HESEKIEL 42
42
Omatungo popepi notempeli
1Omulumentu okwa fala ndje kehale enene e tu ukitha ndje metungo lyokuumbangalantu wotempeli, popepi netungo lyokuuninginino wotempeli. 2Etungo ndika olya li oometa omilongo ntano momutaandelelo noometa omilongo mbali nantano momutamo. 3Kombinga yimwe olya taalela kehala lyomwaka lyoometa omulongo momutamo lya kunkula otempeli, nokombinga onkwawo olya taalela kolupanda lwehale enene. Olya li lya tungwa moontala ndatu dha londathana, shaa ndjoka oyi vulike konkwawo. 4Kombinga yokuumbangalantu wetungo ndika okwa li omukala gwoometa ntano momutamo noometa ntano momukokomoko, niiyelo oya taalela kuumbangalantu. 5Omala gopombanda yetungo oga li omashona momutamo ge vulike kungoka gopokati nogopevi, oshoka omikala odhe ga kutha ehala. 6Etungo ndika lyoontala ndatu olya li lyaa na oongudhi ngaashi ngoka gokehale, onkee omala galyo gopombanda oga li omashona momutamo ge vulike kungoka gomontala yopokati, naangoka oge vulike komala gopevi. 7-8Pevi momukokomoko gwoometa omilongo mbali nantano mekuma kamwa li nando omala, momukokomoko omukwawo gwoometa omilongo mbali nantano omwa li omala. Montala yopombanda omala oga li momukokomoko aguhe gwetungo. 9-10Kohi yomala gaali gopombanda kuuzilo, mpoka ekuma lya tameka, okwa li osheelo shu uka kehale enene.
Kombinga yuumbugantu wotempeli, popepi netungo lyokuuninginino wayo okwa li etungo lya faathana naandyoka lyokuumbangalantu. 11Komeho gomala getungo okwa li omukala gwa fa ngoka gwokuumbangalantu. Moku dhi yeleka odhi thike pamwe, dhi na omufanekelo gumwe nomiyelo dha faathana. 12Kohi yomala gokombinga yokuumbangalantu wetungo kuuzilo, mpoka ekuma lya tameka, okwa li osheelo.
13Omulumentu okwa lombwele ndje a ti: “Omatungo ngoka agehe gaali omayapuki. Aayambi mboka haa holoka koshipala shOmuwa, otaa lile mo omayambo omayapukilela. Oshoka oongulu ndhika oondjapuki, aayambi ohaa tula omayambo omayapukilela muka: oondjambo dhiikulya, omayonondjambo noondjondjambo. 14Uuna aayambi taa zi motempeli noya hala okuya kehale enene, oye na okuthiga moongulu ndhika oonguwo oondjapuki ndhoka ya li ya zala, sho ya li meyakulo lyOmuwa. Oye na okuzala oonguwo dhilwe, nge taa piti mo ya ye kehale hoka haku gongala aantu.”
Okuyeleka eha lyotempeli
15Omulumentu sho a mana okuyeleka meni lyotempeli, okwa pititha ndje mo twa pitile momweelo gwokuuzilo, nokwa yeleke eha lyotempeli. 16Okwa kutha oshiyelekithoshiti e ta yeleke ombinga yokuuzilo, noya li oometa 250. 17-19Opo ihe okwa yeleke ombinga yokuumbangalantu, ombinga yokuumbugantu nombinga yokuuninginino; ombinga kehe oya li yi na omukoka gu thike pamwe, oometa 250. 20Ekuma oli thike poometa 250 koombinga adhihe. Ekuma olya yoolola shoka oshiyapuki kwaashoka shaa shi oshiyapuki.
Currently Selected:
HESEKIEL 42: ONDB
Highlight
Copy
Compare
Share
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.
HESEKIEL 42
42
Omatungo popepi notempeli
1Omulumentu okwa fala ndje kehale enene e tu ukitha ndje metungo lyokuumbangalantu wotempeli, popepi netungo lyokuuninginino wotempeli. 2Etungo ndika olya li oometa omilongo ntano momutaandelelo noometa omilongo mbali nantano momutamo. 3Kombinga yimwe olya taalela kehala lyomwaka lyoometa omulongo momutamo lya kunkula otempeli, nokombinga onkwawo olya taalela kolupanda lwehale enene. Olya li lya tungwa moontala ndatu dha londathana, shaa ndjoka oyi vulike konkwawo. 4Kombinga yokuumbangalantu wetungo ndika okwa li omukala gwoometa ntano momutamo noometa ntano momukokomoko, niiyelo oya taalela kuumbangalantu. 5Omala gopombanda yetungo oga li omashona momutamo ge vulike kungoka gopokati nogopevi, oshoka omikala odhe ga kutha ehala. 6Etungo ndika lyoontala ndatu olya li lyaa na oongudhi ngaashi ngoka gokehale, onkee omala galyo gopombanda oga li omashona momutamo ge vulike kungoka gomontala yopokati, naangoka oge vulike komala gopevi. 7-8Pevi momukokomoko gwoometa omilongo mbali nantano mekuma kamwa li nando omala, momukokomoko omukwawo gwoometa omilongo mbali nantano omwa li omala. Montala yopombanda omala oga li momukokomoko aguhe gwetungo. 9-10Kohi yomala gaali gopombanda kuuzilo, mpoka ekuma lya tameka, okwa li osheelo shu uka kehale enene.
Kombinga yuumbugantu wotempeli, popepi netungo lyokuuninginino wayo okwa li etungo lya faathana naandyoka lyokuumbangalantu. 11Komeho gomala getungo okwa li omukala gwa fa ngoka gwokuumbangalantu. Moku dhi yeleka odhi thike pamwe, dhi na omufanekelo gumwe nomiyelo dha faathana. 12Kohi yomala gokombinga yokuumbangalantu wetungo kuuzilo, mpoka ekuma lya tameka, okwa li osheelo.
13Omulumentu okwa lombwele ndje a ti: “Omatungo ngoka agehe gaali omayapuki. Aayambi mboka haa holoka koshipala shOmuwa, otaa lile mo omayambo omayapukilela. Oshoka oongulu ndhika oondjapuki, aayambi ohaa tula omayambo omayapukilela muka: oondjambo dhiikulya, omayonondjambo noondjondjambo. 14Uuna aayambi taa zi motempeli noya hala okuya kehale enene, oye na okuthiga moongulu ndhika oonguwo oondjapuki ndhoka ya li ya zala, sho ya li meyakulo lyOmuwa. Oye na okuzala oonguwo dhilwe, nge taa piti mo ya ye kehale hoka haku gongala aantu.”
Okuyeleka eha lyotempeli
15Omulumentu sho a mana okuyeleka meni lyotempeli, okwa pititha ndje mo twa pitile momweelo gwokuuzilo, nokwa yeleke eha lyotempeli. 16Okwa kutha oshiyelekithoshiti e ta yeleke ombinga yokuuzilo, noya li oometa 250. 17-19Opo ihe okwa yeleke ombinga yokuumbangalantu, ombinga yokuumbugantu nombinga yokuuninginino; ombinga kehe oya li yi na omukoka gu thike pamwe, oometa 250. 20Ekuma oli thike poometa 250 koombinga adhihe. Ekuma olya yoolola shoka oshiyapuki kwaashoka shaa shi oshiyapuki.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.