ರೊಮಾಪುರ ವಳಕ
ವಳಕ
ರೊಮಾಪುರನು ಪುಸ್ತಕ ಅಪೊಸ್ತಲ ಥಯಲ ಪೌಲಾ ಬರ್ದಲ ವಸೆ. ಎ ಪುಸ್ತಕ ಯೆಸು ಕ್ರಿಸ್ತ ಹುಟ್ಟಲ್ಪರ 54-58 ವರಕ್ಹನಾ ವಚ್ಮಾ಼ ಬರ್ದಲ ಪೌಲಾ ರೊಮಾಪುರೆ ಗಯೊ ನ್ಹೊತೊ. ತಿನಾಹುತಿ ಎ ಬುಕ್ಕನಾ ಮುಕಾಂತರ ರೊಮಾಮ ರ‍್ಹಯಲ ಕ್ರಿಸ್ತವಾಲಾವೊನೆ ಸಲಹೆ ದಿವಾನಾ ಹುತಿ ಎ ಪತ್ರ ಬರ್ದ್ಯೊ. ಯೆಹುದಿಯೊನೆ ವರಿ ಯೆಹುದಿ ನೈ ರ‍್ಹಯಲ ಮನಕ್ಹೊನೆ ಎ ಪತ್ರ ಕೊರಿಂಥ ಗಾಮ್ತೊ ಬರ್ದ್ಯೊ. ತೆ ಟೈಮ್ಮಾ ತೆ ತ್ಯಾ ವ್ಹತ್ತೊ. ಪೌಲಾ ಕಾ ಬರ್ದ್ಯೊಸ ಕದ್ಯಾಮ ಕ್ಹಾರಾ ದೆಶವಾಲಾ ಯೆಸುಪರ ಬರೊಕ್ಹೊ ಕರಾನಾಹುತಿ ವರಿ ಪಾಲ್ಸಿನ ಜೌ಼ ಕೈನ 16:26
ರೊಮಾಪುರ ಪತ್ರ ಕ್ಹಾರಾ ಕ್ರೈಸ್ತರೊನೆ ಘನ್ನು ಖಾಸ ವ್ಹೈ. ಎ ಕ್ಹಾರಿ ಜ಼ಗಾವೊಪರ ವರಿ ಕ್ಹಾರಾ ಟೈಮಾ ಕಾಕದ್ಯಾಮ ಪೌಲಾ ಚೊ಼ಕು ವರಿ ಸ್ಪಷ್ಟ ಥೈನ ಯೆಸು ಕ್ರಿಸ್ತನಾ ಮುಕಾಂತರ ರಕ್ಷಣೆ ಕವಾನು ಪಡ್ದಿಲಿಯೆಸ ಕೈ ಸ್ಪಷ್ಟ ಕ್ಹರಿ ರ‍್ಹಯಲ ಕದ್ಯೊ. ಪೌಲನೆ ಯೆಸು ಕ್ರಿಸ್ತ ಸುವಾರ್ತೆ ಹಳೆ ಒಡಂಡಿಕೆನೆ ಮಳಾಯಲ ಛೆ. ಕೆಕ್ಲಾ ಕೆ ಶಾಣ್ಯಾ ಮನಕ್ಹೊ ಎ ಪತ್ರಮಾ ಖಾಸ ರ‍್ಹಯಲ ವಾಕ್ಯಾ 1:16 ಕೈನ ಕವಸ. ಎ ವಾಕ್ಯಾ ಅಮ ಕವಸ ಸುವಾರ್ತೆನಾ ಹುತಿ ಮಿ ಸರಮತೊ ನೈ ತೆ ಸುವಾರ್ತೆ ಕ್ಹುದಾನಿ ತಾಕತ ವ್ಹೈ. ಪೈಲಾ ಯೆಹುದಿಯೊನೆ ಪಾಚಾ಼ತಾ ಗ್ರಿಕವಾಲಾವೊನೆ. ವ್ಹೈ ಕೈನ ಬರೊಕ್ಹೊ ಕರಾಲಾವೊನೆ ರಕ್ಷಣೆ ಕರಾ ವರಕ್ಹು ವ್ಹೈ. ಪೈಲಾನಿ ಭಾಗ ರೊಮ 1:12 ರ‍್ಹಯಲ ದೈವ ಶಾಸ್ತ್ರ ವ್ಹೈ. ಬೆವಾ ಭಾಗಮಾ (13-15) ಕ್ರೈಸ್ತನು ಜಿವ್ನಾ ಕರಾನಾ ಹುತಿ ಚಾ಼ಯೆ ಥಯಲ ಸಲಹೆ ದಿದ್ಯೊ.
ಪಿಠಿಕೆ
1 ಪೌಲಾ ಪತ್ರ ಬರದತಾಮಾ ಪೈಲಾ ವಳಕ ಕರಸ. ವರಿ ಕಿನೆ ಬರ್ದ್ಯೊಸ. ಕವಾನು ದೆಕಾಡಿನ ದಿವಸ.
2 ತೆ ಥಯಲ್ಪರ ಮಾನವ ಕುಲ ನು ಸಂತತಿನೆ ವರಿ ಯೆಸು ಕ್ರಿಸ್ತನಾ ಮುಕಾಂತರ ರಕ್ಷಣೆ ಸಾದ್ಯ ಛೆ ಕೈನ ಕವಾನು ದೆಕಾಡಿನ ದಿವಸ. 1:16—11:36
3 ತೆ ಥಯಲ್ಪರ ಕ್ರೈಸ್ತನಿ ಜಿವ್ನಾ ಕರಾನಾ ಹುತಿ ಚಾ಼ಯೆ ಥಯಲ ಪ್ರಯೊಜಕ ಸಲಹೆ ದಿವಸ. 12:1—15:13
4 ತೆ ರೊಮಮಾ ರ‍್ಹಯಲ ಸಭೆನಾ ಮನಕ್ಹೊನೆ ವಂದನೆ ಕರತಾ ಎ ಪುಸ್ತಕ ಪುರಾ ಕರಸ. 16
Currently Selected:
ರೊಮಾಪುರ ವಳಕ: Srr25
Highlight
Share
Copy
Want to have your highlights saved across all your devices? Sign up or sign in
The Sikkiligar Bible © The Word for the World International and Sikkiligar Bhasha Samiti, Madhya Pradesh, 2025