Bilang 30
30
Ti manga Surundanun sa Taratu
1Magkun si Muysis sa manga takinan linahi Israil, “Inda ti sugu Panginuun: 2Nu ti usa ka lalaki manaratu ngatay manumpa sa Panginuun, danga niya pagdauta kay taratu. Kailangan tupadun ti kada binagaw niya.
3“Nu ti usa ka daraga mag-uli waya sa balay niya ama manaratu ngatay manumpa sa Panginuun, 4sa mag-adnugan niya ama bag-u balaw siya inampara, kailangan tupadun niya tunda. 5Dapat nu inampara niya ama pagka naalaman niya tunda, balaw kailangan tupadun niya. Patawadun di siya Panginuun dahil inmampara kay ama.
6“Nu ti usa ka daraga manaratu ngatay manumpa buwatun niya ngatay unman ti usa ka bagay, bag-u nangasawa siya, una nadaldalian lang ngatay unman kay nanaratu, 7ag naalaman inda niya asawa dapat balaw nag-ampara, kailangan gid tupadun di niya kay taratu. 8Dapat nu nag-ampara sa kanya kay asawa pagka naalaman niya tunda, balaw kailangan tupadun niya, una waya nadaldalian ngatay unman, ag patawadun di siya Panginuun.
9“Nu ti usa ka babayi buranday ngatay tinayakan niya asawa mantaratu ngatay manumpa buwatun niya ngatay unman ti usa ka bagay, kailangan gid tupadun niya inda.
10“Nu ti usa ka babayi may asawa manataratu ngatay manumpa buwatun niya ngatay unman ti usa ka bagay, 11ag naalaman inda niya asawa dapat unman may iningay ag balaw nag-ampara, kailangan tupadun di niya tunda. 12Dapat nu umampara kay asawa pagka naalaman tunda, balaw yi niya kailangan tupadun. Patawadun di siya Panginuun dahil inmampara kay asawa. 13Kay asawa may karampatan magpasnu ngatay mag-ampara sa una hintay pag itinaratu niya ngatay isinumpa. 14Dapat nu balaw nag-ampara kay asawa sa tunda gid ngap pag sirang pagka naalaman niya tunda, pasnu kay asawa tupadun niya. 15Dapat nu pinalawuy waya niya asawa ti manga pira ka sirang bag-u di nag-ampara, kay asawa ti parusahan sa kay kasalanan.”
16Tunda ngani pag manga surundanun ti ipinakaun Panginuun sa kan Muysis tungkul sa babayi ag sa kay asawa, sa ama ag sa kay anak babayi sunu waya sa kay balay.
Currently Selected:
Bilang 30: HNN
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines
Bilang 30
30
Ti manga Surundanun sa Taratu
1Magkun si Muysis sa manga takinan linahi Israil, “Inda ti sugu Panginuun: 2Nu ti usa ka lalaki manaratu ngatay manumpa sa Panginuun, danga niya pagdauta kay taratu. Kailangan tupadun ti kada binagaw niya.
3“Nu ti usa ka daraga mag-uli waya sa balay niya ama manaratu ngatay manumpa sa Panginuun, 4sa mag-adnugan niya ama bag-u balaw siya inampara, kailangan tupadun niya tunda. 5Dapat nu inampara niya ama pagka naalaman niya tunda, balaw kailangan tupadun niya. Patawadun di siya Panginuun dahil inmampara kay ama.
6“Nu ti usa ka daraga manaratu ngatay manumpa buwatun niya ngatay unman ti usa ka bagay, bag-u nangasawa siya, una nadaldalian lang ngatay unman kay nanaratu, 7ag naalaman inda niya asawa dapat balaw nag-ampara, kailangan gid tupadun di niya kay taratu. 8Dapat nu nag-ampara sa kanya kay asawa pagka naalaman niya tunda, balaw kailangan tupadun niya, una waya nadaldalian ngatay unman, ag patawadun di siya Panginuun.
9“Nu ti usa ka babayi buranday ngatay tinayakan niya asawa mantaratu ngatay manumpa buwatun niya ngatay unman ti usa ka bagay, kailangan gid tupadun niya inda.
10“Nu ti usa ka babayi may asawa manataratu ngatay manumpa buwatun niya ngatay unman ti usa ka bagay, 11ag naalaman inda niya asawa dapat unman may iningay ag balaw nag-ampara, kailangan tupadun di niya tunda. 12Dapat nu umampara kay asawa pagka naalaman tunda, balaw yi niya kailangan tupadun. Patawadun di siya Panginuun dahil inmampara kay asawa. 13Kay asawa may karampatan magpasnu ngatay mag-ampara sa una hintay pag itinaratu niya ngatay isinumpa. 14Dapat nu balaw nag-ampara kay asawa sa tunda gid ngap pag sirang pagka naalaman niya tunda, pasnu kay asawa tupadun niya. 15Dapat nu pinalawuy waya niya asawa ti manga pira ka sirang bag-u di nag-ampara, kay asawa ti parusahan sa kay kasalanan.”
16Tunda ngani pag manga surundanun ti ipinakaun Panginuun sa kan Muysis tungkul sa babayi ag sa kay asawa, sa ama ag sa kay anak babayi sunu waya sa kay balay.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines