DEUTERONOMIUM 29
29
Ehangano lyOmuwa naIsrael mevi lyAamoabi
1Ndhika odho oohapu dhehangano ndyoka Omuwa a lombwele Moses e li dhike nAaisraeli mevi lyAamoabi; adhihe ndhika odha gwedhwa kehangano ndyoka Omuwa a hangana nayo pondundu Sinai.
2Moses okwa hiya Aaisraeli ayehe e ta ti kuyo: “Omwa mono nomeho geni shoka Omuwa a ningile omukwaniilwa gwaEgipiti, omalenga ge noshilongo she ashihe. 3Omwa mono omageelo omatilithi, iilongandhindhiliko niinyengandunge mbyoka Omuwa a tsakanitha. 4Ihe sigo onena Omuwa ine mu pa omutima gwokuuva ko, omeho gokumona ko nomakutsi gokuuva ko. 5Omuwa okwe mu enditha omimvo omilongo ne mombuga, noonguwo dheni inadhi kulupa noongaku dheni inadhi nyanyuka po. 6Inamu lya oshikwiila nenge mu nwe omaviinu nenge omalovu, ihe Omuwa okwe mu kongele iipalutha, opo e mu longe kutya oye Kalunga keni. 7Sho twa thiki peha mpaka, Sihon, omukwaniilwa gwaHeshbon, naOg, omukwaniilwa gwaBaasha, oya piti mo ye ya ye tu kondjithe. Ihe otwe ya sindi 8e tatu kutha po evi lyawo e tatu li topolele omazimo gaRuben naGad netatazimo lyaManasse. 9Vulikeni shili komautho agehe gehangano ndika, opo mu kale mu na elago mwaayihe tamu yi ningi.
10“Nena omwa thikama mpaka koshipala shOmuwa Kalunga keni, ne amuhe — aawiliki yeni nomalenga, aasamane yeni, 11aakulukadhi yeni, aana yeni naakwiilongo mboka ya kala mokati keni haye mu tyayele iikuni noku mu tekela omeya. 12Omu li mpaka nena, mu ye mehangano ndyoka Omuwa Kalunga keni ta hangana nane nokugana, 13opo Omuwa a wape oku mu taamba oshigwana she nokuninga Kalunga keni, ngaashi e shi mu uvanekele noohokulu Abraham, Isak naJakob. 14Hane amuke Omuwa ta hangana nane ehangano ndika nokugana. 15Ota hangana natse atuhe mbaka twa thikama nena mpaka koshipala she nonomaluvalo getu ngoka inaaga valwa natango.
16“Otamu dhimbulukwa okukala kwetu muEgipiti nokweenda mokati kiigwana mbika. 17Omwa mono iimenka yawo yi nyanyalitha ya ningwa miiti, momamanya, moshisiliveli nomoshingoli. 18Kotokeni, pwaa kale omulumentu nenge omukiintu, egumbo nenge ezimo lya thikama mpaka nena, tali pilamene Omuwa Kalunga ketu noku ka longela iikalunga yaapagani. Oshinima sha tya ngeyi osha fa omudhi tagu tsapuka oshigwanga shuuzigo uululu. 19Kotokeni, pwaa kale omuntu ta pulakene omakumagidho ngaka, ihe natango oti itompo kutya ayihe otayi mu opalele, nando oye omutangalali mondjila ye. Shika otashi mu hanagula po amuhe, aawanawa naawinayi. 20Omuwa ita dhimine po omuntu a tya ngaaka. Ondjahi yOmuwa otayi mu hwamene, niiponga ayihe ya nyolelwa membo ndika, otayi ke mu undulilwa, sigo Omuwa e mu kombo po. 21Omuwa ote mu ningi oshiholelwa mokati komazimo gaIsrael e te mu undulile iiponga yomathingano mehangano ndika ga nyolelwa membo ndika lyompango yOmuwa.
22“Momapipi gokomeho oluvalo lweni naakwiilongo taa zi komavi gokokule, otaa ka tala iiponga nomahepeko ngoka Omuwa a tula mevi lyeni. 23Omapya otaga ka mbugala ga siikilwa kosulufuli noshimongwa; itamu kunwa sha, noitamu mene omwiidhi. Evi lyeni otali ka fa iilando Sodom naGomorra, Adma naZebojim, mbyoka Omuwa e yi yonagula po, sho a li a geya noonkondo. 24Nena uuyuni auhe otau ka pula tau ti: ‘Omolwashike Omuwa a ningile ngeyi oshilongo shika? Ondunge yondjahi ndjoka ontilithi otayi ti naanaa ngiini?’ 25Eyamukulo otali ka kala: ‘Omolwashoka aantu yOmuwa oye etha ehangano ndyoka ya hangana naye, Kalunga koohekulu, sho e ya tembudha muEgipiti. 26Oya longele ookalunga yalwe, mboka inaaye ya longela nale, iikalunga mbyoka Omuwa e yi ya indike yaaye yi longele. 27Nomolwashoka Omuwa a geele oshigwana she e te shi undulile iiponga ayihe mbika ya nyolelwa membo ndika. 28Omuwa okwa geye noonkondo, nondjahi ye onene oye ya nakula mo mevi lyawo e tayi ya umbile mevi ekwiilongo, moka ye li sigo onena.’
29“Ope na iinima yimwe mbyoka Omuwa Kalunga ketu e yi holeka; ihe okwa holola ompango ye, natse nomaluvalo getu otu na okuvulika kuyo aluhe sigo aluhe.”
Currently Selected:
DEUTERONOMIUM 29: ONDB
Highlight
Copy
Compare
Share
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.
DEUTERONOMIUM 29
29
Ehangano lyOmuwa naIsrael mevi lyAamoabi
1Ndhika odho oohapu dhehangano ndyoka Omuwa a lombwele Moses e li dhike nAaisraeli mevi lyAamoabi; adhihe ndhika odha gwedhwa kehangano ndyoka Omuwa a hangana nayo pondundu Sinai.
2Moses okwa hiya Aaisraeli ayehe e ta ti kuyo: “Omwa mono nomeho geni shoka Omuwa a ningile omukwaniilwa gwaEgipiti, omalenga ge noshilongo she ashihe. 3Omwa mono omageelo omatilithi, iilongandhindhiliko niinyengandunge mbyoka Omuwa a tsakanitha. 4Ihe sigo onena Omuwa ine mu pa omutima gwokuuva ko, omeho gokumona ko nomakutsi gokuuva ko. 5Omuwa okwe mu enditha omimvo omilongo ne mombuga, noonguwo dheni inadhi kulupa noongaku dheni inadhi nyanyuka po. 6Inamu lya oshikwiila nenge mu nwe omaviinu nenge omalovu, ihe Omuwa okwe mu kongele iipalutha, opo e mu longe kutya oye Kalunga keni. 7Sho twa thiki peha mpaka, Sihon, omukwaniilwa gwaHeshbon, naOg, omukwaniilwa gwaBaasha, oya piti mo ye ya ye tu kondjithe. Ihe otwe ya sindi 8e tatu kutha po evi lyawo e tatu li topolele omazimo gaRuben naGad netatazimo lyaManasse. 9Vulikeni shili komautho agehe gehangano ndika, opo mu kale mu na elago mwaayihe tamu yi ningi.
10“Nena omwa thikama mpaka koshipala shOmuwa Kalunga keni, ne amuhe — aawiliki yeni nomalenga, aasamane yeni, 11aakulukadhi yeni, aana yeni naakwiilongo mboka ya kala mokati keni haye mu tyayele iikuni noku mu tekela omeya. 12Omu li mpaka nena, mu ye mehangano ndyoka Omuwa Kalunga keni ta hangana nane nokugana, 13opo Omuwa a wape oku mu taamba oshigwana she nokuninga Kalunga keni, ngaashi e shi mu uvanekele noohokulu Abraham, Isak naJakob. 14Hane amuke Omuwa ta hangana nane ehangano ndika nokugana. 15Ota hangana natse atuhe mbaka twa thikama nena mpaka koshipala she nonomaluvalo getu ngoka inaaga valwa natango.
16“Otamu dhimbulukwa okukala kwetu muEgipiti nokweenda mokati kiigwana mbika. 17Omwa mono iimenka yawo yi nyanyalitha ya ningwa miiti, momamanya, moshisiliveli nomoshingoli. 18Kotokeni, pwaa kale omulumentu nenge omukiintu, egumbo nenge ezimo lya thikama mpaka nena, tali pilamene Omuwa Kalunga ketu noku ka longela iikalunga yaapagani. Oshinima sha tya ngeyi osha fa omudhi tagu tsapuka oshigwanga shuuzigo uululu. 19Kotokeni, pwaa kale omuntu ta pulakene omakumagidho ngaka, ihe natango oti itompo kutya ayihe otayi mu opalele, nando oye omutangalali mondjila ye. Shika otashi mu hanagula po amuhe, aawanawa naawinayi. 20Omuwa ita dhimine po omuntu a tya ngaaka. Ondjahi yOmuwa otayi mu hwamene, niiponga ayihe ya nyolelwa membo ndika, otayi ke mu undulilwa, sigo Omuwa e mu kombo po. 21Omuwa ote mu ningi oshiholelwa mokati komazimo gaIsrael e te mu undulile iiponga yomathingano mehangano ndika ga nyolelwa membo ndika lyompango yOmuwa.
22“Momapipi gokomeho oluvalo lweni naakwiilongo taa zi komavi gokokule, otaa ka tala iiponga nomahepeko ngoka Omuwa a tula mevi lyeni. 23Omapya otaga ka mbugala ga siikilwa kosulufuli noshimongwa; itamu kunwa sha, noitamu mene omwiidhi. Evi lyeni otali ka fa iilando Sodom naGomorra, Adma naZebojim, mbyoka Omuwa e yi yonagula po, sho a li a geya noonkondo. 24Nena uuyuni auhe otau ka pula tau ti: ‘Omolwashike Omuwa a ningile ngeyi oshilongo shika? Ondunge yondjahi ndjoka ontilithi otayi ti naanaa ngiini?’ 25Eyamukulo otali ka kala: ‘Omolwashoka aantu yOmuwa oye etha ehangano ndyoka ya hangana naye, Kalunga koohekulu, sho e ya tembudha muEgipiti. 26Oya longele ookalunga yalwe, mboka inaaye ya longela nale, iikalunga mbyoka Omuwa e yi ya indike yaaye yi longele. 27Nomolwashoka Omuwa a geele oshigwana she e te shi undulile iiponga ayihe mbika ya nyolelwa membo ndika. 28Omuwa okwa geye noonkondo, nondjahi ye onene oye ya nakula mo mevi lyawo e tayi ya umbile mevi ekwiilongo, moka ye li sigo onena.’
29“Ope na iinima yimwe mbyoka Omuwa Kalunga ketu e yi holeka; ihe okwa holola ompango ye, natse nomaluvalo getu otu na okuvulika kuyo aluhe sigo aluhe.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.