandje
nela lye ondjugo yandje sigo aluhe!
18Omolwashike nda zi mo moshivalelo shameme,
ndi mone iihuna nuudhigu mbu
nondi hulithile omwenyo gwandje mohoni?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.