Bilang 8
8
Ti Pagpauli manga Sulul-an
1Magkun ti Panginuun sa kan Muysis, 2“Sabiha nimu sa kan Aarun nu ipauli yi niya ti pitu ka sulu, kailangan ipauli niya inda sa magkarayawan sulu kanda palaulian.”
3Nakan binwat ngani inda ni Aarun; ipinauli niya ti manga sulu kay rayaw inda magrayaw sa kay palaulian, angay sa pag-isugu Panginuun sa kan Muysis. 4Ti kabuuhan palaulian sulu, ginan sa sirung tugka sa tungud buwat sa gintu angay sa mustara ipinakakit Panginuun sa kan Muysis.
Ti Pagtalaga sa manga Lahi ni Libi
5Magkun ti Panginuun sa kan Muysis, 6“Pablagan ti manga lahi ni Libi sa iba manga Israilita, ag lumpiyuha sida.#8:6 lumpiyuha sida: Kay ibug sabihun, buwatun sida karapat-dapat makiusa sa manga buruwatun panrilihiyun nida. 7Kaindaay kanmu lumumpiyu sa kanda: Widwisikan nimu sida danum panlumpiyu, ag kidkidan kanda buu bilug hanggan papipian kanda manga rutay. Bag-u di kilalan-un sida malumpiyu. 8Pagkatapus, padaraha nimu sida turiti baka hanggan marinu pag kalasi arina may lakay lana handug pagkilala sa Panginuun. Padaraha diman nimu sida usa waya ka turiti baka handug sa paglumpiyu.
9“Bag-u tipunun nimu ti tanan Israilita ag italaga kan Libi manga lahi sa atubangan Turda Taragbuan. 10Daran-a nimu ti manga lahi ni Libi sa kang atubangan ag ikupa manga Israilita kanda manga kamang sa ulu manga lahi ni Libi. 11Si Aarun ti mantalaga sa kanda sa kang atubangan bilang ipinablag pag handug#8:11 ipinablag pag handug: sa Hibriyu, handug pag-ipaabwat. ginan sa manga Israilita, hampay makasirbi sida sa kangku.
12“Pagkatapus, ikupa manga lahi ni Libi kanda manga kamang sa ulu duwa ka baka handug para sa kangku. Kay usa handug sa paglumpiyu ag kay usa handug pagsunugun, hampay mapatawad kanda manga kasalanan. 13Patindugan sida sa atubangan ni Aarun hanggan sa kay manga anak lalaki, bag-u italaga sida bilang ipinablag pag handug sa kangku. 14Sa katida pag paraan, mipablag nimu ti manga lahi ni Libi sa iba manga Israilita, ag kangku sida.
15“Nu malumpiyu yi nimu ti manga lahi ni Libi ag maitalaga sa kangku bilang ipinablag pag handug, makasirbi yi sida sa Turda Taragbuan. 16Sida pag manga Israilita ti ipinablag para sa kangku kailis tanan panganay anak lalaki manga Israilita. 17Dahil kangku ti kada panganay sa Israil, tawu man ngatay hayup. Pagka pinanmatay niku ti tanan panganay manga Ihipsiyu, ipinablag niku para sa kangku ti tanan panganay lalaki Israil. 18Ag bin-ul niku ti manga lahi ni Libi kailis tanan panganay lalaki Israil. 19Sa tanan Israilita, ti manga lahi ni Libi ti pinili niku mangawat sa kan Aarun hanggan sa kay manga anak lalaki. Mansirbi sida sa Turda Taragbuan para sa manga Israilita, ag mamuwat sida manga buruwatun para sa kapatawadan kasalanan manga Israilita, hampay unman may mangyari sa kanda nu pumakarani sida sa Turda Taragbuan.”
20Nakan itinalaga nida ni Muysis ni Aarun hanggan tanan Israilita ti manga lahi ni Libi angay sa pag-isugu Panginuun sa kan Muysis. 21Linumpiyu manga Libita kanda bilug ag pinipian nida kanda manga rutay. Pagkatapus, itinalaga sida ni Aarun sa atubangan Panginuun bilang ipinablag pag handug. Ag naghandug si Aarun para sa kapatawadan manga kasalanan nida, hampay masabi yi sida malumpiyu. 22Siyun ginan, nagsirbi yi ngani ti manga Libita sa Turda Taragbuan sa sirung pamamahala ni Aarun hanggan niya manga anak. Binwat nida tunda angay sa isinugu Panginuun sa kan Muysis.
23Magkun ti Panginuun sa kan Muysis, 24“Para sa manga lahi ni Libi inda pag manga surundanun: Umumpisa sumirbi sa Turda Taragbuan ti manga lahi ni Libi sa idad 25, 25ag umapas sida sa pagsirbi sa idad 50. Ag nu umapas#8:25 umapas: sa Tagalog, magretiro. yi sida, 26mahimu sida mangawat sa kaparihu nida Libita sa panab-anan pagsirbi bilang manugguwardiya sa Turda, dapat balaw yi sida mamuwat manga buruwatun sa Turda. Tunda ti manga surundanun manga lahi ni Libi kailangan kanmu ipatupad sa kanda.”
Currently Selected:
Bilang 8: HNN
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines
Bilang 8
8
Ti Pagpauli manga Sulul-an
1Magkun ti Panginuun sa kan Muysis, 2“Sabiha nimu sa kan Aarun nu ipauli yi niya ti pitu ka sulu, kailangan ipauli niya inda sa magkarayawan sulu kanda palaulian.”
3Nakan binwat ngani inda ni Aarun; ipinauli niya ti manga sulu kay rayaw inda magrayaw sa kay palaulian, angay sa pag-isugu Panginuun sa kan Muysis. 4Ti kabuuhan palaulian sulu, ginan sa sirung tugka sa tungud buwat sa gintu angay sa mustara ipinakakit Panginuun sa kan Muysis.
Ti Pagtalaga sa manga Lahi ni Libi
5Magkun ti Panginuun sa kan Muysis, 6“Pablagan ti manga lahi ni Libi sa iba manga Israilita, ag lumpiyuha sida.#8:6 lumpiyuha sida: Kay ibug sabihun, buwatun sida karapat-dapat makiusa sa manga buruwatun panrilihiyun nida. 7Kaindaay kanmu lumumpiyu sa kanda: Widwisikan nimu sida danum panlumpiyu, ag kidkidan kanda buu bilug hanggan papipian kanda manga rutay. Bag-u di kilalan-un sida malumpiyu. 8Pagkatapus, padaraha nimu sida turiti baka hanggan marinu pag kalasi arina may lakay lana handug pagkilala sa Panginuun. Padaraha diman nimu sida usa waya ka turiti baka handug sa paglumpiyu.
9“Bag-u tipunun nimu ti tanan Israilita ag italaga kan Libi manga lahi sa atubangan Turda Taragbuan. 10Daran-a nimu ti manga lahi ni Libi sa kang atubangan ag ikupa manga Israilita kanda manga kamang sa ulu manga lahi ni Libi. 11Si Aarun ti mantalaga sa kanda sa kang atubangan bilang ipinablag pag handug#8:11 ipinablag pag handug: sa Hibriyu, handug pag-ipaabwat. ginan sa manga Israilita, hampay makasirbi sida sa kangku.
12“Pagkatapus, ikupa manga lahi ni Libi kanda manga kamang sa ulu duwa ka baka handug para sa kangku. Kay usa handug sa paglumpiyu ag kay usa handug pagsunugun, hampay mapatawad kanda manga kasalanan. 13Patindugan sida sa atubangan ni Aarun hanggan sa kay manga anak lalaki, bag-u italaga sida bilang ipinablag pag handug sa kangku. 14Sa katida pag paraan, mipablag nimu ti manga lahi ni Libi sa iba manga Israilita, ag kangku sida.
15“Nu malumpiyu yi nimu ti manga lahi ni Libi ag maitalaga sa kangku bilang ipinablag pag handug, makasirbi yi sida sa Turda Taragbuan. 16Sida pag manga Israilita ti ipinablag para sa kangku kailis tanan panganay anak lalaki manga Israilita. 17Dahil kangku ti kada panganay sa Israil, tawu man ngatay hayup. Pagka pinanmatay niku ti tanan panganay manga Ihipsiyu, ipinablag niku para sa kangku ti tanan panganay lalaki Israil. 18Ag bin-ul niku ti manga lahi ni Libi kailis tanan panganay lalaki Israil. 19Sa tanan Israilita, ti manga lahi ni Libi ti pinili niku mangawat sa kan Aarun hanggan sa kay manga anak lalaki. Mansirbi sida sa Turda Taragbuan para sa manga Israilita, ag mamuwat sida manga buruwatun para sa kapatawadan kasalanan manga Israilita, hampay unman may mangyari sa kanda nu pumakarani sida sa Turda Taragbuan.”
20Nakan itinalaga nida ni Muysis ni Aarun hanggan tanan Israilita ti manga lahi ni Libi angay sa pag-isugu Panginuun sa kan Muysis. 21Linumpiyu manga Libita kanda bilug ag pinipian nida kanda manga rutay. Pagkatapus, itinalaga sida ni Aarun sa atubangan Panginuun bilang ipinablag pag handug. Ag naghandug si Aarun para sa kapatawadan manga kasalanan nida, hampay masabi yi sida malumpiyu. 22Siyun ginan, nagsirbi yi ngani ti manga Libita sa Turda Taragbuan sa sirung pamamahala ni Aarun hanggan niya manga anak. Binwat nida tunda angay sa isinugu Panginuun sa kan Muysis.
23Magkun ti Panginuun sa kan Muysis, 24“Para sa manga lahi ni Libi inda pag manga surundanun: Umumpisa sumirbi sa Turda Taragbuan ti manga lahi ni Libi sa idad 25, 25ag umapas sida sa pagsirbi sa idad 50. Ag nu umapas#8:25 umapas: sa Tagalog, magretiro. yi sida, 26mahimu sida mangawat sa kaparihu nida Libita sa panab-anan pagsirbi bilang manugguwardiya sa Turda, dapat balaw yi sida mamuwat manga buruwatun sa Turda. Tunda ti manga surundanun manga lahi ni Libi kailangan kanmu ipatupad sa kanda.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines